ހަނގުރާމަ އަށް ދިޔަ ބަޔަކު ސީރިއާގައި ހަތިޔާރާ އެކު
20 ފެބުރުއަރީ 2019 - 15:18
76 comments
ބޭރު ގައުމުތަކުގައި ހިނގަމުންދާ ހަނގުރާމަތަކަަށް ގޮސް މަރުވެފައިވާ ބައެއް މީހުންގެ އަނބި ދަރިން އެނބުރި ރާއްޖެ އަންނަން އެދެމުން އަންނަ ކަމަށް ނެޝަނަލް ކައުންޓާ ޓެރަރިޒަމް ސެންޓަރުން ބުނެފި އެވެ.
ކޯސްޓްގާޑް ބިލްޑިންގުގައި އެމްއެންޑީއެފްގެ ވެރިން މިއަދު ބޭއްވެވި ނޫސްކޮންފަރެންސެއްގައި ނެޝަނަލް ކައުންޓާ ޓެރަރިޒަމް ސެންޓަރުގެ ޑިރެކްޓާ ޖެނެރަލް ބްރިގޭޑިއާ ޒަކަރިއްޔާ މަންސޫރު ވިދާޅުވީ އެފަދަ ހައެއްކަ އާއިލާއިން އެ ސެންޓަރާ ގުޅުމުން އަންނަ ކަމަށެވެ. ނަމަވެސް އެ މީހުން އަނބުރާ ގެންނަން ބޮޑެތި ދަތިތަކެއް އެބަހުރި ކަމަށް ވެސް އޭނާ ވިދާޅުވި އެވެ.
"ފިރިމީހާ ހަނގުރާމައިގައި ނިޔާވެގެން އެ އާއިލާތައް އެކަހެރިވެގެން، ބާކީ ވެެގެން ގޮތެއް ނެތިގެން ގުޅާ އާއިލާތަކުގެ ވާހަކަ އަޅުގަނޑު މި ދަންނަވަނީ. އޭގެ ތެރޭގައި ވެސް ހަމަ ހައެއްކަ ފަރާތަކުން އަޅުގަނޑުމެންނާ އެބަ ގުޅާ،" ޒަކަރިއްޔާ މަންސޫރު ވިދާޅުވި އެވެ.
އެފަދަ މީހުން ގެނައުމުގައި ދިމާވާ ދަތިތަކުގެ ވާހަކަ ދައްކަވަމުން އޭނާ ވިދާޅުވީ އެ މީހުން މިހާރު ތިބި ތަންތަނުގައި ލިބިފައިވާ ދަރިން އެއީ ކޮންބައެއްކަން އަންގައިދޭ ފަދަ ލިޔެކިއުންތައް ނެތުމަކީ އެންމެ ބޮޑު ދަތި ކަމަށެވެ. އެގޮތުން އެފަދަ ކުދިންނަކީ ދިވެހި ރައްޔިތުންކަން ކަނޑައެޅުމުގައި ވެސް ދަތިތައް އެބަހުރި ކަމަށް ވެސް އޭނާ ވިދާޅުވި އެވެ.
"އެކޮޅުގައި އެ ތިބި ތަނެއްގައި ލިބިފައި ތިބި ދަރިން. އެ މީހުންގެ އައިޑީކާޑެއް އެއްޗެއް ނޯންނާނެ. ދިވެހި ރައްޔިތުންކަން ކަނޑައަޅާ ސާބިތުކޮށްދެވޭނެ ގޮތެއް، އަޅުގަނޑުމެންގެ އުސޫލީ މިންގަނޑުގެ ތެރެއިން އެކަން ކުރެވޭނެ ގޮތެއް ވެސް އަޅުގަނޑުމެންނަށް އުނދަގޫވާނެ،" ޒަކަރިއްުޔާ މަންސޫރު ވިދާޅުވި އެވެ.
ޒަކަރިއްޔާ މަންސޫރު މިއަދު ވާހަކަ ދައްކަވަނީ
އޭނާ ވިދާޅުވީ ކަން އެހެން އޮތަސް އެ މީހުންގެ ކަންތައްތައް ދައުލަތުގެ ޒިންމާޔަކުން ނުވެސް ކެނޑޭނެ ކަމަށާއި އެ މީހުން އަނބުރާ ގެންނަން ކަމާ ބެހޭ ފަރާތްތަކާ ގުޅިގެން މަސައްކަތް ކުރަން ޖެހޭ ކަމަށެވެ. އެގޮތުން ފޮރިން މިނިސްޓްރީ އާއި އިމިގްރޭޝަން އަދި ފުލުހުން ގުޅިގެން އެ މައްސަލަ އަށް ހައްލެއް ހޯދަން މަސައްކަތް ކުރަމުން އަންނަ ކަމަށް ވެސް ވިދާޅުވި އެވެ.
ބޭރު ގައުމުތަކުގައި ހިނގަމުންދާ ހަނގުރާމަތަކުގައި ބައިވެރިވާން ގޮސްފައިވާ ކަމަށް އެންސީޓީސީ އަށް މައުލޫމާތު ލިބިފައި ވަނީ ޖުމްލަ 61 ފިރިހެނުންނާއި އޭގެ ތެރެއިން ބައެއް މީހުންގެ އަނބިދަރިންނެވެ. ހަނގުރާމަ އަށް ދިޔަ ގިނަ ދިވެހިން ގޮސްފައި ވަނީ ސީރިޔާ އަށް ކަމަށް ސަރުކާރުން ކުރިން ވަނީ ބުނެފަ އެވެ،
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެލެކްސަ
22 February 2019
ބަލަ އެމީހުން އެތަނަށް ދިޔައީ ޕިކުނިކު ދަތުރުތަ؟ ގެނެއްސިއްޔާ ފޫނުބެދޭނެ ވަރުގެ ގެއްލުމެއް އެންމެ 6 މީހުންނާހެދި ބާކީ ތިބި އެތައް ލައްކަ ރައްޔިތުންނަކަށް ލިބިދާނެ. އެބަޔެއްގެ ސުންޕާކަންވަނީ އެބަޔަކާއެކު !
ގެނެޔަސް
22 February 2019
ކޮންބައެއްގެ ފައިސާއިން ޙަރަދުކޮށްގެން ތޯ ތިކަން ކުރާނީ؟ ތިހެން އަމިއްލައަށް ކުރާ ކަންކަމުން ނިކުންނަ ނަތީޖާގެ އަގު އެމީހަކު އަދާކުރަންޖެހޭނެ. ރައްޔިތުންގެ ފައިސާއިން ޙަރަދު ކުރުން އެއީ މައްސަލައެއް. އެމީހަކު އެފައިސާ އަދާކުރަންޖެހޭނެ އެހެން ނޫނީ ހިލޭ ސާބަހަށް މަސައްކަތް ކޮށްދޭން ޖެހޭނެ. ތިކަހަލަ ބަޔަކު ގެނެސްފިއްޔާ އިސްލާމިކް މިނިސްޓްރީ ފަދަ ތަނަކުން އެމީހުންނަށް ކައުންސަލިން ދީ އުޅުމާއި ގުޅުން މޮނީޓަރ ކުރަންވާނެ. އެހެން ނޫނީ އިތުރު ޖިހާދީން..
އަންކަލޯ
21 February 2019
ބައްލަވާ އެމީހުނަށް ވަރަށްބޮޑު ނުރައްކަލެއްނޫންތޯ ތިކުރިމަތި ކުރުވީ، ތިމީހުން ނުގެނެސް ތިވާހަ ދެއްކީމަ ތީކޮންބަޔެއްކަން ޖިހާދަށް ގޮސްއުޅޭ ނަގާކިޔާ މީހުނަށް އެނގޭނެއް ނޫންތޯ. އިންޓެލް މައުލޫމާތު ސިއްރިޔާތެއްގެ ގޮތުގައި ބޭއްވުން ވަރަށް މުހިންމު ތިޔަމިޝަން ކާމިޔާބުވަންދެން، ޖިހާދަށްގޮސް އުޅޭމީހުންވެސް މިހަބަރުތައް ކިޔާނެއްނޫންތޯ! ތިޔަމީހުނާ ދެން ގުޅާތޯ ބައްލަވާތި، 6 ހުވަފީންނަށް ހަރުކަށި އަދަބު ދިނުންގަތް، މާތްﷲ 6 މިހުނަށް ރައްކާތެރިކަން ދެއްވާށެ
ޕޮއް
22 February 2019
ނޯވަން ކެއާރސް
ސިޓިޒަން
21 February 2019
ތިމީހުން ނުގެންނާތި. ދެން ކޮންމެހެން ގެންނަންޏާ އޮތް ގޮތަކީ ވަކިން އަހަރެއްހާ ދުވަހު ތަނެއްގައި ބައިތިއްބައިގެން އެމީހުންގެ ސިކުނޑިއަށް ބޭސްކޮށް މުޅިން "އެފިކުރު" ފިލާތޯ ބެލުން.އެނއމެ ރަނގަޅުވާނީ މިހާރު އެއުޅޭ ތަނުން ދެއަންބަށް ވިއަސް އިނދެގެން އެތާއުޅުން.އެތަނަށް ދިޔަ ބޭނުން ފުދެންވާނީ އެތަނުގަ.މިތަނަށް އައިސް ބަޑިހަދާ ބޮންގޮއްވާން އުޅޭނެ ކަމެއްނެޠް.
ޥެރިން
21 February 2019
ތިމީހުން ގެނަޔަސް ވަރައް ރަންގަޅަށް ވަރަށް ކާރިން ތިމީހުންގެ ކަންތައް މޮނީޓާ ކުރެވެން ޖެހޭނެ ދިގުމުއްދަތަކަށް. މީ ލައްކަ ވާހަކަ
ޥަސޭ
21 February 2019
ޑީއެންއޭ ޓެސްޓު ކުރީމަ އިނގޭންނުން!
ޖިހާދު
21 February 2019
ދީނުގެ ނަމުގަ ޖިހާދު ކުރަންދާ މީހުން ދީން ބަދުނާމު ކޮށް ދީނުގެ އަގު ވައްޓާލަނީ ކީއްވެ؟ އިސްރޭލު ވަށައިގެންވާ ހުރިހާ ގައުމެއް ސުންނާފަތި ކުރުން އެޖެންޑާއަކީ
ޙަމަ
21 February 2019
ގެނެސްގެން ނުވާނެ.
ހެޔޮނުވާނެ
20 February 2019
ދެން އަޅެ ކޮމެންޓުކުރާ މީހުންވެސްތީ ހިތެއް އޮންނަ މީހުނެއްނޫންތަ؟ އެދައްކަނީ އެކަނިވެރި މާންނާއި ހަމަ ދިވެހި ކުޑަކުދިންގެ ވާހަކަވިއްޔާ! އެއާއިލާތައް ސަލާމަތުން ރާއްޖެގެނުވާ އަދި އެއާޢިލާތަކަށް ހެޔޮވިސްނުން ދެއްވާންދެއެވެ. އާމީން.
އަބްދުﷲ
21 February 2019
ރާއްޖެއިން އެމީހުން ނުކުމެގެން ދިޔައީ ސީރިއާއިން އެމީހުންނާއި ދެކޮޅުވާ ބަޔަކު މަރަން.
ހަމަހަމަ
20 February 2019
ރާއްޖެއިން ބޭރުގައި ތަފާތު އެކިއެކި ކުށްތަކަށް އަރައިގަންނަ ދިވެހިން ރާއްޖެ ގެނޭ އަދި ކިތަންމެ ކުށްވެރިންނެއް ދޫކޮށްލާ، ދީން ދޫކޮށްލިޔަސް ސިޓިޒަންޝިޕު ނުގެއްލޭ އެހެންވީމާ ތި މީހުންވެސް ރާއްޖެ އަންނަން ބޭނުމިއްޔާ ހަމަ ގެންނަންވީ.
ހެޔޮނުވާނެ
21 February 2019
މައްސަލައަކީ ޓެރަރިސްޓުންގެ ގޮތުގައުޅުނުބައެއްވީމައެވެ!އެތަކެއް ބައިވަރު ޓޮރެއިނިންތަކެއް ހެދުމަށްފަހު މިގައުމަށް އައިސްފަ ކޮށްފާނެ ކަމެއްވެސް ލަފާކުރަންވެސް ނޭނގޭނެއެވެ!އެންމެ6މީހުުންގެ ހައްގަށްވުރެން މުޅިގައުމުގެ ރައްޔަތުންގެ ހައްގު ބޮޑުވާނެއެވެ.ވީމާ އެމީހުންގެމަތިން ހަނދާންނައްތާލުން ބުއްދިވެރިއެވެ.އެމީހުން އަހަރުމެން މަތިން ހަނދާންނައްތާލިފަދައިންނެވެ!
ބޯ ހަމައެއްނޫން ދޯ އެކަމު?
22 February 2019
ޚަބަރު އެއްކޮށް ކިޔައިފިންތަ? އެބުނަނީ އުސޫލީ މިންގަނޑެއް ނެތިގެންްނޭ ދަތިވަނީ ގެންނަން.. ދެންތިބުނާ ދީން ގަބޫލުނުކުރާ މީހުން އަތުގަ ޕާސްޕޯޓް އޮވެޔޭ.. ގަމާރުވިޔަސް ތީ ބޮޑުވަރު. އެއްބައި ކިޔާފަ އަވަހަށް ތެޅިގަންނަނީ ތިމަންނަ މިފަހަރު މޮޅުއެއްޗެއް ބުނެލާނަމޭ ހިތާ!!