ކުރީގެ ހޯމް މިނިސްޓަރު އަދި ވިލުފުށީ ދާއިރާގެ އިންތިޚާބީ މެމްބަރު ހަސަން އަފީފް "މިހާރު" އަށް އިންޓަވިއު ދެއްވަނީ. އޭނާ ވިދާޅުވި ގޮތުގައި އެމްޑީޕީގެ ތެރެއިން ނަގާ ވޯޓު ކާމިޔާބު ކުރެވޭނެ.--- ފޮޓޯ: ނިޝާން އަލީ/ މިހާރު
26 މެއި 2019 - 11:55
61 comments
އަންގާރަ ދުވަހު ހުވާ ކުރާ ރައްޔިތުންގެ މަޖިލިހުގެ ރައީސް ކަމަށް އިންތިޚާބު ކުރަން އެމްޑީޕީގެ ޓިކެޓުގައި މަޖިލިހަށް އިންތިޚާބުވެވަޑައިގަތް 40 އަށް ވުރެ ގިނަ ބޭފުޅުން ތާއީދު ކުރައްވާ ކަމަށް ކުރީގެ ހޯމް މިނިސްޓަރު އަދި ވިލުފުށީ ދާއިރާގެ އިންތިޚާބީ މެމްބަރު ހަސަން އަފީފް ރޭ ވިދާޅުވެއްޖެ އެވެ.
މަޖިލިހުގެ 19 ވަނަ ދައުރަށް ހޮވުނު 87 ބޭފުޅުން މެމްބަރުކަމުގެ ހުވާކުރެއްވުމަށް ފަހު، މަޖިލިހުގެ ރައީސާއި ނައިބު ރައީސަކު އިންތިޚާބު ކުރުމުގެ ޖަލްސާ ހަމަ އެ ރޭ އޮންނާނެ އެވެ. އޭގެ ކުރިން، މަޖިލިހުގެ ރައީސާއި ނައިބު ރައީސަކަށް އެމްޑީޕީން ހޮވަން ބޭނުންވާ ބޭފުޅަކު ކަނޑައެޅުމަށް އެ ޕާޓީގެ ޕާލަމެންޓްރީ ގުރޫޕް (ޕީޖީ) ގެ މެމްބަރުންގެ މެދުގައި މާދަމާ ވޯޓަކަށް ދިއުމަށް ވަނީ ހަމަޖެހިފަ އެވެ.
މަޖިލިހުގެ ރައީސް ކަމަށް އެމްޑީޕީގެ ފަރާތުން މިހާތަނަށް ޝައުގުވެރިކަން ފާޅުކުރައްވާފައި ވަނީ އަފީފްގެ އިތުރުން އެމްޑީޕީގެ ޕާލަމެންޓްރީ ގްރޫޕްގެ ލީޑަރު މުހައްމަދު އަސްލަމާއި މަރަދޫ ދާއިރާގެ މެމްބަރު އިބްރާހިމް ޝަރީފާއި މެދުހެންވޭރު ދާއިރާގެ މެމްބަރު އަލީ އާޒިމާއި އައްޑޫ މީދޫ ދާއިރާގެ މެމްބަރު ރޮޒެއިނާ އާދަމެވެ. އެ ބޭފުޅުންގެ ތެރެއިން އެންމެ ބޮޑު ވާދަވެރިކަމެއް އޮތީ އަފީފާއި އަސްލަމްގެ މެދުގަ އެވެ.
އަފީފް "މިހާރު" އަށް ވިދާޅުވީ މަޖިލިހުގެ ރައީސް ކަމަށް ވަޑައިގަތުމަށް އެމްޑީޕީގެ ޓިކެޓުގައި މަޖިލިހަށް އިންތިޚާބުވެވަޑައިގެންނެވި 65 ބޭފުޅުންނާ މަޝްވަރާ ކުރެއްވި ކަމަށެވެ. ވޭތުވެދިޔަ ދުވަސްތަކުގައި އެންމެ ބޮޑު މަސައްކަތެއް ކުރެއްވީ އެ ބޭފުޅުންގެ ތާއީދު ހޯއްދަވަން ކަމަށް އޭނާ ވިދާޅުވި އެވެ.
"އަޅުގަނޑު އެ ބޭފުޅުންނާ ގުޅައިގެން، މިހާރު 40 އަށް ވުރެ މަތީގައި އުޅެނީ އަޅުގަނޑަށް ތާއީދު ކުރާނެ ކަމަށް ބުނި. އެހެންވީމަ އެ ޔަގީން ކަން އެބައޮތް،" އަފީފް ވިދާޅުވި އެވެ.
މަޖިލިހުގެ ރައީސް ކަމަށް ޝައުގުވެރިވެވަޑައިގެންނެވި އެމްޑީޕީގެ ބޭފުޅުން. (ކ-ވ) މަރަދޫ ދާއިރާގެ މެމްބަރު އިބްރާހިމް ޝަރީފް، ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް، މެދުހެންވޭރު ދާއިރާގެ މެމްބަރު އަލީ އާޒިމް، އިންތިޚާބީ މެމްބަރު މުހައްމަދު އަސްލަމް އަދި އައްޑޫ މިދޫ ދާއިރާގެ މެމްބަރު ރޮޒެއިނާ އާދަމް. --- ފޮޓޯ: މިހާރު
އަފީފް ވިދާޅުވީ އެމްޑީޕީގެ ތެރެއިން ނަގާ ވޯޓު ކާމިޔާބު ކުރެވޭނެ ކަމުގެ ޔަގީން ކަން އެބައޮތް ކަމަށެވެ.
މި ހިނގާ 18 ވަނަ މަޖިލީހުގެ މެމްބަރުންނާއި އާ މަޖިލިހަށް ހުވާ ކުރާ 19 ވަނަ މަޖިލީހުގެ ބޭފުޅުންނާ އެކު މަޖިލިހުގައި އޮތް ތަރާވީހަކަށް ފަހު ނޫސްވެރިންނާ ވާހަކަފުޅު ދައްކަވަމުން ރައީސް އިބްރާހިމް މުހައްމަދު ސޯލިހް ވަނީ މަޖިލީހުގެ ރައީސަކަށް އެންމެ އެކަށީގެން ވަނީ އަފީފް ކަމަށް ވިދާޅުވެފަ އެވެ.
މަޖިލީހުގެ ރައީސަކަށް އެންމެ އެކަށީގެން ވަނީ އަފީފް ކަމަށް ރައީސް ވިދާޅުވި އިރު، ކުރީގެ ރައީސް އަދި މައްޗަންގޮޅި މެދު ދާއިރާގެ އިންތިޚާބީ މެމްބަރު މުހައްމަދު ނަޝީދު ބޭނުންފުޅު ވަނީ މަޖިލިހުގެ ރައީސް ކަމަށް އަސްލަމް ގެނައުމަށެވެ. އަސްލަމަކީ ނަޝީދުގެ ވަރަށް އަރިސް ބޭފުޅެކެވެ.
މަޖިލިހުގެ ނައިބު ރައީސް ކަމަށް ވާދަކުރައްވަނީ އާޒިމްގެ އިތުރުން ގަލޮޅު އުތުރު ދާއިރާގެ މެމްބަރު އީވާ އަބްދުﷲ އާއި ކުޑަހުވަދޫ ދާއިރާގެ މެމްބަރު އަހުމަދު އާމިރެވެ.
މަޖިލިހުގެ ރައީސާއި ނައިބު ރައީސަކު ހޮވުމުގެ ވޯޓު ނަގާނެ ގޮތަކާ މެދު އެމްޑީޕީގެ ތެރޭގައި ވަނީ ޚިޔާލު ތަފާތުވުން އުފެދިފަ އެވެ. ބައެއް މެމްބަރުން ގަބޫލު ކުރައްވާ ގޮތުގައި މަޖިލިހުގެ ރައީސާއި ނައިބު ރައީސަކު ކަނޑައަޅަން ވާނީ ސިއްރު ވޯޓެއް ނަގައިގެންނެވެ. އެކަމަކު، އެކަމާ ދެކޮޅު ހައްދަވާ މެމްބަރުން ވިދާޅުވީ ޑިމޮކްރަސީގެ ރިވެތި އުސޫލަކީ ހާމަކަން ބޮޑު ވޯޓަކަށް ދިއުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުމުހައްމަދު
27 May 2019
ރައީސް ކަމަށް އަޔަސް ރައްޔިތުންގެ ތާއީދު ނުވަތަ ޕާޓީގެ އާމު މެމްބަރުންގެ ރުހުން ނެތިއްޔާ އަދި ގައުމުގެ ރައީސްކަން ލިބުމަކުން ވާނެ ފައިދާ އެއްނެތް. ތި ގޮތަށް އުޅުނު ބާއީ ވަހީދުވެސް، އޭނަ އެއީ ރައީސްކަންކުރިމީހަކު އޭ ކިޔާމީހަކު ނެތް. ދެންހުރީ ޔާމީނު. މިއަދު އެހެރީ އެކަނިވެރިވެފަ ނުފެނޭ ތިބުނާ ތާއީދު ކުރާ ބައެއް، އެހެންވީމަ އަދި ގައުމުގެ ރައީސް ކަންލިބުނަސް ރައްޔިތުންގެ ތާއީދާ ލޯބި ކޮއްމެ ކޮއްމެ މީހަކަށް އަދި ނުލިބޭ. އަދި ބަލައިވެސްނުގަނޭ.
މަ މިއު މަ
27 May 2019
އަހަންނަށް ހެޔޮ ދެމީހުން ކުރެ ކޮންމެ މީހަކު އެތަނައް އެރިޔަސް. މައްސަލަ އަކީ އަންނި ސަޕޯޓަރުން އަންނި އަކީ މާ މަތީ މީހަކައް ހަދައިގެން އުޅޭތީ. އިބޫ ދަށު ކުރަން އުޅޭތީ. މައިތިރި ވެބަލަ!
ޢާޒިމް
27 May 2019
އައްޑޫ މީހަކަށް ހެޔޮނުވާނެ ތި މަގާމް ދޭން.
މަ މިއު މަ
27 May 2019
އައްޑޫ އެއީ ދިވެހިރާއްޖޭގެ ބައެއް ނޫންތަ؟؟؟
ޑރ. ރާމީ މ.ވައިނުުޖެހޭގެއާގެ
27 May 2019
ހަގީގަތު ގައި ހަނގުރާމަ ފެށީ އިބޫ. މިހެން މިބުނީ އައްނި ކުރިން ވެސް ހިޔާރު ކޮށްފައި އޮތީ އަސްލަމް. މިހެން އޮއްވާ، "އެއް ޕާރޓީ އަކުން"، އިބޫ އެހެން ބޭފުޅެއް ކަމުގައިވާ އަފީފް ހޮވުމަކީ މުޅި ގައުމު ގައި ފިތުނަ ފަސާދަ އުފެދޭނޭ ކަމެއް. މިކަމުގެ ނޭދެވޭ އަސަރު ކުރާނީ ރައްޔިތުންނަށް !!!
މަރިޔަމް ނަޝްފާ
27 May 2019
ޑޮކްޓަރ ރާމީ ތިވިދާޅުވީ ތެދުފުޅެއް. ދެގެރި ތަޅަންޏާ ކައްގަލަށް ބާރު ކުރާނެ. ތަޅަން ފުރަތަމަ ފިޔަޅު އެޅީ އިބޫ. މިއީ އިބޫ ކުރި ގައުމަށް ހިތާމަ ހުރި ކަމެއް.
ނަޓާޝާ
27 May 2019
3 ބާރު ވަކިވެފައި އޮއްވާ ގައުމުގެ ރައީސް އަށް މަޖްލިހުގެ ރައީސް އަކަށް ހުންނަން ފެންނަނީ މިވެނި ބޭފުޅެކޭ ބުނުމަކީ އިބޫ ކުރި ބޮޑުވެގެންވާ ގާނޫނީ ކުށެއް.
ޑދސސ
27 May 2019
ރައްޔިތުންނޭ ނުބުނޭ. މިސަރުކާރަކުން ނުވަތަ އެމްޑީޕީ މެމްބަރަކުގެ ސަބަބުން އަހަރަމެންނަށްވާނެ ފައިދާއެއް ނުވަތަ ދެވޭނެ ގެއްލުމެއްނެތް. ގެއްލުންވިޔަސްވާނީ ރައީސްކމަށް އަންނަށްއުޅޭ މިގައުމު ލާދީނީކުރަންއުޅޭ ނަޝީދާއި އޭނަފަދަ މީހުންނަށް
މަ މިއު މަ
27 May 2019
އިބޫ ނުކިޔާ ވަކި މީހަކަށް ވޯޓު ދޭށެކޭ. އޭނަ ފާޅު ކުރީ ހިޔާލެއް. އަދި އެހެން ބުނަމުން ދެމީހުންވެސް ގާބިލް ކަމައް ވެސް ބުނި. ފިތުނަ ތި އުފައްދަނީ ކަލޭ ކަހަލަ އެންމެން އަންނި ދަށުކޮށްފަ ބަހައްޓަން ބޭނުންވާ މީހުން. ޔާމީންގެ ވެރިކަން ބަދަލް ކުރީ ހުރިހާ ބާރެއް އެކަކައް ދިނުން ރަނގަޅު ނުވާތީ، ވަކި މީހެއްގެ ބަހަކީ ފަހުބަސް ކަމުގައި ވެގެން ނުވާނެތީ، ހިޔާލު ފާޅުކުރުމުގެ މިނިވަންކަން އޮންނަން ޖެހޭތީ!
ތުޅާދޫލަތީފު
27 May 2019
ފުރަތަމަ ދުވަހުވެސް އެއްމެ ޑިމޮކްރެޓިކް ޕާޓީގެ ރިޔާސީ ޓިކެޓު ތަބަބަކަށް ލާފަ މީހަކަށް ދިންއިރު މިމައްސަލަ ޖެހޭނެ ކަމަށް ގިނަމީހުން އޭރުވެސް ލަފާކުރި. އެމްޑީޕީގެ އިހުލާސްތެރި މެމްބަރުން ނަށް މިލިބުނީ ހެޔޮކަމެއް ކުރީމަ ތެޔޮހަމެއް.
ސަޖޯ
27 May 2019
މޑޕ މީހުންގެ އެކަނި ވޯޓުންނެއް ނޫން ރައީސް ހޮވާފަ ހުރީކީ. މޑޕ މީހުން އެކަނި ވޯޓުލީމަ ވާގޮތް 2013 އޮތީ ފެނިފަ. މިހާރު ރާއްޖޭގެ ރައީސްއަކަށް ހުރީ އެންމެންގެ ވެސް ރައީސް. މޮޔަފުޅުވެގެން ނޫޅެބަލަ.
އަސްލަމު
26 May 2019
ނަޝީދު ޕާޓީގެ ރައީސަކަށް ހުރެ ވަކި މީހަކަށް ތާއީދު ކުރުމަކީ ލީޑަރެއްގެ އަސާސީ އަދި ރިވެތި ސިފަ ނެތުން އަދި މި ހައިޖާނުގެ ފެށުން. މިކަން ގޯހޭ ބުނެލާނެ މީހަކުވެސް ޕާޓީ ގައި ނެތީތޯ ނޫނީ ގަންނަ ބިރަކުން ޖެހިލުން ވަނީ ތޯ؟ ނަޝީދު ގެ ސަބަބުން ދެން ތިބި ހުރިހާ ކެނޑިޑޭޓުންގެ ހައްގު އެވަނީ ގެއްލިފައި. މިކަން ޕާޓީގެ ފަރާތުން ބަލަންޖެހޭ. އެހެން ޑެމޮކުރަޓިކު ޕާޓީއަކުން މިފަދަ މައްސަލަތައް ބަލާ.
އެކަމުވެސް
26 May 2019
އަސްލަމް ހޮވޭނީ.
އެމްޑީޕީ
26 May 2019
ފުރަތަމަ ފަހަރު މަޖިލީހުގެ ރައީސާ ކަން ކަނބަލަކަށް ހަމަޖައްސަނީ
ޝެލަރީ
26 May 2019
ކޮބާ އަފީފު މިއޮތް ހާދުވަހު ކޮންތާކު ތިއުޅުނީ މީވެސް އެމްޑީޕީ އަށް ވަރަށް ބޮޑު އިހުލާސްތެރިއެކޯ ޕާޓީ މެންބަރަކައް ލޮލައް ކީއްކުރާން އަޑެއްވެސް އިއްވާނުލާތާ 8 އަހަރު، ކީކޭބުނާނީ ފުރަތަމަ މަޖުލީސް ފައްޓަނީވެސް ވޯޓް ގަނެގެންތޯ މީވެސް ސުވާލެއް މިހާރު މިނޫން އެންގޮތެއް އަނެއްކާވެސް ހޯދާންވީ ދެއްތޯ؟
ހައިވް
26 May 2019
ތި އަފީފަކީ މަމެން އަތޮޅު މެމްބަރުކަން ދެދައުރަކު ކުރި މީހެއް ވާކަމެއްހަރާން! މިވީހާދުވަހުކޮންތާކު އުޅެފައައިސް މާމޮޅެއްވެގެން މިއުޅެނީ! ތިކަމެއްނުވާނެ އަފީފަކަށް!ރައީސް ނަޝީދު ބޭނުން ވި މީހަކު ތިތަނުގާހުންނާނީ! ތި އިބޫ އެއް ވެރިކަމުގަ އެހުރީވެސް ރައީސް ނަޝީދު ނަގާބެހެއްޓީމަ!އެކަން ދިވެހި ރައްޔިތުނަކަށް ނޯޅޭނެ އިބޫ އަށް އޮޅުނަސް!ރައީސް ނަޝީދު ބޭނުންވިނަމަ ރާއްޖޭގެ ރައީސަކަށްވެސް ހުރީހީ އަސްލަމް!މީ ފެންނަން އޮތް ހަޤީގަތް!
ކައިވް
26 May 2019
ރައީސް ނަޝީދު ވެރިކަމަށް އަރަން އުޅެ އުޅެ ނޭރިގެން އިބޫ ކޮންޓްރޯލް ނެގީމަ އެމްޑީޕީއަށް ވެރިކަން ލިބުނީ އަދި މަޖްލިސް މެޖޯރިޓީވެސް ލިބުނީ. އޮޅުވާނުލާ.