ސިއްރު ފެންފުށި ފަޅު ތެރޭގައި ހެދި ގެލަރީ: އެތަން ނެގުމަށް މިއަދު ވަނީ އަމުރު ކޮށްފައި --ފޮޓޯ/ ކެޓް ވިންޓަން
20 ސެޕްޓެމްބަރ 2018 - 13:04
41 comments
ސިއްރު ފެންފުށި ރިސޯޓްގެ ފަޅު ތެރޭގައި ހެދި ގެލެރީގައި ބެހެއްޓި ބުދުތައް ފަސް ގަޑިއިރުގެ ތެރޭގައި ނަގަން ސިވިލް ކޯޓުން މިއަދު އަމުރުކޮށްފި އެވެ.
ސިވިލް ކޯޓުން އެގޮތަށް އަމުރުކުރީ އެ ބުދުތައް ނެގުމުގެ އަމުރަކަށް ދައުލަތުން އެދުމުންނެވެ. އޭގެ ކުރިން އެތަކެތި ނަގަން އެ ރިސޯޓަށް ސަރުކާރުން ވެސް އެންގި އެވެ.
ދައުލަތުން ބުނާ ގޮތުން އެތަން ހަދާފައިވަނީ ހުއްދަ ދިން ގޮތާ ޚިލާފަށެވެ.
ސިވިލް ކޯޓުން މިއަދު ނެރުނު އަމުރުގައި ވަނީ ސިއްރު ފެންފުށީގައި ހަދާފައި ހުރި ކޮރަލެރިއަމް އަކީ އިސްލާމްދީނުގެ ވަހުދަތާއި ދައުލަތުގެ ސުލްހަ މަސަލަސްކަމާ ޚިލާފަށް ހަދާފައިވާ ތަނެއް ކަން ހުށަހެޅިފައިވާ ލިޔުންތަކުން އެނގެން އޮންނަ ކަމަށެވެ. އަދި ދައުލަތުގެ އެންމެ މަތީ މަސްލަހަތަށާއި އެ ބުދުތަކަށް އަޅުކަން ކުރުމުގެ ދޮރެއް ހުޅުވިޔަ ނުދިނުމަށްޓަކައި، އެ މައްސަލާގައި ގޮތެއް ކަނޑައެޅެންދެން ވެސް އެ ބުދުތައް ބެހެއްޓުން ހުއްދަ ނުކުރެވޭނެ ކަމަށް އެ އަމުރުގައިވެ އެވެ.
އެ އަމުރުގައި އަންގާފައި ވަނީ މިއަދު މެންދުރު 1:30 އިން ފެށިގެން ފަސް ގަޑިއިރުގެ ތެރޭގައި އެ ބުދުތައް އެތަނުން ނެގުމަށެވެ. އެ މުއްދަތުގައި ބުދުތައް ނުނަގައިފި ނަމަ، ހަތް ދުވަހުގެ ތެރޭގައި އެ ތަކެތި ނަގައި، ނައްތާލަން ފުލުހުންނާއި ސިފައިންގެ މައްޗަށް އަމުރުކުރާ ކަމަށް ވެސް ގާޒީ އަލީ އަބްދުﷲ ނެރުއްވި އަމުރުގައިވެ އެވެ.
އިނގިރޭސިވިލާތުގެ އާޓިސްޓެއްގެ ޚިޔާލާ އެއްގޮތަށް އުފެއްދި އެ ގެލެރީ ހަދާފައިވަނީ މޫދުގެ ދިރުންތަކާއި އިންސާނުންނާ އޮތް ގުޅުން ދައްކުވައި ދިނުމަށް އިންސާނުންނާ ވައްތަރު ގޮތަކަށް ހަދާފައިވާ ބުދުތަކާއި އޭގައި ހަރުކޮށްފައިވާ މުރަކަތަކުންނެވެ.
އެ ބުދުތަކުގެ މައްސަލާގައި ދީނީ އިލްމުވެރިންނާއި ސިޔާސީ ފަރާތްތަކުގެ ފާޑުކިޔުން އަމާޒުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލާތި
21 September 2018
ކޮބާ 5ގަޑިއިރު ވެއްޖެ. ފުރާޅުން ޓިނުނެގިގިތަށް މިރޭން މިރެއަށް ކީއްވެ ބުދުތައްނުނަގަނީ. 5 ގަޑިއިރު ވެއްޖެ އިރުއޮއްސި 6:30 ގަ. ތިއުޅެނީ ޕޮލިހުން ނަގަނީއޭ ކިޔައިގެން އަހަރުމެން ގުނބޯ ހައްދަންތަ. އަދި ނޫސްވެރިންނަށްވެސްބަލަންދާން ފުރުސަތުދޭން
އިބާދު
20 September 2018
ވޯޓުން އިބޫހޮވިއްޖިޔާ ތިޔަ ސިއްރުފެންފުށި ސިއްރު ފައްޅިއަކަށް ވެފަ އޮންނާނީ... ކިތައްމެ ދުވަހަކުން ވިޔަސް ތިނަގައިދީފިއްޔާ މަށަށް އޯކޭ!
މަގޭ ނަޒަރު
20 September 2018
ތިޔާ އެކު މަލޭގެ ފިހާރަތަކުގައި ހުރި ހުރިހާމެނިކުއީނަތައްވެސް ނަގާތި.
ތުއްތުނާ
20 September 2018
ދައުލަތުން ނަގަން ބޭނުން ނަމަ ތިކަން މިހާރު ހުންނާނީ ނިމިފައި........ ވޯޓުލުމުގެ އެއްގަޑިއިރު ކުރިން ނެގުމަށް ފެނޭ.......... އިސްތިހާރު ކުޅެން ބޭނުން ވަނީ......... ވަރަށް ވާހަކަ.......
ތުއްތުންގެ ސަޕޯރޓަރެއް.!!
20 September 2018
ވަރައް ރަނގަޅު ވާހަކައެއް!!!! ތިތައީ ފިސާރި ރަނގަޅަށް އެނގޭ ކަންތައް.. އެރިސޯރޓުން އެއްވެސް މަސައްކަތެއް ކުރާ ކަމުގެ ހެއްކެތެއް ނުލިބޭ .. ދެން އޮތީ 7 ދުވުސް.؟؟؟ ސަޅި.؟؟؟
ރޯނުއެދުރު 2018
20 September 2018
މިކަމުންވެސް އިބުރަތެއްލިބި ގަންނަމާ! މިއީ ކުއްޔަށް ދޫކޮށްފަ އޮތް ރަށެއްގަހުރި ބުދު ތަކެއް ނުނެގިގެން އުޅޭހާލު! ދެން ފަރަންޖީންނަށް ބިންހިބައިން މިލްކްކޮށްދިނީމަ ޖެހޭނެ ހާލަކީ ކޮބާ؟ އެއީ ނުސީދާކޮށް އެކިދީންތަކުގެ މީހުންނަށް މިބިމުން އެމީހުން ބޭނުންވާ ދީނަކަށް އުޅުމަށް ހުޅުވާލެވޭ ދޮރެއް! އިސްލާމްދީން ނޫންދީން ތަކަށް މިބިމުންދެވޭ ދަޢުވަތެއް! މިކަމަށް ވިސްނާލާ!
ބެއްޔާ އައްޑޫ
20 September 2018
މިސަރުކާރުން ތިޔަ ބުދުތަކެއް ނުންގާނެ. ނަގާނެ ނަމަ މިހާރު ތިކަން އޮންނާނީ ނިންމާފަ. އޮޅުވާލުމާއި މަކަރާއި ހީލަތުން ހުރިހާ ކަމެއް ކުރަން ދިމާ ކުރާ ސަރުކާރެއް މިނޫނީ މަ ނުދެކެން
ހެހެ
20 September 2018
ބެއްޔާ މާ އަޖައިބުވެގެން ނޫޅެބަލަ. ކޯލިޝަން އަރައިފިނަމަވެސް ހަމަ މަކަރާ ހީލަތުން ކަންކުރާ ސަރުކާރެއް ފެންނާނީ.
ގައްބަރު ސިނގް
20 September 2018
ކައްޕި.....ހެލޯ ކިހިނެތް.....ފަހުތަޅާލުންގަޑު ފެށިނީ ދޯ.
މަންނާނު
20 September 2018
ބުލޫ ވިންގުންވެސް ތިޔަޑްރާމާގަ ބައިވެރިވޭ އުތަ
ޢަލިދީދީއައްޑޫސިޓީ
20 September 2018
ފުލުހުންނާއި ސިފައިންގެ މައްޗަށް ކޯޓުން ނެރޭ އަމުރުތައް ތަންފީޒު ކުރަމުންދާތަން ފެންނާނެބާ! ފުލުހުންގެ ނޫސްކޮންފަރެންސެއްގައި މީގެ ހަފްތާ އެއްހާ ދުވަސްކުރިން ބުނި އެބުދުތައް ނެގުމުގެ މަސައްކަތް ފުލުހުން ކުރަމުންދާކަމަށް. އެހެންވެ މިބުނީ މިއީ ވާނެކަމެއްހެން ހާދަ ހީނުވޭޔޭ!
ލިޕޭ
20 September 2018
މިކަންވެސް ޕޮލިޓިކްސް ކޮށްގެން. ހެޔޮ ނުވާނެ. ސަރުކާރުން މިކަން ކުރީ ޕޮލިޓިކްސް ވެގެނެއްނޫން. ސަރުކާރުން މިކަން ކުރީ މީ އިސްލާމީ ޤައުމަކަށް ވީމަ. ބަޔަކު މީހުން ސިޔާސީ ވިޔަސް ބޮޑު ވަރު. ތިވަރު ވަންޏާ ރާއްޖެއިން ބޭރަށް ފުރާ ލީޑަރު ފަހަތުން.