ސްރީ ލަންކާ-މޯލްޑިވްސް ބިޒްނަސް ފޯރަމްގައި ރައީސް މިއަދު ވާހަކަ ދައްކަވަނީ. --ފޮޓޯ:ރައީސް އޮފީސް
04 ފެބުރުއަރީ 2019 - 17:44
13 comments
ރާއްޖޭގައި މިހާރު އޮތީ ވިޔަފާރި ކުރަން ފަހި މާހައުލެއް ކަމަށާއި ރާއްޖޭގައި އިންވެސްޓް ކުރަން ބޭރުގެ އިންވެސްޓަރުންނަށް ދައުވަތު ދެއްވާ ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
ސްރީ ލަންކާ އަށް ރައީސް މިހާރު ކުރައްވާ ދަތުރުފުޅުގައި ސިލޯން ޗެމްބަ އޮފް ކޮމާސްގެ މެންބަރުންނާ ހިލްޓަން ހޮޓަލްގައި ބައްދަލު ކުރައްވާ ރައީސް ވިދާޅުވީ އެމަނިކުފާނުގެ ސަރުކާރުން މިހާރު ވަނީ ވިޔަފާރި އަށް ފަހި މާހައުލެއް ގާއިމްކޮށްދީފައި ކަމަށެވެ. އަދި އެ ފުރުސަތުގެ ބޭނުން ހިފައި ސްރީ ލަންކާ އާއި އެހެން ގައުމުތަކުގެ އިންވެސްޓަރުނަ ރާއްޖޭގައި އިންވެސްޓް ކުރަން ވަނީ އެދިވަޑައިގެންފަ އެވެ.
އިގްތިސާދީ ކުރިއެރުމުގެ މައި އިންޖީނަކީ ޕްރައިވެޓް ސެކްޓާކަން ފާހަގަ ކުރައްވައި ރައީސް ވިދާޅުވީ ވިޔަފާރި ކުރަން ލުއި ފަސޭހަ ގޮތްތަކެއް ފަހިވެގެން ދިއުމަކީ އިގްތިސާދީ ގޮތުން އޭގެ ނަފާ ލިބޭނެ ކަމެއް ކަމަށެވެ.
ރާއްޖެ އާއި ސްރީ ލަންކާގައި ޓޫރިޒަމް ފަދަ އެއްގޮތް ދާއިރާތަކެއް ހުރި އިރު މޫސުމަށް ބަދަލު އައުމާއި ގުދުރަތީ ހާދިސާ ފަދަ ކަންކަން ދެ ގައުމަށް ވެސް ކުރިމަތިލާން ޖެހިފައިވާ ކަމަށް ވިދާޅުވި އެވެ.
ރައީސްގެ ވާހަކަފުޅުގައި ދެ ގައުމަށް އެކުގައި ކުރިއެރުވޭނެ ދާއިރާތަކުގެ މައްޗަށް އަލިއަޅުއްވާލައްވައި އިއާދަކުރަނިވި ހަކަތަ ބޭނުންކުރުމުގައި އެކުގައި މަސައްކަތްތަކެއް ކުރެވިދާނެކަން ފާހަގަކުރެއްވި އެވެ. މީގެއިތުރުން އިގްތިސާދު ކުރިއެރުވުމާއި ވިޔަފާރިތައް އިތުރުކުރުމުގައި ދެ ގައުމަށް ވެސް ފައިދާވާނެ ގޮތަށް އެމަނިކުފާނުގެ ސަރުކާރުން މަސައްކަތް ކުރައްވާނެ ކަމުގެ ޔަގީންކަން ސްރީލަންކާގެ ވިޔަފާރިވެރިންނަށް ރައީސް ދެއްވި އެވެ.
މިއަދުގެ ބައްދަލުވުމުގައި ސްރީ ލަންކާގެ ބިޒްނަސް ކައުންސިލްގެ ފަރާތުން ރައީސް އަށް ވަނީ ހަނދާނީ ފިލައެއް އަރުވައިފަ އެވެ. މި ރަސްމިއްޔާތުގައި ރާއްޖޭގެ އިކޮނޮމިކް މިނިސްޓަރު ފައްޔާޒް އިސްމާއިލް ވެސް ވާހަކަ ދެއްކެވި އެވެ. އަދި ރާއްޖޭގެ ވިޔަފާރިވެރިންގެ ވަފުދަކުން ވަނީ ސްރީ ލަންކާގެ ވިޔަފާރިވެރިންނާ ބައްދަލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާންނަނީ
06 February 2019
މަކަރާ ހީލަތް ހަދާތީ ނާންނަނީ
ބަރުބާދު
05 February 2019
އަދިވެސް އިންވެސްޓަރުން މަދީތޯ؟. މިގައުމުވަރައް އިންވރސްޓަރުންނައް ހުޅުވާލެވިފައޮތް އެހެންގައުމެއް ހަމަޔަގީނުންވެސް ދުނިޔޭގަނެތް. ހުރިހާ ހަތަރުއަނގޮޅިއެއްގަ ނޫނީ އިށީދެލެވޭގޮތައް އާންމުތަނެއް އޮތިއްޔާއެތަނެއްގަ އެއޮތީ އިންވެސްޓަރުންތައް ތޮއްޖެހިފަ. ވިސާ ވޯކްޕަރމިޓް ބޭނުމެއްނުވޭ.
ގައުމީ ލޯބީގާ
05 February 2019
އަންނާނެ މީހަކު ވެއްޖެތަ .ނާއްނާނެ އަޑިއަށް ދާތަނެއް ގަ ކޮންއިންވެސްޓެއްތަ ކުރަން ބަޔަކު އަންނައްވީ .
މޯލްޑިވްސް ސްޓޭޓް
05 February 2019
އެއް ވަޒީރަކު ކިޔަނީ ރާއްޖެ އަޑިއަށް ދަނީއޭ، މުސްތަޤްބަލެއްނެތޭ... އަނެއް ވަޒީރަކު ކިޔަނީ ރާއްޖޭގައި ރާއްޖެ ހިމާޔަތްކުރާނެވަރުގެ ޤާބިލްކަމެއް ނެތޭ އެހެންވެ އިންޑިއާގެ އަސްކަރީ އެހީ ބޭނުންވެޔޭ... ރައީސް މިކިޔަނީ އަންނާށޭ އިންވެސް ކުރަން... މީޖޯކެއްތަ އަޅެ؟
ހޮޓްކިންގ
05 February 2019
ބޭރުގެ އިންވެސްޓަރުންނަށް ރާއްޖެ ބަންދުވެފައި އޮތީ ކޮން އިރަކުތޯ؟ އަމުދުން ފިނިހަށް ދުވެލިލީގެ ތަރައްގީ ސަރުކާގެ ވެރިކަމެއްގައި އިޖްތިސާދީ ކުރިއެރުން ލިބޭނެކަމަށް ދެކިގެން މިރާއްޖޭގައި އިންވެސްޓް ކުރާނެ މޮޔައަކު ނާންނާނެ.
ސަގާފަތު
05 February 2019
އިންވެސްޓަރުންނަށް އެކަންޏެއް ނޫނޫ. ބޭރުގެ ހުރިހާ ވައްތަރެއްގެ ބަޔަކަށް ހުޅުވިފަ. ޤައުމުގެ ރައްޔިތުން ވެގެން ފަހުރުވެރިވެގެން އުޅޭންޖެހޭ އެއްވެސް ސަބަބެއް ނުފެނޭ. ބޭރު މީހުން އަރާނެ ގޮތަކަށް އަރާ ފައިބާނެ ގޮތަކަށް ފައިބާ ބޭނުން ގޮތަކަށް އުޅެނީ. ހުރިހާ ފައިސާއެއް އެމީހުން ގެންދަނީ. ހުރިހާ ރިސޯސަސްތަކެއް އެކްސްޕްލޮއިޓް ކުރަނީ. ވިޔާފާރިތައް ކުރަނީ އިމެއް ނެތް.
އޮރެންޖް
04 February 2019
ރީނދޫ ކުލައިގެ ޓައި. ބޭނުމަކީ ކޮބައިތޯ؟
ސުނިލް
04 February 2019
ޕޯޑިއަމްގަ މާބޮޑި އަތުރާފަ ހުރީމަ އިންވެސްޓަރުން ޔަގީންކުރަން ބޭނުންވާނެ ހަމަ އަސްލުވެސް މި ސަރުކާރުގައި ފުރްސަތު އޮތްތޯ ނޫނީ ޖަޒީރާ ރާއްޖޭގެ މީހުނަށް ގޮތްދައްކަން ކުރާ ކަމެއްތޯ. އިންވެސްޓަރުންނަށް މައްސަލަ ސާފުވާނީ ޕޯޑިއަމްގައި ހުރި މާބޮޑީގެ ބަދަލުގައި ނޫސްވެރިންގެ މައިކްތަކުން ޕޯޑިއަމް ފުރާލެވުނީމަ. ރައީސްގެ ސީރުއަސްކަން އިންވެސްޓަރުންނަށް އެގޭނެ! މިހާރު އަދި ވާނުވާއެއް ނޭގޭ..ރައީސްވެސް ކޮންފިޑެންސެއްނެތް ކަހަލަ.
ކަރީމުއްދީން ބާޝާ
04 February 2019
އެކަމަކު ކުރިންކީ ރާއްޖެ ވިއްކަނީއޭ.
ޖަޒީރާރާއްޖެ
04 February 2019
އޭސީސީވެސް ހޭލެ ވެރިކަން ބަދަލްވީދުވަހު މިސޮރު އަދި ކިރިޔާ.
ފަހުދު
04 February 2019
ސްޓޭޓުމަންޓު ލިޔެގެން ދެއްވިޔަސް އިންވެސްޓަރުންނެއް ނާންނާނެ! ނޫސްވެރިންނަށް ސުވާލަށް ފުރްސަތު ހުޅުވާލާފަ އެއަށް ލައިވްކޮށް ދިވެހިބަހުން ވިޔަސް ޖަވާބު ދިނީމަ އެގޭނީ ރާއްޖޭގަ އިގްތިސާދީ ފުރްސަތު ހުރިކަމާ އެކަމަށް ވިޝަން އެއް އޮތްކަން. މީ ވަރަށް ވާހަކަ.