އަމާޒަކީ ކޯލިޝަން ދެމެހެއްޓުން: އަދާލަތު

ރައީސް ނަޝީދު އަދާލަތު ޕާޓީގެ ރައީސް ޝެއިހް އިމްރާނާއި އެ ޕާޓީގެ އިސް ބޭފުޅުންނާއެކު-- ފޮޓޯ: މިހާރު

އަހުމަދު ސާއިލް އަލީ، މިހާރު

19 ޖެނުއަރީ 2019 - 12:11

އަދާލަތު ޕާޓީގެ އަމާޒަކީ އެ ޕާޓީ ބައިވެރިވާ ކޯލިޝަން ދަމަހައްޓައި ސަރުކާރަށް މަޖިލީހުގެ އަޣުލަބިއްޔަތު ހޯދުން ކަމަށް އެ ޕާޓީން މިއަދު ބުނެފި އެވެ.

އެ ޕާޓީން މިއަދު އެހެން ބުނެފައިވަނީ އެމްޑީޕީ ފިޔަވާ އިތުރު ޕާޓީތަކާއެކު ކޯލިޝަން ހެދުމަށް ތައްޔާރަށް ހުންނެވި ކަމަށް ޖުމްހޫރީ ޕާޓީގެ ލީޑަރު އަދި މަޖިލީހުގެ ރައީސް ގާސިމް އިބްރާހިމް ރޭ ވިދާޅުވެފައިިވަނިކޮށެވެ. ޖުމްހޫރީ ޕާޓީއާއި އެމްޑީޕީއާ ދެމެދު ހިޔާލުތަފާތުވުން އުފެދުނީ އެމްޑީޕީން ވަކިން މަޖިލީހަށް ވާދަ ކުރަން ނިންމި ހިސާބުންނެވެ.

އަދާލަތު ޕާޓީން މިއަދު ކުރި ޓްވީޓެއްގައި ބުނެފައިވަނީ ޕާޓީގެ މަސްލަހަތަށް ރިއާޔަތްކޮށް، ގައުމުގެ ހަމަޖެހުމަށް އިސްކަންދީގެން ކުރިއަށްދިއުމަކީ އެ ޕާޓީގެ ވިސްނުން ކަމަށެވެ.

އަދާލަތު ޕާޓީ ބައިވެރިވާ ކޯލިޝަންގެ ވެރިކަން ދަމަހައްޓާ،ސަރުކާރަށް އަޣްލަބިއްޔަތު އޮންނަ މަޖިލީހެއް އިންތިޚާބުކުރުމަކީ އަދާލަތު ޕާޓީގެ މުހިންމު އަމާޒެއް.ޕާޓީގެ މަސްލަހަތަށް ރިއާޔަތްކޮށްގެން ޤައުމުގެ ހަމަޖެހުމަށް އިސްކަންދީގެން ކުރިއަށްދިއުމަކީ އަދާލަތު ޕާޓިގެ އަބަދުވެސް ވިސްނުން.
— Adhaalath Party (@AdhaalathOffice) January 19, 2019

އަދާލަތުން މިއަދު ކުރި ޓްވީޓް--

ކޯލިޝަންގެ ލީޑަރެއްކަމަށްވާ ކުރީގެ ރައީސް މައުމޫން އަބްދުލްގައްޔޫމް ވެސް މިއަދު ވަނީ ޕާޓީއަށްވުރެ ގައުމީ މަސްލަހަތު އިސްކުރުމަށް ގޮވާލައްވައިފަ އެވެ. އަދި ކޯލިޝަން ރޫޅުނަ ނުދިނުމަށް ރައީސް އިބްރާހިމް މުހައްމަދު ސޯލިހް އާއި ކޯލިޝަންގެ ހަތަރު ލީޑަރުންގެ މަސްއޫލިއްޔަތު ބޮޑު ކަމަށް މައުމޫން ވިދާޅުވި އެވެ.

ގާސިމް ރޭ ވިދާޅުވެފައިވަނީ ކޯލިޝަންގައި ހިމެނޭ ޖޮއިންޓް ޕާލިމެންޓް ގްރޫޕް އުވާލާނެ ކަމަށް އެމްޑީޕީން ބުންޏަސް ހައިރާންނުވާ ކަމަށެވެ. އެމަނިކުފާނު ވިދާޅުވި ގޮތުގައި މަޖިލިހުގެ ހުރިހާ ދާއިރާއަކަށް ވާދަކުރަން އެމްޑީޕީން ނިންމުމަކީ އެއްބަސްވުމާއި އަހުދަށް ވެސް ހިލާފު ވުމެވެ.

Majilis inthihaabugai MDP in bodu baeh hoadhan jehe: Raees

The most trusted news source in the Maldives

Mihaaru

އެމްޑީޕީއަށް ބޮޑުބައެއް ލިބެން ޖެހޭ ކަމަށް ނަޝީދު ވިދާޅުވުން--

ގުޅިފައިވާ ކޯލިޝަނަކުން ނުކުމެ، އަނިޔާވެރިކަމާއި ކޮރަޕްޝަންގެ ތުހުމަތުތައް ކުރެވޭ ރައީސް އަބްދުﷲ ޔާމީން ގެ ސަރުކާރު ބަލިކޮށް ރިޔާސީ އިންތިހާބު ކާމިޔާބުކުރި ނަމަވެސް އެމްޑީޕީން މިހާރު އެއްބަސްވުމަށް އަމަލު ނުކުރާކަމަށް ކޯލިޝަންގެ އެހެން ބައިވެރިން ބުނެ އެވެ. ރައްޔިތުންގެ މަޖިލިހަށް ވެސް ކުރިމަތިލާން އެއްބަސްވެފައި އޮތީ، ޕާޓީގެ ނިސްބަތުން ބަހާލައިގެންނެވެ. އެކަމަކު އެމްޑީޕީން އިއްޔެ ޕްރައިމަރީ ބޭއްވީ ހުރިހާ ދާއިރާއަކަށް ވާދަކުރާ ގޮތަށެވެ.

ރައީސް ނަޝީދު ތަކުރާރުކޮށް ވިދާޅުވަމުން ގެންދަވަނީ ސަރުކާރުގެ ވައުދުތައް ފުއްދުމަށް އެ ޕާޓީއަށް މަޖިލީހުގެ މެޖޯރިޓީ ލިބެން ޖެހޭ ކަމަށެވެ. އެމްޑީޕީގެ ޕްރައިމަރީއަށް ފަހު ރޭ ބޭއްވި އެއްވުމުގައި ރައީސް އިބްރާހިމް މުހައްމަދު ސޯލިހްވެސް ވަނީ އެމޭރުމުން ވާހަކަފުޅު ދައްކަވައިފަ އެވެ.

ރައީސް މައުމޫން އަބްދުލްގައްޔޫމް ރައީސް މުހައްމަދު ނަޝީދު އެމްޑީޕީ މެމްބަރު ގާސިމް އިބްރާހިމް (މާމިގިލި) ދިވެހި ސަރުކާރު އަދާލަތު ޕާޓީ ޖުމްހޫރީ ޕާޓީ ރައީސް އިބްރާހިމް މުހައްމަދު ސޯލިހް ޕާޓީތަކުގެ ކޯލިޝަން ރައްޔިތުންގެ މަޖިލީހުގެ އިންތިޚާބު 2019

38 ކޮމެންޓް, 111 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮއްޕާ

13 March 2019

ޑަމަހައްޓަންތިބޭ 6 އެޕޮރީލް އަންނަންދެން އޭގެފަހުން ކަލޭމެނައް ކަންނެލިދޯންޔެއް ދީފަ އިމރާން ގެ ކެޔޮޅު ކަމުގަ މިސަރުކާރުގެ ފުރަތަމަ މަސްދޯނި މަހައް ފުރަަނެ ދެން ޖެހޭނީ އަނާރާވެސް މަސްކައްކަން ހުންނަން މިފަހަރު ނުހަނު ބޮޑުތހަނުން 86 ދާއިރާ ނަގާފަ 7 ފެބްރުއަރީ ގެ ހިތިރަހަ ލައްވާލާަފަ ދޫކުރާނީ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނބޫ

31 January 2019

ހަތަރު ކަށިމަތި އެ ދަނީ ކޯލިޝަނެއް ނެތޭ ގޮވަމުން. ދެން މަތިންބައިން ކޯލިޝަން ހެދިފަ ތިބޭ. އަހަރުން އަތް ޖަހައި ދޭނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތުބަތާނަ

20 January 2019

ލާދީނީވިޔަސް އަމާޒަކީ ވަީރުކަމާއި މަގާމު ދެމެހެއްޓުމޭ ބުނިނަމަ މާތާހިރުވީސް ދޯ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދާލަތު ޕާޓީ

20 January 2019

ފުރަތަމަ ބުނީ ޕާޓީ ސިސްޓަމަކީ ހަރާމް އެއްޗެކޭ، އެކަމަކު މި ދަނޑިވަޅަށް ހާލަތު ހުރިގޮތުންނޭ ކިޔާފަ ކީ އުސޫލް ފިގުހުގެ ގާއިދާ އެއްގެ ނަން، "ދެ ގޯހުންކުރެ ކުޑަ ގޯސް ޙިޔާރު ކުރުން". ބުނި ވެރިކަން ވެއްޓުނީމަ ޕާޓީ އުވާލާވަހަކަވެސް، އެއީ މައުމޫނު ވައްޓާލަން އުޅުނު އިރު. ދެން ބުނީ ތިމަންނަމެން ވެރިކަމެއް މަގާމެއް ބޭނުމެއް ނޫނޭ. ދެން ބުނީ މަގާމުތަކައް ނައިސް މިކަން ވާކަށް ނެތޭ. މިހާރު ޕާޓީ ސިސްޓަމަކީ ދީނުގެ މަސްދަރެއް ކަހަލަ. ކިހިނެއް މި ވަނީ؟ އޮޅިއްޖެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާނދު

20 January 2019

ތިޔަ ޕާޓީއަކަށް ކޮންކަމެއް ކުރެވޭނީ ތިޔައުޅުއްވަނީ އަމިއްލަ ޒިންމާ ނުނިގެ އަދިވެސް 10000 ދިހަ ހާސް ހާސް މީހުން ވެސް ހަމަނުވެވިގެން.ކޯލޭޝަަން ދަމަހައްޓާން މިސޮރުމެން ކުރާނެ އެއް ކަމެއްވެސް ނޮއޮންނާނެ.އެކަމަކު އިހައްދުވަހު ދެއްކެވި ވާހަކަތައް މިހާރުވެސް އެހުރީ ޔޫޓިއުބުގައި.ކޮބާ ލަދަކީ ދެން އަތްޖަހާ ބާރަށް އަތްޖަހާ،ހަހަހަހަހަ.......................................

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިލްހާމް

20 January 2019

ދީނީޢިިލްމުވެރިން ތަކެކޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯބު

20 January 2019

އަޅުގަނޑު އަޑުއެހިން ރެކޯޑިންގވެސް އެބަހުރި ތިއަދާލަތު ޕާޓީގެ އިސްބޭފުޅުން ވިދާޅުވި "ނަޝީދުއަށް ވާގިވެރިވެދޭ މީހަކަށް އެއްބާރުލުން ދިނުމަކީވެސް ދީނީގޮތުން ބަލާއިރު ހުއްދަވާ ވަރުގެ ކަމެއްނޫނޭ" އަދާލަތުން ދެން ސާފުކޮށްދީބަލަ ނަޝީދުގެ ކޮންކަމެއް ބަދަލުވެގެންތޯ މިހާރު ސީދާ އޭނާއަށް އެއްބާރުލުން ތިދެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެ

20 January 2019

ނަޝީދުގެ ދީނީކަމުގެ ޑެފިނިޝަން އަދާލަތުން ގެންގުޅޭ ގޮތުން އަދާލަތު އެއްބައިވާ ބަޔަކަށް ތާއީދުނުކުރެވިގެން މިއުޅެނީ. އަދިވެސް ޖަވާބު ނުލިބޭ އެ ސުވާލަށް. މިހާރު ދީނަށް ފުރައްސާރަކޮށްފަ ދިވެހިން ބުނާ ބަސްތައް އިތުރުވާން ފެށީމަ އަދިވެސް އެކަމާ ކަމެއް ނުކޮށް އޮންނަ ސަރުކާރެއް ދަމަހައްޓަން ދީނީ ޕާޓީއަކަށް ހަޖަމްވަނީ ކިހިނެތްތޯ ބަލަން މިހުރީ.