ފޮރިން މިނިސްޓަރު ޝާހިދު "މިހާރު" އާ ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
22 މެއި 2019 - 14:36
38 comments
ސްރީ ލަންކާގައި ވިސާ ނެތި ދިރިއުޅެމުންދާ ދިވެހިންގެ ތެރޭގައި، އެ ގައުމަށް ބޭހަށް ގޮސް ފިލައިގެން އުޅޭ ދިވެހިން ވެސް ހިމެނޭ ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.
މީޑިއާއާ ވާހަކަ ދައްވަމުން ޝާހިދު ވިދާޅުވީ، ވިސާ ނެތި ލަންކާގައި ދިރިއުޅޭ ބައެއް ދިވެހިން އެ ގައުމުގައި ހުންނަ ރާއްޖޭގެ ހައި ކޮމިޝަނަށް ގުޅައި އެ މީހުންގެ މައުލޫމާތު މިހާރު ދެމުން އަންނަ ކަމަށެވެ.
"އެ މީހުންގެ ނަމާއި ހުރިހާ މައުލޫމާތެއް އެމްބަސީ އަށް ގުޅާފައި އެބަދޭ. އެކަމަކު ހުންނަ ތަނެއް ބުނާކަށް ބޭނުމެއް ނުވޭ،" މިނިސްޓަރު ވިދާޅުވި އެވެ.
ލަންކާގައި ފިލައިގެން އުޅޭ މީހުންގެ ތެރޭގައި ނޮވެމްބަރު 3، 1988 ގައި ރާއްޖެ އަށް ދިން އުދުވާނީ ހަމަލައިގެ އިސް މޭސްތިރި އަބްދުﷲ ލުތުފީ ވެސް ހިމެނެ އެވެ. އޭނާ 2010 ން ފެށިގެން ފިލައިގެން ލަންކާގައި އުޅޭ ކަމަށް ވެ އެވެ.
އެކަމަކު، އޭނާ އެމްބަސީ އަށް ގުޅި ކަމެއް ޝާހިދު ވިދާޅެއް ނުވެ އެވެ.
ވިސާގެ މުއްދަތު ހަމަވެފައިވާ ގިނަ ދިވެހިންތަކެއް ލަންކާގައި ދިރިއުޅެމުންދާއިރު، އެ މީހުން "ފަޅާއެރީ" އެ ގައުމުގައި މިދިޔަ މަހު ގޮއްވާލި ބޮންތަކާ ގުޅިގެން، ބިދޭސީންތައް ލަންކާގެ ޕޮލިސް ސްޓޭޝަންތަކުގައި ރަޖިސްޓަރީވާން އެންގުމުން ކަމަށް މިނިސްޓަރު ވިދާޅުވި އެވެ.
ވިސާ އާ ނުކޮށް، ލަންކާގައި ދިރިއުޅޭ ދިވެހިންގެ ތެރޭގައި ކިޔަވާ ދަރިވަރުން ވެސް ހިމެނޭކަން ޝާހިދު ހިތާމައާ އެކު ފާހަގަކުރެއްވި އެވެ.
އޭނާ ވިދާޅުވި ގޮތުގައި، ވިސާ އަދި ޕާސްޕޯޓުގެ މުއްދަތު ހަމަވެފައިވާތާ ފަސް އަހަރު ވެފައިވާ ދިވެހިން ލަންކާގައި އެބައުޅެ އެވެ. އަދި ވިދާޅުވީ، ލަންކާގެ ގާނޫނުތަކުގެ ތެރެއިން އެ މީހުން ޖޫރިމަނާ ކުރުމަށް ފަހު، ރާއްޖޭގެ ހައި ކޮމިޝަނުން ދޭ ލިޔުމަކަށް ބަލައި ވިސާ އާ ކޮށްދިނުމަށް ލަންކާގެ ސަރުކާރުގައި ރާއްޖެ އިން އެދިފައިވާ ކަމަށެވެ. އަދި އެ ގައުމުން އެކަން ކޮށްދޭނެ ކަމުގެ އުންމީދު އެބައޮތް ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅުސޮރު1
26 June 2019
ޝާހިދުއަށް މިދުވަހުވެސް އެގޭނެ ލުތުފީ ވީ ސްރީލަންކާގެ އެމްބަސީގަކަން، ކީއްވެބާ ބުނަން ނުކެރުނީ ތިމަންނަ މެން މިހާރު ލުތުފީ ލަންކާ ފުލުހުންނަށް ފޮރުވައިގެން އެމްބަސީގެ ގެންގުޅެމޭ.. ގައުމޭ އިޚުލާންތެރިކަމޭ ކިޔާއިރު މި ބަލަނީ އަބަދުވެސް ތިމާއަށް ލިބޭ އެއްޗަކަށް
ހަސަނު
23 May 2019
ވަރަށް ޒިންމާދާރުކަން ކުޑަކޮށް ދިވެހިން ބޭރު ގައުމުތަކަށް ގޮސް އެ އުޅެނީ.. ސަރުކާރުން މިކަމަކާ އުޅޭނެ ސަބަބެއް ނެތް.. އެމީހުނޤ އަމިއްލައަށް ހައްލު ހޯދަން ދޫކޮށްލާ..
ޢަލިމަނިކުފާނު
23 May 2019
ދިވެހީންނަކީ ހުރިހާ ކަމަކުން ވެސް ނަމޫނާ ދައްކާ ބައެއް، ބޯހަލާކު
10000
23 May 2019
އަބްދުﷲ ޝާހިދު ރާއްޖޭގަ މަޑުކޮށްލައިގެން މިކަހަލަ މައްސަލަތައް ހައްލު ކޮށްބަލަ
ޙުސެއިން
23 May 2019
ނުޖެހޭ ހައްލު ހޯދައިދޭން ކޮންމެ ޤައުމެއްގައިވެސް އުޅެންޖެހޭނީ އެޤައުމެއްގެ ޤާނޫނާ ޤަވާޢިދުތަކާ އެއްވޮތަށް، ޑީޕޯޓްކޮށްލާ ހަމަ.
ްއަދުރޭ
22 May 2019
ނަންވާނީ ބަންގާޅިން
ރަންދެލި
22 May 2019
...ވިސާ އަދި ޕާސްޕޯޓުގެ މުއްދަތު ހަމަވެފައިވާތާ ފަސް އަހަރު ވެފައިވާ ދިވެހިން ލަންކާގައި އެބައުޅެ އެވެ... ނޫނޭ ވާ ދިވެހިން ކުޅަދާނައެވެ.
އެޖެންޑާ19 ސަޅިވާނެ!
23 May 2019
ލަންކާގަ ތިބި ދިވެހިންނަށް ހެދި މެނިފެސްޓޯގެ ދަށުން ވ ކާމިޔާބު 5އަހަރެއް ކުރިއަށް އޮތީ. ތީ އަނެއްކާ ޓެރަރިސްޓް ލުތުފީ ކަމަށްވާނީ. ޑޫ ދަ މެތް.
އެޑަމް
22 May 2019
ތިޔަލުތުފީއަކީ އަންނިވެރިކަމައް އައިސް ފުރަތަމަހިމާޔަތްދިންމީހާ
ޢަސްލަމް އަލީ
22 May 2019
ޢެތާ ކިޔަވާ ކުދިންވެސަ އުޅެނީ ހާލެއްގައި. ކުރިން އަހަރަކަށް ދިން ވިސާ މިހާރު 3 މަހަށް
ނެޑް
22 May 2019
ކޮންތާކު ކިޔަވާތި 3 މަހަށް ދެނީ؟
ހޭބަލިމިތުރު
22 May 2019
އެހެންވީމަ އެކުއްވެރިންތައް ސަލާމަތްކުރަންވެގެން ހައިކޮމިސަނުންދޭ ލިޔުމަކައް ވިސާދޭންޖެހޭތޯ؟. ވަރައްމޮޅު. މީހާއްސަކޮއް ލުތުފީ އަދި މޮހޯ މެންކަހަލަމީހުން ސަލާމަތްކުރަން މިސަރުކާރުންކުރާކަމެއް، ރައިއްޔަތުންނައް ހެވެއްއެދިގެން އުޅޭނަމަ ކޮބައިތޯ މިމަހު އަގުހެޔޮބިލް އަންނާނެކަމައް ސްޓެެލްކޯއިން އިއުލާންކުރި އަގުހެޔޮ ކަރަންޓްބިލް. މިމަހުވެސްއޮތީ ބޮޑުކޮއް ބަރުފިޔާއެއްވެސް މަދުނުވާގޮތައް.