މާލޭ މަގެއް: ކޮންމެ ހުކުރު ދުވަހަކު ހެނދުނު ބައެއް މަގުތައް ބަންދުކުރަން ވަނީ ނިންމާފައި. -- ފޮޓޯ: ހުސައިން ވަހީދު/މިހާރު
02 ޖެނުއަރީ 2019 - 16:04
35 comments
ކޮންމެ ހުކުރު ދުވަހަކު ހެނދުނު މާލޭގެ ބައެއް މަގުތައް ބަންދުކުރަން ހައުސިން މިނިސްޓްރީން ނިންމައިފި އެވެ.
މާލޭގެ ބައެއް މަގުތައް ހުކުރު ދުވަހު ބަންދުކޮށް އާއިލާތަކާއި ކުޑަކުދިންނަށް "ޖަޒީރާ މާހައުލެއް" ހޯދައިދިނުމަކީ މި ސަރުކާރުގެ ފުރަތަމަ 30 ދުވަހު ތެރޭގައި ކުރަން ރައީސް އިބްރާހިމް މުހައްމަދު ސޯލިހު ވެވަޑައިގެންފައިވާ ވައުދެކެވެ. މި ވައުދު ފުރިހަމަ ކުރުމަށް ކަނޑައަޅާފައިވާ އެއް މަސް ދުވަސް ހަމަވެފައި ވަނީ، ބަންދު ދުވަސްތައް ނުލައި، މިދިޔަ މަހުގެ 31 އަށެވެ.
ހައުސިން މިނިސްޓްރީގެ ޑެޕިއުޓީ މިނިސްޓަރު އަލީ ޝާމިން ވިދާޅުވީ ވަކި ވަގުތުތަކެއްގައި މަގުތައް ބަންދުކުރަން ފަށާއިރު ވެސް މަދުވެގެން 10 މަގެއް ބަންދުކުރާނެ ކަމަށެވެ. ނަމަވެސް އެ މަގުތަކާއި ބަންދުކުރަން ފަށާނެ ދުވަހެއް ވިދާޅެއް ނުވެ އެވެ.
"ފަށައިގަންނަ އިރު މަދުވެގެން 10 ސަރަހައްދެއް ބަންދު ކުރާނަން. މިކަމަށް އޮންނަ ތާއީދަކަށް ބަލާފައި މިކަން ފުޅާކުރަން ވިސްނާނީ،" ޝާމިން ވިދާޅުވި އެވެ.
މަގުތައް ބަންދުކުރަން ނިންމާފައި ވަނީ ހެނދުނު 6:30 އިން 10:30 އަށެވެ.
މި ވައުދު ފުރިހަމަކުރުމަށް އެންމެ ރަނގަޅު އުސޫލެއް ކަނޑައެޅުމަށް ޓްރާންސްޕޯޓް މިނިސްޓްރީ އާއި މާލެ ސިޓީ ކައުންސިލް އަދި ފުލުހުންނާ އެކު ހައުސިން މިނިސްޓްރީން ވަނީ މަޝްވަރާކޮށްފަ އެވެ.
"މާލޭގައި އުޅޭ މީހުންތައް އަބަދު ބަންދުވެފައި އެ ހުންނަނީ. މި މަގުތައް ހުކުރު ދުވަހު ބަންދުކުރެވުނީމަ ކުޑަކުދިންނާއި އުމުރުން ދުވަސްވީ މީހުންނަށް މާލެއިން ޖަޒީރާ މާހައުލެއް އިހްސާސް ކުރެވޭނެ،" ޝާމިން ވިދާޅުވި އެވެ.
އޭނާ ވިދާޅުވީ މަގުތައް ބަންދުކުރަން ނިންމާފައި ވާނީ ދުއްވާ އެއްޗެހީގައި އުޅޭ މީހުންނަށް ވެސް އުނދަގޫ ނުވާނެ ގޮތަށް ކަމަށެވެ.
"އެއީ ހެނދުނު ދަތުރު ދާން ބޭނުންވާ މީހުންނަށް އަދި މެންދުރު ހުކުރު ނަމާދަށް ދާން ބޭނުންވާނެ މީހުންނަށް އުނދަގޫ ނުވާނެ ގޮތަށް،" އޭނާ ވިދާޅުވި އެވެ.
ސަރުކާރުގެ ފުރަތަމަ 100 ދުވަހު ހައުސިން މިނިސްޓްރީން ހަ ވައުދެއް ފުރިހަމަކުރުމަށް ކަނޑައަޅާފައިވެ އެވެ. އޭގެ ތެރެއިން ހަތަރު ވައުދަކީ ބޯހިޔާވެހިކަމާއި ފްލެޓްތައް ދިނުމުގެ ނިޒާމާއި ގުޅޭ ވައުދުތަކެކެވެ. މި ސަރުކާރުން ވައުދުތައް ފުރިހަމަ ކުރުމަށް ކަނޑައަޅާފައިވާ މުއްދަތު ގުނަނީ ބަންދު ދުވަސްތައް ނުލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަބާ އައިޒާ
03 January 2019
ކޮމެންޓްތައް ކިއާލުމުންހީވޭ ދިވެހިންނަށް ހަމަ ވަރިހަމައޭ ދިވެހިވަންތަ ހުރިހާކަމެއް ގެއްލިގެންދިއުން. ސާފުތާހިރުކަން, މުރާލި, ހީވާގިއއެއްބައިވަންތަކަމުގެ ރޫޙު ބޭނުމެއްނުވޭހެންހީވަނީ. އާއިލީ ގުޅުން ތުއްތުކުދިންނާއިއެކު ހިގާލަންދިއުން މުހިންމެއްނޫންތަ? ސައިކަލުގަ ބާރުބާރަށް ދުއްވާފައި މަގުމައްޗަށް ކުނިއުކާލައި ޓައި އަޅައިގެން އެންމެ އަގުބޮޑެތި މޮބައިލް ފޯނުހިފައިންތިބެ ސިގިރޭޓް ބޯލައިފައި ބަޓްބުރި ފައިބުޑަށް އެއްލާލައިފައި ޕެކެޓް ބޯލައިން އުޅެވުނީމައި ތަރައްޤީ? ދެން އަދި ފިތުނަ ފަސާދަ އާއި ރުޅިވެރުކަން ފެތުރުމުގެގޮތުން ރާއްޖެތެރެއޭ މާލެއޭ, ސިޔާސީ މާޙައުލޭކިއައިން ހައްލެއްހޯދަން މަސައްކަތްކުރުމުގެ ބަދަލުގައި ބޭކާރު ވާހަކަދެއްކުން - ތަރައްޤީ?
އެގާރަ
03 January 2019
"ޖަޒީރާ" އޭ ކިޔައިގެން އަޅުވަނީ މީހުންގެ ލޮލޮގަ އަނދުނެއް. އަސްލު މިވެރިން "ރާއްޖެތެރެ" ނުކިޔާން ވެގެން "ޖަޒީރާ" އޭ ކިޔައިގެން މިއުޅެނީ. ދެން ތިބޭ ހެވިފަ "ޖަޒީރާ" ވެފަ ހުރިހާ "ރާއްޖެތެރޭ" މީހުން
ޖުހާބެ
03 January 2019
ހުކުރުދުވަހުގެ މެންދުރުކުރިއަކީ މާލޭގައި ދުއްވާއެއްޗިއެންމެމަދު އަދި މަގުމަތި އެންމެ އަމާން ވަގުތު. ބާޒާރުކޮށްލަން އުޅޭމީހުންނޫނީ ނުފެނޭ. ތިގަޑީގައި މަގުތައް ބަންދު ކުރުމުން މާރުކޭޓުން ވިޔަފާރި ކުރާމީހުނަށްވާނީ ދަތި . އެގަޑީގައ އެންމެގިނަމީހުން އުޅެނީ މަސްމާރުކޭޓާއި ބާޒާރުމަތީގައި ތަކެތިގަންނަން. ހާދަމޮޅަކަށް ވިސްނާބަލާފާ ހަމޖެއްސި ވަގުތެއްހެން ހީވެޔޭ. ތިވެސް ވައުދެއް ފުއްދުނީ.
ފާފުން
03 January 2019
ކޮންމެސް ކޮންމެސް އިސްލާމީމަރުކަރުގެ ކަރީ މަގުތަށް ބަންދުމުކުރާތި. ބަންދުކޮށްފިނަމަ ޓެކްސީ ޑްރައިވަރުން ރުޅިގަދަ ވެދާނެ.
ހިންނަވަރު މޯޑް
03 January 2019
މި ނިންމުމަކަށް އެއްގޮތަކައްވެސް ތާޢީދެއް ނުކުރެވޭ. ހުކުރު ދުވަހުގެ 6.30 ން 10.30 އަށް. މިއީ، ކޮން އެއްޗެއް. މިއީ، ބަންގާޅުންނަށް ކޮއްދޭ ކަމެއްތަ.؟ އެދުވަހުގެ މެންދުފަހުގެ 3.30 އިން 6.30 އަށް ހެދީޔާ ވަރަށް ރަނގަޅު. ނޫނީ. މެންދުރު 12 އިން 6 އަށް އޯކޭ. ދެވަނަ ވިސްނުމަށް އަދި ގޮސްލަންފެނޭ.
އާނަ
03 January 2019
ހެނދުނު 6:30 ން 10:30 އަށް. ކީއްވެބާ ހަވީރު ގަޑި ހަމަނުޖެއްސެވީ. ހުކުރުދުވަހު ހަވީރުގެ ވަގުތަކީ އާއިލާތައް ހިްތަހަމަޖައްސާލަން ޕާކުތަކަށް ޒިޔާރަތްކޮށްލާވަގުތުތައް. ކުޑަކުދިން ގޮވައިގެން އެންމެގނައިން ނިކުންނާނީ ހަވީރު. ކިހިނެތްތޯވާނީ ހަވީރުގެ ވަގުތު؟
mufliha
03 January 2019
އާއިލާ އާއި އެކީ ފަތިސްނަމާދުން ކޮއްލައިން ސަޔަކައް ދާން ސަޅިގަޑިއެއް. ފަތިސްނަމާދު ކުރާނަމަ ތިކަހަލަ ވިސްނުމެއް ނުގެންގުޅޭން.
.މަގުހުރަސް
03 January 2019
.ވަރަށް މޮޅު ކަމެއްތީ ހުކުރު ދުވަހު ހެނދުނު މަގު ބަންދު ކުރުން ހެދުނުގަޑީގާ ތި މަގު ތަކުގާ ހިގާނީ މިދަލާ ބުޅަލާ ހިކަނދި ހުކުރު ދުވަހު ހެނދުނު ހަފުތާގެ ބަންދު ދުވަސް ވީމާ ކާކު މަގު މަތީގާ އުޅޭނީ!!!!
ކިނބޫ
03 January 2019
ކިިހާ ބޮޑު ކަމެއް މިި ޖެހުނީ. ހުކުރު ދުވަހު ހެނދުނު ހެނދުނާ މާރުކޭޓަށް ގޮސްލާ ހެދޭކަށް ދެން ނޯންނާނެ. ކޮންފަދަ ބޮޑު އުނދަގުލެއް.
ސުވާލީ
02 January 2019
މަށަކަށް ނޭންގޭ މަގުތައް ބަންދުކޮށްގެން ޖަޒީރާ ރާއްޖެ ފެންނާނެ ކަމެއް..އެއީތަ ޖޒީރާ ރާއްޖެ އަކީ..ހުރިހާ މަގެއްގައި ޖަޒީރާ ރާއްޖެ ލިޔެފަ ފޮތިދަމާ އޭރުން ފެންނާނެ..މާލޭން ޖަޒީރާ ރާއްޖެ ފެންނާނެ ގޮތެއްނެތް..ގަޅި
3456
02 January 2019
އަހަރެންނަށް ފެންނަނީ10/30 14/30 ބަންދުކުރަން