ރައީސް އިބްރާހިމް މުހައްމަދު ސޯލިހް (ކ) އަދި އެމްޑީޕީގެ ޕާލަމެންޓްރީ ގްރޫޕްގެ ލީޑަރު މުހައްމަދު އަސްލަމް. --- ފޮޓޯ: މިހާރު
23 މެއި 2019 - 16:19
48 comments
އަންނަ އަންގާރަ ދުވަހު ހުވާކުރާ 19 ވަނަ ރައްޔިތުންގެ މަޖިލިހުގެ ރައީސަކަށް އެންމެ އެކަށީގެންވަނީ ވިލުފުށީ ދާއިރާގެ އިންތިޚާބީ މެމްބަރު ހަސަން އަފީފް ކަމަށް ރައީސް އިބްރާހިމް މުހައްމަދު ސޯލިހް ރޭ ވިދާޅުވި ނަމަވެސް އެ މަގާމަށް ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ގެނައުމަށް ރައީސްގެ އިތުބާރާއި ތާއީދު އަދިވެސް އެބައޮތް ކަމަށް އަސްލަމް މިއަދު ވިދާޅުވެއްޖެ އެވެ.
މި ހިނގާ 18 ވަނަ މަޖިލީހުގެ މެމްބަރުންނާއި އާ މަޖިލިހަށް ހުވާ ކުރާ 19 ވަނަ މަޖިލީހުގެ ބޭފުޅުންނާ އެކު މަޖިލިހުގައި އޮތް ތަރާވީހަކަށް ފަހު ނޫސްވެރިންނާ ރޭ ވާހަކަފުޅު ދައްކަވަމުން ރައީސް އިބްރާހިމް މުހައްމަދު ސޯލިހް ވިދާޅުވީ އެމަނިކުފާނުގެ މަގާމުގެ ހައިސިއްޔަތުން ވަކި ބޭފުޅެއްގެ ނަން ވިދާޅުވުން އެހާ ރަނގަޅެއް ނޫން ކަމަށެވެ. އެކަމަކު، ރައީސްގެ ވާހަކަފުޅުގައި ބޮޑަށް ފާހަގަ ކުރެއްވީ ކުރީގެ ހޯމް މިނިސްޓަރު އަދި ވިލުފުށީ ދާއިރާ އަށް އިންތިޚާބުވެވަޑައިގެންނެވި އަފީފްގެ ނަމެވެ.
އެގޮތުން ރައީސް ވިދާޅުވީ މަޖިލީހުގެ ރައީސަކަށް އެންމެ އެކަށީގެން ވަނީ އަފީފް ކަމަށެވެ. އަދި އަސްލަމާއި އަފީފްއާ އެކު މަސައްކަތް ކުރެއްވި ކަން އެމަނިކުފާނު ފާހަގަ ކުރެއްވި އެވެ.
ރައީސްގެ އެ ނިންމެވުމާ ގުޅިގެން، "މިހާރު" ން ސުވާލު ދެންނެވުމުން އަސްލަމް މިއަދު ވިދާޅުވީ، މަޖިލިހުގެ ރައީސް ކަމަށް އަފީފަކީ ގާބިލް ބޭފުޅެއް ކަމަށް ރައީސް ވިދާޅުވީ ނޫސްވެރިޔާ ސުވާލު ކުރެއްވި ގޮތުން ކަމަށެވެ. ރައީސް އިބްރާހިމް މުހައްމަދު ސޯލިހް ވަކި ބޭފުޅަކަށް ތާއީދު ކުރައްވާ ކަން މިހާތަނަށް އައި އިރު، ހާމަކުރައްވާފައި ނުވާ ކަމަށް ވެސް އަސްލަމް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހާއި (ކ-3) މަޖިލިހުގެ ރައީސް ގާސިމް އިބްރާހިމާއި (ކ-2) މަޖިލިހުގެ ނައިބު ރައީސް މޫސާ މަނިކާއި (ކ) ފޮރިން މިނިސްޓަރު އަބްދުﷲ ޝާހިދު މަޖިލިހުގެ އާ އިމާރާތް ރޭ ބައްލަވާލެއްވުމަށް ފަހު މަޝްވަރާއެއްގައި. --- ފޮޓޯ: މަޖިލިސް
"އަޅުގަނޑާއި ރައީސްއާ ރޭ ވެސް ބައްދަލުވެ، ގަޑިއިރެއްހާ އިރު ވަންދެން މަޝްވަރާ ކުރެވުނު. ރައީސް ވިދާޅުވި ވަކި ބޭފުޅަކަށް ތާއީދު ނުކުރައްވަމޭ،" އަސްލަމް ވިދާޅުވި އެވެ.
"އަޅުގަނޑަށް ފެންނަ އެކި ފެންވަރުގެ ހިޔާލުތައް ރައީސްއާ ހިއްސާ ކުރަމުން މި ދަނީ. އަޅުގަނޑާއި ރައީސްއާ ދެމެދު އެއްވެސް ނުތަނަވަސް ކަމެއް ނޫނީ މައްސަލައެއް ނެތް."
އަސްލަމް ފާހަގަ ކުރެއްވި ގޮތުގައި ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީގެ ޓިކެޓުގައި އާ މަޖިލިހަށް އިންތިޚާބުވެވަޑައިގެންނެވި 65 ބޭފުޅުންގެ މެދުގައި ނަގާ ވޯޓަކުން މަޖިލިހުގެ ރައީސާއި ނައިބު ރައީސް ކަމަށް ހޮވާނެ ބޭފުޅުން އެނގޭނެ އެވެ. އަދި މިހާރު ކުރައްވާ މަސައްކަތަކީ މެމްބަރުންނަށް ގުޅުއްވައިގެން ތާއީދު ހޯއްދެވުން ކަމަށް ވެސް އަސްލަމް ވިދާޅުވި އެވެ.
"އަޅުގަނޑު މިހުރީ ކޮންމެ ބޭފުޅަކު ހޮވުނަސް އެބޭފުޅަކަށް ތާއީދު ކުރާ ގޮތަށް. އަޅުގަނޑަށް ވުރެ ރަނގަޅު ބޭފުޅެއް ނެތް ކުރިމަތިލާފައި މަޖިލިހުގެ ރައީސް ކަމަށް،" އަސްލަމް ވިދާޅުވި އެވެ.
"އަޅުގަނޑާއި ރައީސްއާ ރޭ ވެސް ބައްދަލުވެ ގަޑިއިރެއްހާ އިރު ވަންދެން މަޝްވަރާ ކުރެއްވުނު. ރައީސް ވިދާޅުވި ވަކި ބޭފުޅަކަށް ތާއީދު ނުކުރައްވަމޭ،" ---އަސްލަމް
ރައީސްގެ ވާހަކަފުޅު ވަކި ގޮތަކަށް އައި ކަމުގައި ވިޔަސް، މަޖިލިހުގެ ރައީސްކަމަށް ވާދަ ނުކުރެއްވުމުގެ ވިސްނުމެއް ނުގެންގުޅުއްވާ ކަމަށް އަސްލަމް ވިދާޅުވި އެވެ. އަދި މަޖިލިހުގެ ރައީސް ކަމަށް ވަޑައިގަތުމުގެ ޝައުގުވެރިކަން އަދިވެސް އެބަހުރި ކަމަށާއި އެ މަގާމަށް ވާދަކުރައްވާނެ ކަމަށް އޭނާ ވިދާޅުވި އެވެ.
މަޖިލިހުގެ ރައީސް ކަމަށް އެމްޑީޕީގެ ފަރާތުން މިހާތަނަށް ޝައުގުވެރިކަން ފާޅުކުރައްވާފައި ވަނީ އަސްލަމާއި އަފީފްގެ އިތުރުން މެދު ހެންވޭރު ދާއިރާގެ މެމްބަރު އަލީ އާޒިމާއި މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ)ގެ އިތުރުން މީދޫ ދާއިރާގެ މެމްބަރު ރޮޒައިނާ އާދަމެވެ. އޭގެ ތެރެއިން އެމްޑީޕީގެ ތެރޭގައި އެންމެ ބޮޑު ވާދަވެރިކަމެއް އުފެދިފައި އޮތީ އަސްލަމާއި އަފީފްގެ މެދުގަ އެވެ.
އެމްޑީޕީގެ ބައެއް މެމްބަރުން ވިދާޅުވި ގޮތުގައި ރައީސް އިބްރާހިމް މުހައްމަދު ސޯލިހް ބޭނުންފުޅު ވަނީ މަޖިލިހުގެ ރައީސް ކަމަށް އަފީފް ގެނައުމަށެވެ. އެކަމަކު، ކުރީގެ ރައީސް އަދި މައްޗަންގޮޅި މެދު ދާއިރާގެ އިންތިޚާބީ މެމްބަރު މުހައްމަދު ނަޝީދު ބޭނުންފުޅުވަނީ ރައީސް ކަމަށް އަސްލަމް ގެނައުމަށެވެ.
ރައީސް އިބްރާހިމް މުހައްމަދު ސޯލިހާއި ކުރީގެ ރައީސް މުހައްމަދު ނަޝީދު.-- ފޮޓޯ: ހުސެން ވަހީދު /މިހާރު
އަފީފަށް ވަރަށް ބޮޑަށް ތައުރީފް ކުރައްވައި ރައީސް ވިދާޅުވީ އަފީފްގެ އިތުރުން މަޖިލިހުގެ ރައީސް، މާމިގިލީ ދާއިރާގެ މެމްބަރު ގާސިމް އިބްރާހިމް ފަދަ ބޭފުޅުންނަކީ ވަރަށް ތަޖުރިބާ ލިބިވަޑައިގެންފައި ތިއްބެވި މެމްބަރުން ކަމަށާއި އެބޭފުޅުން ދައްކަވާ މަގުން ކުރިއަށް ވަޑައިގެންފި ނަމަ، އަންނަ އަންގާރަ ދުވަހު ފެށުމަށް ހަމަޖެހިފައިވާ މަޖިލިސް އެންމެ ރަނގަޅު މަޖިލިހަށް ވެގެންދާނެ ކަމަށެވެ.
މަޖިލިހުގެ ރައީސާއި ނައިބު ރައީސް ހޮވުން އޮންނާނީ އަންނަ އަންގާރަ ދުވަހުގެ ރެ އެވެ. އަދި އެމްޑީޕީން ވޯޓު ދޭނެ ބޭފުޅަކު އެ ޕާޓީގެ ޕާލަމެންޓްރީ ގުރޫޕުން ކަނޑައެޅުން އަންނަ ހޯމަ ދުވަހު އޮންނާނެ އެވެ.
މަޖިލިހުގެ ރައީސާއި ނައިބު ރައީސަކު ހޮވުމުގެ ވޯޓު ނަގާނެ ގޮތަކާ މެދު އެމްޑީޕީގެ ތެރޭގައި ވަނީ ޚިޔާލު ތަފާތުވުން އުފެދިފަ އެވެ. ބައެއް މެމްބަރުން ގަބޫލު ކުރައްވާ ގޮތުގައި މަޖިލިހުގެ ރައީސާއި ނައިބު ރައީސަކު ކަނޑައަޅަން ވާނީ ސިއްރު ވޯޓެއް ނަގައިގެންނެވެ. އެކަމަކު، އެކަމާ ދެކޮޅު ހައްދަވާ މެމްބަރުން ވިދާޅުވީ ޑިމޮކްރަސީގެ ރިވެތި އުސޫލަކީ ހާމަކަން ބޮޑު ވޯޓަކަށް ދިއުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައީސްގެ އަރިސްމީހެއް
24 May 2019
މެންދުރަށް ހޭއަރާ ޒިންމާދާރުކަން ކުޑަ މަޖިލީހަށް ކޮށި މީހެއްގެ ގޮތުގައި އިބޫ ވަނީ އަސްލަމް ފާހަގަކޮށްފައި، އަދި މިނޫހުގައި ކޮމެންޓް ކުރުމުގެ ގައިޑްލައިންގެ ސަބަބުން ނަންނުގަނެވޭނެ ބައެއް ވިޔާނުދާ ކަންތައްތައް އަސްލަމް ކުރާކަމީ އެމްޑީޕީ އެންމެން ދަންނަ ކަމެއް.
ޑރ. ރާމީ މ.ވައިނުޖެހޭގެއާގެ
24 May 2019
ކޮންމެ އިންސާނެއްގެ ވެސް ބަލިފައެއް އޮންނާނެ. އަފީފު ގެ ބަލިފައި ލިޔަންވެއްޖެ ނަމަ އިރުއަރަންދެން ވެސް ލިޔެވި ދާނެ. އަފީފުގެ ބަލިފައިގެ ތެރޭގައި، "ފަނުފުލުން" ދިޔަ ސަރުކާރު ވެއްޓުން ކަންތައް މުހިއްމު އެއްކަމެއްގެ ގޮތުގައި ފާހަގަ ކޮށްލަން. ތިޔަ ބުނާ "ވިޔާނުދާ" ކަމެއް ކުރާނަމަ ތިޔަ ބޭފުޅާއަށް އެކަންޏެއް ނޫން އިނގިވަޑައިގަންނަވާނީކީ. ޒިންމާދާރު ކަންކުޑައީ އަސްލަމަށް ވުރެ އިބޫ ގެ. މަޖްލިހުގައި ވާހަކަ ދެއްކި ތާ އަސްލަމް، ވަރަށް ގިނަ ފަހަރު. އިބޫ ؟؟؟
އިބުރާހިމް/ސ.ހިތަދޫ/ޖާރމަނީ
24 May 2019
ރައީސްގެ އަރިސްމީހެއް ރައީސު ބަދުނާމުކުރުމުގެ ނިޔަތުގައި ރައީސުގެ އަރިސްމީހެއް ކަމަށް ބުނެ ކޮމެންޓު ކުރީ ކާކުކަމާއި އަދި ތިޔަ ފަރާތުގެ އައި ޕީ މިހާރަށް ސާފުކޮށް އެނގޭނެ ކަމަށް ދަންނަވަން... ފެންނަ އުސޫލަކަށް ކޮމެންޓު ކުރުމަކީ މައްސަލައެއްނޫން އަދި ކުރާ ކޮމެންޓަކީ އަނެކަކާގެ ހައްގައް އުނިކަން ނާންނަ އުސޫތަކާއި އެއްގޮތް ކޮމެންޓެއްކަމަށް ވާނަމަ އަޕުލޯޑުވެސް މިސައިޓުން ކޮށްދޭނެ. ވީމާ ރައީސުގެ ނަންފުޅު ބޭނުންކޮށް ހަމަނުޖެހުމަށްކޮމެންޓުނުރާށެވެ.
އެމްޑީޕީ
24 May 2019
ރައީސަކަށް އެކަށޭނެ ބޭފުޅެއް މި ހަފުތާ ތެރޭގައި ޕާޓީން ނިންމާނެ
އަސްލަމާ އަލީ
24 May 2019
ހަގީގަތުގަ ބަލާ އިރު މުސްކުޅިންގެ ބަސް މިޒަމާނު ގައި ރައްޔިތުންގެ ކުރިމަތީގައި ނުވިކޭނެ. އަސްލަމަކީ ޅަ މީހެއް. ދެން ކޮންމެމީހެއްގެ ވެސް ބަލިފައި ހުންނާނެ. އަފީފު ގެ ބަލިފައި މާ ގިނަ!!!!!
އަލި
23 May 2019
ނަަޝީދުގެ ޕަޕެޓަކަށް ތާއީދެއް ނެތް..
ޢަބްދުﷲނާފިޒް
24 May 2019
ކާކުގެ ޕަޕެޓަކަށް ތާއީދު އޮތީ..
ޑރ.ނަޝްވާ.ސ.ހިޔަދޫ/ކެނަޑާ/އޮޓާ
24 May 2019
އަލި////// ބެއްޔާގެ ވޯޓު އަދި ތާއިދު ބޭނުމެއްނުވޭ... ބޭނުންވަނީ 19 ވަނަ މަޖިލީހަށް ހޮވިފައިތިބި ތަޢުލީމީ ޒުވާނުންގެ ތާއިދު. ބެއްޔާ މެން ތިބޭނުންވަނީ އަފީފު ކިޔާމީހަކު ބައިންދައިގެން އިބޫ މުޅިގައުމަށް ކޮށްފައިވާ ބޮޑު ވައުދު ނުފުއްދުވަން އެކަން މިވޭތުވެ ދިޔަ 6 މަސްދުވަސްތެރޭގައި ގާސިމު ގޮނޑީގައި އިނދެގެން އެއޮތީ ދައްކައިފައި. އަފީފު ގޮނޑީގައި އިނުމަކީ ހަމަ އެކަނި މަސްގަނޑު ބަދަލުވުން އެހެން ހުރިހާ ކަމެއް ގާސިމްގެ ކޮންޓުރޯލުން ނެއްޓިނުދާނެ.. މީހަގީގަ
ޑރ.ނަޝްވާ.ސ.ހިޔަދޫ/ކެނަޑާ/އޮޓާ
23 May 2019
ރައީސު ވިދާޅުވިޔަކަސް ބޮޑެތި ޚަރަދުކޮށްފައި އިބޫއަށް ވޯޓުދީ ޔާމިނުގެ ވެރިކަން ނިމުމަކަށް ގެންނަން އެތަކެއްބަޔަކު އެކިކަންކޮޅުތެރެއިން މަސައްކަތްކޮށްފައިވަނީ ގޮތްނޭނގި އެތަކެއްރައްޔަތުން ތުތިމަހަށް ހަދާފައިވާތީއާއި މުންޑުބުރި އަނދެގެން މާލެއަށް އައި އތަކެއްބަޔަކު މިލިއަނަރުނަނަށް މިދިޔަ 5 އަހަރުތެރޭގައި ވެފައިވާތީ ޝަރުއީ ކޯޓުތައް މުޅީންއޮވަރހައުލްކޮށް މިފަދަމީސްމީހުން ހޯދައި އަދަބުދިނުމަށް.އަފީފު އެގޮނޑީގައި އިނުމަކީ ގާސިމުގެ ހަމައެކަނިމޫނުނެތުން
ކަނބިލި
23 May 2019
މަޖްލިސްގެ ރައީސްކަމަށް އެންމެ ތަސައްރަފު ފުދެނީ އަފީފު.އަސްލަމަކީ ގޮތް ނޭގޭ ޚިޔާލު ގޯސް މީހެއް
މަރިޔަމް ނަޝްފާ
23 May 2019
ފެބްރުއަރީ 7 ގައި އަފީފު ވަނީ ތަސައްރަފު ނުފުދޭ ކަން ވަރަށް ރަނގަޅަށް ދައްކުވައިދީފާ!!!
އިބްޝާ .
23 May 2019
ރ ސޯލިހުގެ ސިޔާސަތު މިހަމައަށް ވ ބަރާބަރު، އެކަމު ރ ނަސީދުގެ މައްޗަށް އަދި ކުރި ކުރިއެއް ނުހޯދޭނެ.. ނަމަވެސް އެދެބޭފުޅުންނަކީ އެއްބޭފުޅަކު އަނެއްބޭފުލަކަށް ގޮތްދޫކޮށް ގައުމުގެ މަަސްލަހަތު އޮތްތާކަށް ދެވެން އޮތް ކޮންމެ މަގަކުން ދާން އިސްކަން ދެއްވާ ދެ ރައީސުން..
މަރިޔަމް ނަޝްފާ
23 May 2019
އިބޫ އަށް ކޯއްޗެއް ތަ އިނގޭނީ ؟ (1) އިބޫ އަކީ ސްކޫލް ގަ އުޅުނު އިރުވެސް ލީޑަރެއް ނޫން. (2) އިބޫ ގެ ރަށް، ހިންނަވަރަށް އިބޫ ކޮށްދިން ކަމެއް ބުނެބަލަ ؟ އެއްވެސް ކަމެއް ނުކޮށްދެވުނު. (3) އިބޫ އަކީ 25 އަހަރުވަންދެން މަޖްލިހުގައި ގޮނޑި ހޫނުކުރަން އިން މީހެއް. ދުވަހަކުވެސް އަނގަ ހުޅުވާލި ތަނެއް ނުދެކެން. (4) ތިންބާރު ވަކިވެފައި އޮއްވާ އިބޫ އަށް ފެންނަ މީހަކު ބުނުމަކީ ގާނޫނީ ގޮތުން އިބޫ ކުރި ކުށެއް. (5) އަސްލަމް ހޮވޭނެ، އިންޝާﷲ.
ސަބީނާ ޝާކިރު
23 May 2019
ސާބަހޭ ނަޝް. އަސްލަމް ހޮވިއްޖެ، މާތްﷲ އިރާދަ ފުޅުން!!!!!!!
ކޮކްޓެއިލްރައީސް
24 May 2019
އެވަރުމީހަކަށްތަ ރައްޔިތުން ހެސްކިޔާފަ ވޯޓު އަޅާ ފުރާލާ އިންތިޚާބު ކޮށްފަ އެހުރީ.
އަލީރާޖާ
23 May 2019
އަފީފަށް ރައީސް ތާއީދު ކުރައްވަންތޯ އެހީމާ އެސުވާލުގެ ޖަވާބުގައި އަފީފަކީވެސް އެކަޑީގެންވާ މީހެކޭ ބުނީމާ ޚަބަރު ފަތުރާ ގޮތް މިއީ.
ދޭބަލަ
23 May 2019
ތަމެން ދެން މަހަށް ދާންވީއެއް ނޫންތޭ މަހަށް ދޭބަލަ ދެން...
އިންތަކޭ
23 May 2019
އަސްލަމް އަދިވެސް ވިދާޅުވަނީ ރައީސްގެ ތާއީދު އެބައޮތް ކަމަށް އަސްލަމް ބުނި ނަމަވެސް އިނަފް އިޒް އިނަފް ދަ ކަންޓްރީސައިޑަރސް އިން ނަށް ދެން ރާއްޖޭގެ މަތީލޭޔަރ ދިނުމުން އޭގެ މިސާލަކީ އެއީ އަހަށް ފެން ބޯން ދޭން ވެގެން ބުރަ މަސައްކަތުން ފެން އާރެއް އޮތް ކޯރެއް ހޯދާ އެކޯރު ކައިރި އަށް އަސް ގެން ދިޔަ ނަމަވެސް އަސް ފެން ނުބޯން ހުރިއްޔާ ކިހިނެއްތޭ އަހަށް ފެންދޭނީ އެއީއޭ މިސަރުކާރު މިހާރު ހިނގަމުން އަންނަ މިސާލަކީ އެއްވައްތަރެއްގެ ޑަލް މައިންޑް ސެޓާރސް