ޚަބަރު / ޑރ. މުހައްމަދު މުއިއްޒު، މާލޭގެ މޭޔަރު

ޓާޓާ ފްލެޓްތަކަށް ފައިސާ ދައްކައިފި، ވަރަށް އަވަހަށް އެއްބަސްވުން ހަދަނީ

އަރަބިއްޔާ ހުރި ތަނުގައި އިމާރާތްކޮށްފައިވާ ފްލެޓް އިމާރާތް: އެތަނުން ފްލެޓް ލިބުނު މީހުން ފަސް އަހަރު ތެރޭގައި ދެ މިލިއަން ރުފިޔާ ދައްކަން ޖެހޭ

ފަޒީނާ އަހުމަދު، މިހާރު

01 ސެޕްޓެމްބަރ 2016 - 15:07

10 comments

މާލޭގެ ގާކޮއްޓާއި އަރަބިއްޔާ ސްކޫލް ކުރިން ހުރި ބިމުގައި އިމާރާތްކުރި ފްލެޓްތަކަށް ސަރުކާރުން ދައްކަން ޖެހޭ ހުރިހާ ފައިސާއެއް ދައްކާފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

މިދިޔަ މާޗް މަހު މަސައްކަތް ނިންމި ފްލެޓްތައް ހަވާލުނުކޮށް ލަސްކުރީ ސަރުކާރުން ދައްކަން ޖެހޭ 278 މިލިއަން ރުފިޔާ ނުދައްކައިގެން ކަމަށް މަޝްރޫއު ކުރިއަށް ގެންދިޔަ އެޕެކްސް ރިއަލްޓީ ކުންފުނިން ވަނީ ބުނެފަ އެވެ.

އަަރަބިއްޔާ ބިމުގައި 90 ފްލެޓް އަޅާފައިވާއިރު ގާކޮށި ބިމުގައި އިމާރާތްކުރީ 190 ފްލެޓެވެ.

ހައުސިން މިނިސްޓްރީން ބޭއްވި ޕްރެސް ކޮންފަރެންސެއްގައި "މިހާރު" އިން ކުރި ސުވާލަކާ ގުޅިގެން މިނިސްޓަރު ވިދާޅުވީ މީގެ ދެ ދުވަސް ކުރިން ސަރުކާރުގެ ކަމާ ބެހޭ އިދާރާއަކުން ވަނީ ފްލެޓްތަކުގެ ފައިސާގެ ކަންކަން ހަމަޖައްސާދީފައި ކަމަށެވެ. އެކަމަކު އެއީ ކޮން އިދާރާއެއްކަމެއް މިނިސްޓަރު ވިދާޅެއް ނުވެ އެވެ.

މުއިއްޒު ވިދާޅުވީ ފްލެޓްތައް ލިބިފައިވާ މީހުންގެ ތެރެއިން، ސަރުކާރުން މިހާރު ކަނޑައަޅާފައިވާ ގޮތަށް ފައިސާ ދައްކަން ތައްޔާރަށް ތިބި މީހުންނާ އެކު ހައުސިން ޑިވެލޮޕްމެންޓް ކޯޕަރޭޝަނުން ވަަރަށް އަވަހަށް އެއްބަސްވުން ހަދަން ފަށާނެ ކަމަށެވެ.

"އެގޮތަށް އެއްބަސް ނުވެވުނު ފަރާތްތަކަށް ސަރުކާރުން ވިސްނަނީ ހުޅުމާލެ އިން ފްލެޓް ހަމަޖައްސައިދޭން،" މިނިސްޓަރު ވިދާޅުވި އެވެ.

ފްލެޓް ލިބުނު މީހުންނަށް ފްލެޓްތައް ދޭން ސަރުކާރުން މިހާރު ނިންމާފައި ވަނީ ފަސް އަހަރު ތެރޭ ދެ މިލިއަން ރުފިޔާ ދައްކާ ގޮތަށެވެ. އެއީ މަހަކަށް 33،000ރ.ގެ ޖެހޭ މިންވަރެކެވެ. ފްލެޓްތައް ލިބޭ މީހުންނަށް ކުރިން އަންގާފައި އޮތީ މަހަކު ދައްކަން ޖެހޭ އަދަދު އުޅޭނީ ގާތްގަނޑަކަށް 9،000ރ ގައި ކަމަށެވެ.

މުއިއްޒު ކުރިން ވިދާޅުވެފައިވާ ގޮތުގައި ފައިސާ ދެއްކުމުގައި އެ ފަރާތަކަށް ފަސޭހަވާނެ ގޮތަކަށް ފައިނޭންސިން ކަންކން ހަމަޖެއްސިދާނެ އެވެ. އަދި ފައިސާ ދައްކަން ބޭންކަކުން މޯގޭޖް ނެގުމުގެ ފުރުސަތު އޮންނާނެ ކަމަށާއި މަހަކަށް 33،000ރ. ދައްކަން ސަރުކާރުން މަޖުބޫރުނުކުރާ ކަމަށް ވެސް އޭނާ ވަނީ ވިދާޅުވެފަ އެވެ.

ގާކޮއްޓާއި އަރަބިއްޔާ ފްލެޓްތައް ލިބޭނެ މީހުން ހޮވައި ލިއުން ވެސް ވަނީ ހަވާލުކޮށްފަ އެވެ. އެކަމަކު ލިބޭ ފްލެޓް ކަނޑައަޅަން އަދި ގުރުއަތެއް ނުނަގަ އެވެ. އެ ފްލެޓްތަކުގައި މި މަހު ދިރިއުޅެން ފަށާނެ ކަމަށް މުއިއްޒު މިދިޔަ މަހު ވަނީ ވިދާޅުވެފަ އެވެ.

ތަރައްގީގެ މަޝްރޫއުތައް ހައުސިން މިނިސްޓަރު ދިވެހި ސަރުކާރު ބޯހިޔާވަހިކަން ފްލެޓް ހައުސިން މިނިސްޓްރީ ހައުސިން ޔުނިޓް ގާކޮށި ޑރ. މުހައްމަދު މުއިއްޒު، މާލޭގެ މޭޔަރު ޓާޓާ ގްރޫޕް

10 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްދުއްލާ އަލީ

28 February 2017

ބޭރުގެ ކުންފުނިތަކަށް ފްލެޓްއަޅާނެ ބިން ދިނުމުން ލިބޭނީ ބޮޑު އަގެއްގަ އެކުންފުނިން ފްލެޓްއިމާރާތް ކުރުމަށްދިން އެތައް މިލިއަން ދޯލަރު ވީގޮތެއްނޭގޭ ވީމާ ފްލެޓްއަގުހެޔްވާނެތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން އާމިރު

05 October 2016

ރައީސްނަޝީދުގެ ނަން ފާހަގަ ކޮށްލަން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫޅު

29 September 2016

ތި ތަނުން ވެސް 5 ފަނޑިޔާރުނަށް 5 ފްލެޓް ދޭން ވާނެ އެވެ. އެބޭފުޅުން އިންސާފުން ކަންތަށް ކުރައްވާން ތިއްބެވޭނީ އޭރުން ތާއެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާހިލު

28 September 2016

ސަރުކާރުން ފައިސާ ދައްކާ ދެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭޝަރަމް

01 September 2016

ސަރުކާރުން ކަނޑައެޅި ގޮތަށް ފައިސާ ދައްކަން އެއްބަސްވި މީހުންގެ ވާހަކަ ނުދައްކާ ސަރުކާރުން ކުރިން އެއްބަސްވެފަ އޮތް ގޮތަށް ފްލެޓްތައް ދޭންޖެހޭ!! އެއީ ސޯޝަލް ހައުސިން ސްކީމެއް!! އެކަން ބަދަލު ކުރި އިރުއިރު އެއަށް ކުރިމަތިލައި ހޮވިފައިވާ މީހުން ކުރެން ހޭވެސް އަހާނުލާ!! އަމިއްލަ އަމިއްލައަށް އެކަންކަން ނިންމާފަ އެކަމުގެ ޒިންމާވެސް އުފުލަންޖެހޭ!! މުއިޒް އިސްތިއުފާ ދީފަ ނަމަވެސް ނުވަތަ އަމިއްލަ އަތުން ލާރި ދައްކާފަ ނަމަވެސް ގުރުވަތުން ހޮވިފައިވާ މީހުންނަށް ސޯޝަލް ހައިސިން ސްކީމެކޭ އެއްގޮތަށް ފްލެޓް ދޭންޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

01 September 2016

މިފައިސާދައްކާފަ ޖީބުހުސްވެގެންދޯ މުސްކުޅިންނަށް 5000 ރުފިޔާ ދޭނަމޭކިޔާފަ މިމަހު އެއްބައި ކަނޑާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްބުލްވަޠަން

01 September 2016

އަބަދުވެސް ފްލެޓޭ ނުވަތަ ބިންވެރިކަމޭ ކިޔާފައި ހެޑިން ތަކެއް އުފައްދަނީ! އާއްމު މީހާއަށް ކުރާ ފައިދާއެއް ނެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

01 September 2016

އިއްޔެގެ އޮޑިޓް ރިޕޯޓް ބުނާ ގޮތުން 199ފްލެޓް އަށް ދައުލަތުން ފައިސާ ދައްކަން ޖެހެނީ އެއްފަހަރާ، އަދި 88 ފްލެޓަށް ފައިސާ ދައކްނަ ޖެހެނީ މަހަކު 400ޑޮލަރުގެ ރޭތުން 25 އަހަރު ފުހުން، ދެން ސަރުކަރުން މިހުރިހާ ފްލެޓަކަށް 5 އަހަރު ތެރޭ މަހަކު 33ހާސް ދައްކަން މި އަންގަނީ ކީއްވެ؟؟ މި 88 ފްލެޓް ލުއިކޮށް ރައްޔިތުމީހާ އަށް ނުދެނީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހަމަ

01 September 2016

މިދެން ފުކެއް ބޮޑުވަރު. ރައްޔިތުމީހާ 2 މިލިއަން ރުފިޔާ ފުލެޓަށް ދައްކަން 2 މިލިއަން ރުފިޔާގެ ލޯނެއް ނަގައިގެން 15 އަހަރު ދުވަހުން ލޯނު ދައްކާ ނަމަވެސް މަހަކު 22 ހާސް އަށްވުރެ ގިނަ ރުފިޔާ ދައްކަން ޖެހޭނެ. އެއީ %11 އިންޓަރެސްޓު ރޭޓުކަމަށް ބަލައިގެން. ދައްކާ ނިމޭއިރު 4 މިލިއަން ރުފިޔާ ދެއްކިފައި އޮންނާނީ. މީ ވަރަށް ދެރަ ކަމެއް، އާންމު މީހަކަށް އަތްފޯރާ ވަރެއް ނޫން މިއީ.. މުއިއްޒުމެންނަށް ބުނެލާއިރު ހީވާނެ ވަރަށް ފަސޭހަ ކަމެއް ހެން. ކިތައް މީހުންނަށް ބެންކުން 2 މިލިއަން ރުފިޔާގެ ލޯނު ދޭނީ. މުޅި ރާއްޖޭގައިވެސް ހިންގުނު އެންމެ އަގުބޮޑު ބޯހިޔާވަހި ކަމުގެ މަޝްރޫޢުއަށް މިވަނީ މިހާ ބޮޑު ލޯނެއް ރައްޔިތުންގެ ބޮލުގައި އެޅުވީމާ. އަނެއްކާ ތިއީ ސޯޝަލް ހައުސިންގް މަޝްރޫޢުއަކަށްވެސް އޭރަކުން ނުވޭ.