މަޖިލީހުގެ މާލިއްޔަތުގެ ކޮމިޓީގެ ބައްދަލުވުމެއްގަިއ މެމްބަރުން ބައިވެރިވެވަޑައިގަންނަވަނީ: އެމްއާރުޑީސީގެ އިސްވެރިން ހާޒިރު ކުރުމަށްފަހު ކޮމެޓީ ވަނީ ސިއްރުކޮށްފައި.--- ފޮޓޯ: ނިޝާން އަލީ/ މިހާރު
08 އޯގަސްޓް 2016 - 11:37
6 comments
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ)ގެ އިސްވެރިން ރައްޔިތުންގެ މަޖިލީހުގެ މާލިއްޔަތު ކޮމެޓީއަށް ހާޒިރުކުރުމަށް ފަހު، ކޮމެޓީ ބައްދަލުވުން މިއަދު ސިއްރުކޮށްފި އެވެ.
ކޮމެޓީގެ ބައްދަލުވުމުގައި އޮތީ އެމްއާރުޑީސީގެ އޮޕަރޭޝަންސް އަދި މާލީ ހާލަތާ ގުޅޭގޮތުން މަޝްވަރާ ކުރުމެވެ. ނަމަވެސް ކޮމެޓީ ބައްދަލުވުން ފެށުމާއެކު ބައްދަލުވުން ވަނީ ސިއްރުކޮށްފަ އެވެ.
އެމްއާރުޑީސީއާ ބެހޭ ގޮތުން އޮޑިޓާ ޖެނެރަލް ނެރުނު ރިޕޯޓް މާލިއްޔަތު ކޮމިޓީން އަންނަނީ ބަލަމުންނެވެ.
މަގު ހެދުމާއި މަގުތައް މަރާމާތުކުރުމަށް އުފައްދާފައިވާ ސަރުކާރުގެ 100 ޕަސެންޓް ހިއްސާވާ ކުންފުންޏާ ބެހޭ ގޮތުން އޮޑިޓާ ޖެނެރަލް ނެރުނު ރިޕޯޓްގައި ބުނެފައި ވަނީ އެމްއާރުޑީސީ އަށް ލިބެން ޖެހޭ ވަރަށް ގިނަ ފައިސާ ނުލިބި އެބަހުރި ކަމަށެވެ.
އެގޮތުން މިދިޔަ އަހަރުގެ ޖުލައި މަހުގެ ނިޔަލަށް 17.8 މިލިއަން ރުފިޔާ ނުލިބި އެބަހުރި ކަމަށާއި ކުންފުންޏަށް ސަރުކާރާއި އަމިއްލަ ފަރާތްތަކުން ދައްކަން ޖެހޭ ފައިސާ ހޯދަން އެކަށީގެންވާ މަސައްކަތްތަކެއް ކޮށްފައި ނުވާ ކަމަށް ވެސް ރިޕޯޓުގައި ބުންޏެވެ. އަދި އެ ފައިސާތައް ހޯދުމަށް ވަރަށް ގިނަ ދަތިތަކެއް އެބަހުރި ކަމަށް ވެސް ރިޕޯޓްގައިވެ އެވެ.
އޮޑިޓް ރިޕޯޓްގައި ބުނެފައި ވަނީ ކުންފުންޏަށް 2012 ވަނަ އަހަރު ލިބުނު ޖުމްލަ ފައިދާ 39 ޕަސެންޓް އަދި 2013 ވަނަ އަހަރު 34 ޕަސެންޓް، 2014 ވަނަ އަހަރު 41 ޕަސެންޓް ދަށްވެފައިވާ ކަމަށެވެ. އެ ކުންފުނީގެ މަސްއޫލިއްޔަތުތަކުގެ ތެރޭގައި ނުހިމެނޭ މަސައްކަތްތަކެއް ކުރަމުން އަންނަކަން ވެސް އޮޑިޓް ރިޕޯޓްގައި ފާހަގަކޮށްފައިވެ އެވެ. އެ ގޮތުން، ބައެއް ރަށްރަށުގެ ފުޓްސަލް ދަނޑުތައް ހެދުމާއި ކުނި ނައްތާލުމުގެ މަސައްކަތާއި ވެލި ނަގައިގެން ވިއްކުމުގެ މަސައްކަތް ކުރަމުން އަންނަ ކަމަށް ރިޕޯޓްގައި ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިއްދޫ މީހާ
08 August 2016
ކުދި އަދި މެދުފަންތީގެ ކުންފުނިތަކުން ކުރަމުން އައި މަސައްކަތްތައް ހާއްސަކޮށް ކޮންސްޓްރަކްޝަން މަސައްކަތްށް އެމް.އާރު.ޑީސީ،އެމް.ޓީ.ސީ.ސީ،ސިފައިންގެ ސިވިކް ކޮންފުނި ވަނުމުގެ ސަބަބުން ކުދި އަދި މެދު ފަންތީގެ ކޮންސްޓްރަކްޝަން މަސައްކައް ކުރާ ކުންފުނިތަށް މިއަދު ވަނީ ބަގުރޫޓްވެފަ، ސަރުކާރު މަސައްކަތެއް ކުރިނަމަވެސް ލާރިކޮޅޮ ހޯދަން ޖެހެނީ ސަލާންޖަހަށް. މިކަމާ ކަންބޮޑުވާ މެމްބަރަކު މަޖިލިހަކުނެތް.މިނިސްޓަރަކުނެތް. މިކަންކަން ހައްލުކޮށް ދެންޖެހޭނީ އިކޮނޮމޮކް މިނިސްޓަރ. ޢެކަމެއްނުވޭ
ފާތުމަ
08 August 2016
ތިގޮތަށް ހުރިހާ ކުންފުނިތައްވެސް އެބަ ހާޒިރު ކުރަންޖެހޭ، ކޮންމެ ތިންމަހަކުން، އެހެން ނޫނީ ދެން ފެންނަމުންދާނީ ކުންފުނިތަކުތެ އޮނިގަޑު. އެސްޓީއޯއިން ވެސް މުވައްޒަފަކަށް ކަމެއްކޮށްދޭން ވީމަ މިހާރުގެ އެމްޑީއަށް ކަންތައް ބޮޑުވަނީ، ސްޕޮންސަރ ކުރަންވީމަ ހަމަ އޯކޭ
އިބްރާހިމް
08 August 2016
ވެގެން އުޅޭ ގޮތަކީ ތަންހިންގަން ނޭގޭ މީހުން ތަން ހިންގަން ހަވާލުކުރީމަ ތަނަށް ވަންނަ އެއްޗަކަށްވުރެ ހަރަދު ބޮޑުވެ، ކުންފުނި ބަނގުރޫޓްވީ. މިހާރުވެސް ބަލާލަބަލަ ރަށްރަށުގެ ނުވަރަ ސަރަހައްދީ އޮފީސްތައް ހިންގަން އެތަނަށްލާފައި ތިބި މީހުންގެ ފެންވަރު، ބޮޑެތި މަޤާމުތައް އުފައްދައި، ބޭކާރު މީހުނަށް ވަޒީފާދީފައި އެތިބީ، އެންވީމަ ތިތަން ބަނގުރޫޓްވާން ލަސްވެސް ވެއްޖެ މިހާރު!
އަލިދީދީއައްޑޫސިޓީ
08 August 2016
ރާއްޖޭގެ އަތޮޅުތެރޭ ގައި ހުރި ކުދި ކުދި ކުންފުނިތަކުގެ މަސައްކަތަށް ހުރަސްއަޅާ ކުންފުންޏެއް. ފުޓްސަލް ދަނޑު ހަދަން ކީއްތޯ ވާނީ އިއުލާން ކޮށްގެން ބިޑުކޮށްގެން ބަޔަކާ ހަވާލުކުރިއްޔާ. ކުނި އުކާލަން ގޭގޭ ދޮށަށް ކުނިބަލާ ދަނީވެސް ބޮޑު ސިންގާ ލޯޑަރެއް. ކިހާ ބޮޑު ބޭކާރު ޚަރަދެއްތޯ؟ އެ އަށް އަޅާ ތެލަކީ ހިލޭ ލިބޭ އެއްޗެއްބާ؟ މިހުންނަނީ ބޮޑެތި މައްސަލަ. ޒިންމާދާރުކުރުވާނެ ބަޔަކު ނެތް.
ހުލީ
08 August 2016
މިއީ ކޮރަޕްޝަން ބޯކޮށް އޮންނަ ތަނެއް. ދުވަހަކު އާއްމު މީހަކަށް ގަލެއް ނުލިބޭނެ. އެކަމަކު ހަތަރު ދަމު ޕިކަޕު ތަކުގައި ގާ ބޭރު ކުރޭ. ވާނުވާ އެއް ނޭނގޭ. ވެރިއަކު ޖަވާބެއް ނުދޭ
އުދުހޭ
08 August 2016
ބަލަ ކަމެއްވީމަނޫންތަ ކޮމިޓީ ސިއްރު އެކުރީ؟!