ކުރީގެ ރައީސް މުހައްމަދު ނަޝީދު އެމްޑީޕީގެ ޖަލްސާއެއްގައި ވާހަކަ ދައްކަވަނީ: އިންތިހާބުގެ ކުރިން އިލެކްޝަންސް ކޮމިޝަން އަލުން އެކުލަވާލަން ޖެހޭ ކަމަށް ވިދާޅުވި. --ފޮޓޯ: އެމްޑީޕީ
28 މެއި 2018 - 15:05
12 comments
މި އަހަރުގެ ރިޔާސީ އިންތިޚާބުގައި އިދިކޮޅު ސިޔާސީ ޕާޓީތަކުން ބައިވެރިވާން ހުރަސްއަޅައި އިލެކްޝަންސް ކޮމިޝަނުން ރަތް ރޮނގު ހުރަސް ކޮށްފައިވާ ކަމަށް ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެ އެވެ.
އެމްޑީޕީގެ ރިޔާސީ ޕްރައިމަރީ އަށް ކުރިމަތިލައްވައި، ސްކައިޕް މެދުވެރިކޮށް ކުރައްވާ ކެމްޕޭންގައި އއ. އުކުޅަހު ރައްޔިތުންނާ ވާހަކަފުޅު ދައްކަވަމުން ނަޝީދު ވިދާޅުވީ ޕާޓީތަކަށް ނުފޫޒު ފޯރުވުން ހުއްޓުވަން މަސައްކަތް ކުރުމަކީ އެތައް ބައެއްގެ ނަޒަރުގައި އިލެކްޝަންސް ކޮމިޝަނުން ރަތް ރޮނގު ހުރަސް ކުރުން ކަމަށެވެ. އެކަން ބޭރުގެ ގައުމުތަކާއި ބައިނަލްއަގްވާމީ މުޖުތަމައަށް ވެސް ސާފު ކަމަށް ވިދާޅުވި އެވެ.
"އިލެކްޝަންސް ކޮމިޝަން އަލުން އަނބުރާ އެކުލަވާލުން މިއަދު ވަރަށް މުހިއްމު ވެއްޖެ. ދިވެހި ރައްޔިތުންގެ ޑިމޮކްރެޓިކް ޕާޓީގެ ފަރާތުން ދިވެހިރާއްޖޭގެ ރައްޔިތުންނަށް ވެސް އަދި ބައިނަލްއަގްވާމީ ފަރާތްތަކަށް ވެސް ގޮވާލަން، ދަންނަވަން، އެދެން ބޭނުން ވަނީ ރިޔާސީ އިންތިޚާބު ބަލަހައްޓައި ދިނުމަށް،" ނަޝީދު ވިދާޅުވި އެވެ.
އިލެކްޝަންސް ކޮމިޝަން އަލުން އެކުލަވައިލުމަށް ރައްޔިތުންގެ މަޖިލީސް ހުޅުވަން، މަޖިލިހުގެ ރައީސް އަބްދުﷲ މަސީހު ފުރުސަތު ދެއްވަން ޖެހޭ ކަމަށް ނަޝީދު ވިދާޅުވި އެވެ. އިލެކްޝަންސް ކޮމިޝަނުން ކަނޑައެޅިޔަސް އިދިކޮޅު 12 މެމްބަރުންގެ ގޮނޑިއެއް ނުގެއްލޭ ކަމަށާއި އެކަން ބަލައިގަންނަން ޖެހޭ ކަމަށް ރޭ ވެސް ވިދާޅުވި އެވެ.
ނަޝީދު ވިދާޅުވި ގޮތުގައި ރިޔާސީ ނިޒާމެއްގައި އެންމެ މުހިއްމު ސިފައަކީ ވެރިކަމުގެ ދައުރު ސާފުކޮށް ކަނޑައަޅާފައި އޮތުމެވެ. އިންތިޚާބު އޮންނާނެ މުއްދަތު ކުރިން އެނގޭ ގޮތަށް ގާނޫނުއަސާސީގައި ކަނޑައަޅާފައި ވަނީ ރައްޔިތުން އެ ދުވަހަށް ތައްޔާރުވާން ފުރުސަތު ދޭން ކަމަށް ވެސް ވިދާޅުވި އެވެ.
އިންތިޚާބަށް ރައްޔިތުން ތައްޔާރުކޮށް، އެހީތެރިވެދިނުމުގެ ޒިންމާ ގާނޫނުން މަތިކޮށްފައި ވަނީ ސިޔާސީ ޕާޓީތަކާ ކަން ނަޝީދު ފާހަގަކުރެއްވި އެވެ.
އިންތިޚާބަށް އެ ޕާޓީއަކުން ނެރޭނެ ކެންޑިޑޭޓާއި މެނިފެސްޓޯ އެކުލަވާލުމާއި ސިޔާސަތު ކަނޑައަޅަން ޕާޓީތަކަށް ފުރުސަތުދީފައިާ ކަމަށާއި އެމްޑީޕީ ހިންގަނީ އެ އުސޫލުން ކަމަށް ވެސް ނަޝީދު ވިދާޅުވި އެވެ.
އެމަނިކުފާނު ވިދާޅުވީ ރިޔާސީ އިންތިޚާބުގެ ކުރިން އިލެކްޝަންސް ކޮމިޝަން ނުފޫޒުން އެއްކިބާވެ، މިނިވަން، އިތުބާރު ހިފޭ، އަދި ގާނޫނީ ޒިންމާ އަދާކުރެވޭނެ ފަދަ މުއައްސަސާއަކަށް ވާން ޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތެދުވިޔާ ތެދު
28 May 2018
ރަތްރޮނގު ހުރަސްކުރުން އެއީ އިޒްރާއީލް ވެރިކަން ކުރާ ޔަހޫދީއަކު ބުނި އެއްޗެއް އީރާނާއި ދިމާއަށް ޔަހޫދީން ގެ ނުބައިކަމާއެވެ.
ދޮގުވިޔާ ދޮގު
28 May 2018
ރަތް ރޮނގު ހުރަސްކުރުން ފުރަތަމަ މީހަކު ބުނި އަޑު އިވިފައި ތިއޮތީ........ ތިއީ އިނގިރޭސި ބަހުން ވަރަށް އާންމުކޮށް ބޭނުންކުރާ ބަހެއް.........
ޢަންދޫ
28 May 2018
ގާނޫނާ ހިލާފް ވާހަކަ ދައްކަންޏާ ފިޔަވަޅު އެޅޭނެ. ހިތައް އައިހައި އެއްޗެއް ނުކިޔޭނެ. ހިތައްއެރި ކަމެއް ބޭނުން ވައްތަރަކަށް ހިތައް އައިހައި ގޮތަކަށް ނުކުރެވޭނެ. މީގާނޫނީ ވެރިކަމަކީ
އިންސާފު
28 May 2018
މަނިކުފާނު ކެމްޕެއިން ކުރައްވަން އެންމެ ފުރަތަމަ ގައުމަށް ވަޑައިގަންނަވާ. އެއަށް ފަހު ރަތް ރޮނގު ވާހަކަ ދައްކާނީ.
ރަދީފް
28 May 2018
ރަތް ރޮނގު ހުރަސް ނުކުރަނީ ދިވެހި އާދައިގެ ރައްޔަތުން އެކަނި.ދެން އެހެން ހުރިހާ ބަޔަކު އެކަންކުރިތާ ކިތަންމެ ދުވަހެއް.ރައްޔަތުން އެރޮނގުގަ ދަވާދު ހާކާނެ ވޯޓުން.ލެޓްސް ސީ.ވ.ވެދުން
ޝާއްނާ
28 May 2018
އިލެކްޝަންސްއިން އެންމެފަހުގެ ވޯރނިންގ އިއްޔެގާއި އޮންނަންވާނީ އެމްޑީޕީއަށް ފޮނުވާފައި ، އޭގައި އޮތްއެއްޗެއް އިނގޭނީ އެކީބަޔަކަށް ، ދެންއޮތީ އެމްޑީޕީގެ ޕްރައިމަރީ ކެންސަލް ކުރާނީ ނޫނީ ހުއްޓުވާނީ ކިހިނަކުންބާވައޭ ، ހެދިދާނެގޮތްތަކަކީ އިލެކްޝަންއިން ފުލުހަށް އަންގާ ފުލުހުން ކޯޓްއަމުރެއްގެ ދަށުން އެކަންކުރުން ، ނަމަވެސް އޭރުންވެސް ގައުމު ހަލަބޮލިވެ އެތަށްކަމެށްހިނގާނެ ، ޕްރައިމަރީ ބާޢްވަން އިނތިޒާމްކުރި މީސްމީހުން ހައްޔަރުކުރެވިދާނެ 2-3 ދުވަހަށް އޭރުންވެސް އެކަން ހުއްޓޭނެތާ ، ދެންއޮތި ދާއިމީހައްލަކީކޮބައިތޯ ؟ އެކަމެށްނެތޭ ވާކަށް ، އެއީ ސްޕްރީމްކޯޓްގެ ބެންޗް ފުރިހަމައެއްނޫން ، ވުމާޢިއެކު މިހާރު އަސްލުގައި ސަރުކާރު އެއޮތީ ތާށިވެފައި ، ސައިވެފައި ،، ޕްރައިމަރީގެ ކަންތަކުގައި ، އަޅުގަނޑު އެދެނީ ހުރިހާ އެމްޑީޕީން ނުކުމެ ވޯޓްއެޅުން ، އޭރުން ގަޓްހުރިބަޔަކު އެނގޭނީ،
ސުނިލް
28 May 2018
އެކަމަކު ޖަލުގަ އިން މުޖްރިމަކަށް ދައުލަތުގެ މުއައްސަސާއެއްކަމަށްވާ ސިޔާސީ ޕާޓީއެއްގެ ޕްރައިމަރީގައި ކިހިނެއްބައިވެރިވާނީ؟ ދެން މިގިލޮވަނީ ހުޅަގުގެ މަދަދަށް. ހުޅަގަކީ ދައުލަތެއް އޮތިއްޔާ އެ ދައުލަތެއް ސުންނާފަތިކޮށްލުމަށްފަހު ތެޔޮވަޅުތައް ވަށަިގެން އަމިއްލައަށް އުފައްދާ އައިއެސް ކިއުނު ގްރޫޕއް ބާވައްގައިގެން ތެޔޮ ވަގަށް ބޭރުކޮށް އޭގެ ބަދަލުގައި ވަގު ޑޮލަރ އައިއެސް ގުރޫޕް ތަކަށް މިލޔަނުންބަހައި ދައުލަތް އުފެދިނަ ނުދިނުމަށް އެރައް ކަމޭ ތި ހުޅަގުންކުރޭ އެގޮތަށް ދައުލަތް ބަގުރޫޓްކުރަން އެ ގޮވަނި
އަޖީތު
28 May 2018
އީސީ އަކީ ދަރުބާރު ފެކްޝަންގެ ގޮތްޕެއް.
ނުވާނެ
28 May 2018
ރައްޔިތުން ނެރެގެން އަމިއްލަ ޖާހު ބޮޑުކުރަން ނޫޅޭ
ސަމޭދާން
28 May 2018
އަޅެދެން!؟މީއަޖެއްނޫންތަ 13އަހަރުގެ ޖަލުހުމެއްކޮއްހުރި މީހަކައް ވެރިކަމައް ކުރިމަތި ލެވޭގޮތްވެއްޖެނަމަ ދެން އަދު އިންސާފާއި ގާނޫނު އެތަނެއްގަ އިންނާނީ ވަޅުޖަހާފައެވެ.ތޮއްޑޫ އަލީވަހީދު ބުނާހެން ފިލްމުގެ ބަތަލަކީވެސް ބަތަލާއަކީވެސް ޕުރޮޑިއުސަރ ޑައިރެކުޓަރަކީވެސް ހަމަ އެކެކެވެ.
ނުވާނެ
28 May 2018
ޢަންނި ތިޔަ އުޅޭ ގޮތް އަދި ކަމަކު ނުދޭ.. ފަނޑިޔާރު ގެއިން އަންނިއަށް ދިން އަދަބު ބޮޑު. އަންނި ކުޅަ ކަނތަކަށް އަދަބެއް ލިބެން ޖެހޭ. ރިޔާސީ އިންތިޚާބާށް ގަދަކަމުން ކުރިމަށްޗެއް ނުލެވޭނެ. ޢެ ފުރުސަތެއް ސަރުކާރުން ނުދޭނެ. ޢަދި ލިބުނަސް އެއްބުރުން ނުވެސް ހޮވޭނެ. ޢެހެންވީމާ ލަސްނުކޮށް ކޯލިޝަން ކެޑިޑޭޓެއް ހޮވާފަ ކެންޕޭން ބާރަށް ކުރިއައް ގެންދަންވީ.. ސިޔާސަ ނުވެ މިކަން އަވަހަށް ނިންމަން އުޅޭ!!