އިންޑިއާ އިން ދިވެހިންނަށް ދިން ވިސާގެ ލުއިތަކަށް އަންނަ މަހު އަމަލު ކުރަން ފަށަނީ

ރައީސް އިބްރާހިމް މުހައްމަދު ސޯލިހު، އިންޑިއާގެ ބޮޑުވަޒީރު ނަރެންދުރަ މޯދީއާ ސަލާމް ކުރައްވަނީ. –ފޮޓޯ: އޭއެފްޕީ

މުހައްމަދު ޔާމީން، މިހާރު

12 ފެބުރުއަރީ 2019 - 20:52

އިންޑިއާ އިން ރާއްޖެ އަށް ދިން ވިސާގެ ލުއިތަކަށް އަންނަ މަހުގެ 11 ވަނަ ދުވަހުން ފެށިގެން އަމަލު ކުރަން ފަށާނެ ކަމަށް ފޮރިން މިނިސްޓްރީން މިރޭ ބުނެފި އެވެ.

ފޮރިން މިނިސްޓްރީން ބުނީ ރާއްޖެ އާއި އިންޑިއާއާ ދެމެދު ސޮއިކުރި ވިސާއާ ގުޅޭ އެއްބަސްވުމަށް އަމަލުކުރުމަށްޓަކައި ފުރިހަމަ ކުރަންޖެހޭ ގާނޫނީ އިޖުރާއަތުތައް ފުރިހަމަކޮށްފައިވާ ކަމަށެވެ. އަދި އެކަމާ ގުޅޭ ރަސްމީ ލިޔުން ދެ ގައުމުގެ މެދުގައި ބަދަލުކޮށްފައިވާ ކަމަށް ފޮރިން މިނިސްޓްރީން ބުންޏެވެ.

ދިވެހިންނަށް އިންޑިއާ ވިސާގެ ލުއި ދިނުމުގެ އެއްބަސްވުމުގައި ދެ ގައުމުން ސޮއި ކުރީ މިދިޔަ ޑިސެމްބަރު މަހުގެ ތެރޭގަ އެވެ. އެއްބަސްވުމުގެ ސަބަބުން ޓޫރިޒަމާއި ބޭސްފަރުވާއަށާއި ތައުލީމް ހާސިލްކުރުމަށާއި ވިޔަފާރި އާއި ވަޒީފާގެ ބޭނުމުގައި، އިންޑިއާ އަށް ދަތުރުކުރާ ދިވެހިންނަށް ވިސާގައި މިހާރު ކުރިމަތިވާ ދަތިތައް ނެތި ފަސޭހަކަމާ އެކު އިންޑިއާ އަށް ދަތުރުކުރުމަށް މަގުފަހި ވާނެ އެވެ.

އާ ވިސާ އެއްބަސްވުމާ އެކު ދިވެހިންނަށް ލިބޭނެ ފައިދާތައް

- މަސައްކަތްތައް ކުރުމަށްޓަކައި 90 ދުވަހުގެ ވިސާ ލިބޭނެ. (ކޮންމެ ހަ މަހަކުން ގިނަވެގެން 90 ދުވަސް)

- ޓޫރިސްޓު ވިސާގައި އިންޑިއާއަށް އެތެރެވުމަށް ފަހު، ކުރިމަތިވާ ސިއްހީ ކުއްލި ކަމަކާ ގުޅިގެން ގިނަ ދުވަސްތަކެއް ވަންދެން އެ ގައުމުގައި މަޑުކުރަން ޖެހިއްޖެ ނަމަ، ރާއްޖެ ނައިސް މެޑިކަލް ވިސާ ހަމަޖެހޭނެ. އެ ހާލަތުގައި އެހީތެރިންނަށް ވެސް މެޑިކަލް ވިސާ ލިބޭނެ.

- ދިގު މުއްދަތަކަށް ބޭސްފަރުވާ ކުރަން ޖެހޭ މީހުން އެންމެ ގިނަ ވެގެން ހަ މަސް، ނުވަތަ ހާލަތަށް ބަލައި އެއް އަހަރާ ހަމައަށް ރާއްޖޭގަަައި ހުންނަ އިންޑިޔާ އެމްބަސީން ވިސާ ދޫކުރާނެ. އެފަދަ ހާލަތެއްގައި ވިސާ ދޫކުރާނީ ދެ އެހީތެރިންނާ އެކު.

- އިންޑިއާގައި ކިޔަވަން ހުންނަ މުއްދަތަށް ނަމަ، މަލްޓިޕަލް އެންޓްރީ ސްޓޫޑަންޓް ވިސާ ދޫކުރާނެ.

- އިންޑިޔާގައި ކިޔަވަން ތިބޭ 18 އަހަރުން ދަށުގެ ދަރިވަރުންގެ ބެލެނިވެރިންނަށް، އެ ދަރިވަރެއްގެ ވިސާގެ މުއްދަތަށް މަލްޓިޕަލް އެންޓްރީ ވިސާ ލިބޭނެ.

- މަތީ ތައުލީމަށް ކިޔަވަން ނުވަތަ އެކި ކަންކަމާ ގުޅޭ ރިސާޗް ހެދުމަށްޓަކައި އިންޑިއާގައި ތިބޭ ދަރިވަރުންގެ ކުދިން (18 އަހަރުން ދަށް ނަމަ) އަނބިންނާއި ފިރިން އަދި މައިންބަފައިންނަށް ވެސް ވިސޭ ހަމަޖައްސައި ދޭނެ.

- އިންޑިއާގައި ކިޔަވަން ތިބޭ 18 އަހަރުން ދަށުން ކުދިންނާއި ބެލެނިވެރިން އަދި އުމުރުން ދުވަސްވީ މީހުންގެ ހާލަތަށް ބަލައި އެ މީހުންނަށް ވެސް ވިސާ ލިބޭނެ.

ރައީސް އިބްރާހިމް މުހައްމަދު ސޯލިހް މިދިޔަ ނޮވެމްބަރު 17 ވަނަ ދުވަހު ވެރިކަމަށް ވަޑައިގެން އެންމެ ގާތް ގުޅުމެއް ބާއްވަވަމުން އަންނަ އެއް ގައުމަކީ އިންޑިއާ އެވެ.

އިންޑިއާ ދިވެހި ސަރުކާރު ވީސާ ފޮރިން މިނިސްޓްރީ ރައީސް އިބްރާހިމް މުހައްމަދު ސޯލިހް ރާއްޖެ-އިންޑިއާ އިންޑިއާ ވިޒިޓް ވިސާ ނަރެންދުރާ މޯދީ

19 ކޮމެންޓް, 41 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަލަން

13 February 2019

އިންޑިއާ ޑރ އިން ރާއްޖޭގަ ތިބެ އެމީހުންނަށް ދައްކާ ނިކަމެތި ރާއްޖެތެރޭ ރައްޔިތުން އެބަ ފޮނުވާ އިންޑިއާއަށް ބޭސްކުރަން އެމީހުންގެ ރައްޓެހިން ތިބޭ ތަންތަނަށް. އަދި އެއްފަހަރު އިންޑިއާއަށް ދާ މީހާ 3 މަހުން އަބަދު ނުގޮސްވާކަށްވެސް ނޯވޭ. ހުރިހާ ކަމެއް ލުއި ކޮށްދީގެން އަދިވެސް ދިވެހިން ގިނައިން އެގައުމަށް ގެންދެވޭނެ ގޮތް އެމީހުންނަށް މުހިއްމީ. އަދި މިގައުމަށް އެމީހުންގެ މީހުން ގިނައިން ގެނެސް ވަޒީފާތައް ދީ ހެދޭނެ ގޮތް އެމީހުންނަށް މުހިއްމީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައިބުތުއްތު

13 February 2019

ރަނގަޅުކަމެއްވިިއްޔާ އެންމެންވެސް ބަލައިގަންނާނެ. ނަމަވެސް މިނިވަންކަމުން އަޅުވެތިކަމަށް އެއްވެސް ދިވެއްސަކުދާކަށް ބޭނުމެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދުވެރިޔާ

13 February 2019

އިންޑިޔާ ބޭރު ކުރޭ ބޭރު ކުރޭ. ދިވެހިންގެ މުސްތަގްބަލައްޓަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭލާ

13 February 2019

އަހަރުން ބޭނުންވަނީ ތަރައްގީ. ޗައިނަޔާ ދިވެހިން ގުޅުމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

13 February 2019

ދިވެހިން ބޭނުން ވަނީ އިންޑިޔައާ ދުރައްދާން. އިންޑިޔާ އުޅެނީ އެމީހުންގެ އަޅުވެތި ކަމުގާ މިރާއްޖެ ބާއްވަން. ރައިސް ނަޝީދު އިންޑިޔަ ކައިރީ ބުބި މިރައްޖެ ހިފަން ޗައިނަގެ ސަބަބުން މިކަން ނުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސޮކު

13 February 2019

ބަލަ ކުރިން އައިސް ފޮނި ކެނޑީ ހަބަރު ހެޑްލައިން ހަދާ، ރޭޑިއޯ ޓީވީން ގޮވީ އަދި އަމުލުވެސް ކުރަން ފަށާފަ އޮތް އެއްޗެކަށްވެސް ނޫން!!! ތި ނޭނގެ އަދި މާޗުގައިވެސް ވާނެ ކަމެއް. ޔާމިން އޭގެ ކުރިންވެސް ވެރިކަމަށް އަތުވެދާނެ. ޔާމީނު ބޮލޮގަ އެޅުވި އެއްވެސް ތުހުމަތެއް އަދި ސާބިތު ނުކުރެވޭ، އާރާއި ބާރުއޮވެ. ދެން ސްޕްރީމް ކޯޓުން އަމުރު ނެރޭނެ ޔާމީންއާއި ވެރިކަން ހަވާލުކުރަން، ޔާމިން ބަލީވީ ދޮގު ތުހުމަތު ތަކާހުރެއޭ ކިޔާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހޭ

13 February 2019

ތިޔައީ ހަގީގަތުގަ ދިވެހިންގެ ހިޔާލުންވެސް ފޮހެލަންޖެހޭގައުމެއް، އެއްވެސް ކަހަލަ އިތުބާރެއް ގަވާއިދެއް ގާނޫނަކައް އިހްތިރާމް ކުރާބައެއްނޫން. އަބަދުވެސް އަނެއްގައުމެއްގެ އިސްތިގްލާލައް އަރައިގަނެވޭވަރަކުން ކަންކަން ފަހިކޮއްދޭ ގައުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޕޯޓަރ

13 February 2019

ޗައިނާއިން މުސްލިމުންނަށްކުރާ އަނިޔާ އޯކޭ. އިންޑިޔާ ނޮޓް އޯކޭ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހޭ

13 February 2019

އެއްވެސް އިތުބާރެއްނެތް، ހިތައްއެރީމަ ގަވާއިދަކައް ބެލުމެއްނެތި ހިތުހުރިގޮތަކައް ކަންކުރާބައެއްތީ. ދިވެހިން އަދިވެސް ހޭއަރާކައް ނުވޭތަ؟. ވިސާޖައްސަންދިޔައީމަ ވިސާއޮފީހުން ބުނީ ދަރި ބޯޑިންގ ސްކޫލައްލާފަ މާލެދާށޭ ވިސާއެއް ނުލިބޭނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތުބަތާނަ

13 February 2019

މިބަޔަކު އައި ފަހުން ތަސްބީހައެއް ހެން ތާއަބަދު އިންޑިޔާ. އިންޑިޔާ .އިންޑިޔާ .އިންޑިޔާ. އިންޑިޔާ ކިޔުއްވައިގެން ކަމެއް އޮޅުވާލަން އުޅޭހެން ހައުދަ ހީވެއޭ.