ކޮލަމާފުށިން ހައްޔަރު ކުރި ބައެއް މީހުން: އެ މީހުންގެ ބަންދުގެ މުއްދަތު ދެވަނަ ފަހަރަށް އިތުރުކުރި މައްސަލަ އިސްތިއުނާފް ކުރަން ވަނީ ނިންމާފައި --- ފޮޓޯ/އެމްޑީޕީ
16 ސެޕްޓެމްބަރ 2018 - 11:16
4 comments
ޕީޕީއެމްގެ ޖަގަހައަކަށް ގެއްލުން ދިނުމުގެ ތުހުމަތުގައި ގދ. ކޮލަމާފުށިން ހައްޔަރުކުރި 18 މީހުންގެ ބަންދުގެ މުއްދަތު ދެވަނަ ފަހަރަށް އިތުރުކުރި މައްސަލަ އިސްތިއުނާފް ކުރަން އެ މީހުންގެ ފަރާތުން ނިންމައިފި އެވެ.
ކޮލަމާފުށީގެ ޕީޕީއެމްގެ ޖަގަހައަކަށް ގެއްލުން ދިނުމުގެ ތުހުމަތުގައި މިދިޔަ މަހު އެ ރަށުން ހައްޔަރުކުރި އިދިކޮޅު ސަޕޯޓަރުންގެ ބަންދުގެ މުއްދަތު ވިލިނގިލީ ކޯޓުން ދެވަނަ ފަހަރަށް އިތުރުކުރީ މިދިޔަ ހުކުރު ދުވަހު އެވެ. އޭގެ ތެރެއިން 17 މީހެއްގެ ބަންދަށް 15 ދުވަސް އިތުރުކޮށް، ބާކީ ހުރި މީހާގެ ބަންދަށް 12 ދުވަސް ވަނީ އިތުރުކޮށްފަ އެވެ.
އެ މައްސަލަ އިސްތިއުނާފް ކުރަން ނިންމާފައިވާ ކަން އެ މީހުންގެ ދިފާއީ ވަކީލުންގެ ޓީމުގައި ހިމެނިވަޑައިގަންނަވާ ކުރީގެ ބަންޑާރަ ނައިބު ހުސްނުއްސުއޫދު ކަށަވަރުކޮށް ދެއްވި އެވެ.
ޖިނާއީ އިޖްރާއާތުގެ ގާނޫނު އޮތްގޮތުން އެއް މައްސަލައެއްގައި ހައްޔަރުކުރާ ކޮންމެ މީހަކަށް ވަކި ވަކީލެއް ހުންނަން ޖެހޭތީ އެ މީހުންގެ ދިފާއުގައި މާލެއިން 18 ވަކީލުންގެ ޓީމެއް މިދިޔަ ބުރާސްފަތި ދުވަހު ވިލިނގިއްޔަށް ދިޔަ އެވެ.
ސުޕްރީމް ކޯޓުން ދާދިފަހުން ހަމަޖައްސާފައިވާ ގޮތުން ބަންދާ މެދު ނިންމާ ނިންމުންތައް އިސްތިއުނާފް ކުރަން ބޭނުންވާ ނަމަ، ހައި ކޯޓުގެ ގޮފިތަކަށް ހުށަހެޅުމުގެ ބަދަލުގައި ޖެހޭނީ ސީދާ މާލޭގެ ހައި ކޯޓަށް ހުށަހަޅާށެވެ.
މި މަހު ބާއްވާ ރިޔާސީ އިންތިޚާބަށް ކެމްޕެއިން ކުރަމުން ދިޔަ ޕީޕީއެމްގެ ޖަގަހައަކަށް ގެއްލުން ދިނުމުގެ ތުހުމަތުގައި އެ މީހުންގެ މައްޗަށް ކުރަނީ ޓެރަރިޒަމްގެ ތުހުމަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުލް
16 September 2018
ވަރަށް ދެރަ ކަމެއް. ޖަޒްބާތުގަ ޖެހިގެން ކުރާ ކަންކަމުން އެތަށް ބަޔަކަށް އޭގެ ދެރަ ނިކަމެތިކަން. ރަށުން އެތަށް ޒުވާނުންނެއް ޖަލަށް ލީމަ އެއީ ރަށަށް ލިބޭ ނިކަމެތި ކަމެއް. އާއިލާ ތަކެއް ބިކަވެގެން ދާނެ. އަނެއް ކޮޅުން ކޮންމެ އިންސާނަކުވެސް މަރުވާނެ ދުވަހެއް އަންނާނެކަން ދަނެ އިސްލާހްވާން ޖެހޭ. ވާދަވެރިކަން އޮންނަނީ ރަށުގެ ތަރައްގީ އިތުރުކޮށް ރަށަށް ކަންކަން ކުރެވޭނެ ގޮތަށް ކަން ފަހި ކުރުމަށް ކަމަށް ދަނެ ޒާތި ރުޅިވެރިކަން ނުބާއްވަން ވިސްނަން ޖެހޭ.
ދަތްނެތްކުއްޖާ
16 September 2018
ތިމާމެންނަށް މިއަދި ލިބިފައިވާ އާރާއި ބާރު ނުހަމަގޮތުގައި ބޭނުންހިފިދާނެ. ނަމަވެސް ވެރިކަން ބަދަލުވުމުން އެބައެއްގެ އާރާއި ބާރު ކެނޑި އެފަދަ މީހުން ވާނީ މުޖުތަމަޢުން ބާކީ.
ކާސިމްބެ.
16 September 2018
ތިކަހަލަ ހަމަ އެކަކުވެސް ވޯޓު ނެގުމުގެ ކުރިން ނުނެރޭތި. ތީ މުޖުތަމައުއަށް ނުރައްކާބައެއް.
ޒަކީ
16 September 2018
ދެން އިންތިޚާބުގެ ވާހަކަ މިތަނަށް ތިޔަލީ ކޮން ހަމައަކުން؟ އިންތިޚާބު ނިމުނީމާ ނުރައްކާ ދިޔައީ ދެއްތޮ! އެހެންވީމާ ތިޔަ ހުރިހާ ވެސް ނުރައްކަލަކީ ރިޔާސީ އިންތިޚާބުތާ!