މަގާމުން ވަކިކޮށް ޖަލަށް ހުކުމްކުރި މިސްރުގެ ކުރީގެ އޮޑިޓާ ޖެނެރަލް ހިޝާމް ޖެނީނާ. --ފޮޓޯ:އޭއެފްޕީ
29 ޖުލައި 2016 - 17:40
11 comments
ގާހިރާ (ޖުލައި 29) - މިސްރު ސަރުކާރުގެ ކޮރަޕްޝަނުގެ ވާހަކަ ދެއްކުމުން މަގާމުން ވަކިކުރި އޮޑިޓާ ޖެނެރަލް، ސަރުކާރާ ބެހޭ ގޮތުން ދޮގު މަައުލޫމާތު ފެތުރި ކަމަށް ބުނެ ޖަލަށް ހުކުމްކޮށްފި އެވެ.
ރައީސް އަބްދުލް ފައްތާހު ސީސީ މިދިޔަ މާޗު މަހު ވަނީ އޮޑިޓާ ޖެނެރަލްގެ މަގާމުން ހިޝާމް ޖެނީނާ ވަކިކޮށްފަ އެވެ. އޭނާ ވަކިކުރީ ހަތަރު އަހަރު ދުވަހުތެރޭ މިސްރުގައި ހިންގާފައިވާ ކޮރަޕްޝަން 67.6 ބިލިއަން ޑޮލަރަށް އަރާފައިވާ ކަމަށް ވިދާޅުވުމުންނެވެ.
ޖެނީނާގެ މައްޗަށް އިއްވީ އެއް އަހަރުގެ ޖަލު ހުކުމެކެވެ. އަދި ވަނީ 2،000 ޑޮލަރުން ޖުރިމަނާކޮށްފަ އެވެ. އެކަމަކު އިތުރު 1،100 ޑޮލަރު ދައްކައިފި ނަމަ ޖަލު ހުކުމުން އޭނާ ސަލާމަތްވާނެ ކަމަށް ޝަރުއީ ދާއިރާގެ އޮފިޝަލުން ބުނެ އެވެ.
ޖެނީނާގެ ވަކީލް އަލީ ތޯހާ ބުނީ މި މައްސަލަ އިސްތިއުނާފް ކުރާނެ ކަމަށެވެ. އަދި ޖެނީނާގެ މައްޗަށް ކުރި ތުހުމަތު ޕްރޮސެކިއުޓަރުންނަށް ކޯޓުގައި ސާބިތުކޮށްދެވިފައި ނުވާ ކަމަށް ވެސް އޭނާ ބުންޏެވެ. ގާހިރާގެ ކޯޓެއްގައި ކުރިއަށް ގެންދިޔަ މި ޝަރީއަތަށް ނޫސްވެރިން ވައްދައިފައެއް ނުވެ އެވެ.
ކުރީގެ ފަނޑިޔާރެއް ކަމަށްވާ ޖެނީނާ ވިދާޅުވީ އޭނާގެ މައްސަލަ ސިޔާސީކޮށްލާފައިވާ ކަމަށެވެ.
އޮޑިޓާ ޖެނެރަލްގެ މަގާމުން ޖެނީނާ ވަކިކުރުމަށް ފަހު ރައީސް ސީސީ ވަނީ ޖެނީނާ ވިދާޅުވި ވާހަކަ ތަހުގީގު ކުރުމަށް ކޮމިޝަނެއް އުފައްދަވައިފަ އެވެ. މި ކޮމިޝަނުން ބުނެފައި ވަނީ މިސްރުގެ ކޮރަޕްޝަނުގެ ވާހަކަ ޖެނީނާ ދައްކަވާފައި ވަނީ މާބޮޑުކޮށްލައިގެން ކަމަށެވެ.
ޖެނީނާ ވިދާޅުވި ކަމަށް މިސްރުގެ އަލް ޔޫމް އަލް ސާބިއާ ނޫހުން ބުނީ 2015 ވަނަ އަހަރު އެކަނިވެސް ކޮރަޕްޝަނުގެ ސަބަބުން މިސްރަށް 67.6 ބިިލިއަން ޑޮލަރުގެ ގެއްލުންވެފައިވާ ކަމަށެވެ. ޖެނީނާ ފަހުން ވިދާޅުވީ އޭނާއާ ހަވާލާދީ އެ ނޫހުން މައުލޫމާތު ހާމަކޮށްފައިވާ ވަނީ މުޅިން ރަނގަޅަށް ނޫން ކަމަށާއި އެ އަދަދަކީ ހަތަރު އަހަރު ދުވަހު ތެރޭ ހިންގާފައިވާ ކޮރަޕްޝަން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު ނިޒާރު
30 July 2016
ރާއްޖޭގައިވެސް ނިޔާޒު އިބްރާހީމް ޖަލަށް ލާނޭކަމާމެދު ސައްކެއްނުކުރަން.
ސަމޫ
30 July 2016
އެމެރިކާ އާއި ޔޫރަޕް އަޑީގައި އޮވެގެން ވައްޓާލި މުރުސީގެ އިސްލާމީ ވެރިކަމަށްފަހު ނަމަކަށް ޑިމްކްރަސީއޭ ޚިޔާލު ފާޅު ކުރުމުގެ މިނިވަންކަން ޑިމޮކްރަސީގައި އޮންނާނެޔޭ ކިޔައިގެން ގެނެސްގެން އުޅޭ ސީސީގެ ވެރިކަމުގައި ވެސް ތިއޮތީ ހަމަ ޘާބިތު ނުހިފޭ ވާހަކަ ދައްކާ އަބުރާ ބެހޭތީ ޖަލަށްލާފައެވެ.
ރޯޅި
30 July 2016
ގިނަ ގައުމުަތަކުން މިގައުމުގެ .... ކޮޕީ އެބަކުރޭ. ހަމަ އެކައްޗެއް. މިހާރު ހީވަނީ އެމެރިކާ އާއި ޔޫރަޕްވެސް އަވަހަށް މިމަގަށް އަޅާލާނެހެން ހީވަނީ.
ހުސެންތޯރިގް
30 July 2016
ސޯ އިސްލާމިކް. ސޭމް މޯޑިސް
ޣޮގީ އެން ދި ކޮކްރަޗެސް
29 July 2016
މާ ބޮޑަށް ތެދުވެރިވެވުނީތޯއްޗެ. އޭޝިޔާ ބައްރުގަ ހައްތާވެސް މިއުޅެނީ ޑިކްޓޭޓަރުންވީމަ މިހާ ނާތަހުޒީބު ސަގާފަތެއް މިއޮންނަނީ. މި އުޅެނީ 1520 ގައެއް ނޫން މީ 2016 ވީމާ ހުރިހާ ރައްޔިތުންވެގެން މިކަން ހައްލަކައް އަޅުވަންވީ.
ރީފް
29 July 2016
ދައްކަން ނުވާ ވާހަކަ ދެއްކީމަ ތިހެންވެސް ވާނެ. މަމެންގެ ރައީސް ކޮޕީކުރީދޯ.
އިސްލާޙު
29 July 2016
ހެހެހެހެެ ހަމަ މުޅިންވެސް މިނިވަން "ދިވެހިރާއްޖެ" ނޫންތޯއެވެ.
އަލްޖިބްރާ
29 July 2016
ސަރުކާރުގެ ކޮރަޕްޝަން ، ޤައުމުގެ ޚަޒާނާ ދަވާލުން މިކަހަލަ ވާހަކަ ދައްކާމީހުނަށް މިޒަމާނުގާ އޮތްތަނަކީ ޖަލު ! މިޚަބަރު ފިޔާތޮށި މީހުނަށް އެގިއްޖެނަމަ ތިބޭނީ ވަރަށް ހެވިފަ ! އެމީހުނާ ގުޅޭނެ ބަޔަކު ވީމަ !
ނަޖީބު
29 July 2016
އިސްލާމީ ޤައުމުތަށް ހޭއަރާނީ އަދި މިގަރުނަ ނިމުމުން، އީރާޤް، ލީބިޔާ، އޮމާން، މިހެންގޮސް ހުރިހައި ގައުމުތަށް އެބަޖެހޭ ސައިޒްކުރަން އޭގެ ތެރޭގައި ރާއްޖެ ހިމެނުނީ 2013 ގެފަހުން އެއީ ދެރަކަމަކީ
އަހްމަދު
29 July 2016
މިޤައުމުގެ އޮޑިޓަރ ޖެނެރލް މަޤާމުން ދިރުކުރީ ޖަލަކށް ނުލާ. .