ގައުމީ ޖަލްސާގެ ނިންމުންތައް ކޮމިޝަނުން ބަލައިނުގަތް މައްސަލަ ހައި ކޯޓަށް

ޕީޕީއެމްގެ ކޮންގްރެސްގައި ރައީސް ޔާމީނާއި އެ ޕާޓީގެ ބައެއް އިސްވެރިން: އެ ކޮންގްރެސްގެ ނިންމުންތައް ކޮމިޝަނުން ބަލައިނުގަތް މައްސަލަ ވަނީ ހައި ކޯޓަށް ހުށަހަޅާފައި --ފޮޓޯ: ޕީޕީއެމް

މުއިއްޒު އިބްރާހިމް، މިހާރު

04 ނޮވެމްބަރ 2018 - 14:11

6 comments

ވެރިކަން ކުރާ ޕާޓީ، ޕީޕީއެމުން މިދިޔަ ސެޕްޓެމްބަރު މަހު ބޭއްވި ގައުމީ ޖަލްސާ ނުވަތަ ކޮންގްރެސްގައި ނިންމި ނިންމުންތައް ބަލައިނުގަތުމަށް އިލެކްޝަންސް ކޮމިޝަނުން ނިންމި މައްސަލާގައި އެ ޕާޓީން ހައި ކޯޓަށް މައްސަލަ ހުށަހަޅައިފި އެވެ.

ސިވިލް ކޯޓުގެ ހުކުމަކުން 2016 ގައި ޕީޕީއެމްގެ ހިންގުން ރައީސް އަބްދުﷲ ޔާމީނާ ހަވާލުކޮށްފައި ވަނިކޮށް، މިދިޔަ ސެޕްޓެމްބަރު މަހުގެ ފަހުކޮޅު އެ ޕާޓީގެ ގައުމީ ޖަލްސާއެއް ބާއްވައި، ޕީޕީއެމްގެ ރައީސަކަށް ރައީސް ޔާމީން އިންތިޚާބުކޮށް، އެކި މަގާމުތަކަށް ބޭފުޅުން ވަނީ އިންތިޚާބުކޮށްފަ އެވެ. އެކަމަކު އިލެކްޝަންސް ކޮމިޝަނުން މިދިޔަ މަހު އަންގާފައި ވަނީ އެ ޖަލްސާގެ ނިންމުންތައް ބަލައިގަނެވެން ނެތް ކަމަށެވެ.

އެ މައްސަލައިގައި ޕީޕީއެމުން އިލެކްޝަންސް ކޮމިޝަނާ ދެކޮޅަށް ހައި ކޯޓުގައި ދައުވާކުރީ ގައުމީ ޖަލްސާގެ ނިންމުންތައް ބަލައިނުގަތުމަށް އެ ކޮމިޝަނުން ނިންމީ ގާނޫނާ ޚިލާފަށް ކަމަށް ކަނޑައަޅައި ދިނުމަށެވެ. އަދި އެ ޖަލްސާގައި ފާސްކުރި އެ ޕާޓީގެ އަސާސީ ގަވާއިދާއި މަގާމުތަކަށް އިންތިޚާބު ކުރި ފަރާތްތައް ޕާޓީގެ ދަފްތަރުގައި ހިމެނުމަށް އަމުރުކޮށް ދިނުމަށް އެދި އެވެ. އެ މައްސަލަ ޕީޕީއެމުން ހުށަހެޅީ މިދިޔަ މަހުގެ ފަހުކޮޅު އެވެ.

ޕީޕީއެމްގެ ގައުމީ ޖަލްސާގެ ނިންމުންތައް ބަލައިނުގަތުމަށް ކޮމިޝަނުން ނިންމި ނިންމިއިރު، އެ ޕާޓީ ހިންގުން ޕީޕީއެމްގެ ކުރީގެ ރައީސް މައުމޫން އަބްދުލްގައްޔޫމާ ހަވާލުކުރަން ޕާޓީގެ ދެ މެމްބަރަކު ސިވިލް ކޯޓަށް ވެސް މައްސަލަ ހުށަހެޅި އެވެ. އެ ދެ މައްސަލަ ސިވިލް ކޯޓުގައި ހިނގަމުން ދަނިކޮށް، ސުޕްރީމް ކޯޓަށް ހުށަހެޅުނު ޝަކުވާއަކާ ގުޅިގެން އެ ކޯޓުން ވަނީ އެ ދެ މައްސަލައިގެ ފައިލް ސުޕްރީމް ކޯޓަށް ގެންގޮސްފަ އެވެ.

ސިޔާސީ ޕާޓީ ހައި ކޯޓް އިލެކްޝަންސް ކޮމިޝަން ޕީޕީއެމް ޕީޕީއެމް ކޮންގްރެސް

6 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބްދުﷲނާފިޒް

04 November 2018

ވަރުގަދަ ކަމެއް މިއޮތީ، ކަލޭމެން ވެއްޖެނު ކޯޓުތަކުގަ ކުނާއަޅައިގެން ނުނިކުމެ އެތާ އަބަދު ތިބެން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުނިބެ

04 November 2018

ހަޑި ހޭވުމުން މީހަކަށް ވަނައެއް ލިބޭނަމަ ޔާމީނަށް ނޫން މީހަކަށް 1 ވަނަ ނުލިބޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަފާ

04 November 2018

ކޮންގުރެސް ބޭއްވީ އެޕާޓީގެ އަސާސީ ޤަވައދާއި ޚިލާފަށް، މިއީ އެންމެންޤަބޫލުކުރާނެ ހަޤީގަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަ55559

04 November 2018

ކޮންމެ ކަމެއް ވެސް ނިމިގެންދާނީ ހައްގަށް ނަސްރުލިބިގެން...ސިންގާ ބާރުގައި ދެއްކި ބޮޑާކަން، ނިމިގެން ތި ދަނީ ހިއްޏެއްވެސް ބަލާ ނުލާހާ ނިކަމެތިކަމުގައި...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޅުވެރިން

04 November 2018

ސިވިލް ކޯޓުން ޕީޕީއެމް ހިންގުން ރައީސް ޔާމީނަކާ ޙަވާލެއް ނުކުރޭ! ކޯޓުން ބުނީ ޕާޓީގެ މުސްތަޝާރުގެ ރިޔާސަތުގައި 24 ގަޑިއިރު ތެރޭގައި ޕާޓީގެ ކައުންސިލް ބައްދަލުވުމެއް ބާއްވަން ޖެހޭނެއޭ! ޕާޓީގެ ހިންގުން ރައީސް ޔާމީނާ ޙަވާލުކުރަން ނިންމީ ކައުންސިލުން، ކޯޓަކުން ނޫން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

04 November 2018

ޕާޓީ ފޭރިގަނެގެން އަމިއްލައަށް ކައުންސިލްވެސް ބަދަކޮށްގެން އުޅޭ ބައިގަނޑެއް ތި ދަރުބާރު ފެކްޝަނަކީ، މުޅި ފެކްޝަންވެސް ބާތިލު، އެހެންވީމަ އުފެދުމުގަވެސް ބާތިލު ފެކްޝަނަކުން ނިންމާ ނިންމުން ސައްހަވާނެ ހަމަ އެއްވެސް ގޮތެއް ނުވިސްނޭ.