ހދ. ކުޅުދުއްފުށީގައި މިއަދު ފެން ބޮޑުވެފައި. --- ފޮޓޯ: ކުޅުދުއްފުށި އޮންލައިން
04 ޖޫން 2019 - 20:31
13 comments
ހދ. ކުޅުދުއްފުއްޓަށް ބޯކޮށް ވާރޭވެހި، ވިއްސަކަށް ގެއަށް މިއަދު ފެން ވަދެ ގެއްލުން ލިބުނު އިރު، ހަތަރު ގެއެއްގައި މީހުން ދިރިނޫޅެވޭ ވަރުވެފައިވާ ކަމަށް އެ ރަށު ކައުންސިލުން މިރޭ ބުނެފި އެވެ.
ކުޅުދުއްފުށީ ކައުންސިލްގެ ރައީސް އަބްދުއްލަތީފް ހަސަން "މިހާރު" އަށް ވިދާޅުވީ މިއަދު މެންދުރު ފަހު ކުރި ވިއްސާރައިގައި ކުޅުދުއްފުށީގެ މަގުތަކުގައި ފެން ބޮޑުވެފައިވާ ކަމަށެވެ. އަދި އާންމު ދަތުރުފަތުރުތަކަށް ވެސް ހުރަސް އެޅިފައިވާ ކަމަށް ވެސް އަބްދުއްލަތީފް ވިދާޅުވި އެވެ.
"ފެން ވަނުމުގެ ސަބަބުން، ހަތަރު ގެއެއްގައި ދިރިއުޅޭ މީހުންނަށް ނިދާ ނުލެވޭނެތީ އެހެން ގެތަކަށް މިހާރު ވަނީ ބަދަލުކޮށްފައި. ބާކީ ހުރި ގެތަކަށް މާ ބޮޑެތި ގެއްލުމެއް ނުވޭ،" އޭނާ ވިދާޅުވި އެވެ.
ބައެއް ގޭގޭގެ ކަރަންޓު ބައެއް ސާމާނާއި އެނދާއި އަލަމާރި ފަދަ ބައެއް ތަކެއްޗަށް ގެއްލުން ލިބިފައިވާ ކަމަށް ވެސް އަބްދުއްލަތީފް ވިދާޅުވި އެވެ.
މީގެ އިތުރުން، ނަރުދަމާގެ ނިޒާމް ފެއިލްވުމުގެ ސަބަބުން ބައެއް ސަރަހައްދުތަކަށް ނަޖިހުގެ އަސަރު ކުރަމުންދާ ކަމަށް ވެސް އޭނާ ވިދާޅުވި އެވެ. އަބްދުއްލަތީފް ވިދާޅުވި ގޮތުގައި ގެއްލުން ލިބުނު އާއިލާތަކަށް ޑިޒާސްޓާ މެނޭޖްމަންޓުން އެހީތެރިކަން ފޯރުކޮށްދޭން ވަނީ ފަށައިފަ އެވެ.
އަދި ފެން ހިންދުމުގެ މަސައްކަތް ސިފައިން ކުރަމުން އަންނަ ކަމަށް އޭނާ ވިދާޅުވި އެވެ.
"މިއީ މި ފަހަކަށް އައިސް މި ރަށަށް އެންމެ ބޯކޮށް ވާރޭ ވެހުނު އެއް ފަހަރު،" އަބްދުއްލަތީފް ވިދާޅުވި އެވެ.
ރާއްޖޭގެ ހުރިހާ ސަރަހައްދުތަކަށް ކުރަމުންދާ ވިއްސާރަ 4-5 ދުވަހަށް ދުވަހަށް ދެމިގެން ހިނގައިދާނެ ކަމަށް މޫސުމާ ބެހޭ އިދާރާ އިން ވަނީ މިއަދު ބުނެފަ އެވެ. މޫސުން ގޯސްވެ، ރާއްޖޭގެ ކަނޑުތައް ގަދަވާނެތީ މޫސުމާ ބެހޭ އިދާރާ އިން ވަނީ ކަނޑުދަތުރުފަތުރު ކުރާ ފަރާތްތަކުން މޫސުމަށް ސަމާލުވެގެން ދަތުރު ކުރުމަށް ވެސް އިލްތިމާސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާރާއި މަޖިލިހަށް
05 June 2019
ފުރުތަމަ ކަމަކަށް ބަލާ ރަށްރަށުގެ ފާލަން ހެޔޮ ހާލަތެއްގައިތޯ ހުރީ. ދެންބަލާ މަގުތައް ހެދިފައި ހުރިގޮތް. ފެންދައުރުވާނެ ގޮތެއް ހުރިތޯ. ނެތިއްޔާ، ނަރުދަމާގެ ނިޒާމް ހަރުދަނާކުރޭ، މީގެ އިތުރަށް ގެތަށް ހުރީ މަގުތަކަށް ވުރެ އުސްކޮށްތޯ، ތިރިކޮށްތޯ ބަލާ. ތިރިނަމަ، ގެއިން މަގަށް ފެންނެރެވޭނެ ނިޒާމެއް ހަމަޖައްސަދީ، ނޫނީ ރައްޔިތުންނަށް ކިޔައިދީ. މީގެ ފަހުން ގެ އިމާރާތްކުރާއިރު ވަކިވަރަކަށް އުސްކުރާގޮތަށް ހަމަޖައްސާ.
ފީކަށި
05 June 2019
ކުޅި ސަލާމަތުން އޮތް އިރު މި ކުޅުދުއްފުށީ ގޭގެއަކަށް ފެނެއް ނުވަދޭ ނުކުޅެންވާ ތަންތަނާ ކޫލުނީމަ ވާގޮތް މިހާރު މަށަށްވެސް އެބަ ފެނޭ މާރަނގަޅުވީހޭ އެއ އެއަރޕޯރޓް ނޮޅިވަރަމްގައި އެޅިނަމަ ރަށާވެސް ކައިރި ބިންވެސް ސަލާމްތަވީ މިހަރު ކިހާބޮޑު ބިމެއް ރަށުން އެ ގެއްްލުނީ
ލަތީފާ
05 June 2019
ބަލަގަ ކުޅިއޮތްހާ ރައްތަކުގަތަ ފެންބޮޑުވެގެން އެއުޅެނީ މާލޭގަ ފެންބޮޑުވަނީ ކުޅިއޮތީމަތަ ކޮންކުޅިއެކޭ ކިޔާކައް
އާބިދާ
05 June 2019
މާލެ ފެންބޮޑުވަނީ އޮށްވަޅުގަނޑެއްހެން މަގުތައް ހުރީމަ. މަގުތައް އެއްވަރެއް ނޫން، ފެން ދައުރުވާން އިތުރު ގޮތެއް ނެތް. ކިރިޔާވެސް ރަނގަޅު ފެންވަރަކަށް ހެދިފަ އޮތީ ބޭރުމަގު އެކަނި. އެވެސް ބްރިޖް ކައިރި ސަރަހައްދު.
ރިނީ
05 June 2019
މިހާރު ކޮންމެވެސް ވަރަކަށް ފަހުމްވާނެ ކުޅީގެ މުހިންމުކަން.
ސުނީތާ
05 June 2019
ބަލަ އަދިވެސް ކުޅީގެެ ބޮޑު ބައެއް އެބައޮތޭ. ޖާހިލުކަން ކަނޑުވާލާފަ ވިސްނާލަބަލަ. ތާރު އެޅިފަހުން އަދި ދުވަހަކުވެސް ކުޅުދުއްފުއްޓަށް މިހާވަރަށް ވާރޭ ނުވެހޭ. ބޮޑެތި މަގުތަކުގައި ތާރު އެޅީމަ ރަށުގެ އެތެރޭ އަޑި މަގުތަކުގައި ފެންބޮޑުވާ މިންވަރު އިތުރުވޭ. ގދ.ތިނަދޫގައިވެސް ކުޅިއެއް ހިއްކައިގެން މީހުން އާބާދުކޮށްފައި އެވަނީ.
ޑުރެކިއުލާ
05 June 2019
ރާއްޖޭގެ ގިނަ ރަށްރަށް ފެނުއަޑީގައެވެ. އެހެންނަމަވެސް މާލޭގައި ފެންބޮޑުނުވާތީ އެކަން ދެނެހުރިބަޔަކުނެތެވެ. ޓުވީޓުކުރާ ވަޒީރެއްނެތެވެ. އެޗުޕީއޭއެގެ މޮޅެތި އެޑްވައިޒްއެއްނެތެވެ. ޑިޒާސްޓާގެ ހަބަރެއްނުވެއެވެ. ހައްގުތަކާއިބެހޭ ޖަމުއްޔާއެއްނެތެވެ. ސިޔާސީބަޔަކަށްވެސް ރޭކާނުލައެވެ. މިކޮމެންޓު ކިޔާފައި މާލޭގައި ފެންބޮޑުވާދުވަހަކު މިހުރިހާ އެންމެން އުޅެގަންނާނެގޮތް ބަލަންތިބޭށެވެ.
ޖުލައި
04 June 2019
މިފަދަ ހާދިސާ ތައް ހިގާނެ ކަމަށް ވިސްނައި ގެދޮރު އިމާރާތް ކުރާއިރު އެބަ ޖެހޭ ތަޅުންގަނޑު 2 ފޫޓު 3ފޫޓު އުފުލަން. ކާބަފައިން މިސްކިތް ބިނާކޮށްފަ ހުރީ މިކަން ކަމަށް ވިސްނައިގެން.
އަލިބެއްޔާގެ ޅަހުއްތު
04 June 2019
ކޮބާ ކޮބާ، ދެން ދަަގަ އެއާޕޯޓު ތާރުގަނޑުމައްޗަށް ނިދަން. ކުޅި ނުހިއްކާށޭ ކުޅި ނުހިއްކާށޭ ގޮވިއަޑެއް ނޭހީމުތާ! ގޭގައި ފެންބޮޑުވިޔަސް ބޭނުންވީ އެއާޕޯޓުތާ. އެހެންވީމާ ގެ ދޫކޮށްފައި އެއާޕޯޓަށް ދަމާ ބަހީ.
ދަންނަ
04 June 2019
ތި އެއާޕޯޓެއް ނު އަޅާ އިރުވެސް މިރަށް ބޯކޮއް ވާރެ ވެހެންޔާ ފެން ބޮޑު ވޭ .ބޭކާރު ވާހަަކަ ނު ދައްކާ
ރިނީ
05 June 2019
ދަންނަޔަށް ބުނެލަން އޮތީ ދަންނަޔަށް މާބޮޑަށް އެނގެނިއްޔޭ. ބަަލަމަވެސް މީ ތިޔަރަށު މީހެއް.
ތިމާވެށި
04 June 2019
ޑިސާސްޓަރ އިން އެރަށް ގިސް ދިރާސާކޮށް އަންނަ އަހަރުގެ ކުރިން ކަންކަން ރަނގަޅުރަން ޖެހެއެވެ. މާލީ އެހީ ނޫނީ ގެއްލުންވި ތަކެތީގެ ބަދަލު ދޭން ވީއެވެ . ނޫނީ ޑިސާސްޓަރ އޮފީސް ބަންދު ކުރަން ވީއެވެ.
ޑިސާސްޓަރ
05 June 2019
ލޮލް! ޑިޒާސްޓަރ ނޮޓް ޑިސާސްޓަރ!