މޯލްޑިވިއަންގެ މަތިންދާބޯޓެއް އުދުހެނީ: ބްރިޖް ހުޅުވުމުން މާލެ އާއި ހުޅުމާލޭގައި ސިޓީ ޗެކިން ތައާރަފްކުރަން ވަނީ ނިންމާފައި.
14 އޯގަސްޓް 2018 - 14:15
16 comments
މާލެ/ހުޅުލޭ ބްރިޖް ހުޅުވުމާ އެކު ބަސް ދަތުރުތަކަށް އެމްއީއެލް އިން ހަދާ ބަސް ޓާމިނަލްތަކުން މޯލްޑިވިއަންގެ ފްލައިޓްތަކަށް ޗެކިންކުރެވޭ އިންތިޒާމް ހަމަޖައްސާނެ ކަމަށް އައިލެންޑް އޭވިއޭޝަނުން މިއަދު ބުނެފި އެވެ.
ވައިގެ ހިދުމަތް ދޭ ސަރުކާރުގެ ކުންފުނީގެ މެނޭޖިން ޑިރެކްޓަރު އަބްދުލް ހާރިސް ވިދާޅުވީ ބްރިޖްގައި އެމްޕީއެލް އިން ބަހުގެ ހިދުމަތްދޭން ފަށާއިރު މޯލްޑިވިއަންގެ ހުރިހާ ފްލައިޓްތަކަށް މާލެ އާއި ހުޅުމާލެ އިން ޗެކިން ކޮށްދޭނެ ކަމަށެވެ.
"މާލެ އާއި ހުޅުމާލޭގައި ހުންނަ ބަސް ޓާމިނަލުން ޗެކިން ނިންމާލުމަށް ފަހު ބަހުގައި ނުވަތަ ކާރުގައި ވިޔަސް ބޯޑިން ކާޑު ހިފައިގެން އެއާޕޯޓަށް ދާންވީ. ޗެކިން ކޮށްދޭން ހާއްސަ ކައުންޓަރު ވެސް ހުންނާނެ،" އޭނާ ވިދާޅުވި އެވެ.
ހާރިސް ވިދާޅުވީ މޯލްޑިވިއަންގެ ޑޮމެސްޓިކް ފްލައިޓްތަކަށާއި އިންޓަނޭޝަނަލް ފްލައިޓްތަކަށް ވެސް ޗެކިންކޮށްދޭނެ ކަމަށެވެ.
ވެލާނާ އިންޓަނޭޝަނަލް އެއާޕޯޓުން ފުރާ ފްލައިޓްތަކަށް މިހާރު ޗެކިންކުރެވެނީ އެއާޕޯޓުން އެކަންޏެވެ.
އެމްޕީއެލް އިން ވާހަކަދެއްކެވި އޮފިޝަލަކު ވިދާޅުވި ގޮތުގައި ހުޅުލެއަށް ދަތުރުކުރަން 50 މީހުންގެ ޖާގައިގެ ކޯޗު ބަސް ބޭނުންކުރާނެ އެވެ.
"ބަހުގެ ހިދުމަތް ފުރަތަމަ ފަށައިގަންނަ ދުވަހު ވެސް ފްލައިޓް ޗެކިންގެ ހިދުމަތް ދޭނެ. އެކަމަށް ހާއްސަ ބަސްތަކުގެ ދަތުރުތައް ވެސް ފަށާނެ،" އޭނާ ވިދާޅުވި އެވެ.
އެ އޮފިޝަލް ވިދާޅުވީ އެއާޕޯޓަށް މީހުން އުފުލަން ދެ ކޯޗު ބަސް މިހާރު ވެސް ގެނެސްފައިވާ ކަމަށެވެ. އަދި އިތުރު ފަސް ބަސް މި މަހުގެ ފަހުކޮޅު ރާއްޖެ ގެންނާނެ ކަމަށް ވެސް އޭނާ ވިދާޅުވި އެވެ.
އެމްޕީއެލް އިން ބުނީ މާލެ އާއި ހުޅުމަލެއިން ޗެކިން ނިންމުމަށް ފަހު އެއާޕޯޓަށް ފުރަން ދާ މީހުންނަށް ހާއްސަ ހަތް ކޯޗު ބަސް ބޭނުންކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލި ދީދީ (ހުޅުމީދޫ )
16 August 2018
ހާދަ ފަސޭހެވެގެންދާނެޔޭ، އޮންލައިންކޮށް ޗެކިންކުރޭވޭގޮތް ހަދައި ދެއްވައިފިއްޔާ އަދި މާވެސް ފުރިހަމަވާނެ، ޝުކުރިއްޔާ ހާރިސް.
އެއްވެސް މޮލެއްނުން
15 August 2018
ތީ އޮންލައިން ކޮއް ގިނަމީހުން މިހާރުވެސް ކުރާކަމެއް.
އަލިބޭ
16 August 2018
އެއާޕޯރޓް ޗެކިން ގެ ބެގޭޖް ކަލެކްޝަން ޚިދުމަތް މާލޭގައި ފެށުމަކީ، ފޯނުން ޗެކިން ކުރުމާ މުޅިން ތަފާތު ކަމެއް. ފްލައިޓްގެ 4 ގަޑިއިރު ކުރިން ފޮށި ބެޖޭގް ކަލެކްޝަން އަށް ހަވާލުކޮށްފައި 3 ގަޑިއިރު މާލޭގައި އުޅެފައި އެއާޕޯރޓަށް ދިއުމަކީ ހާދަ ތަފާތު ކަމެކޭ.
ރަޔަން އެއާ
15 August 2018
މަޝްހޫރު ޜަޔަން އެއާގައި ޗެކިން ކައުންޓަރެއްވެސް ނީދޭ. ހުރިހާކަމެއް އޮންލައިންކޮއްކުރެވޭ. ތީ ހަމައެކަނި އެޕަކުންކުރެވިދާނެކަމެއް. އަދިވެސް ފަހަތުގަ ތިއުލޭނީ. ތީމޮލެއްނުން.
ނާޒިފާ
16 August 2018
މިއުޅެނީކީ މީހުންނުކުރާކަމެއް ކުރާކަށްނޫން ! މިއުޅެނީ މިރާއްޖޭގެ ގައުމީ އެއާލައިނުންވެސް މިކަން ކުރަން. ގަމާރުވިޔަސް ތަންކޮޅެއް ބޮޑުވަރު....
އިހުސާނާ
14 August 2018
މުޅިންވެސް ކެމްޕެއިން! ހުސް ހޮޅިވާހަކަ!
ޢަލިދީދީއައްޑޫސިޓީ
14 August 2018
އައްޑޫ ގައި ތިޔަ ކަހަލަ ކޯޗު ބަސް ދުއްވާތާ ކޮން ދުވަހެއް. އެކަމަކު އަހަރުމެން ޖެހެނީ ހިތަދޫ / މަރަދޫ / މަރަދޫފޭދޫ އިން ބޮޑު އަގުގައި ޓެކްސީ ނަގައިގެން އެއަރޕޯރޓަށް ޗެކިން ކުރަން 2 ގަޑި ކުރިން ދާން. އެވެސް ހަމަ ސަރުކާރުން އޮޕްރޭޓް ކުރާ ބަސްތަކެއް. ކީއްވެ ތަފާތު ކުރައްވަނީ؟؟؟؟ ޓިކެޓް ވެސް ހަމަ އެއް އަގެއް. ޓެކްސް ވެސް ދައްކަނީ ހަމަ އެއް ވަރަކަށް. #ތަފާތުކުރުންދޫކޮށްލާ
ރެޓޭ
14 August 2018
އެމެރޭޓްސް ފުލައިޓްތަކުން ޔޫ.އޭ.އީ އިން ފުރާ މީހުންގެ ތެރެއިން ގޭގަ ތިބެގެން ޗެކިން ވާން ބޭނުން ފަރާތްކަށް މިހާރުވެސް އެމެރޭޓް އެއަރ ލައިންއިން އެ ޚިދުމަތް ފޯރުކޮށްދޭ، އެކަމަކު 250 ހާ ދިރުހަމު ޕޭކުރަންޖެހޭ. އެކަމަކު މިއީ ދުނިޔޭގަ އެހާ އާއްމުކަމެއްނޫން!
ސާއިދު
14 August 2018
ސާބަހޭ މޯލްޑިވިއަން.ފައިދާ އިތުރުވާ ހިނދު ޓިކެޓްގެ އަގުހެޔޮ ކުރުމުގެ ވިސްނުމެއް ގެންގުޅުއްކިހިނެއްތޯ ؟
ބޭބެ
14 August 2018
މޯލްޑިވިއަނުން އަޅެ ތަންކޮޅެއް ޓިކެޓްގެ އަގު ކުޑަކޮށްދޭންވީނު!! ރައިސް ޔާމީން މިކަމާމެދު ވިންނަވާދެއްވާ އަވަސް ފިޔަވަޅެއް އަޅުއްވާ ދެއްވުން އެދެން!! މިހާރު ޓިކެޓް އަގުހެޔޮކުރިޔަސް ގެއްލުން ނުވާ ވަރަށް ތިފްލައިޓްތަކަށް ޑިމާންޑް އެބައޮތް!!
އ ހާ
14 August 2018
މޯލްޑިވިއަނުން ކީއްތޯ ވާނީ މިއޮތް އާބާދީ ބޮޑު ރަށުގަ ޓިކެޓް ވިއްކާލާނެ އޮފީސް ގަނޑެއް ހުޅުވާލިއްޔާ! ވިލާ ޓްރެވަލްސްއަށް ގޮސްގެން އެތަނުން މާލެއަށް ގުޅައިގެން އެތަށް ގަނޑެއް ގަނެގެން ޓިކެޓު ގަނޑެއް ގަނެލެވެނީ! އެވެސް އެމީހުންނަށް ދީފަ ހުންނަ ލިމިޓެޑް ޝީޓްސްތަކުން ލިބެން ހުރިއްޔާ! ނުވިތާކަށް މޯލްޑިވިއަންއަށް ގުޅައިގެން ހަދާފަ އިންނަ ބުކިންއަކަށް ޓިކެޓެއް ނުނެގޭ، މޯލްޑިވިއަން ހުޅުވާފަ ހުންނަހާ ހިނދަކު! މިކަހަލަ އުނދަގޫތައް ނުޖައްސަވާ! ވަރަށް އާދޭހާއެކު މިބުނަނީ! މިއުޅެނީކީ ޗެކިންގއެއް ނޫނޭ ނުވެވިގެނެއް!
އަސްލުތަ؟
14 August 2018
ތިޔަކީ އެހާބުއްދިވެރި ކަމެއްނޫން ކުރާކަށް. ޥޯޓް ހޯދަން ކުރާވަރުގެ ކަމެއްނޫން. ދުނިޔޭ ގެ އެހެންގައުމަކުން ތިކަން ކުރޭބާ؟. ނަސީބެއް ގެއަށް ގޮސް ޗެކިން ކޮށްދޭވާހަކަ ނުބުނިކަން.
ހަގީގަތް
14 August 2018
ކުރޭ. ދުނިޔޭގެ އެތަކެއް ތަރައްގީވެފައިވާ ގައުމުގައި މިކަން ސިޓީ ތެރޭން ކުރެވޭ. ސިޔާސީ ނުވެ ނޭގެންޔާ ގޫގުލް ކޮށްލަބަލަ.
ބޭބެ
14 August 2018
ދޮންކަލޯ ނޭނގޭ ވާހަކަ ނުދައްކާނީ!! ނޫނީ އެނގޭ މީހެއްކައިރިން އަހައިގެން ސާފުކޮށްގެން ކޮމެންޓް ކުރާނީ!! ގޫގްލްއަށް ވަދެ ސާޗްކޮށް ކުޑަކޮށް ބަލާލާ އޭރުން ބޮޑުކޮށް އެނގޭނެ!!