ސިޔާސީ ޕާޓީއެއްގެ ޖަލްސާއެއްގައި ގިނަ އަދަދެއްގެ ބަޔަކު ބައިވެރިވެ-- ފޮޓޯ
31 ޖުލައި 2018 - 13:58
38 comments
އެއްވެސް މުވައްޒަފަކަށް ނުފޫޒު ފޯރުވައިގެން ސިޔާސީ މަސައްކަތް ކުރުވާ ނަމަ އެ މައްސަލައެއް ބަލައި ފިޔަވަޅު އަޅާނެ ކަމަށް ލޭބާ ރިލޭޝަންސް އޮތޯރިޓީން މިއަދު ބުނެފި އެވެ.
ލޭބާ ރިލޭޝަންސް އޮތޯރިޓީގެ އިންފޮމޭޝަން އޮފިސަރު، އަލީ ޝަރީފް ވިދާޅުވީ ސިވިލް ސާވިސް އާއި އަމިއްލަ ކުންފުނިތަކުގައި މަސައްކަތް ކުރައްވާ މުވައްޒަފުން ލައްވައި ވަޒީފާއާ ބެހޭ ގާނޫނާ ހިލާފަށް އެއްވެސް ކަމެއް ކުރުވާ ނަމަ އެ މައްސަލަ ހުށަހެޅުމަށް އެދޭ ކަމަށެވެ.
ވަޒީފާއާ ބެހޭ ގާނޫނުގައި ބުނާ ގޮތުން އެއްވެސް މުވައްޒަފެއް ލައްވައި މަޖުބޫރުން ސިޔާސީ ޕާޓީއަކަށް ނުވަތަ ވަކި މީހަކަށް ފައިދާއެއް ހޯދުމުގެ ގޮތުން ކަމެއް ކުރުވުމަކީ ގާނޫނާ ހިލާފު ކަމެކެވެ. އަދި މުވައްޒަފުންގެ ރަސްމީ ގަޑީގައި ސިޔާސީ މަސައްކަތް ކުރުވުމަކީ ވެސް ކުށެކެވެ.
ރިޔާސީ އިންތިހާބަށް ކުޑަ ދުވަސްކޮޅަކަށް ވެފައިވާ އިރު ސަރުކާރު ކުންފުނިތަކާއި ދައުލަތުގެ އެކި އިދާރާތަކުގެ މުވައްޒަފުންނަށް މަޖުބޫރު ކުރުވައިގެން ޕީޕީއެމްގެ ކެމްޕެއިންގައި ބައިވެރިކުރުވާ ކަމަށް އިދިކޮޅު ފަރާތްތަކުން ތުހުމަތު ކުރެ އެވެ. އަދި ދައުލަތުގެ ކުންފުނިތަކުގެ މުވައްޒަފުން ކެމްޕެއިން މަސައްކަތް ކުރުމަށް ބޭނުންކުރާ ކަމަށް ވެސް ތުހުމަތު ކުރެ އެވެ.
އިންފޮމޭޝަން އޮފިސަރު އަލީ ވިދާޅުވީ މަޖުބޫރުން ސިޔާސީ މަސައްކަތް ކުރުވާ ނަމަ އެކަމެއް ހުށަހެޅުމުން އެކަން ހައްލުކޮށްދޭނެ ކަމަށެވެ.
"އަޅުގަނޑުމެންނަށް މައްސަލަ ހުށަހެޅުމުން އެކަން ބަލާނެ. ގާނޫނާ ހިލާފަށް އަމަލު ކޮށްފައިވާނަމަ ފިޔަވަޅު އަޅައި އެކަން ހައްލުކޮށްދޭނަން،" އަލީ ވިދާޅުވި އެވެ.
އޭނާ ވިދާޅުވީ މައްސަލަ ހުށަހަޅާ މުވައްޒަފުންގެ މައުލޫމާތު ސިއްރުކޮށް ވަޒީފާގެ ރައްކާތެރިކަން އެ އޮތޯރިޓީން ކަށަވަރު ކޮށްދޭނެ ކަމަށެވެ.
ވަޒީފާއާ ބެހޭ ގާނޫނާ ހިލާފަށް އަމަލު ކުރާނަމަ ކުންފުންޏެއް ނުވަތަ މުއައްސަސާއަކާ މެދު ފިޔަވަޅު އެޅުމުގެ ބާރު ލޭބާ ރިލޭޝަންސް އޮތީރިޓީ އަށް ލިބިގެންވެ އެވެ.
ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ ވަނީ ރައީސް އަބްދުﷲ ޔާމީންގެ ކެމްޕެއިނަށް ސަރުކާރުގެ ވަސީލަތްތަކާއި ސަރުކާރުގެ މުވައްޒަފުން ވެސް ބޭނުންކުރާނެ ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަށްޑޫ މީހާ
01 August 2018
ތިޔަހެން ޕޯޑިއަމްއަށް އަރާ ބާރު އަޑުން ބުނިކަމުގައިވީނަމަވެސް މާދަމާ އެހެން ބުނާމީހާ ހުންނަނީ މެޑަމް ފާތުންގެ އޮފީހުގަ ޗޮކްލަޓް ބަންދުކުރަން، ކޮންހާ ވާހަކަޔެއް ރައްޔިތުން އޮޅުވާލަން ދައްކަނީ.
ަޫއ އ އ
01 August 2018
މައްސަލަ ހުށަހަޅާ މުވައްޒަފުންގެ މައުލޫމާތު ސިއްރުކޮށް ވަޒީފާގެ ރައްކާތެރިކަން އެ އޮތޯރިޓީން ކަށަވަރު ކޮށްދޭނެ ކަމަށެވެ. ކޮބާ ! ޔަގީން ކަމަކީ؟
ދެނވާ
01 August 2018
ފިޔަވަޅު އަޅަނީ އޭ އެބުނީ މައްސަލަ ހުށަހަޅާ ފަރާތަށް އަޅާ ވާހަކަ.
އަސްތާ
01 August 2018
ލޮލަށް ގޮވުން ތިޔަކަހަލަ ވާހަކަޔައް ބުނެވޭނީ، އޭސީސީ ކިޔާތަނަކުން ތިޔަކަހަލަ ބަޔާންނެރޭނެ، ބަލަނީ ބަލަނީ ބަލަނީ ދުވަހަކު ބެލޭތަނެއް ނާދޭ، ކުށްކުރާމީހުން ކުއްކުރުމުގައި ދެމި އެތިބީ، ލޭބަރ އޮތޯރިޓީ އަށް ހަމަ ނޭނގޭތީ ތޯ ތިޔަހެން ތިޔަ ބުނއްވަނީ؟؟
ބެއްޔާ
01 August 2018
މިއީ ލޭބަރ ރިލޭޝަން އޮތޯރިޓީއެއްނޫން! ދަތްނެއް ސިންގާ އޮތޯރިޓީ ކިއިއްޔާ މާތާހިރުވާނެ!
ހޭލެވިއްޖެ
31 July 2018
"ލޭބާ ރިލޭޝަންސް" މިވެސް އުޅޭ ބައެއްތަ؟ ތިޔާހެން ވާންޖެހޭނެ. ސާބަސް ހޭލެވިއްޖެ ދޯ؟
ާގަދަ ބާރު
31 July 2018
ސަރުކާރު މީޑިއާގ މުވައްޒަފުން ކެމްޕޭނުގަ ވަރށް އަވަދިނެތި އުޅޭތަން....ހިއެއްނުވޭ އެއްކމެއވެސް ކުރެވޭނެހެނެއް.
ޕިސް
31 July 2018
ތިކަން ކުރެވޭ ދުވަހަކުން ކުކުޅު ހާވެސް އުދުހޭނެ.
ސަނދހ
31 July 2018
މުވައްޒަފުން ރުހުމުގައި ދިއުމަކީ ކުށެއްނޫނެވެ. ޢަބުދުއްރަޙީމް ވިދާޅުވީ ގަދަކަމުން ގެންދާވާހަކައެއްނޫނެވެ. މާނަ ނުބައިކޮށް ނުނެންގެވުން ރަމގަޅުވާނެކަމަށްފެނޭ. ރައީސްނަޝީދު ސަރުކާރުގެ މުދަލާ ތަކެތި، 2009ވަނަ އަހަރުގެ މަޖިލިސްގެ އިންތިޚާބުގައި ބޭނުން ކުރެއްވިއިރު، ރައީސް ޔާމީނަށް ބޭނުން ނުކުރެވެންވީ ކީއްވެގެންތޯ ސުވާލު އުފެދެއެވެ.
Ahmed
02 August 2018
ޕީޕީއެމްއަކުން ސަރުކާރުގެ ލާރިޔެއްވެސް ސަރުކާރުގެ މުއައްޒަފެއްވެސް ސިޔާސީ އެއްވެސް ކަމަކު ބޭނުމެއް ނުކުރާނެ. އަދި އަހަރެމެންގެ އެއްވެސް މަސައްކަތަކަށް ސަރުކާރުގެ އަދި އެހެން މިހަުވެސް ނުގެންނާނަން. އަހަރެމެންގެ މީހުންނާ ތަކެއްޗާ ފައިސާ އެބަހުރި. މޮޔަނުވޭ . ރައީސް ޔާމީން 2018 ޔަޤީން
ކުކުނި ސަޓަނި
31 July 2018
ތީތި ވަރަށް ސަޅި، އެއީ މަޖުބޫރުކޮށްގެނޭ ބުނާތީ. މާނައަކީ ރުހުމުގައި ވެއްޖެއްޔާ މައްސަލައެއް ނޫނޭތަ.؟ މިވެސް ގާނޫނަކުން އުފެދިފައި ހުންނަ ބޭކާރު ޚަރަދު......