މޯލްޑިވިއަންގެ ބޯޓެއް: އަންނަ މަހުގެ އެކެއްގައި ގަމުން ޓްރިވެންޑްރަމަށް ދަތުރެއް ބާއްވާނެ.
02 ޖެނުއަރީ 2019 - 19:59
204 comments
ރައީސް އިބްރާހީމް މުހައްމަދު ސޯލިހްގެ ސަރުކާރުން ވައުދުވެފައިވާ ގޮތަށް އައިލެންޑް އޭވިއޭޝަނުން ރާއްޖޭގެ އެތެރޭގެ އުދުހުންތަކުގެ އަގު މި މަހު 10 އިން ފެށިގެން ހެޔޮކުރަން ނިންމައި އާ އަގުތައް މިއަދު އިއުލާންކޮށްފި އެވެ.
އައިލެންޑް އޭވިއޭޝަންގެ މެނޭޖިން ޑައިރެކްޓަރު މުހައްމަދު ރިޒްވީ "މިހާރު" އަށް ވިދާޅުވީ އެތެރޭގެ ދަތުރުތަކުގެ ޓިކެޓްގެ އަގު 25 ޕަސެންޓާއި 30 ޕަސެންޓާ ދެމެދުގެ މިންވަރަކަށް ހެޔޮކޮށްފައި ވާނެ ކަމަށެވެ.
"މިސާލަކަށް އައްޑުއަށް ކުރިން ދެކޮޅު ޓިކެޓް އެންމެ ބޮޑުކޮށް ހުންނާނީ 3500 ރުފިޔާއާ ހަމައަށް. އެކަމަކު މިހާރު 2600 ރުފިޔާއަށް ވުރެ ބޮޑެއް ނުވާނެ،" ރިޒްވީ ވިދާޅުވި އެވެ.
މޯލްޑިވިއަން އޮޕަރޭޓްކުރާ ސަރުކާރުގެ ކުންފުނިން މި ގެނައި ބަދަލުތަކަށް ވަރަށް ގިނަ ބަޔަކު ތިބީ އިންތިޒާރުކޮށްގެންނެވެ. އެކަމަކު އާ އަގުތަކަށް ބަލާއިރު، ބައެއް ދަތުރުވެރިން ބުނީ، މިހާރު ޓިކެޓް ލިބެން ހުރި އަގަށް ވުރެ 25 ޕަސެންޓް ބޮޑު ނޫން ކަމަށެވެ.
We would like to bring to the attention of our customers that we will be offering an overall reduction between 25 to 30 percent on all our local sectors. The fares will be available from all our ticketing offices effective 10th January 2019.
— Maldivian (@MaldivianAero) January 2, 2019
އެގޮތުން އެއް ދަތުރުވެރިޔަކު ބުނި ގޮތުގައި ދަރަވަންދުއަށް އޭނާ މިއަދު ވެސް އެއް ކޮޅަށް ޓިކެޓް ނެގީ 599ރ އަށެވެ. އެކަމަކު އަލަށް އިއުލާންކުރި އެންމެ ހެޔޮ އަގަށް ބަލާ ނަމަ، ތިރިވެފައި އެ ވަނީ ގާތްގަނޑަކަށް 100ރ އެވެ.
އައިލެންޑް އޭވިއޭޝަނުން އިއުލާންކޮށްފައި ވަނީ އެންމެ ހެޔޮކޮށް ޓިކެޓް ލިބޭނެ އަގާއި އެންމެ ބޮޑުކޮށް ލިބޭނެ އަގެވެ. އެގޮތުން ބަލާއިރު، މިސާލަކަށް ހދ. ހަނިމާދުއަށް މިހާރު ދަތުރުކުރެވޭ ނިސްބަތުން ގާތްގަނޑަކަށް 25 ޕަސެންޓް ހެޔޮވެ އެވެ.
މިއަދު ހަނިމާދޫން މާލެއަށް އެއްކޮޅު ޓިކެޓެއް އުޅުނީ 1444ރ އަށެވެ. ދެކޮޅަށް ގާތްގަނޑަކަށް 2800ރ ވަރު ޖެހެ އެވެ. އެކަމަކު މިހާރު އިއުލާންކޮށްފައިވާ ގޮތުން ނަމަ އެންމެ އަގުބޮޑުކޮށް ވެސް މާލެ/ހަނިމާދޫގެ ރިޓާން ޓިކެޓްގެ އަގު ޖެނުއަރީ 10 އިން ފެށިގެން، އުޅޭނީ 2،226ރ ގަ އެވެ. އެންމެ އަގުހެޔޮކޮށް ބަލާ ނަމަ، އިއުލާންކޮށްފައި ވަނީ 1،610ރ އެވެ. އެ ރޭޓުގައި އެއްކޮޅަށް ޓިކެޓް ލިބެން ހުންނަ ނަމަ ޖެހޭނީ ގާތްގަނޑަކަށް 805ރ އެވެ.
މޯލްޑިވިއަންގެ ޓިކެޓަށް ގެނައި ބަދަލުތައް
މާލެ/ހަނިމާދޫ/މާލެ: 1،610-2،226ރ
މާލެ/އިފުރު/މާލެ: 1،500-2056ރ
މާލެ/ދަރަވަންދޫ/މާލެ 1098-1562ރ
މާލެ/ކުޑަހުވަދޫ/މާލެ: 1،500-2056ރ
މާލެ/ތިމަރަފުށި/މާލެ: 1،610-2،226ރ
މާލެ/ކައްދޫ/މާލެ: 1،610-2،226ރ
މާލެ/ކޫއްޑޫ/މާލެ: 1،652-2442ރ
މާލެ/ކާޑެއްދޫ/މާލެ: 1،652-2442ރ
މާލެ/ފުވައްމުލައް/މާލެ: 1،698-2،598ރ
މާލެ/ގަން/މާލެ: 1،698-2،666
ޓްރާންސްޕޯޓް މިނިސްޓަރު އައިޝަތު ނަހުލާ ދާދި ފަހުން ވިދާޅުވެފައި ވަނީ އެތެރޭގެ ވައިގެ ދަތުރުފަތުރަށް އަންނާނީ ރައްޔިތުން އުފާވާ ކަހަލަ ހެޔޮ ބަދަލެއް ކަމަށެވެ.
އަގު ހެޔޮވި މިންވަރާ މެދު އާއްމުންގެ ހުރެދާނެ ބައެއް ޝަކުވާތަކާ މެދު ރިޒްވީ ވިދާޅުވީ ރަނގަޅަށް އަޅާބަލައިފި ނަމަ އަގު ހެޔޮވި މިންވަރާ މެދު ހިތްހަމަޖެހޭނެ ކަމަށެވެ.
އޭނާ ވިދާޅުވި ގޮތުގައި ކަސްޓަމަރުންގެ ޝަކުވާތަކުގެ ތެރޭގައި އެންމެ ދަށް ރޭޓުގައި ގިނަ ފަހަރަށް ޖާގަ ނުލިބޭ ކަމުގެ ޝަކުވާ ހިމެނެ އެވެ. ނަމަވެސް އޭނާ ވިދާޅުވި ގޮތުގައި، އެ އަގުގައި ގިނަ ބަޔަކަށް ދެން ޖާގަ ލިބޭނެ ގޮތް ހަމަޖެއްސުމުގެ މަސައްކަތް ދަނީ ކުރިއަށެވެ. އެގޮތުން ކޮންމެ މަހަކު އަގުހެޔޮ ރޭންޖްގައި 15،000 ސީޓް ލިބޭ ގޮތަށް ހެދުމަކީ އަމާޒެއް ކަމަށް ވިދާޅުވި އެވެ.
"އެވަރަށް ޖާގަ ދޭ އިރު ވަރަށް ގިނަ ބޭފުޅުންނަށް އޮންނާނީ އަގުހެޔޮކޮށް ޓިކެޓް ލިބިފައި،" ރިޒްވީ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީމްބެ
03 January 2019
ރާއްޖޭދެކޮޅު ސިޓީކައުންސިލް ހަދާ ބޮޑަތި ހޮސްޕިޓާ ހަދާފަ. އިންޓަރނޭޝަނަލް އެއަރޕޯޓް އޮވޭ. އެކަމަކު އެންމެބޮޑު ޕަސެންޓް ކުޑަވީ ރާއްޖޭގެ އެންމެދުރުއޮތް އަތޮޅުތަކަށް. މިސާލަކަށް ތިމަރަފުއްޓަށް އަގުހެޔޮވީ ކިތައް ޕަރސެންޓް. އަހަންނަކަށް ނުފެނޭ ކުޑަވީތަނެއް. އެކަމަކު ނިސްބަތުން މިއީ އަށްޑުއަށްވުރެ ދެގުނަ މާލެއާ ކައިރި ތަނެއް. އަށްޑުއެކޭ ތ.ދ އަތޮޅެކޭ ތަފާތެއްނެތް. މީ މެދުރާއްޖެތެރެ ގިއްގަޅުވާލަން ހުރިހާ ސަރުކާރަކުން ހިންގަމުން ގެންދާ ބޮޑު ޖަރީމާއިން.
ބައްޕަ
03 January 2019
ދިވެހިން ބޭނުމީ ހުރިހާ އެއްޗެއްވެސް ހިލޭ. ދެން ގައުމު ދަރާ ވާހަކަ ދައްކަނީ ކީއްކުރަންބާ؟
ޝާއިރާ
03 January 2019
މަ މިދަނީ އަދުރޭ ގާތަށް މީގައި މިހުރި ހިސާބު ދިމާވޭތޯ ބަލަން. ކުރިއަށްވުރެ އަގު ބޮޑުހެން މަށަށް ހީވަނީ.
ވަޙީދު
03 January 2019
ފެއަރގައި ކުރިން މިއަށްވުރެ އަގު ހެޔޮކޮށް އަހަރުމެން ޓިކެޓް ނަގަނީ. މިހާރު ހީވަނީ އަގު ބޮޑުވިހެން، ކިހިނެތްބާ މިހަދަނީ.
މާރަނގާ - އައްޑޫ ސިޓީ
03 January 2019
ގަމުން މާލެ ދިއުމަށް ތިވަރުގެ ބޮޑު އަގެއްނަގަނީ 3 ހަތަރު ފަހަރަށް ފްލައިޓް ގަޑި ބަދަލުކޮށް ބޯޑިންގ ކުރުމަށްފަހު އަނެއްކާ އިތުރު 3 ގަނޑިއިރު ޑެލޭކުރާންޖެހޭތީ އާއި ފްލައިޓްމަތީ ސާވް ކުރާ ޝަރުބަތު ތޯލާގެ ސަބަބުންތޯ ނުވަތަ ތިކުންފުނީގައި 20 ހާސްޑޮލަރު ނަގައި ފްލައިންގ ނުކޮށް އޮފީސްތެރޭގައި ތިބި ކެޕްޓަނުންގެ ބޮޑު މުސާރައާއި މިސްމެނޭޖް ކުރުމާއި އިސްރާފާއި އަދި ކުންފުންޏަށް ގެއްލުންވާގޮތަށް ހިންގާ މުއާމަލާތް ތަކުންތޯ ބަލާ ފިޔަވަޅު އަޅާންޖެހޭ.
އިންތިޒާގާ ހުރީމޭ
03 January 2019
މީ ނުބައި ލިސްޓެއްހެން އަހަންނަށް ހީވަނީ. މީ ސަރުކާރުން އެ ވައުދުވި ލިސްޓެއްނޫން. އަލުން ރަނގަޅު ލިސްޓް އިއުލާން ކުރަންފެނޭ. އަހަންނަށް ބޮޑަށް ލަފާވަނީ ޓިކެޓް އެހާ އަގުބޮޑުވެގެން އުޅެނީ އެ ޖޫސްތަށީގެ ސަބަބުންކަމަށް. ވީމާ ޖޫސްތަށި ކަނޑާލީމާ ދެބައިކުޅަ އެއްބައިވަރު ކުޑަކުރެވިދާނެ ހެންހީވަނީ. ވައުދުވި ލިސްޓްގެ އިންތިޒާރުގައި އެބަހުރީމުއެވެ.
އަލީރާޖާ
03 January 2019
އެއްވެސް ތަނެއްގައި އެއަރލައިން ޓިކެޓަކީ ޓެކްސީ ދަތުރު ކުރާހެން މީޓަރުން އަގު ކަޑައަޅާ އެއްޗެއް ނޫން. ޓިކެޓު އަގުހެޔޮ ކުރީމޭ ކިޔާފާ އަބަދުވެސް އިއުލާނު ކުރާނީ ފުލްފެއަރ ދެކޮޅު ޓިކެޓުގެ އަގު. އެއީ އެންމެ ބޮޑު އަގު. އަގު ހެޔޮ ފެއަރތައް އެއީ ޓިކެޓުގެ ރަސްމީ އަގެއް ނޫން. އެއީ ސީޒަނަލް އެއްޗެއް. ނަމަވެސް ފުލް ފެއަރ %25 - %30 އަށް ހެޔޮ ކުރީމާ ދެން ފެއަރތައްވެސް އަގު ހެޔުވާނެ. ސްޕެޝަލް ފެއަރ އަކީ ފުލް ފެއަރ އަށް ވުރެ އަގު ބޮޑުވާނެ އެއްޗެއް ނޫން.
ފަޅުވެރިން
03 January 2019
ޓިކެޓުގެ އަގު ހެޔޮކޮށްފީމޭ ކިޔާފައި ސަރުކާރުން ރައްޔިތުންނަށް ކުރަނީ މަލާމާތެއް! 2017 ގެ އޮގަސްޓުގައި އަހުރެން އައްޑުއަށް ދަތުރެއް ކުރިން! ދެކޮޅު ޓިކެޓުގެ ޖުމްލަ އަގަކީ 1998 ރުފިޔާ! މިހާރު ތިއޮތް ގޮތުން ދެން އައްޑޫ ޓިކެޓް ލިބޭނީ މުޅިންވެސް 2666 ރުފިޔާ އަށް! ނަޝީދު ޑޮލަރު އަގުހެޔޮ ކުރިއިރުވެސް ބުނި ދެން 10.28 އަށްވެސް ޑޮލަރު ލިބޭނެއޭ! ނަމަވެސް ޑޮލަރު އޭގެފަހުން މުޅިންވެސް ލިބުނީ 18 އަށް، 19 އަށް!!
ފިރުއައުނު
03 January 2019
ތިބުނީ ކަނޑު ބޯޓުން ކުރި ދަތުރެއްގެ ވާހަކަތަ. ބަލަ ގަމާރާ އޭގަ އެއޮތީ ނޯމަލް ފެއަރގެ އަގު. ސްޕެޝަލް ފެއަރ އެއްނޫން. މި ރާއްޖެތެރޭ މަރުމޯލްސް ކޮމްޕެއަރ ކޮއްފާނެ ގަރުދިޔަ އާއި ފޮނި ބޯކިބަލާވެސް. ކޮއްފަ ބުނާނެ ގަރުދިޔާގަ ފޮނި ރަހައެއް ނުލައޭ ކުރިންދުވަހު ކެއި ފޮނި ބޯކިބާ ހާދަ ފޮންޏޭ. ނިކަން ތަރަގީވެބަލަ. އަގުތައް ހަމަ ރަނގަޅު. ހިލޭ ދަތުރު ކުރަން ބޭނުމިއްޔާދޭ ކަނދުފަތީގަ
ގުއިރޯނު
03 January 2019
މަ މިހިސާބުން ހަނުހުރީ.
1111
03 January 2019
އަދުރޭ ޔުނިވާސިޓީން ކިޔެވި ކުދިންކޮޅަށް ހެންހީވަނީ ކުޑަވިކަން ނޭގިގެން އެއުޅެނީ.25-30% ދެމެދުން ދާއިމީ ޑިސްކައުންޓެއް ލިބުމކީ ގައިމުވެސް އަތްމައްޗަށް ފުދޭވަރެއްގެ ލުއެއް.އެއަށްވުރެ ކުޑަ ނުކުރެވޭނެއެކޭ ނޫން މބުނީ.ޝުކުރުވެރިވާން ދަސްކުރަންވެއްޖެއޭ މިބުނަނީ.ހިތް އެދޭވަރަށް އެއްވެސް ކަމެއް ހާސިލްނުވާނެ.އުންމީދުކުރި ވަރު ނުވެދާނެ. އުމްމީދު ކުރެވޭނީވެސް ބޮޑުކޮށް.50%އަށްވުރެ މަތީގަ އުންމީދު ހުންނާނީ. ތިމާ އުންމީދު ކުރި ވަރު ނުވާތީތަ މައްސަލައަކަށްވަނީ!