ވިލާ ކޮލެޖުން ދަރުބާރުގޭގައި ބޭއްވި އެކޮލެޖުގައި ހިންގާ ވެސްޓް އޮފް އިންގްލެންޑު ޔުނިވާސިޓީގެ ދަސްވެނިވުމުގެ ރަސްމިއްޔާތުގައި ބައިވެރިވި ބައެއް ދަރިވަރުން: ރާއްޖޭގައި ޑިގްރީއަށް ހިލޭ ކިޔަވައިދޭން ވަނީ ނިންމާފައި --. ފޮޓޯ:ނިޝާން އަލީ/މިހާރު
13 ނޮވެމްބަރ 2018 - 13:12
50 comments
ރާއްޖޭގައި ތިބެގެން ފުރަތަމަ ޑިގްރީއަށް ކިޔަވަން ބޭނުން މީހުންނަށް ސަރުކާރުގެ ޚަރަދުގައި އެކަން ކުރެވޭނެ ގޮތް ހަމަޖައްސައި، ދައުލަތުގެ އަންނަ އަހަރުގެ ބަޖެޓުގައި ހިމަނައިފި އެވެ.
އަންނަ އަހަރަށް ލަފާކޮށް ފިނޭންސް މިނިސްޓްރީން ރައްޔިތުންގެ މަޖިލީހަށް މިއަދު ހުށަހެޅި 29 ބިލިއަން ރުފިޔާގެ ބަޖެޓުގައި ވާ ގޮތުން، ކޮންމެ ދިވެއްސަކަށް ވެސް މަތީ ތައުލީމް ހާސިލްކުރުމުގެ ފުރުސަތު ދިނުމުގެ ސިޔާސަތުގެ ދަށުން، ރާއްޖޭގައި ޑިގްރީއަށް ކިޔަވާ ދަރިވަރުންނަށް ޓިއުޝަން ފީ ދޭން ފަށާނެ އެވެ. އެ ކަމަށް 50 މިލިއަން ރުފިޔާ ވަނީ ބަޖެޓުގައި ހިމަނައިފަ އެވެ.
ޑިގްރީ ފެންވަރަށް ސަރުކާރުން ހިލޭ ކިޔަވައި ދިނުމުގެ ވައުދަކީ، އަންނަ ހޮނިހިރު ދުވަހު ހުވާކުރައްވާ އާ ރައީސް އިބްރާހިމް މުހައްމަދު ސޯލިހު (އިބޫ) ރިޔާސީ އިންތިޚާބުގެ ކެމްޕެއިންގައި ވެވަޑައިގެންނެވި ވައުދެކެވެ. އޭގެ އިތުރުން، ޓީޗަރުންގެ މުސާރަ އާއި އިނާޔަތްތައް ބޮޑުކޮށް ރާއްޖޭގެ އެކި ސަރަހައްދުތަކުގައި ބޯޑިން ސްކޫލްތަކާއި ކޮންމެ އަތޮޅެއްގައި ޖޫނިއާ ކޮލެޖްތަކެއް ގާއިމް ކުރައްވާނެ ކަމަށް ވެސް ހއ. ދިއްދޫގައި ވާހަކަފުޅު ދައްކަވަމުން އިބޫ ވައުދުވެވަޑައިގެންނެވި އެވެ.
ބަޖެޓުގައި ފާހަގަކޮށްފައިވާ ގޮތުގައި، ޑިގްރީ ފެންވަރަށް ހިލޭ ކިޔަވައިދޭން ފެށުމަށް ފަހު 2020 އަދި 2021 ވަނަ އަހަރު އެކަން ކުރިއަށްގެންދިއުމަށްޓަކައި 175 މިލިއަން ރުފިޔާއަށް އިތުރު ކުރާނެ އެވެ.
އޭ ލެވެލް އިން އެއް ވަނަ ހޯދާ ދަރިވަރުންނަށް ރައީސުލްޖުމްހޫރިއްޔާގެ ސްކޮލަޝިޕް ދިނުމަށް ވެސް 40 މިލިއަން ރުފިޔާ އަންނަ އަހަރަށް ވަނީ ކަނޑައަޅައިފަ އެވެ. ސްކޮލަޝިޕްގެ އުސޫލުތަކަށް ގެނައި ބަދަލާ އެކު މިދިޔަ އަހަރުން ފެށިގެން ރައީސްގެ ސްކޮލަޝިޕް ލިބެމުން އަންނަނީ ފަސް މާއްދާއިން އޭ ސްޓާ ހޯދާ ދަރިވަރުންނަށެވެ. އެ ސްކޮލަޝިޕްގައި ދުނިޔޭގެ ކޮންމެ ގައުމަކުން ވެސް މަތީ ތައުލީމް ހާސިލް ކުރެވޭނެ އެވެ.
ޑޮކްޓަރުން ތަމްރީންކުރަން ވެސް ބަޖެޓުގައި ހިމަނާފައި ވެ އެވެ. އެގޮތުން، އަހަރަކު 60 އެމްބީބީއެސް ޑޮކްޓަރުން އަދި 25 ސްޕެޝަލިސްޓް ޑޮކްޓަރުން ތަމްރީން ކުރަން ފުރުސަތުތަކެއް ހުޅުވައިލަން ވަނީ ހަމަޖައްސައިފަ އެވެ. އެ ކަމަށް 24.7 މިލިއަން ރުފިޔާ ޚަރަދުކުރާއިރު އެ ސްކޮލަޝިޕަށް ދޭނީ ޓިއުޝަން ފީ އެވެ.
އަންނަ އަހަރަށް އެޑިއުކޭޝަން މިނިސްޓްރީއަށް ކަނޑައަޅާފައި ވަނީ ތިން ބިލިއަން ރުފިޔާ އަށް ވުރެ ބޮޑު ބަޖެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު ގ.
16 November 2018
މިހާރު ދަރަނިވެގެން ޑިގުރީ ނިއްމާފައިވާ ކުދިންގެ ލޯނުތައް މަޢާފު ކޮއްދޭން ވީނު. އިބޫ ރައީސް ޕްލީސް
Ahmed
14 November 2018
ކިޔވައިގެން ފެންވަރު ރަނގަޅު ބަޔަކު ނިކުމެ، ގައުމާ ދޭތެރޭ ވިސްނަން ފެށީމަ، ވަރަށް ފައިދާ ވާނެ. ފުލެޓުދީފަ، ކިޔަވައިދީފަ، ބޭސްކޮށްދިނީމަ، ބޮޑު މުސާރަ ހޯދުމަށް ނޫޅޭނެ. އިޖުތިމާއީ ހަރަދުތައް ކުޑަވާނެ. މުޖުތަމައު ހަމަޖެހި އަމާންވާނެ. މިކަންތައް ކުރިއަށް ގެންދެވޭނީ މުގުލުގައި ތިބި މީހުން، ޔޫކޭއިން ގޭ ގަންނަށް ނުވިސްނާ ކޮށްފިނަމަ.
އޮރެންޖް
14 November 2018
ސަރުކާރުން ހިލޭ ކިޔަވާދިނުމަށް 50 މިލިއަން ރުފިޔާ. އަދި ކުދިންގެ ހެނދުނު ނާސްތާއަށްވެސް 50 މިލިއަން ރުފިޔާ. އެ ކަންތައްވެސް އެއްވަރު. ސުވާލަކީ ހިލޭ ކުރާ ކަންތަކަށް ފައިސާ ހަރަދުކުރަންޖެހޭތަ؟ އަނެއް ސުވާލަކީ ނާސްތާއަށް ހަރަދުވާ ފައިސާގެ ބޮޑު ބައެއް ދާނީ އިންޑިއާއަށް ދޮއްތޯ؟ ދޮންކެޔޮ އެންމެ ގިނައިން އިމްޕޯޓުކުރަނީ އިންޑިއާއިން. ރާއްޖޭގަ ދޮންކެޔޮ ހެއްދިއަސް، މިކަހަލަ ކަންކަން ކުރާނީ ކޮންމެވެސް ބަޔަކާ ކޮންޓްރެކްޓް ހަދައިގެން.
ތަނެމް
14 November 2018
އިބޫ ސަރުކާރުން ކުރާ އެއްވެސް ކަމެއްގައި އުނި ކަމެއް މަކަރުވެރި ކަމެއް ނުހުންނާނެ ވަރަށް ސާފުވާނެ. ދެން ރައްޔިތުންނަށް އުފަލުގަ ހިތްހަމަ ޖެހިގެން އުޅެވޭނެ.
ތިމާ
14 November 2018
މިކަހަލަ ކޮސް ވައުދުތަކާއި ހެދި ގައުމް ދަރަނިވެރި މިވަނީ އެކަކު 2000 ރުފިޔާ 5000 ރުފިޔާއަށް ބޮޑުކޮއްފައި އަނެކަކު މުޅިތައުލީމީ ނިޒާމް ހިލޭ ހަދަނީ ކަލޯ ލާރި މަތިން ފައިބަނީ ރާއްޖެ އެކަންނަށް ބާ
ގުރައިދޫ
14 November 2018
ބްރިޖް އަޅާފަ އެހެރީ މަތިން ނުނީ ތިރިން އެހެންނޫނީ އަޑިން އެރި ލާރިންތޯ. ހަޖަމު ނުވަންޏާ ޔާނުއާއި އެކީ ކޮންމެސް އެހެންކަމަކާ އުޅޭދެން.
ހައްޤުބަސް
14 November 2018
ފުރަތަމަ ޑިގްރީ ހެދުމަށް ރާއްޖެއިން ބޭރަށް ފޮނުވާ ފޮނުވުން މަދުކުރެވޭތޯ ބަލަންޖެހޭ. ރާއްޖެއިން ހެދޭ ދާއިރާއެއްނަމަ ރާއްޖޭގެ ތައުލީމީ ނިޒާމު އިތުރަށް ވަރުގަދަކޮށްގެންވެސް ރާއްޖޭގައި އެ ފައިސާތައް ދައުރުކުރުން މުހިއްމު. ސަބަބަކީ ފުރަތަމަ ޑިގްރީއަކީ މިހާރު މަތީތައުލީމުގެ އެހާމަތީ ހަރުފަތެއްނޫން. އޭލެވެލް އިމްތިހާނު ހަދަން ރާއްޖޭންބޭރަށް ދާންނުޖެހޭގޮތަށް ފުރަތަމަ ޑިގްރީވެސް ރާއްޖޭގައި ކިޔެވޭނެގޮތަށް ކަންތައްތައް ރާވަންޖެހޭ.
ފެންފުށި
14 November 2018
ކިރުތަށި އަދި ދޮންކެޔޮ ބަޖެޓަށް 50 މިލިއަން. ޑިގްރީ ބަޖެޓަށްވެސް 50. ހަމަ އަހާލީ...
ނޫރާ
14 November 2018
މަބޭނުމީ ދުނިޔޭން ބޭރަށް ކިޔަވަންދާން...އެވައުދު ފުއްދަނީ ކޮންއިރަކުންތަ؟
8ޛޖަވަަ ޖަވަަ
14 November 2018
ޙހަމަސަަބަަސް
ޅިޔަނާ
14 November 2018
ހިލޭ ޑިގްރީއަށް ކިޔަވައިދީފަ އާސަންދަ ކަނޑާލަނީތޯ:؟ ބައްލަވާ އާސަންދަ އެބިއުސް ކުރާ ކުލިނިކުތައް ބަންދުކުރައްވާ!