ހުޅުމާލޭގައި ކާރަކާއި ސައިކަލެއް ޖެހި، މީގެ ކުރިން ހިނގާފައިވާ އެކްސިޑެންޓެއް
09 އޯގަސްޓް 2018 - 18:30
16 comments
ހުޅުމާލޭގައި މިއަދު ހިނގި އެކްސިޑެންޓެއްގައި މީހަކަށް ސީރިއަސް އަނިޔާތަކެއް ލިބިިއްޖެ އެވެ.
މިއަދު ހެނދުނު ނުވައެއް ޖަހާކަންހާއިރު، އެ އެކްސިޑެންޓު ހިނގާފައިވަނީ ހުޅުމާލެ އިން އެއާޕޯޓަށް ދާން އޮންނަ ބޮޑު މަގުގަ އެވެ.
ދެ ސައިކަލް ޖެހިގެން ހިނގި މި އެކްސިޑެންޓުގައި ސީރިއަސް އަނިޔާތަކެއް ލިބިފައިވަނީ އުމުރުން 41 އަހަރުގެ ފިރިހެނަކަށެވެ.
އެނގިފައިވާ ގޮތުގައި އޭނާގެ ބޮލަށް ވަނީ ވަރަށް ބޮޑަށް އަނިޔާވެފަ އެވެ. އަދި ހުޅުމާލޭ ހޮސްޕިޓަލުގައި ފަރުވާ ދިނުމަށް ފަހު، ހާލު ސީރިއަސްވުމުގެ ސަބަބުން މިހާރު އައިޖީއެމްއެޗަށް ބަދަލުކޮށްފައިވާކަން ވެސް އެނގިފައި ވެ އެވެ.
މަންޒަރު ދުށް މީހުން ބުނިގޮތުގައި އެކްސިޑެންޓުވީ އެ މީހާ މަގުގެ އަނެއް ފަޅިއަށް އަރަން އުޅެނިކޮށް ފަހަތުން އައި ސައިކަލެއްގައި ޖެހިގެންނެވެ. އެ އެކްސިޑެންޓުގައި ދެ ސައިކަލަށް ވެސް ގެއްލުން ލިބުނެވެ.
ފަހަކަށް އައިސް ހުޅުމާލޭގައި ހިނގާ އެކްސިޑެންޓްތަކުގެ އަދަދު ވަނީ އިތުރުވެފަ އެވެ. އެގޮތުން ބާރު ސްޕީޑެއްގައި ދުއްވާފައި ދިޔަ ސައިކަލަކުން ވެއްޓި، މިދިޔަ މަހުގެ ތެރޭގައި ވެސް ޒުވާނަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެއްލަކން
11 August 2018
ކޮބާ އެއްލަކިން މިފަހަރު ނުބުނީ ކީއްވެ؟
އަބްދުﷲ
10 August 2018
ނުބަލާ ފަރުވާކުޑަކޮށް ދުއްވުމުގެ ނަތީޖާމީ. ގޯޅިއަޅާ އެބަ މަގުގެ އަނެއްކޮޅަށްބަލަންހުރެގެންވެސް. ދުއްވާމީހާގެ ފުލް ކޮންސަންޓްރޭޝަން ނުދީ ދުއްވާނަމަ ހާދިސާތައް އިތުރުވާނެ.
ހިނގާމީހާ
10 August 2018
ހެލްމެޓްއަޅާކަށް އަދިވެސް ނުވޭތޯ؟ ކީއްވެތޯ މިކަހަލަ ވާހަކަތައް އިބޫފައިސަލް ނުވަތަ ޔާމީންޝަހީމްގެ ކެމްޕެއިންގައި ވެސް ނުހިމެނެނީ؟
މުގާބޭގެ ސަޕޯޓަރު
10 August 2018
ހެލްމެޓް އެޅުމަކީ ހައްލުތޯ. ކީއްވެ ބާރަށް ދުއްވާ މީހުން ހުއްޓުވައި ފިޔަވަޅު ނާޅަނީ.
ދެކޭމީހާކިޔާމީހާ
10 August 2018
ފުލުހުންވެސް އިތުރު! އެކްސިޑެންޓާއި އަނިޔާވެސް އިތުރު! މުޅިރާއްޖޭގެ ޒުވާނުން އެއްކޮށް ތިތަނަށް ޖަމާވީމަ، ކުޅިސަމާ ހުންނާނެތާ! އެކަމަކުވެސް ވަރިހަމަނޫންތޯ!
ބާރެުބޭ
10 August 2018
ބާރުސްޕީޑްގައި މަހަށް ދިޔައްޔާ ވާނީ ކީއް!
ރަދީފުލް އައްވަލް
09 August 2018
ދެން ގޯސްވާނީ މަގު.
ވާނުވާ
09 August 2018
ބޯހަލާކު!!!! ވާނުވާއެއް ނޭގުނު.. ފޮޓޯއިން ފެންނަނީ ކާރަކާ ސައިކަލެއް....ޙަބަރުގަ ލިޔެފަ އޮތީ ދެ ސައިކަލެއްގެވާހަކަ...ދެރަކެއް..
ޢަބްދުﷲނާފިޒް
10 August 2018
އޭ ވާނުވާ، އެއީ މިހަބަރާ ގުޅޭ ފޮޓޯއެއްކަމަށް ބުނެފަ އެބައޮތްތަ! ފެންނަންހުރި ފޮޓޯއަކީ ހުޅުމާލޭގަ ކުރިން ހިނގި އެކްސިޑެންޓެއްގެ މަންޒަރެއް ކަމަށް ލިއެފަ އޮތްތަނެއް ނުފެނުނު ދެއްތޮ، އެހެންވިއްޔާ ވ ސަލާމް.
ސްކުރީނު
09 August 2018
ބަލަ އެކްސިޑެންޓުވާތީ އައްޑޫމީހުން ބޮލުގަ ހެލްމެޓު އެޅުވިގޮތަށް ހުޅުމާލޭމީހުން ބޮލުގަ ހެލްމެޓު ނޭޅުވެނީ ކީއްވެގެންތޯ.
އަލިފް
09 August 2018
ބޮޑެތި އެކްސިޑެންޓް ތަކުގެ 90 ޕަސެންޓް ބާރައް ދުއްވުމެވެ. އެކަން ހުއްޓުވުނު ވެރިކަމެއް ނުފެނެއެވެ.
ވޯލް
09 August 2018
އޮޅިގެންވެސް ހެލްމެޓް ނާޅާތި، ބުރިޖްއިން ގުޅާލީމަ ދެން އެކްސިޑެންޓްގެ ނިސްބަތްވާނީ ގިނަ، މިކަމަށް ގަވާއިދުތައް ހަދާ މީހުން ހޭލުންތެރިކުރުމަށް ފުލުހުންނާ އެޗްޑީސީ ކުރަންޖެހޭ ކަންކަން ފެށުން މިހާރުވެސް ލަސްވެއްޖެ.