އެއް ކިލޯގެ ރަން، ވަގަށް ބޭރުކުރަން އުޅެނިކޮށް އަތުލައިގެންފި

ވެލާނާ އިންޓަނޭޝަނަލް އެއާޕޯޓުން ބޭރު ކުރަން އުޅެނިކޮށް އަތުލައިގަތް ރަންގަނޑު. - ފޮޓޯ: މިހާރު

މުހައްމަދު ޔާމީން، މިހާރު

23 އޮކްޓޯބަރ 2018 - 14:07

އެއް ކިލޯގެ ބަރުދަން ހުރި ރަންގަނޑެއް ސްރީ ލަންކާ އަށް ބޭރުކުރަން އުޅެނިކޮށް ވެލާނާ އިންޓަނޭޝަނަލް އެއާޕޯޓުން އަތުލައިގެންފި އެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ އެ މައްސަލަ، ކަސްޓަމްސްއާ ގުޅިގެން ތަހުގީގު ކުރަމުން އަންނަ ކަމަށެވެ. އޭގެ އިތުރު ތަފްސީލެއް ނުދެ އެވެ.

"މިހާރު" އަށް އެނގިފައިވާ ގޮތުގައި އެ ރަންގަނޑު ފެނުނީ މިދިޔަ އާދިއްތަ ދުވަހުގެ ރޭ ބޭރުކުރަން އުޅުނު މަސް ފޮށިގަނޑެއް ތެރެއިންނެވެ.

މަންޒަރު ދުށް މީހަކު "މިހާރު" އަށް ބުނީ ރަންގަނޑު ފެނުނީ އެއާޕޯޓުގައި ސްކޭން ކުރަމުން ދަނިކޮށް، އޭވިއޭޝަން ސެކިއުރިޓީގެ މުވައްޒަފަކަށެވެ. އެ ފޮރުވާފައި އޮތް ފޮށިގަނޑުގައި ހުރީ ލޮނު މަސް ކަމަށް ވެސް އެ މީހާ ބުންޏެވެ.

"ރަން ފޮތި އޮތީ މަސް ބަންދުކުރާ ފޮށިގަނޑެއްގެ ތެރެއަށް ލާފައި. އެ ފޮށިގަނޑުގެ ތެރެއަށް މަސްތަކެއް ވެސް ހުރީ އަޅާފައި. އެ މަސްތަކުގެ ތެރެއިން ރަންގަނޑު ފެނުނީ،" އޭނާ ބުންޏެވެ.

އޭނާ ބުނި ގޮތުގައި ރަންގަނޑު ފެނުމާ އެކު، ފުލުހުންނާއި ކަސްޓަމްސްގެ އޮފިޝަލުންނަށް، ސެކިއުރިޓީ މުވައްޒަފުން، އެންގި އެވެ. އަދި ތަހުގީގު ކުރުމަށް އެ ގެންދިޔަ ކަމަށް ވެސް އޭނާ ބުންޏެވެ.

"އެއްވެސް މީހަކު ހައްޔަރެއް ނުކުރޭ. އެކަމަކު އެއީ ސްރީ ލަންކާ އަށް ބޭރުކުރަންވެގެން އުޅުނު މަސް ފޮށިގަނޑެއް ކަން އެނގެނީ،" އޭނާ ކިޔައިދިނެވެ.

ކުށްކުރުން ފުލުހުން ކަސްޓަމްސް ވެލާނާ އިންޓަނޭޝަނަލް އެއާޕޯޓް

35 ކޮމެންޓް, 74 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަހިމަ

24 October 2018

އެހޯދިމީހާގެ ނަންކީއްވެ ފޮށިގަނޑުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙްސާސް

24 October 2018

ތިވެސް ދިރުވާލައިގެން ބޭރުކުރަން އުޅުނުނަމަ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީމް

24 October 2018

ރަނަކީ ގެންގުޅުން މަނާ އެއްޗަކީތަ..؟؟ ކޮންމެވެސް ކުއްޖަކު ކިޔާދީބަލަ މިވާގޮތެއް..؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާއިރާ

24 October 2018

ރަނަކީ ފައިސާގެ އަސްލު. ގައުމުގައި ފައިސާގެ އަގު ކަނޑައަޅާނީ އެގައުމުގައިެސް ރަން ރައްކާކޮށްފައި ހުންނަ މިންވަރަކުން. ރާއްޖެއަށް އެއްވެސް އެއްޗެއް އެތެރެކުރެވޭނީ، އަދި ރާއްޖެއިން ބޭރު ކުރެވޭނީ ވެސް ދައުލަތަށް އެނގިގެން. މަސްކިލޯއެއް ކަމަށް ހަދައި ރަން ކިލޯއެއް ބޭރެއް ނުކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

24 October 2018

ފައިސާގެ އަގު މިނެކިރަނީ ރަނުގެ އަގަށް ބޭސްކޮށް. ނޫޓަކީ އޭގެ ޒާތުގަ އެއްވެސް އެއްޗެއް ނޫން! ރަން އުފުލާގެންގުޅެން އުނދަގޫވުމުންނާއި ކޮށާ ކުދިކޮށްގެން އަގުދައްކަން އުނދަގޫވާތީ ރަން ރިޒާވްގަ ބަހައްޓާފަ އޭގެއަގަށް ނޫޓް ޗާޕްކުރަނީ! އެއްކިލޯ ރަނަކީ ސާޅީސްހާސް ޑޮލަރު! ވީމާ އެހާ ގިނައަދަދެއްގެ ފައިސާ ޑިކްލެއަރނުކޮށް އެއްގައުުމުން އަނެއްގައުމަށް އުފުލުމަކީ މަނާކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޔާޒް

25 October 2018

މިހާރު ފައިސާގެ އަގު ކަޑައަޅަނީ ރަނަށް ބަލާފައެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮލައްތުރާ

24 October 2018

މިވެސް ހަބަރުތަ؟ އެއަރޕޯޓުން ހިފައްޓާފަވެއްޖެ މަ ބޮޑީ ސްޕްރޭ ފުޅިއެއްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏަޖީބް

24 October 2018

ބުނަން ނުކެރޭ ވާހަކަތައް ނުލިޔެބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނުވާ

24 October 2018

މީގެ ކުރިން ސެކިއުރިޓީ އިން ތިކަހަލަ ކިތަންމެ އެއްޗެއް ހޯދާ ކަްޓަމްސް އާއި ޙަވާލުކޮށްފަވޭ. އެކަމު ނަންވެ ހުރިހާ ފޮންޏެއް ބޮއެފަ އޮތި ކަސްޓަމްސްގެ މުވައްޒަފުން. މިފަހަރު ސެކިއުރިޓީގެ ނަން ފާހަގަކުރެވުނީ ކީއްވެބާ!!