ހުޅުމާލޭގެ އިމާރާތަކުން މީހަކު ވެއްޓި ޒަހަމްވެއްޖެ

ކޮންސްޓްރަކްޝަން ސައިޓެއްގައި ބިދޭސީއަކު މަސައްކަތް ކުރަނީ: ހުޅުމާލޭގެ އިމާރާތަކުން ވެއްޓުނު ބިދޭސީއަކަށް އަންނަނީ ފަރުވާދެމުން. --ފޮޓޯ/މިހާރު

ލަމްޔާ އަބްދުﷲ، މިހާރު

30 ޑިސެމްބަރ 2018 - 16:53

4 comments

ރައްކާތެރި ކަމުގެ ފިޔަވަޅު ނާޅައި މަސައްކަތް ކުރަމުން ދަނިކޮށް، ހުޅުމާލޭގެ އިމާރާތަކުން ބިދޭސީ ފިރިހެނަކު މިއަދު ވެއްޓި ވަރަށް ބޮޑަށް ޒަޚަމްވެއްޖެ އެވެ.

ހަދަމުން ދިޔަ އިމާރާތެއްގައި ސިމެންތި ޖަހަން ހުއްޓައި ވެއްޓުނު 27 އަހަރުގެ މީހާ އަށް ހުޅުމާލެ ހޮސްޕިޓަލްގައި ފަރުވާ ދިނުމަށް ފަހު މިހާރު ވަނީ އައިޖީއެމްއެޗަށް ބަދަލުކޮށްފަ އެވެ.

އާސަންދަ އޮފީހުގެ މީޑިއާ އޮފިޝަލް ވިދާޅުވީ އިމާރާތުން ވެއްޓި އެ މީހާގެ ދެ އަތުގައި ވަނީ ރެނދުލައިފަ އެވެ. އަދި ބޮލަށް ވެސް ކޮންމެވެސް ވަރެއްގެ އަނިޔާތަކެއް ލިބިފައިވާ ކަމަށް ލަފާކުރެއްވޭ ކަަމަށް ވިދާޅުވި އެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ ބިދޭސީއަކު ވެއްޓުނީ، ރައްކާތެރިކަމުގެ ފިޔަވަޅު ނާޅައި މަސައްކަތް ކުރަމުން ދަނިކޮށް، ސަލާމަތީ ފިޔަވަޅުތައް ވަރުގަދަކުރަން ފުލުހުން އަންގާފައިވާ އިމާރަތަކުން ކަމަށެވެ. ބިދޭސީ މީހާ ވެއްޓުނީ ރައްކާތެރި ކަމުގެ ފިޔަވަޅު ނާޅައި މަސައްކަތް ކުރަމުން ދަނިކޮށް ކަމަށް ވެސް ފުލުހުން ބުންޏެވެ.

އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.

އިމާރާތަކުން ބިދޭސީއެއް ވެއްޓި އަނިޔާވިއިރު، މާލޭގައި ހަދަމުން އައި އިމާރާތަކުން ކުޑަ އަންހެން ކުއްޖެއްގެ ބޮލަށް ސިމެންތި ބަސްތާއެއް ވެއްޓިގެން ފަރުވާ ދެނިކޮށް މަރުވެފައިވެ އެވެ. އެއީ އިހުމާލެއް ކަމަށް ބަލައި، ސަރުކާރުން ވަނީ، އިމާރާތްތަކުގައި މަސައްކަތް ކުރާއިރު ރައްކާތެރިކަމުގެ ފިޔަވަޅުތައް އަޅަން މަޖުބޫރުކޮށްފަ އެވެ.

ރައްކާތެރި ކަމުގެ ފިޔަވަޅު ނާޅައި މަސައްކަތް ކުރާނަމަ، މައްސަލަތައް ބަލާނެ ކަމަށް ވެސް ސިޓީ ކައުންސިލުން ވަނީ ބުނެފަ އެވެ.

އެކްސިޑެންޓް ހުޅުމާލެ އައިޖީއެމްއެޗު ހުޅުމާލެ ހޮސްޕިޓަލް

4 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެނަދަރ ޑޭ

31 December 2018

......އެންޑް ލައިފް ގޯސް އޮން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

31 December 2018

ތިޔައިން އެއްކަމެއްވެސް ރަނގަޅެއް ނުވާނެ. އެއީ އެއްވެސް ބައެއްގެ އިޚްލާސްތެރިކަމެއް ނެތީމަ. ރާއްޖެއާ އެއް އަހަރަކު މިނިވަންވި ސިންގަޕޫރު ސިންގަޕޫރަކަށްވީ ގާނޫނުތަންފީޒުކުރަން ތިބޭމީހުންނާ އިދާރާތައްވެސް އިޚްލާސްތެރިވީމަ. ރާއްޖޭގަ ގަވައިދާ ޚިލާފަށް މަސައްކަތްކުރާ މީހުންނަށް އިނގޭ ވަގުތީގޮތުން ކަމެއް މަނާކޮށްލިޔަސް އެއީ ދާއިމީ ކަމެއް ނޫންކަން. އަދި ރޭގަނޑާ ބަންދު ދުވަސް ތަކުގަ އެކަންކަން ބަލަން ބަޔަކު ނާންނާނެކަން. އެހެންވީމަ ދެން ވާނެގޮތް މިވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަބާ އައިޒާ

30 December 2018

އަޅެފަހެ މިކަންކަމަކަށް ހަމައެއްޗެސް ބަދަލެއްނާންނަނީހެެއްޔެވެ. ކޮންބައެއްމިފަދަ ފުރާނަތުގެ ޒިންމާނަގާނީ؟ މިއީ ހަމަ އަހަރުމެންގެ ލޯކުރިމަތިންހިގާދާކަންކަން ވަގުތުން ފޮޓޯނަގައި ރިޕޯޓްކުރަންވީނު؟ އަދި ކިތަންމެ ގިނަފަހަރަށް ރިޕޯޓްކުރަންޖެހުނަސް ހަމަކުރާނީ! އިންސާނެއްގެ ފުރާނައަށްޓަކައި ކުރަންޖެހޭ ކަމެއްމިއީ!