އިދިކޮޅު ޕާޓީތަކުގެ ޖަލްސާއެއް ކުނޫޒްގައި ކުރިއަށް ގެންދަނީ: ގާނޫނުތަކާ ފުށުއަރާ އަސާސީ ގަވާއިދުތައް ބަދަލުކުރަން އިލެކްޝަންސުން ވަނީ އަންގާފައި.
22 މެއި 2018 - 13:27
22 comments
ސިޔާސީ ޕާޓީތަކުގެ އަސާސީ ގަވާއިދު، ބައެއް ގާނޫނުތަކާ ފުށުއަރާ ކަމަށް ބުނެ، އެ ގަވާއިދު އިސްލާހު ކުރަން އިލެކްޝަންސް ކޮމިޝަނުން ޕާޓީތަކަށް އަންގައިފި އެވެ.
އެ ކޮމިޝަންގެ ރައީސް އަހްމަދު ޝަރީފް ސޮއިކުރައްވައި ޕާޓީތަކަށް ފޮނުވި ސިޓީގައި ބުނެފައި ވަނީ ބައެއް ޕާޓީތަކުގެ އަސާސީ ގަވާއިދުގެ މާއްދާތައް، ސިޔާސީ ޕާޓީތަކުގެ ގާނޫނާއި އެހެން ވެސް ބައެއް ގާނޫނުތަކާ ތައާރަޒުވާ ކަން ފާހަގަ ކުރެވިފައިވާ ކަމަށެވެ. އަދި ސިޔާސީ ޕާޓީތަކުގެ އަސާސީ ގަވާއިދު އޮންނަން ޖެހޭނީ، ގާނޫނުތަކާ އެއްގޮތްވާ ގޮތަށް ކަން އެ ކޮމިޝަނުން ވަނީ ހަނދާން ކޮށްދީފަ އެވެ.
އެ ކޮމިޝަނުން އެންގީ، އެއްވެސް ޕާޓީއެއްގެ އަސާސީ ގަވާއިދުގެ މާއްދާއެއް ސިޔާސީ ޕާޓީގެ ގާނޫނާ، ދިވެހިރާއްޖޭގައި ތަސްދީގު ކޮށްފައިވާ އެއްވެސް ގާނޫނެއްގެ މާއްދާއަކާ ފުށުއަރާ ނަމަ، އެ މާއްދާއެއް ބާތިލުވާނެ ކަމަށް ބަޔާންކޮށް އަސާސީ ގަވާއިދަށް މާއްދާއެއް އިތުރުކުރުމަށެވެ.
އަދި އަސާސީ ގަވާއިދަށް އެ އިސްލާހު ގެނައުމަށް ފަހު، އެ ކޮމިޝަނަށް ފޮނުވައިދޭން ވެސް އަންގާފައިވެ އެވެ.
އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ވިދާޅުވި ގޮތުގައި، މީގެ ކުރިން ވެސް އެތައް ފަހަރެއްގެ މަތިން ވާނީ، ޕާޓީތަކުގެ އަސާސީ ގަވާއިދު އިސްލާހު ކުރަން އަންގައިފަ އެވެ. އެ އެންގުމާ އެއްގޮތަށް ބައެއް ޕާޓީތަކުން އިސްލާހުކޮށްފައިވާ ކަން ވެސް އޭނާ ފާހަގަކުރެއްވި އެވެ.
"މިއީ، އަލަށް އިލެކްޝަންސް ކޮމިޝަނުން އަންގާ އެންގުމެއް ނޫން، ކުރީގެ ކޮމިޝަންތަކުން ވެސް ޕާޓީތަކަށް އަންގާފައި އެބައޮތް، އަސާސީ ގަވާއިދު އިސްލާހުކުރަން،" އަކްރަމް ވިދާޅުވި އެވެ.
ޕާޓީތަކުގެ އަސާސީ ގަވާއިދުގައި ބުނެފައިވާ ގޮތުގައި، އެ އަށް އިސްލާހެއް ގެނެވޭނީ ގައުމީ ޖަލްސާގަ އެވެ. އެހެންވެ، އެއްވެސް ޕާޓީއަކުން އަސާސީ ގަވާއިދު އިސްލާހު ކުރާ ނަމަ ގައުމީ ޖަލްސާ ބާއްވަން ޖެހެ އެވެ.
ސިޔާސީ ޕާޓީތަކުގެ އަސާސީ ގަވާއިދު އިސްލާހު ކުރަން އީސީން އަންގާފައި މިވަނީ، ރިޔާސީ އިންތިހާބަށް ޕާޓީތަކުގެ ރިޔާސީ ކެންޑިޑޭޓުން ކަނޑައަޅަމުން އަންނަނިކޮށެވެ. އެމްޑީޕީގެ ރިޔާސީ ޕްރައިމަރީ މި މަހު 30 ގައި ބާއްވަން ނިންމާފައިވާ އިރު، ޕާޓީތަކުގެ ޕްރައިމަރީ ކުރިއަށް ގެންދާނެ ގޮތާ ގުޅޭ ގޮތުން ވަނީ އުސޫލެއް އާއްމުކޮށްފަ އެވެ. އެ އުސޫލުގައިވާ ގޮތުން ނަމަ، 13 އަހަރުގެ ޖަލު ހުކުމާ ހެދި ޕްރައިމަރީގައި ވާދަ ކުރެއްވުމަށް ކުރީގެ ރައީސް މުހައްމަދު ނަޝީދުގެ ޝަރުތު ހަމައެއް ނުވެ އެވެ. އެކަމަކު ޕްރައިމަރީގައި ވާދަކުރެއްވީ އެ މަނިކުފާނު އެކަންޏެވެ.
އިލެކްޝަންސުން އާއްމުކޮށްފައިވާ އުސޫލާ ޚިލާފަށް ޕްރައިމަރީ ބާއްވާނަމަ، ބާތިލްކުރަން ޖެހިދާނެ ކަމުގެ އިންޒާރު ވެސް އެ ކޮމިޝަނުން ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑްމުންޑޯ
23 May 2018
ޔާމީނަށް ޕްރައިމެރީ އަކާ ނުލާ ޓިކެޓް ދިނުންވެސް ގާނޫނުތަކާއި ކިލާފް . ޕާޓީ ތަކުގެ ގާނޫނާއި ދުންޏަވީ އުސޫލް ތަކާވެސް ޚިލާފް
އަދީބު
23 May 2018
ތިކަމުގެ ފުރިހަމަ ޒިންމާ، ތިޔަ ޕާޓީތައް ރަޖިސްޓަރީ ކޮށްދިން ކޮމިޝަންތަކުން ނަގަން ޖެހޭނެ. ރަޖިސްޓަރީ ކޮށްދިން އިރު، އަސާސީ ޤަވާއިދު ރަނގަޅަށް ބެލި ނަމަ، އަދި އެވަރުގެ ވިސްނުމެއް ހުރި ބަޔަކު އެކަން ކުރަން ތިބި ނަމަ ތިމައްސަލައެއް ދިމާ ނުވީސް.
ޙުސެން
23 May 2018
ޝަރީފު ބޭކާރު ހާސަރު ނުދަމާ ގޮނޑީ އިނދެވޭތޯ ބަލާ. ޢަސާސީ ގަވާއިދަކީ ޕާޓީތަކުން ހަދާއެއްޗެއް. ބަދަލުގެންނަން ބޭނުންވީމަ ބަދަލުގެންނާނެ. ޕީޕީއެމުން ޕްރައިމަރީ ބާއްވަން މަޖުބޫރު ނުވާއިރު ދެން ކޮން ޕްރައިމަރީ ގަވާއިދެއް.
އަޖީތު
22 May 2018
ހުރިހާ ޕާޓީތަކުގެ ބައްޕަތަ މި އީސީ މިއީ؟
ޚިޔާލް123
22 May 2018
މިސަރީފް މިތަނަށް ލީވެސް ޕީ ޕީ އެމް ބޭނުންވާ ބައެއްކަންކަން އީސީގެ ތެރެއިން ހައްލުކުރާށެވެ.
ވޯލް
22 May 2018
ޕޕމ ގެ ޕްރައިމަރީ އަށް ނުބާވާތީ ޝަރީފްއަށް ނުކެރޭދޯ އެކަން ކުރަން އަންގާކަށް.
ޒުބޭރު
22 May 2018
ޝަރީފު ޙާދަ ވަރެއް ތި ވަނީ...އިންތިޚާބަށް ވާދަ ކުރަން ހުށަހެޅުމުން ޝަރުޠު ހަމަ ނުވާ ނަމަ ބަޠިލު ކޮށްލީމަ އެ ނިމުނީ.... ތި ހުރިހާ ކަމެއް ކުރާކަށް ނުޖެހޭ...
ރުޅި
22 May 2018
އަސާސީ ގަވާެއިދު ޕީޕީ ގައިނެތީމަތަ މުސްތަސާރެއް ޕާޓީ ހިންގަނީ.
ގުދު
22 May 2018
މިދެން ބޮޑުވަރު ދެއްތޯ. މުޅިންވެސް އަޅާފިޔަވަޅަށް ވިސްނައިގެން ގާނޫން ހެދުމާ ބަދަލުކުރުން ނޫންކަމެއް މި ބައިގަނޑަށް ކުރަންނޭގެ. ރައީސް ނަޝީދުކިޔާ ގާނޫނެއް ހދަންވީނު. އޭރުން ހުރިހާ ރޯނެއް ދަމާނީ އޭނަ ކަރުފިތޭހެނެއްނު
ޢަލިދީދީއައްޑޫސިޓީ
22 May 2018
އިލެކްޝަންސް ކަމިޝަނުން ވެސް އެބަޖެހޭ ސިޔާސީ ޕާޓީ އާއި ބެހޭ ޤާނޫނަށް ފުރިހަމަޔަށް ޢަމަލުކުރަން. ދައުލަތުގެ ބަޖެޓުން ސިޔާސީ ޕާޓީތަކަށް ދޭންޖެހޭ ފައިސާ މީލާދީ އަހަރުގެ އެންމެ ފުރަތަމަ 3 މަސް ނިމުމުގެ ކުރިން ޙަވާލު ނުކުރެވި އެވަނީ ޕާޓީތަކަށް ދަތިކުރުމުގެ ގޮތުން ނޫންބާ! އަސާސީ ޤަވާޢިދުގައި އޮތް ގޮތަށްބާ ޕީޕީއެމްގެ މުސްތަޝާރަށް މުޅި ޕާޓީ ހިބައިން ދެވުނީ. އެންމެ ފުރަތަމަ ޕީޕީ އެމް އިޞްލާޙު ކުރޭ! އެއީ ނޫންތޯ "އެންމެ ބިޔަ ބޮޑު ޕާޓީ" އަކީ. އެޕާޓީ އުޅޭ ގޮތަކަށް "ނިކަމެތި ކުދި ޕާޓީ" ތައް އުޅޭނީ. ކަންކަން އިޞްލާޙް ކުރަން އެދޭނަމަ ނަމޫނާ ދައްކަވާ!