މޯލްޑިވިއަން އަށް 3.8 މިލިއަން ރުފިޔާ ދައްކަން ޕީޕީއެމްގެ މައްޗަށް ހުކުމްކޮށްފި

މޯލްޑިވިއަންގެ މަތިންދާބޯޓެއް: އެ ކުންފުންޏަށް 3.8 މިލިއަން ދައްކަން ޕީޕީއެމްގެ މައްޗަށް ވަނީ ހުކުމް ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

03 ފެބުރުއަރީ 2019 - 22:06

23 comments

ގައުމީ އެއާލައިން މޯލްޑިވިއަން އަށް 3.8 މިލިއަން ރުފިޔާ ދައްކަން ޕީޕީއެމްގެ މައްޗަށް ސިވިލް ކޯޓުން މިއަދު ހުކުމްކޮށްފި އެވެ.

ރައީސް އަބްދުﷲ ޔާމީންގެ ސަރުކާރު ހިންގި ޕީޕީއެމްގެ އަތުން 3.8 މިލިއަން ރުފިޔާ ހޯދަން މޯލްޑިވިއަން އިން ދައުވާކުރީ މިދިޔަ އަހަރުގެ ރިޔާސީ އިންތިޚާބުގެ ކެމްޕެއިންގައި ކުރި ދަތުރުތަކަށް އެ ކުންފުންޏަށް ދައްކަންޖެހޭ އެ ފައިސާ ނުދެއްކުމުންނެވެ. މިދިޔަ އަހަރުގެ ރިޔާސީ އިންތިޚާބުގައި ޕީޕީއެމަށް ލިބުނު ބޮޑު ނާކާމިޔާބީ އަށް ފަހު މިހާރު އިދިކޮޅު ޕާޓީއެއްގެ ގޮތުގައި ހަރަކާތްތެރިވާ ޕީޕީއެމުން ވަނީ އެ ފައިސާ ދައްކަންޖެހޭ ކަމަށް ކޯޓުގައި އެއްބަސްވެފަ އެވެ.

ކޯޓުގެ ހުކުމުގައި ޕީޕީއެމަށް އަންގާފައި ވަނީ އެ ފައިސާ ކުރިއަށް އޮތް 15 ދުވަސް ތެރޭގައި ދެއްކުމަށެވެ.

ރިޔާސީ އިންތިޚާބުގެ ކެމްޕެއިނަށް ކުރި ދަތުރުތަކަށް މޯލްޑިވިއަން އަށް ޕީޕީއެމުން 4.8 މިލިއަން ރުފިޔާ ދައްކަން ކުރިން އޮތެވެ. އެކަމަކު ކޯޓަށް މައްސަލަ ހުށަހެޅުމުގެ ކުރިން އެ ޕާޓީން ވަނީ އޭގެ ތެރެއިން އެއް މިލިއަން ރުފިޔާ ދައްކައިފަ އެވެ.

ޕީޕީއެމުން ކުރިން ބުނެފައިވާ ގޮތުގައި އެ ޕާޓީން ދައްކަންޖެހޭ ފައިސާ ނުދެއްކި އޮތީ ދައުލަތުގެ ބަޖެޓުން އެ ޕާޓީއަށް ލިބެންޖެހޭ ފައިސާގެ ތެރެއިން ބޮޑު ބައެއް އިލެކްޝަންސް ކޮމިޝަނުން ހިފަހައްޓާފައި އޮތުމުންނެވެ. އިލެކްޝަންސް ކޮމިޝަނުން އެ ޕާޓީގެ ބައެއް ފައިސާ ހިފެހެއްޓީ އެ ޕާޓީގެ ކޮންގްރެސްގެ ސައްހަކަމުގެ މައްސަލަ ސުޕްރީމް ކޯޓުގައި އޮތުމުންނެވެ.

އެކަމަކު އެ ކޮންގްރެސް ސައްހަ ކަމަށް ސުޕްރީމް ކޯޓުން މިދިޔަ ހަފުތާގައި ނިންމުމާ އެކު، އިލެކްޝަންސް ކޮމިޝަނުން މިހާރު ވަނީ ޕީޕީއެމަށް ދޭންޖެހޭ އަށް މިލިއަން ރުފިޔާ ދޫކުރަން ފިނޭންސް މިނިސްޓްރީގައި އެދިފަ އެވެ.

ސިވިލް ކޯޓް އައިލެންޑް އޭވިއޭޝަން ޕީޕީއެމް މޯލްޑިވިއަން އެއާލައިން

23 ކޮމެންޓް, 67 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

04 February 2019

ދައުލަތުން ފައިސާ ގަނޑު ލިބުނީމައި ތިޔަފައިސާ ދައްކާނެ، އަދި ޕީ ޕީ އެމް ނަގައި އެއްލައިލާނެ، ޕީ ޕީ އެމް ގައި ބައްދައިގެން އެއުޅެނީ ދައުލަތުން ފައިސާ ހޯދަން އެހެން އެއްވެސް ބޭނުމެއްނެތް، އަދިވެސް ޕީ ޕީ އެމް ގައި ދައުލަތުން ފައިސާދޭވަރަށް މީހުން ނޭގި އެބަތިބި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޅަދު

04 February 2019

ޢަދުރޭ ގައުމުދެކެ ތިހާ ލޯބިވަނީޔާމު ތިޔަ ގަންހާ ފުލެޓް ތަކާ ބިންތައް ވިއްކާފަ ރައްޔަތުންގެ ހައްގު އަދާކޮއްދީ ، ރައްޔަތުންނޭ މިވެރިންދޭ 500ރުފިޔާ އަށް ނަފްސު ވިއްކާނުލާ ތިޔައީ އިންސާނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމާން

04 February 2019

މިތާގާ ވާއެއްޗެެއް އެނގިލައްވާ ތޯ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތާމްބެ

04 February 2019

މި ލާރިވެސް ދައްކަން ވީ މަ ތަ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

04 February 2019

ކެމްޕޭނަށް ލިބުނުކަމަށް ބުނާ އައިދިމާލެއް އައިގޮތެއް ނޭނގޭ ފައިސާތައް އިންވެސްޓްމަންޓް އެކައުންޓްތަކުގައި ބަހައްޓާފައި ދައުލަތުގެ ކުންފުނިތަކުން ކުރުވި ޚަރަދުތަކަށްވާވަރު އެ ބެހެއްޓި ތަންތަނުން ނެގުމަށްވެސް ހުކުމް ކުރަންވީއެވެ. ދައްކަން ހުކުމް ކުރީމާ ދައްކާނީ ކާކުހެއްޔެވެ. އެދަރަނިން ބޯދަމައިގަތުމަށް ޓަކައި އެހެން މަގެއް މިހާރު އެވަނީ ކޮށައިއަލިކޮށް ނިންމާފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންތޭ

04 February 2019

މޯލްޑިވިއަން އަށް 3.8 މިލިއަން ރުފިޔާ ދައްކަން ޕީޕީއެމްގެ މައްޗަށް ހުކުމްކޮށްފި ނަމަ އެއީ ދެން އެއްވެސް މައްސަލަ އެއް ނޫނޭ ތިޔާ ފައިސާ ދައްކާނަމޭ މަމެން ޕިންކީން މިހާރު ޕީޕީއެމް އެއޮތީ މަމެންގެ މިލްކަކަށް ވެފައި ނޫންތޭ ދެން އެމްއާރުއެމްއަނޭ މެންނަށް ވެސް އިނގޭނެއެއް ނޫންތޭ މަމެން ޕިންކީން ނާއި ވައިނޭޅޭނެ ކަން އެމެންނަށް ތަމެން ދެން މިކަމާއި ނޫޅެ ރަށުތެރޭން އެހެން ކަމަކާއި ގެން އުޅުނިއްޔާ މާތާހިރުވާނެއޭ ބުނަން މަމެން ނެތީމޭ އިނގޭތޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރަނގާ - އައްޑޫ ސިޓީ

04 February 2019

ސްރީލަންކަން އޮތް ހާލަތަށާއި ލަންކާގެ ސިޔާސީމަސްރަޙް އޮތްގޮތުން “މިއީ މޯލްޑިވިއަންއަށް ރަނުގެ ވަގުތުކޮޅެއް” ކަމުގައިބެލެވިދާނެ. * * އިންޓަނޭޝަނަލްސެކްޓަރ އަދި ސީޕްލޭން ފުޅާކުރުމަށް ޔޯރަޕްގެ އެއަރލައިނެއްހިންގުމުގައި އިސްކޮށް އުޅުނުމީހަކު CEO އަކަށްގެނެސް އަދި އޭނާއަށްއެހީތެރިވުމަށް ތަޖުރިބާހުރި ޤާބިލް ތެދުވެރި ދިވެހިންގެޓީމެއްނަގާ މިހާރު ތިބި ޑިޕާޓްމަންޓް ތަކުގެ ހެޑުންގެ މައްޗަށް ޑައިރެކްޓަރުން ހަމަޖައްސާ ކުންފުނީގެ އޮނިގަނޑު ބަދަލުކުރާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސަންބޭ

03 February 2019

ރައީސް މައުމޫނަކީ އަބަދުވެސް ވަރަށް ވިސްނުންތެރި ބޭފުޅެކެވެ. މައުމޫން މިހާރު ބޭނުންފުޅެއް ނުވާނެ ބޮޑުސިންގާ ދަރަންޏަކާ ޙަވާލުވާކަށް. ތިޔަވީ ހަމަ ވާންވީގޮތެވެ.