16 ޖެނުއަރީ 2019 - 13:19
53 comments
ހުޅުމާލޭގައި މިއަދު ހިންގި މާރާމާރީއެއްގައި އުމުރުން 17 އަހަރުގެ ކުއްޖަކަށް ސީރިއަސް އަނިޔާތަކެއް ވެ، ފަރުވާ ދޭން ފަށައިފި އެވެ.
ހުޅުމާލޭ ހޮސްޕިޓަލުން ބުނީ މާރާމާރީގައި ޒަހަމްވި ދެ ކުދިން އެ ހޮސްޕިޓަލަށް ގެންދިޔައީ މިއަދު މެންދުރު 12:10 ގައި ކަމަށެވެ.
އެ ހޮސްޕިޓަލުން ބުނި ގޮތުގައި އޭގެ ތެރެއިން އެއް ކުއްޖެއްގެ ހާލު ސީރިއަސް ކަމަށާއި އަނެއް ކުއްޖާ އަށް ވެސް ޑްރެސިން ރޫމްގައި ފަރުވާ ދެމުން އަންނަ ކަމަށް އެ ހޮސްޕިޓަލުން ބުންޏެވެ.
ސީރިއަސް ޒަހަމްތަކެއް ލިބި އިމަޖެންސީ ރޫމްގައި ފަރުވާ ދެމުން އަންނަނީ ގދ. ރަތަފަންދޫ ކުއްޖެއް ކަމަށާއި ޑްރެސިން ރޫމްގައި ފަރުވާ ދެމުން އަންނަނީ އައްޑޫ ކުއްޖެއް ކަމަށް ވެސް އެ ހޮސްޕިޓަލުން ބުނެ އެވެ.
ފުލުހުން ބުނީ މި މާރާމާރީއާ ގުޅޭ ތުހުމަތު ކުރެވޭ ދެ މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ. އެ މީހުންނާ ބެހޭ އިތުރު އެއްވެސް މައުލޫމާތެއް ފުލުހުން އަދިއެއް ހާމައެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
17 January 2019
މާލޭގެ ރައްޔިތުންގެ މުހުތާދު ފުއްދުމައް ހުޅުމާލެ ހިއްކީ ރާއްޖެތެރޭ މީހުން މިތަނައް ގެނެސްއަޅާކައްނޫން މިކަމުން ހުރިހާ ހުތުރެއް މާލޭ ސަރަހައްދައް އަޑީގަ 5 ކުޅަނދު މަދު ރާއްޖެތެރޭ މީހުން މީކޮންފަދަ ހޮރުއްޕާނެއް
ވިސްނާލުމެއް
16 January 2019
މިއީ ކުޑަކުޑަ އާބާދީއެއް. މިގައުމުގައި ދައުލަތުން ދިފާއީ، ސަލާމަތީ އަދި ރައްކާތެރިކަން ކަށަވަރުކޮށްދިނުމަށް ގައުމާއި އެކަށީގެންނުވާ ބޮޑުހޭދައެއް ނިސްބަތުން ކުރާ ޤައުމެއް. ދެން ކީއްވެ ބާ މިކަންކަން ހައްލު ނުކުރެވިގެން މިއުޅެނީ. ހަތަރު ލައްކައެއްހާ މީހުންގެ ތެރޭގައި ގްރޫޕްތައް ހިންގަން ފުރުސަތު އޮންނަން ޖެހޭތޯ؟
އިމްރާން
16 January 2019
އެމްޑީޕީ ޑިމޮކްރަސީގެ ނަމުގައި ޓީވީ ތަކަށް އަރާ ދައްކާ ވާހަކަތަކުން ނަފްރަތާއި މުޖްތަމައުގެ ހަމަނުޖެހުމަށް އިންސާނާގެ ހިތާއި އުޅުމަށް ނުރަނގަޅު އަސަރުކުރުމަށް މަގުފަހިވާނެ.
އިމްރާން
16 January 2019
21 ވަނަ ގަރުނަކީ ސުލްހަވެރި , ސާފުތާހިރު , އަމާން , މަޑުމައިތިރި , އެކަކު އެނެކަކަށް އިހުތިރާމްކުރާ ތަހުޒީބު ބަޔަކު ދުނިޔޭގައި އުޅެމުންދާ ގަރުނެއް. އިސްލާމްދީނުގެ މައިގަނޑު އަސާސަކީވެސް އެއީ. ދިވެހި ކޮންމެ ފަރުދަކުވެސް އެމީހެއްގެ އަމިއްލަ ނަފްސްގެ ކަންކަން މިގޮތަށް ބައްޓަން ކުރެއްވުމީ އަޅުގަނޑުގެ އެދުމެއް.
އާމިރު
16 January 2019
މަމިއުޅޭ ފިނޭންސް މިނިސްޓްރީގައި , މިނިސްޓަރ ކަން އަބދުވެސް މިކުރަނީ ހުވަދޫ މީހުން. ތިނަދޫ ޖިހާދު , މަޑަވެލި މުނައްވަރ ,ގައްދޫ އަމީރު. މިވާގޮތެއްވެސް އެބަޖެހޭ ބަލަން.
އިހުސާން
16 January 2019
ކެބިނެޓް މިނިސްޓަރުންނަށްވެސް ވޭތުވެ ދިޔަ ސަރުކާރު އަދި މިސަރުކާރުގައިވެސް ގިނައީ ހުވަދު އަތޮޅު މީހުން. އަދި އައްޑޫ އަށްވުރެ ހުވަދު އަތޮޅުގެ އާބާދީވެސް ބޮޑު.
މަހުދީ
16 January 2019
އެމްޑީޕީ މީހުން އަރާ ޓީވީތަކުގައި ދެއްކިވާހަކައިން އަހަރުމެން ހީކުރީ މާރާމާރީ ހިންގަނީ ޔާމިން ވެރިކަމުގައި ހުރީމައިކަމަށް
ޖަރީމާ
16 January 2019
ޖަރީމާ ސިޓީއަކަށް ވެ ނިމުނީ.
ޝިޔާމް
16 January 2019
ދަރިން ހޯދާފައި އެދަރިންނަށް އިހުމާލުވުމުން ނިކުންނަ ހިތި ނަތީޖާ. އަޅަމެންނަށް ތެދުމަގު ދައްކަވާށި. އާމީން
މާރަނގާ - އައްޑޫ ސިޓީ
16 January 2019
މާލެސަރުކާރުގެ “އެއްރަށް ދައުލަތް” ސިޔާސަތުބޮއްސުންލައި ޤައުމުގެރަށްވެހިންނަށްވުރެން އިމިޤްރޭޝަންޤާނޫނާއިހިލާފް ބިދޭސިންއިތުރުވެ “ކުލީ އަޅުންގެގޮތުގައިގެނައި ރަށްރަށުގެމީހުންވެސް ހައްޤުހޯދުމަށްތެދުވެ މާލޭސަރުކާރުގެ އިހްމާލުތަކުގެ ތެރެއިން ބޮޑުވަމުންދިޔަ މިފަދަ ކުދިންތަކެއްގެ އުދަގޫބޮޑުވުމުން “އަނެއްކާވެސް އެއްކަލަ ބޯދާކަޓްވިސްނުން” ހިތަށްގެނެސް “ކުޑަސިޓީ” ގެވާހަކައާއި ޒާތީޒުވާބު ކުރާންދިމާކުރާނެ ކަމެއްނެތް. ދައުލަތް ބަދަލުވެ އިންސާފް ޤާއިމްކުރޭ.