23 ޖެނުއަރީ 2019 - 16:15
9 comments
ޕީޕީއެމްގެ ދަރަންޏަކީ އަށް މިލިއަން ރުފިޔާ ކަމަށާއި ދައުލަތުގެ ބަޖެޓުން ޕީޕީއެމަށް ކަނޑައެޅި ފައިސާ އިލެކްޝަންސް ކޮމިޝަން (އީސީ) އިން ދޫކުރުމާ އެކު އެ ދަރަނި އަދާކުރާނެ ކަމަށް ޕީޕީއެމްގެ ކުރީގެ ނައިބު ރައީސް އަދި ޕީޕަލްސް ނެޝަނަލް ކޮންގްރެސް (ޕީއެންސީ)ގެ މުއައްސިސް އަބްދުއްރަހީމް އަބްދުﷲ (އަދުރޭ) މިއަދު ވިދާޅުވެއްޖެ އެވެ.
ޕީޕީއެމާއި ޕީއެންސީ ގުޅިގެން ބޭއްވި ނިއުސް ކޮންފަރެންސްގައި އަދުރޭ ޕީޕީއެމްގެ ދަރަނީގެ ވާހަކަ ތަފްސީލްކޮށް ދެއްކެވީ އެ ޕާޓީގައި އޭނާ ހުންނެވިއިރު ލިބިވަޑައިގަތް މައުލޫމާތުތަކުގެ މައްޗަށް ކަމަށް ބެލެވެ އެވެ.
އަދުރޭ ވިދާޅުވި ގޮތުގައި ދައުލަތުގެ ބަޖެޓުން ސިޔާސީ ޕާޓީތަކަށް ކަނޑައެޅި ފައިސާ ދޫކުރުމުން، ޕީޕީއެމްގެ ދަރަންޏެއް ނޯންނާނެ އެވެ. ޕީޕީއެމަށް ލިބެން ޖެހޭ 18 މިލިއަން ރުފިޔާ ދޫނުކޮށް ހިފަހައްޓާފައިވާ ކަމަށް ވެސް އޭނާ ވިދާޅުވި އެވެ.
"އެ ފައިސާ ދޫކުރުމުން ޕީޕީއެމް އޮންނާނީ އަރަނީގައި. ދިހަ މިލިއަން ރުފިޔާގެ ފައިދާ އޮތް ޕާޓީ އަކަށް ޕީޕީއެމް ވެގެން ދާނީ،" އަދުރޭ ވިދާޅުވި އެވެ.
މިއަދުގެ ނިއުސް ބްރީފިންގައި އަބްދުއްރަހީމް ވާހަކަ ދައްކަވަނީ.---ފޮޓޯ: އަހުމަދު ނިޝާތު/މިހާރު
ޕީޕީއެމް ދަރަނިވެރިވީ، ވެރިކަމުގެ ދެ ވަނަ ދައުރަކަށް ކުރީގެ ރައީސް އަބްދުﷲ ޔާމީން ހޮވަން ޕީޕީއެމުން ކުރި ކެމްޕޭނާ ގުޅިގެންނެވެ. ކެމްޕޭން ދަތުރުތަކަށް އައިލެންޑް އޭވިއޭޝަނަށް އެކަނި ވެސް 3.8 މިލިއަން ރުފިޔާ ދައްކަން ޖެހެ އެވެ.
ޕީއެންސީގެ ނަމުގައި ޔާމީން، އާ ޕާޓީއެއް އުފައްދަވަނީ ޕީޕީއެމް މެދުވެރިކޮށް ސިިޔާސީ މަސައްކަތްޕުޅު ކުރިއަށް ގެންދަވަން ދަތިތަކެއް ކުރިމަތިވުމުންނެވެ. ޕާޓީ ހިންގުން، ކުރީގެ ރައީސް އަދި ޕީޕީއެމްގެ ކުރީގެ ރައީސް މައުމޫން އަބްދުލްގައްޔޫމްއާ ހަވާލުކޮށްދޭން އާއްމު މެމްބަރަކު ހުށަހެޅި މައްސަލަ އޮތީ ސުޕްރީމް ކޯޓުގަ އެވެ. ޕީޕީއެމްގެ ތެރެއިން ހަރަކާތްތައް ކުރިއަށް ގެންދެވެން ނެތީ އެ ޕާޓީގެ ހިންގުން އެ ޕާޓީގެ ކުރީގެ ރައީސް މައުމޫން އަބްދުލްގައްޔޫމާ ހަވާލުކުރަން ހުށަހެޅި މައްސަލަ އެމަނިކުފާނާ އެއްކޮޅަށް ނިމި ޕީޕީއެމް ހަވާލުކޮށްފާނެތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާވީދު/
24 January 2019
ފައިސާ ދައްކަންވާނީ އެދަރިނި ނަގާ އެ ބޭނުން ކުރިބަޔަކު. އޭ ހެޔޮ އެހެން ޕާޓީއެއް ހަދައިގެން ދިޔައަސް ދައްކަންވާނީ އެމީހުން. ދަރަނި ދާންވާނެ އެމީހުން ދާތާކަށް އެމީހުން ފަހަތުން . ސަބަބަކީ އޭ އެމީހުން ކުރިކަމަކަށް ވާތީވެ. މަކަރު ހެދުމުގެ ފުރުސަތު ދީގެންނުވާނެ.
ފޮނިޓައްޕު ހަސަނު
24 January 2019
ފައިސާ ދޫނުކުރާތި އަދުރޭ އަތުން ޕާޓީގެ ކޮންޓްރޯލް ގެއްލެން ދެން.
ތުނބުޅި
24 January 2019
މަށައްވެސް ފައިސާ ލިބުނު ދުވަހަކުން ދައްކަން ހުޅުމާލެއިން ބިންކޮޅެއް ވިއްކަބަލަ. ނިހާނޫ ތި ވިޔަފާރީގެ މުއާމަލާތުގަ އޮތްތަ ސަރުކާރުން ލާރިދިނީމަ ދައްކާ ގޮތަށް. ޙަރާމް ވާނީ ޙަރާމަށް
އަލީ!
24 January 2019
އެމީހުން އަތަށްނުދީ އެފައިސާއިން ދަރަނި ދައްކާފަ ބާކީބައި އެމީހުނާހަވާލުކުރީމަ ރަގަޅުވާނެ. އެހެންނޫނި އެވެސް ކަޓުވާލަފާނެ
ޣަފޮ
23 January 2019
މިއީ އެއްގޮތަކައްވެސް ފައިސާ ދޫކުރަން ހެޔޮވަރުވާ ބައެއްނޫން
ދާދޭ
23 January 2019
ޕީޕީއެމްގެ މެންބަރަކު ނޫން މީހަކު އެޕާޓީގެ އިދާރީ އަދި ހިންގުމުގެ ކަންކަމާ ބެހޭގޮތުން ދައްކާ ވާހަކައަކީ އެއްވެސް ގާނޫނީ ހައިސިއްޔަތެއް އޮތްކަމެއްނޫން. އަދި އެޕާޓިގެ ނަމުގައި ބައްދަލުވުން ބާއްވައި ނޫސް ބަޔާން ދިނުމަކީ ޝަޚްސް އޮޅުވާލުމުގެ އަމަލަކަށްވާތީ އަދުރޭއާ ދެކޮޅަށް ކޯޓުގައި މައްސަލައެއް ފައިލް ކުރެވިދާނޭ ގާނޫނާ ޚިލާފު އަމަލެއް.
މުހައްމަދު ރަޝީދު ވަހީދު
23 January 2019
ހުވަފެނުގަ ޕާޓީ ލިބޭތަން ފެނުނީތަ...........
ރަދީފް
23 January 2019
ސަބަހޭ އަދުރޭ.18 އިން 8 ކެނޑީމަ ބާކީ އޮންނާނީ 10 ކަން އަދުރެމެޓިކްސް އަށް އެނގުނުކަން އެއީ އުފާވެރިކަމެއް.#މަހަށް
ލޮކިމަސް
23 January 2019
މިހާރު އަދުރޭ ތިޔައީ ޕީޕީ މީހެއްނޫން. ދަރަނި ދެއްކިޔަސް ނުދެއްކިޔަސް ކޮންކަމެއްދޯ.