އިސްކަންދަރު ސްކޫލުގެ އެންމެ މޮޅު ދަރިވަރަކަށް ލުހާ ހޮވިއްޖެ

އިސްކަންދަރު ސްކޫލުން މިދިޔަ އަހަރު ހުރިހާ ގޮތަކުން އެއްވަނަ ހޯދި ލުހާއަށް، ރައީސް އޮފީހުގެ އަންޑަސެކްރެޓަރީ ޑރ. ފާއިޒް ރޭ ތަށި ހަވާލުކޮށްދެއްވަނީ-- ފޮޓޯ: އެޑިއުކޭޝަން މިނިސްޓްރީ

އާސިމާ ނިޒާރު، މިހާރު

14 އޯގަސްޓް 2018 - 12:23

7 comments

އިސްކަންދަރު ސްކޫލުން މިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް މަރިޔަމް ލުހާ އާތިފް ރޭ ހޮވައިފި އެވެ.

އެ ސްކޫލުގެ މިިދިޔަ އަހަރުގެ ހައުސް ޑެޕިއުޓީ ކެޕްޓަންކަން ކުރި ލުހާ ވަނީ ހަތް މާއްދާއިން އޭ ސްޓާ އަދި އެއް މާއްދާއިން އޭ ހޯދައިގެން ގައުމީ ގަދަ ދިހެއްގެ ދެ ވަނަ ހޯދައިފަ އެވެ. އޭނާ އަށް އިނާމު ހަވާލުކޮށްދެއްވީ، އިސްކަންދަރު ސްކޫލުގައި ރޭ ބޭއްވި މިދިޔަ އަހަރުގެ އިނާމު ދިނުމުގެ ހަފުލާގެ ޝަރަފުވެރި މެހެމާން، ރައީސް އޮފީހުގެ އަންޑަ ސެކްރެޓަރީ ޑރ. ހުސެއިން ފާއިޒެވެ.

އިސްކަންދަރު ސްކޫލުން މިދިޔަ އަހަރު ދެ ވަނަ ހޯދި އަރުޝަދަށް، ރައީސް އޮފީހުގެ އަންޑަސެކްރޭޓަރީ ޑރ. ފާއިޒު (ކ) ތަށި ހަވާލުކޮށްދެއްވަނީ-- ފޮޓޯ: އެޑިއުކޭޝަން މިނިސްޓްރީ

އިސްކަންދަރު ސްކޫލުގެ މިދިޔަ އަހަރުގެ ހުރިހާ ގޮތަކުން މޮޅު ތިން ދަރިވަރުން ހޮވި އެވެ. ލުހާ އަށް އެއްވަނަ ލިބުނުއިރު އަލީ އަރުޝަދު އުސްމާން ވަނީ ދެ ވަނަ ހޯދައިފަ އެވެ. ތިން ވަނަ ހޯދީ، ހިސާބު މާއްދާއިން މުޅި ދުނިޔެއިން އެއްވަނަ ހޯދި މަރިޔަމް ހައިބާ އަބްދުﷲ އެވެ.

މިދިޔަ އަހަރު އެ ސްކޫލުން 153 ދަރިވަރުން އޯ ލެވެލް ނިންމިއިރު އޭގެ ތެރެއިން 59 ދަރިވަރަކު ގައުމީ ގަދަ 10ގައި ހިމެނިފައި ވެ އެވެ. އަދި ދުނިޔޭގެ އެކި ފެންވަރުގައި ހަ ދަރިވަރަކު ވަނީ ހިމެނިފަ އެވެ. އޯ ލެވެލް ނިންމި ދަރިވަރުންގެ ތެރެއިން 94 ޕަސެންޓުގެ ދަރިވަރުން ފަސް މާއްދާއިން ފާސްވެފައި ވެ އެވެ.

އިސްކަންދަރު ސްކޫލުން މިިދިޔަ އަހަރު ތިން ވަނަ ހޯދި ހައިބާ-- ފޮޓޯ: އެޑިއުކޭޝަން މިނިސްޓްރީ

އިސްކަންދަރު ސްކޫލުން ރޭ ވަނީ 164 ދަރިވަރަކަށް އިނާމު ދީފަ އެވެ. އޭގެ ތެރޭގައި އޯ ލެވެލްގައި ރަނގަޅު ވަނަތައް ހޯދި ދަރިވަރުންނާއި ޔުނީފޯމް ހަރަކާތްތަކުންނާއި އެކި މުބާރާތްތަކުން ރަން ވަނަތައް ހޯދި ދަރިވަރުން ހިމެނެ އެވެ.

އިސްކަންދަރު ސްކޫލުން މިދިޔަ އަހަރު އޯ ލެވެލް ނިންމި ދަރިވަރުންތަކެއް.- ފޮޓޯ: އެޑިއުކޭޝަން މިނިސްޓްރީ

ސްކޫލް ތައުލީމް އެޑިއުކޭޝަން މިނިސްޓްރީ އިސްކަންދަރު ސްކޫލް ކިޔަވާކުދިން އޯލެވެލް އިމްތިހާން

7 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަހޭބެ

14 August 2018

ކިޔެވުމާ ބެހޭގޮތުން މީހަކު ބުނިއެއްޗެއް: އެންމެ މޮޅެތި ކުދިން ކިޔަވައިގެންވާނީ ޑޮކްޓަރުން، އިންޖިނޭރުން ފަދަ ބަޔަކަށެވެ. ދެވަނަ ފަންތީގައި އުޅޭކުދިން ވަނީ އޮފީސްތަކުގައި މަތީ މަގާމުތަކުގައެވެ. ތިންވަނަ ކެޓަގަރީގެ ކުދިން ވާނީ ކޮންމެވެސް ސިޔާސީ ބަޔަކަށެވެ. ނުކިޔަވާ ފާސްނުވާ ކުދިންވާނީ ގޭންގުތައް ހިންގާ މީހުންނަށެވެ. އާޚިރުގަ އެންމެ ބާރުގަދައީ އެއްކަލަ ނުކިޔަވާ ގޭންގުހަދައިގެން އުޅޭކެޓަގަރީއެވެ. އެއީ ސިޔާސީމީހުން އެމީހުން ޖަރީމާ ހިންގަން ބޭނުންކުރާނީ އެއްކަލަ ގޭންގުތަކުގެ މީހުންނެވެ. މޮޅަށް ކިޔެވި ކުއްޖާއަށް ގޮތްކިޔަން ހުންނާނީ ތިންވަނަ ކެޓަގަރީގަ އުޅޭ ސިޔާސީ މީހުންނެވެ. އަދި ސިޔާސީ މީހުން ތިބޭނީ ގޭންގު މީހުންގެ ދަށުވެފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ިއިންސާފު

14 August 2018

އަހުމަދު ސަލީމު ބުނީ ރަނގަޅު ވާހަކައެއްނޫން. ޓިއުޝަނަށް ކުރަނީ ވަރަށްބޭކާރު ޚަރަދެއް. މިގައުމަށް ޖެހިފައޮތް ތައުލީމީ ވަބާއެއް. ޓީޗަރުންނަށް ދަރިވަރުންނަށް ކަންކަން ކިޔައިނުދެވޭކަން ފަރުވާކުޑަކަން އެކަންކަން ބަލަންތިބާ ސުޕަވައިޒަރުންނަށް ނުބެލޭކަން އެނގެނީ. ޓިއުޝަނަކީ ބަޔަކު ކުރާ ވިޔަފާރިއެއް. ފަހަރެއްގަ ކުއްޖަކަށް ނޭނގޭ އެއްޗެއް އެނގޭތޯ ނޫނީ ދައް މާއްދާއަކުން ޓިއުޝަން ނަގަން ޖެހިދާނެ. މޮޅުކުދިންގެ ތެރޭގައި ހިމެނެނީ މާލެއިންއެކަނި ކިޔަވާ ކުދިންނެއްނޫން. ރަށްރަށުގެ މަދަރުސާތަކުގެ އާބާދީވެސް ކުދި ރަށްރަށުގެ ކުދިން ހިމެނޭ. ޓިއުޝަންތަކެއް ނަގައިގެނެއްނޫން އެކުދިން މޮޅުވީކީ. އަދިވެސް ބުނާނީ ޓިއުޝަނަކީ ކޮންމެހެން ނަގަންޖެހިގެން ނަގާއެއްޗެއްނޫނޭ. ބޭކާރު ފައިސާއާ ވަގުތު ނަގާލަންކުރާ ކަމެކޭ. މިސާލަކަށް ތިން އަހަރުގެ ކުދިންވެސް ޓިއުޝަންނަގާ. މިކަން ވެއްޖެ ހުއްޓާލަން.