ކްރައިމް ސީނެއްކަން އަންގައި ދިނުމަށް ފުލުހުން ޓޭޕް ދަމާފައި: ހޮނިހިރު ދުވަހު މާލޭގައި ހިންގި ޒުވާނަކަށް ހަމަލަދީ ޒަހަމް ކޮށްލި މައްސަލާގައި އަދިވެސް މީހަކު ހައްޔަރެއް ނުކުރޭ.
29 އޮކްޓޯބަރ 2018 - 15:48
3 comments
މިދިޔަ ހޮނިހިރު ދުވަހު މާލޭގައި ހިންގި މާރާމާރީގައި އަނިޔާވި ޒުވާނާގެ ހާލު އަދިވެސް ސީރިއަސް ކަމަށް އޭނާގެ އާއިލާއިން މިއަދު ބުނެފި އެވެ.
ބޮޑުތަކުރުފާނު މަގުގައި ހުންނަ ޕީޕީއެމްގެ އޮފީސް ކައިރީގައި ހިންގި މި މާރާމާރީގައި ޒަހަމްވެފައި ވަނީ މި މަހުގެ ކުރީކޮޅު މާލޭގައި ހިންގި މާރާމާރީގައި މަރާލާފައިވާ އިސްމާއިލް ޝައްފާން ޝަރީފްގެ 14، ދެބެންގެ ދެ ދަރި މީހެއް ކަމަށްވާ އަހުމަދު ރިޔާޒް 28، އެވެ.
ޝައްފާންގެ ބައްޕަ އަދި ހޮނިހިރު ދުވަހުގެ މާރާމާރީގައި އަނިޔާވެގެން އޭޑީކޭ ހޮސްޕިޓަލްގައި ފަރުވާ ދެމުން އަންނަ ރިޔާޒްްގެ ބޮޑުބޭބެ އަބްދުﷲ ޝަރީފް އަލީ "މިހާރު" އަށް ބުނީ ރިޔާޒްގެ ހާލު އަދިވެސް ސީރިއަސް ކަމަށާއި އޭނާ އަށް ފަރުވާ ދެނީ އޭޑީކޭގެ އައިސީޔޫގައި ކަމަށެވެ.
"ރިޔާޒްގެ ހާލު ސީރިއަސް. އެކަމަކު ކުރިއަށް ވުރެ މިހާރު ވަރަށް ބޮޑުތަން ރަނގަޅު،" ޝަރީފް ބުންޏެވެ.
އޭނާ ބުނީ ރިޔާޒްގެ ހަށިގަނޑުގެ 12 ތަނަކަށް ވަޅި ހަރާފައިވާ ކަމަށެވެ. އޭގެ ތެރޭގައި ރިޔާޒްގެ ފުއްޕާމެ އާއި އެޕެންޑިކްސް ކައިރިން ކަނާތު ފައިގެ އުކުޅުވަޅަށް ވެސް ވަޅި ހަރާފައި ވާކަމަށް ޝަރީފް ބުންޏެވެ.
"ރިޔާޒްގެ އަތު ހުޅު ކައިރިން ނާރެއް ވެސް ބުރި ވެފައި ހުރީ،" ރިޔާޒަށް ލިބުނު އަނިޔާގެ ސީރިއަސްކަން ކިޔައިދެމުން އޭނާގެ ބޮޑުބޭބެ ޝަރީފް ބުންޏެވެ.
ރިޔާޒަށް އިތުރު ފަރުވާ ދިނުމަށް ރާއްޖެއިން ބޭރަށް ގެންދިއުމަށް ޑޮކްޓަރުންނާ މަޝްވަރާ ކޮށްފައި ވީ ނަމަވެސް، އަދި ވަކި ގޮތަކަށް ނުނިންމާ ކަމަށް އޭނާ ބުންޏެވެ.
ޝަރީފް ބުނިގޮތުގައި އޭނާގެ ދަރިފުޅަށް ހަމަލަދީ މަރައިލުމާއި ރިޔާޒަށް ބަޔަކު ދިން ހަމަލައާ ގުޅުމެއް އޮތް ކަމަށް މިހާތަނަކަށް ފުލުހުން ނުބުނެ އެވެ.
ރިޔާޒަށް ހަމަލަދިން މައްސަލައާ ގުޅޭ ގޮތުން ފުލުހުން މީޑިއާ އަށް ތަފްސީލެއް ނުދެ އެވެ. އަދި ރިޔާޒަށް ހަމަލާދިން ކަމަށް ބުނާ މީހުންގެ ފޮޓޯ ސޯޝަލް މީޑިއާގައި އާންމު ވެފައިވާ ވިޔަސް، ފުލުހުން މި މައްސަލައާ ގުޅިގެން ރަސްމީކޮށް މީހަކު ހޯދާކަށެއް އިއުލާން ކޮށްފައެއް ނުވެ އެެވެ.
އެނގިފައިވާ ގޮތުގައި ރިޔާޒަށް ހަމަލަ ދިން މައްސަލައާ ގުޅިގެން އެއްވެސް މީހަކު އަދި ހައްޔަރު ކޮށްފައެއް ނުވެ އެވެ.
ދާދި ފަހުން މާލޭގައި މާރާމާރީތައް އަނެއްކާ ވެސް އާންމުވެފައި ވުމުން ފުލުހުން ވަނީ މިކަމާ ގުޅިގެން މީހުން ފާސްކުރުމުގެ ހަރަކާތެއް ހިންގައިފަ އެވެ. ނަމަވެސް މި މާރާމާރީތަކުގެ އިތުރު ތަފްސީލެއް ފުލުހުންނެއް އާންމެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަޖުމަދު
26 August 2021
ސާރުކާރުން މި މައްސަލަ ސިއްރު ކުރަން އުޅެނީ ކީއްވެ؟؟؟؟
ޑޮކްޓަރުންގެ ސިޓީ / އައްޑޫ ސިޓީ
29 October 2018
ވަޅިޖަހާ ޑްރަޤު ލޯޑުންނާއި ގޭންގް ސްޓާތުން ތިރިކުރުމަށްއޮތްހުރަހެއްކަމުގައި ފުލުހުންގެމުއައްސަސާގެ އޮނިގަނޑުއޮތްގޮތްހިމެނޭތޯ އޮސްޓްރޭލިއާ ކެނަޑާ ސިންގަޕޯރ ތައިލެންޑް ފަދަ ޤައުމުތަކުގެ ފުލުހުންގެފަންނީއެހީތެރިކަން ހޯދައިބަލާންވެއްޖެ. . . ރައްޔިތުންއިންތިހާބުކޮށްފައިވާ “ލާމަރުކަޒީ ރައީސް” ސޯލިޙްގެވެރިކަމުގައި ނޯތުޕޮލިސް، ސެންޓްރަލްޕޮލިސް އަދި ސަދާރންޕޮލިސް ޑިވިޝަން އުފައްދާ ޑިސެންޓްރަލައިޒް ކޮށްފިނަމަ ގޭންގްތަކާއި ފުލުހުންގެގުޅުން ދުރުކުރެވިދާނެ.
އައްކަލޯ
29 October 2018
ތިޔަ ހިނގާ ކަންކަމާ ސިޔާސީ މީހުނާ ގުޅުން ހުންނާނެ ..