ހުޅުމާލޭގެ މަގެއް: އެ އަވަށުގައި ގިނަ އެކްސިޑެންޓްތަކާއި މާރާމާރީތައް ދަނީ ހިނގަމުން -- ފޮޓޯ: ހުސެއިން ވަހީދު/ މިހާރު
15 އޯގަސްޓް 2018 - 10:29
8 comments
ހުޅުމާލޭގައި މަސައްކަތް ކުރާ ފުލުހުންގެ އަދަދު އިތުރުކޮށް، އެ އަވަށް ބެލެހެއްޓުން ވަރުގަދަކޮށްފި އެވެ.
އާބާދީގައި ގާތްގަނޑަކަށް 70،000 މީހުން ހިމެނޭ ހުޅުމާލޭގައި ފަހަކަށް އައިސް އެކްސިޑެންޓުތަކާއި މާރާމާރީތަކާއި ފޭރުން ވަނީ ވަރަށް ބޮޑަށް އިތުރުވެފަ އެވެ. މީގެ ކުރިން، ހުޅުމާލެ ބެލެހެއްޓުމުގައި މަސައްކަތް ކުރީ ގާތްގަނޑަކަށް 80 އެއްހާ ފުލުހުންނެވެ. އެކަމަކު، އެ އަދަދު މިހާރު ވަނީ އިތުރުކޮށްފަ އެވެ.
އެކަމަކު، ހުޅުމާލޭގައި ފުލުހުންގެ އަދަދު އިތުރުކުރުމާ ގުޅޭ ގޮތުން ފުލުހުންނާއި، ހުޅުމާލެ ތަރައްގީ ކުރުމުގެ މަސައްކަތް ކުރާ އެޗްޑީސީން އެއްވެސް ވާހަކައެއް ނުދެއްކި އެވެ.
ނަމަވެސް، ފުލުހުންގެ މީޑިއާ އޮފިޝަލަކު މިއަދު ވިދާޅުވީ ހުޅުމާލޭގައި ފުލުހުންގެ ހިދުމަތް ހަރުދަނާ ކުރުމަށާއި ވަސީލަތްތައް އިތުރު ކުރުމަށް މަސައްކަތް ކުރަމުން އަންނަ ކަމަށެވެ. އިތުރު ތަފްސީލެއް ނުދެއްވަ އެވެ.
އެނގިފައިވާ ގޮތުގައި ހުޅުމާލޭގައި 100 އާ ގާތްކުރާ އަދަދަކަށް ފުލުހުން މިހާރު އެބަތިއްބެވެ.
ހުޅުމާލޭގައި ފުލުހުންގެ އަދަދު އިތުރު މި ކުރީ، ރާއްޖޭގައި އެންމެ ހަލުއިކޮށް ތަރައްގީ ވަމުން އަންނަ ރަށުގެ އަމަން ބެލެހެއްޓުމަށް ގިނަ ފުލުހުން ނުތިބޭތީ އާންމުންގެ ޝަކުވާތައް އިތުރުވެފައިވަނިކޮށެވެ.
ފުލުހުންގެ ހިދުމަތް ހުޅުމާލޭގައި ފުޅާ ކުރުމުގެ ގޮތުން، ފުލުހުންގެ އާ އިމާރާތެއް ހެދުމުގެ މަސައްކަތް އަންނަނީ ކުރަމުންނެވެ. އެޗްޑީސީން ބުނި ގޮތުގައި، އެ އިމާރާތް ކުރިއަށް އޮތް ދެ މަހެއްހާ ދުވަހުގެ ތެރޭގައި ނިމޭނެ އެވެ. އޭރުން، ފުލުހުންގެ އަދަދު ވަރަށް ބޮޑަށް އިތުރު ކުރެވޭނެ ކަމަށް އެޗްޑީސީން ބުނެ އެވެ.
ފުލުހުން މިހާރު މަސައްކަތް ކުރަނީ، އެޗްޑީސީގެ އިމާރާތުގެ ބައެއްގަ އެވެ. އެތަނުގައި ކުށުގެ ތުހުމަތުގައި ހައްޔަރުކުރާ މީހުން ބައިތިއްބަން ޖަލެއް ވެސް ހުރެ އެވެ.
މި އަހަރުގެ ތެރޭގައި ހުޅުމާލޭގައި ހިނގި އެކްސިޑެންޓުތަކުގައި ތިން މީހަކު މަރުވެފައިވެ އެވެ. އަދި މާރާމާރީތަކުގައި ގިނަ އަދަދެއްގެ ޒުވާނުންނަށް އަނިޔާ ލިބިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން
20 August 2018
އިތުރުކުރުމުގެ ކުރިން ހުޅުމާލޭގައި އުޅެނީ 80 އެއްހާ ފުލުހުން، އިތުރު ކުރީމަވެސް ސަތޭކައާ ގާތްކުރާ އަދަދެއް ހަމަވީ، އެހެންވީމާ ހާދަ ބައިވަރެކޭ ތިޔަ އިތުރު ކޮއްލީ، ހުޅުމާލޭގައި ތިބޭ ފުލުހުންނަކީ އެއްވެސް ކަމެއް ރަނގަޅަށް ކުރެވޭ ބައެއްނޫން، އެތަނުން ބެލެނީ ވެސް ބައެއްމީހުންގެ މައްސަލަ، ރިޝްވަތު ހިފުންފަދަ ކަންކަން ވަނީ އާންމުވެފަ
އަލި
15 August 2018
މިއުޅެނީ ގްރޫޕް ހަދައިގެން ގޭދޮށުގަ ފަތްބޯވަރުން ސަލާމަތްނުވެގެން. ފުލުހުން ކުރާކަމަކީ ސައިކަލް ހުއްޓުވާފަ އެޗެކް ކުރުން. ކުއްމަދުކުރަންޏާ އެބަޖެހޭދޯ ގްރޫޕް އެއްވާތަންތަން ހުއްޓުވަން..
އަކިޔަންބޯ
15 August 2018
HDC ގެ ޕިކަޕްތަކުގައި ޕީޕީއެމްގެ ކެމްޕެއިން ދިދަތައް އުފުލާ މައްސަލަ ބައްލަވާނެކަމަށް އުންމީދުކުރަން.
ދެކޭމީހާކިޔާމީހާ
15 August 2018
މިއީ އިންޒާރީ ރަނގަބީލެއްނޫންބާ؟
އަތަ
15 August 2018
ޕީޕީއެމް ގެ ދިދަތައް މުޅިރަށް ފުރެންދެން ދަމާފަ އެ ބަލަހައްޓަން ފުލުހުން އެކަންޏެއްނޫން ސިފައިންވެސް ގިނަކުރާނެ.
ރަދީފުލް އައްވަލް
15 August 2018
ފުލުހުން އިތުރުކޮށްގެން ވަކި މޮޅެއްވާނެބާ. އެމީހުންގެވެސް ކަމަކީ ތަންއޮތިއްޔާ ފޮނިފޮންޏަށް ބާރުބާރަށް ޖިޕުދުއްވުން.
ފުންއަސަރު
15 August 2018
ހުޅުމާލޭގެ 70000 އާބާދީއަކަށް 100 ވަރަކަށް ފުލުހުން ތިބުމަކުން އެއީކީ އަދި ހަމަޖެހޭ ގޮތެއްނޫން. ތީ އަދި ވަރަށް ކުޑަމިންވަރެއް. ރާއްޖެތެރޭ 10000 އާބާދީއެއްގާވެސް ތިހާކަށްވަރަށް ފުލުހުންތިބޭ. އަހަރެން ދެކޭގޮތުގާ މިހާރު ހުޅުމާލޭގާ މާލެއާ ގާތްކުރާ އަދަދަކަށް ފުލުހުން ތިބެންވާނެ. އާބާދީ ބޮޑުވާ މިންވަރަށް ބަލާފާ ކަންކަން ކުރަމުންދާ ނަމަވެސް މިހެނެއްނުވާނެ. ދެރަތަންކޮޅަކީ އާބާދީގާ 70000 މީހުން އުޅޭއިރުވެސް، ހުޅުމާލޭގާ ތިބެގެން ހުޅުމާލޭގެ ސްކޫލެއްގާ އޭލެވެލް ކިޔަވާލެވެންވެސް ނެތްކަން. މިކަމާވެސް މަށަށް މިއުންދަގޫވަނީ އަންނަ އަހަރަކީ އަހަރެންގެ ދަރިވެސް އޭލެވެލްއަށް ކިޔަވަން މާލެ ދާންޖެހޭތީ. ތޮއްޖެހިފާވާ މާލޭގާ މިހާރު ހިނގާބިނގާވެ އުޅުމަކީވެސް ފަސޭހަކަމެއްނޫން. އެކަމަކު.... ކަންކަންމައްޗަށް ނުކުމެ ފުލުހުން މަގުތައް ހަމަޔަކަސް އެޅުވުމަށް ހަރަކާތްތެރިވާ ނަމައޭވެސް ހިތަށްއަރާ.
ޢާދަނު
15 August 2018
ޟުވައްޒަފުންނަށްބިރުދައްކައިގެން ކެންޕެއިންކުރުވުންނޫން ކަމެތް އެޗްޑިސީއައްނުކުރެވޭނެ