ޚަބަރު / މެމްބަރު އަބްދުﷲ ޖާބިރު (ކާށިދޫ)

މަލިކާ ބެހޭ ގޮތުން ޖާބިރު ވިދާޅުވީ އަމިއްލަ ޚިޔާލެއް: ހޫދު

ކާށިދޫ ދާއިރާގެ އިންތިޚާބީ ކެންޑިޑޭޓު ޖާބިރު.---ފޮޓޯ: މިހާރު

މުހައްމަދު ޔާމީން، މިހާރު

13 އެޕްރީލް 2019 - 22:07

ކުރިން ރާއްޖޭގެ ރަށެއްގެ ގޮތުގައި އޮތް މަލިކާ ބެހޭ ގޮތުން ކާށިދޫ ދާއިރާގެ އިންތިޚާބީ ކެންޑިޑޭޓު އަބްދުﷲ ޖާބިރު ވިދާޅުވީ، އޭނާގެ އަމިއްލަ ޚިޔާލެއް ކަމަށް ރައީސް އިބްރާހިމް މުހައްމަދު ސޯލިހްގެ ތަރުޖަމާނު އިބްރާހިމް ހޫދު މިރޭ ވިދާޅުވެއްޖެ އެވެ.

ޕީއެސްއެމުން އިއްޔެ ގެނެސްދިން ޖާބިރުގެ އިންޓަވިއުގައި އޭނާ ވިދާޅުވީ، ރާއްޖޭގެ ބައެއްގެ ގޮތުގައި މަލިކު އޮއްވައި، އިންޑިއާ އިން އެ ރަށް ނަގަން ޖެހުނީ ކީއްވެތޯ ބަލަން ޖެހޭ ކަމަށެވެ. އެހެންވެ، މަލިކު މައްސަލައިގައި ރާއްޖެ އާއި އިންޑިއާ ސަރުކާރާ ވާހަކަ ދައްކަވަން އެދިވަޑައިގަންނަވާ ކަމަށް ޖާބިރު ވިދާޅުވި އެވެ.

ވިޔަފާރިވެރިޔާ ޖާބިރު ވިދާޅުވީ، މަލިކުގެ މައްސަލައިގައި ރާއްޖޭގެ ފޮރިން މިނިސްޓަރު އަބްދުﷲ ޝާހިދު ހާޒިރު ކުރައްވައި ސުވާލު ކުރައްވާނެ ކަމަށެވެ. ބެލެވޭ ގޮތުގައި އޭނާ ވިދާޅުވީ، އަންނަ ޖޫން މަހު ފަށާ 19 ވަނަ ރައްޔިތުންގެ މަޖިލިހަށް މަލިކު މައްސަލައިގައި ޝާހިދު ހާޒިރު ކުރައްވާނެ ވާހަކަ އެވެ.

"ތައްޔާރުވާށޭ ފޮރިން މިނިސްޓަރު،" މަޖިލިހުގައި އެންމެ ފުރަތަމަ މަސައްކަތް ކުރައްވާނީ އިންޑިއާގެ ބައެއްގެ ގޮތުގައި މަލިކު ހަމަޖެއްސި ސަބަބު ހޯދަން ކަން ފާހަގަ ކުރައްވައި ޖާބިރު ވިދާޅުވި އެވެ.

އޭނާ ވިދާޅުވި ގޮތުގައި ރާއްޖެ އަތުން މަލިކު ގެއްލުނީ ރާއްޖެ ފަގީރުވުމުންނެވެ.

"މި އޮތް ކުޑަ ގައުމުން ބޮޑު އެއްޗެއް ގެއްލިގެން މި އުޅެނީ ކީއްތޯ ވީ؟ އެއްވެސް މީހަކު ޖަވާބެއް ނުދޭ. ފަހަރަކު އަތޮޅެއް މިހެން ގެއްލެން ވެއްޖިއްޔާ އަޅުގަނޑުމެން ނުތިބޭނެ ނޫންތޯ؟،" ޖާބިރު ވިދާޅުވި އެވެ.

ރައީސް އިބްރާހިމް މުހައްމަދު ސޯލިހްގެ ސްޕެޝަލް އެންވޯއިގެ މަގާމުގައި ވެސް ހުންނެވި ޖާބިރު، މަލިކާ ގުޅޭ ގޮތުން ދެއްކެވި ވާހަކަތަކުގެ މައްސަލައިގައި ހޫދު ކުރެއްވި ޓުވީޓެއްގައި ވިދާޅުވީ، އެއީ ޖާބިރުގެ އަމިއްލަ ހިޔާލުތަކެއް ކަމަށެވެ. އެއީ ދިވެހި ސަރުކާރުން އެއްވެސް ވަރަކަށް ތާއީދު ކުރާ ކަމެއް ނޫން ކަމަށް ވެސް ރައީސް އޮފީހުގެ ޗީފް ކޮމިއުނިކޭޝަން ސްޓްރެޓެޖިސްޓް ހޫދު ވިދާޅުވި އެވެ.

President @ibusolih has asked me to clarify that comments made by Mr Abdulla Jabir, MP-elect with regard to Minicoy, Lakshadweep Islands in India on @tvmaldives on 12 April 2019 are his personal views and NOT in any way sanctioned or endorsed by the Government of Maldives.
— Ibrahim Hood (@MvSpokesperson) April 13, 2019

ހޫދު މިރޭ ކުރެއްވި ޓުވީޓު.

ކުރިން ރާއްޖޭގެ ރަށެއްގެ ގޮތުގައި އޮތް މަލިކާއި އެ ޖަޒީރާގެ މީހުންނާއި ދިވެހިންނާ ވަރަށް އެއްގޮތެވެ. ރާއްޖޭގެ ރަށެއްގެ ގޮތުގައި މަލިކު އޮތުން ނިމުމަކަށް އައީ 300 އަހަރު ކުރިންނެވެ. މިހާރު މަލިކަކީ އިންޑިޔާގެ ވެރިކަމެއް ހިނގާ ރަށެކެވެ. މަލިކުގެ އާބާދީ އުޅެނީ 10،000 އަށްވުރެ މަތީގަ އެވެ.

ޕީއެސްއެމްގެ އިންޓަވިއުގައި ޖާބިރު ވަނީ ކުރީގެ ރައީސް އަބްދުﷲ ޔާމީންގެ ސަރުކާރުން ގަތަރާ އެކު އޮތް ގުޅުން ކަނޑާފައިވާތީ އެކަމާ ވެސް ކަންބޮޑުވުން ފާޅުކުރައްވައިފަ އެވެ. އަދި އަންނަ މަހު ފަށާ މި އަހަރުގެ ރޯދަ މަހުގެ ކުރިން ދެ ގައުމުގެ ގުޅުން އިޔާދަ ކުރުމަށް ވެސް އޭނާ ގޮވާލެއްވި އެވެ.

މެމްބަރު އަބްދުﷲ ޖާބިރު (ކާށިދޫ) ރައީސް އިބްރާހިމް މުހައްމަދު ސޯލިހް މަލިކު މަލިކު އިބްރާހިމް ހޫދު، ކޮމިއުނިކޭޝަންސް ސްޓްރެޓެޖިސްޓް އިންޑިއާ ރާއްޖެ-އިންޑިއާ ރާއްޖޭގެ ޚާރިޖީ ސިޔާސަތު

174 ކޮމެންޓް, 170 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސދފތ

21 April 2019

ޖާބިރަކީ ސިޔާސީ ކަންކަމުގައި އަރާހުރި މީހެއް. އޭނާގެ ވާހަކަޔަށް ޖޯކް ނުޖަހައި އެވިދާޅުވި އެއްޗަކާއި މިހާތަނަށް ކަންވެފައި އޮތްގޮތެއް ބަލާބަލަ. އެވިދާޅުވަނީ އިންޑިޔާއަށް އައްޑޫ ދޭން އުޅޭތީ އެއީ ރަނގަޅުކަމެއްނޫންކަން ބުނެދޭން ދެއްކި ވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްދިއްޔޯ

15 April 2019

ތީ ވެސް މައްސަލައެއްނޫން އިންޑިޔާ ޕާލަމެންޓްގައި އުޅޭ މީހުން ރާއްޖެއަށްވެސް ކިޔާ އިންޑިޔާގެ ތަނެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭޑް

15 April 2019

ބަލަ ޖާބިރު ބުންޏަސް ރަގަޅު ވާހަކަ އެއް ވިއްޔާ ސާބަސް ދޭންޖެހޭ. މަލިކަކީ ވެސް އަތޮޅެއް ޏ. މުލައް ގޮތަށް ވަކިން އޮންނަ! ރަގަޅަށް ވިއްޔާ އެރަށަށް ވެސް ކިޔީ މުލަކު.. ފަހުން ފިލި ބަދަލު ވެ މަލިކު މިހެން ކިޔަން ފެށީ ކަމަށް ވާނީ! އޭ ހަމަ ދިވެހި ރާއްޖޭގެ ރަށެއް! ދެން އޮތީ ޑިޔެގޯ ގާސިޔާ! އެ ވެސް އަތޮޅެއް.. ރާއްޖޭގެ އަތޮޅު ތައް ފަދަ! ހަގީގަތަކީ މި ވެސް އަސްލު ރާއްޖޭގެ ބައެއް! މޯލްޑިވްސް ރިޖް ގަ ހިމެނެނީ! ރާއްޖޭ ގެ ބާރެއް ނެތީމަ މި ތަން ތަން ނުލިބުނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަ ކީ މަ

15 April 2019

މަލިކު މީހުން ވާހަކަ ދައްކަނީ ލިޔަނީ ދިވެހިބަހުން މަލިކަކީ ކުރިން ރާއްޖޭގެ ތަނެށް ކީތްވެ އެހެން ލިޔެލަން ބުނެލަން ޖެހިލުންވަނީ ކާކުދެކެ ބިރުން ހ.އަތިރީގެ އާގޭ އިސްމާއީލް ހިލްމީގެ އާއިލާ މީހުން މަރުނުވެ މަލިކުގަ އެބައުޅޭ އެމީހުން އައިސް އިސްމާލް އާއެކީ މާލޭގަ ހ.އަތިރީގެ އާގެ ނިދާ ހަދާ...ޖާބިރު ކަލޯ އަވަ ޔޫއަށް ސާބަސްދެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލާހު

15 April 2019

ދިނާގައުމަށޭ ކިއައިގެންނުވީމަ ދެންނިކުންނަނީ މަލިކާ ގައުމަށޭ ކިއައިގެން ކަންނޭގެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެމެލް

15 April 2019

ޖާބިރޫ! މާގިނަ ވާހަކަ ނުދައްކާ މަލިކު ރޯލް ކޮށްލަބަލަ ތިޔަބުނާ އެސެޓް ރޯލްކުރާގޮތަށް! އެހެން ނޫނަސް މަލިކު އަކީ ޔޫރިން ގޮތަށް ހަމަ މީހަކު ބުނާއިރަށް ދޭން ހުންނަ އެއްޗެއްތަަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޑާފުށި

14 April 2019

ބުއްދި ސަލާމަތުން ހުރިތޯބަލަން ޖެހޭ. މި ބޭ މިދައްކަނީ ޤައުމީސަލާމަތަށް ނުރައްކާ ވާކަހަލަ ވާހަކަ. އެންމެކައިރީ ހުރި ބޭފުޅާ މީނައަށް ވިސްނާދިނުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ބަބުރު ސޮރު

15 April 2019

މީހަކު ހަމަ އެއްޗެކޭ ބުނާ އިރަށް ގައޮމީ ސަލާމަތަށް ނުރައްކާ ވޭތާ؟ ކަލޭވެސް ތިހުންނަނީ ހިންދީންގެ ހުންނަގޮތް ދޯ؟ބާރު ނެތަސް މާބޮޑު ބާރަކަށް ހެދިގެން ހާހާހާ އޭނަ ބުއްޏަސް އޭ ހަމަ ތެދެއް މަލިކު އިންޑިއާ ފޭރިގތް ސަބަބެއް ހޯދަން ޖެހޭ.