ރައީސް ޔާމީން މިއަދު ހަވީރު ގއ. ވިލިނގިއްޔަށް ވަޑައިގެން، އެ ރަށުގެ ރައްޔިތުންނަށް ހަނާ އަޅުއްވައި ސަލާމް ކުރައްވަނީ.---ފޮޓޯ: ރައީސް އޮފީސް
08 އޯގަސްޓް 2018 - 19:46
26 comments
ރަށްވެހިވެފައިވާ ރަށް ނޫން އެހެން ރަށެއްގައި ވޯޓުލާން ޖެހޭ ސަރުކާރުގެ މުވައްޒަފުން ރީ ރަޖިސްޓްރީވާން އެންގުމަކީ ނާޖާއިޒު ނުފޫޒެއް ފޯރުވުން ނޫން ކަމަށް ރައީސް އަބްދުﷲ ޔާމީން މިއަދު ގއ. ވިލިނގިލީގައި ވިދާޅުވެއްޖެ އެވެ.
އެ ރަށުގެ މަގު ހެދުމާއި ހައުސިން ޔުނިޓްތަކުގެ ނިމުން ފާހަގަކުރަން ބޭއްވި ރަސްމިއްޔާތުގައި، ރައީސްގެ ވާހަކަފުޅު އަމާޒުކުރެއްވީ އެމަނިކުފާނުގެ ސަރުކާރުން އިންތިޚާބަށް ނުފޫޒު ފޯރުވަން ކަންތައްތަކެއް ހިންގާ ކަމަށް އިދިކޮޅުން ކުރާ ތުހުމަތުތަކަށެވެ.
ރައީސް ވިދާޅުވި ގޮތުގައި ސެޕްޓެމްބަރު 23 ގައި ބާއްވާ އިންތިޚާބުގެ ވޯޓަށް ރީ ރަޖިސްޓްރީ ކުރުވަން ސަރުކާރުން ގަދައަޅައި މަސައްކަތް ކުރުވަން އަންނަ ކަމަށް އިދިކޮޅަށް ބުނެވޭނެ އެވެ. އެކަން ސަރުކާރުން ކުރުވަނީ، ރިޔާސީ އިންތިޚާބުގައި ވޯޓު ލުމަކީ ރައްޔިތުންގެ ހައްގަކަށްވާތީ، ރަޖިސްޓްރީ ކުރުމުގެ ފުރުސަތު ހޯދައިދޭން ކަމަށް ވިދާޅުވި އެވެ.
"އެއީ، [ރީ ރަޖިސްޓްރީ ކުރުވުމަކީ] ޖާއިޒް ނުފޫޒް. ވޯޓުލުމަކީ ކޮންމެ މީހަކަށް ވެސް ލިބިގެންވާ ހައްގެއް. އެހެންވީމާ ސަރުކާރުން ހުރިހާ އެންމެން ކައިރީގައި ބުނާނެ ވޯޓުލުމަށްޓަކައި ކަލޭމެން ރަޖިސްޓްރީ ކުރާށޭ،" ރައީސް ޔާމީން ވިދާޅުވި އެވެ.
"އެކަމަކު ސަރުކާރަކުން އެ މީހުންގެ ކައިރިއަކު ނުބުނާނެ ކަލޭމެން ރަޖިސްޓްރީ ތިކުރަނީ ޔާމީނަށް ވޯޓުލާށެކޭ ނުބުނާނެ."
ރީ-ރެޖިސްޓްރޭޝަންގެ މަސައްކަތް ވެލާނާގޭ ބިލްޑިންގް ކައިރީގައި ކުރިއަށް ގެންދަނީ.---ފޮޓޯ: ހުސައިން ވަހީދު/މިހާރު
އެމަނިކުފާނު ވިދާޅުވި ގޮތުގައި ސަރުކާރުގެ މުވައްޒަފުން ރީ ރަޖިސްޓްރީކުރަން އަދިވެސް ބުނާނެ އެވެ. އެއީ، އެއްގޮތަކަށް ވެސް ސިޔާސީ ގޮތުން ކުރާ ކަމެއް ނޫން ކަމަށާއި އެ މީހަކަށް ލިބިފައިވާ ހައްގެއްގެ ބޭނުން ހިފަން އެންގުން ކަމަށް ވިދާޅުވި އެވެ.
"އަޅުގަނޑު ބުނެގެން ރީ ރަޖިސްޓްރީ ކުރި މީހުން ވޯޓުލާނެ ގޮތެއް އަޅުގަނޑަށް އެނގޭތޯ؟ އެއީ ސިއްރު ވޯޓެއް. އަޅުގަނޑުމެން ބުނެގެން ރީ ރަޖިސްޓްރީ ކުރުވި މީހުން ސެޕްޓެމްބަރު 23 ގައި، އެ އެންމެންނަކީ ވަކި ގޮތަކަށް ވޯޓުލާނެ ބައެއް ކަމަށް އަޅުގަނޑަކަށް ނުވެސް އެނގޭ،" ރައީސް ވިދާޅުވި އެވެ.
ރައީސް ވިދާޅުވީ މި ސަރުކާރުން ކަންކަމަށް ނުފޫޒު ފޯރުވާ ވާހަކަ ދެއްކުމުގެ ޖާގައެއް ނެތް ކަމަށާއި ނުފޫޒު ފޯރުވަނީ އިދިކޮޅުން ކަމަށެވެ.
ރައީސް ޔާމީން މިއަދު ހަވީރު ވިލިނގިއްޔަށް ވަޑައިގަތުމުން، އެމަނިކުފާނަށް މަރުހަބާ ކިޔުމަށް ނުކުތް، އުމުރުން ދުވަސްވީ މީހަކާ ސަލާމް ކުރައްވަނީ.---ފޮޓޯ: ރައީސް އޮފީސް
ރަށްވެހިވެފައިވާ ރަށް ނޫން ރަށްރަށުގައި ވޯޓު ލުމަށް 45،000 މީހުން ރަޖިސްޓްރީކޮށްފައިވާއިރު، ރަޖިސްޓްރޭޝަންގެ ފޯމުތަކާ ގުޅޭ ގޮތުން ބޮޑެތި ތުހުމަތުތަކެއް ކުރެ އެވެ. އެމްޑީޕީން ރީ ރަޖިސްޓްރީކޮށްދޭ ޕީޕީއެމް މެމްބަރުންގެ ފޯމުތައް އިލެކްޝަންސަށް ހުށަނާޅާނެ ކަމަށް ޕީޕީއެމުން ތުހުމަތުކުރެ އެވެ. އިދިކޮޅު ޕާޓީތަކުން ބުނަމުން އަންނަނީ، ސަރުކާރާއި ކުންފުނިތަކުގެ މުވައްޒަފުންގެ ރީ ރަޖިސްޓްރޭޝަންގެ ފޯމުތައް ޕީޕީއެމްގެ ޖަގަހަތަކަށް ގެންގޮސް އެ ފޯމުތައް އިލެކްޝަންސަށް ހުށަނާޅައި އެތައް ބަޔަކު ވޯޓުލުމުގެ ހައްގުން މަހްރޫމްކުރުވާނެ ކަމަށެވެ.
މި މައްސަލައިގައި އިލެކްޝަންސުން ދެއްކި ހައްލަކީ، އެ މީހެއްގެ ރީ ރަޖިސްޓްރޭޝަން ފޯމު އެ ކޮމިޝަނަށް ހުށަހަޅާފައިވޭތޯ އަމިއްލަ އަށް ބަލައި، ހުށަހަޅާފައި ނުވާ ނަމަ ދެ ވަނަ ފޯމަކުން ރަޖިސްޓްރީ ވުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
09 August 2018
އަމިއްލައަށް ކުށްވެރިކޮށް އަމިއްލައަށް ތަޙްޤީގުކޮށް އަމިއްލައަށް ދައުވާކޮށް އަމިއްލައަށް ހުކުމްކޮށް “އަމިއްލައަށް ހުކުމް ތަންފީޒު ކުރުމަކީ ހުދުމުހުތާރު ސިފައެއް” ކަމުގައިވާތީ ދިވެހި ރައްޔިތުން އެކަމަށް ނޫނެކޭ ބުނާދުވަސް އަތުވެއްޖެ.
ޢާދަންކަލޯ
09 August 2018
ޙެ ހެހެ ހަމައެކަނި ބުނަނީ އެޗްޑީސީ ހުރިހާ މުވައްޒަފުންގެ ރީރަޖިސްޓުރޭސަން ފޯމުފުރީ އެޗްޢާރުންނާ ހުޅުމާލެ ޕީޕީއެމްޖަގަހައިން
ހަސަން ޒަކީ
09 August 2018
މަސައްކަތްކުރާ އޮފީސް މެދުވެރިކޮށް ރީރެޖިސްޓްރީ ވުމުގެ ފުރުސަތަކީ، ހަމަގައިމުވެސް އިލެކްޝަންސް ކޮމިޝަނުގައި، ކިޔުގައި ނުޖެހި އެކަން ކުރުމުގެ މަގުފަހިކޮށްދިނުމަށް ކޮށްދެއްވާފައިވާ ކަމެކެވެ! ލުޔެއްދިނުމުގެ ނިޔަތުގައި ކުރި ކަމަކަށް އިދިކޮޅުން ތިޔަ ގެންގުޅުއްވަނީ ވަރަށްވެސް ނޭދެވޭ ސިޔާސަތެކެވެ! ބޭނުންވަނީނަމަ އިލެކްޝަން ކޮމިޝަނަށް ގޮސް އެތަނުގައި ރީރެޖިސްޓްރީ ވުމުގެ ފުރުސަތު އެބައޮތެވެ. ވަހުމާއި ޝައްކާއި ގަޑުބަޑު ހަދައިގެން ހަމަޖެހުން ނަގާ ނުލައްވާށެވެ!
ބާރީ
09 August 2018
ވޯޓަކީ ހައްގެއް. ރަޖިސްޓްރީ ވެގެން ވޯޓުލެވޭ މީހުން ކައިރީ ރަޖިސްޓްރީ ވާން ބުނުމަކީ ވެސް އެކަމަށް މަގުފަހިކޮށްދިނުމަކީ ވެސް މައްސަލައެއް ކަމަކަށް ނުދެކެން.
ހަބީބު
09 August 2018
ފޯތުމަތް ގަދަކަމުން ހޯދި އޮފީސް/ކުންފުނިތަކުން މުވައްޒަފުންނަށް ރަޖިސްޓްރޭޝަން ސްލިޕް ލިބިއްޖެތަ؟ (11 އޯގަސްޓް ހޮނިހިރު އެއީ ފަހުދުވަސް) ނުލިބޭނަމަ ސީދާ ފޯމް އަތުލި ބަޔެއްގެ މައްޗަށް ޤާނޫނީ ފިޔަވަޅު އަޅަން އަވަހަށް ލޯޔަރެއް ކައިރިއަށް ދޭ! ބައެއްގެ ހައްގު ފޭރެން ވާގިވެރިވެފައި ބޮޑުމީހާ ބުނިކަމެއް ކޮށްލިއްޔޭ ކިޔާ ނުތިބެވޭނެ!
ހަސަން ޒަކީ
09 August 2018
ރީރަޖިސްޓްރީ ވުމުގެ ފުރުސަތު އިލެކްޝަންސް ކޮމިޝަނުން އޮތީ އާންމުންނަށް ހުޅުވާލާފައެވެ. މަސައްކަތް ކުރާ އޮފީހުން ރީރެޖިސްޓްރީ ކޮށްދޭ ގޮތާއިމެދު ހިތްހަމަ ނުޖެހެނީނަމަ، ސީދާ އިލެކްޝަންސް ކޮމިޝަނަށް ދުރުވާށެވެ! ނުފޫޒެއްނެތެވެ! ގަޑުބަޑު ހަދާ، އޮޅުވާލަން މަސައްކަތް ނުކުރައްވާށެވެ!
55555
09 August 2018
11 އޯގަސްޓް 2018 ގެ ނިޔަލަށް ރަށްވެހި ވެފައިވާ ރަށްނޫން ރަށެއްގައި އުޅޭ މީހުން ރަޖިސްޓްރީ ވާންޖެހޭ! އެންމެ ގިނައިން ރާއްޖެތެރޭ މީހުން އުޅޭ މާލެއިން ފޯތުމަތް ގަދަކަމުން ހޯދި އޮފީސް/ކުންފުނިތަކުން މުވައްޒަފުންނަށް ރަޖިސްޓްރޭޝަން ސްލިޕް ލިބުނުކަން ކަށަވަރު ކުރަންޖެހޭ! އެހެންނޫނީ ތިޔަ ހުރީ ވޯޓުފޭރެން ހިންގި ވަގު ޖަރީމާއެއްގައި ބަނދެވިފައި!
އަޖީތު
09 August 2018
ގަދަބާރުން ވަކިތަނެއްގައި ރީރަޖިސްޓްރީވާން މަޖުބޫރު ކުރުވުމަކީ ސަރުކާރުން ކޮށްގެން ވާނެ ކަމެއް ނޫން. ހައްގެކޭ ކިޔާފައިވެސް، އެއީ މަޖުބުރު ކުރުވޭނެ ކަމެއް ނުން. ހައްގުގެ ބޭނުން ހިފުމާ ނުހިފުމާ، ވޯޓުލާނެ ތަނެއް ކަޑައެޅުން އެއީ އެމީހާގެ ހައްގެއް. ސަރުކާރުގެ ހައްގެއް ނޫން.
1819ގައެތިބީލީޑަރުންނަކީ
09 August 2018
23 ސެޕްޓެންބަރުގައި ވޯޓުލާ ނިމޭއިރު މި ވެރިކަން ނިމޭނެ ތި ހުރިހާކަމަކަށް ޖަވާބުދާރީ ވުމުގެ މާހައުލު އެހިސާބުން ފެށޭނެ އެކަމަށް ފުރުޞަތު ލިބޭނެ ފުރުޞަތު ނުލިބިދާނެތީ އުޅޭހެން ބިރުން ނޫޅުއްވާ ވަﷲ އަޢުލަމް
ރަދީފް
09 August 2018
ރީ ރަޖިސްޓްރީވާން ބުނުމަކީ މައްސަލައެއް ނޫން.ނަމަވެސް މައްސަލަ އަންނަ ހިސާބަކީ (ރައީސް މީހާއަށް) ވޯޓް ދިނުމަށް މަޖްބޫރުކުރުން.އޭތި ކަޑަ އިނގޭ. #މޯލްޑިވްސްޑިސައިޑްސް2018
ސަރިއްޕެ
09 August 2018
ތެދެއް! ނުފޫޒް އަކީ މީހަކަށް ކިޔާ ނަމެއް. ޢަޅުގަނޑު ދަންނަ އެނަަން ކިޔާ ބޭފުޅުން ސަރުކާރާއި ކުންފުނިތަކުގައި ވަރަށް ގިނަވާނެ.