ވިޔަފާރި / ރާއްޖޭގެ އިގްތިސާދު

ރާއްޖޭގެ އިގްތިސާދީ ދުވެލި ތިން އަހަރު ދަށަށް ދާނެ: ވޯލްޑް ބޭންކް

އެމްއެމްއޭ އިމާރާތް--ފޮޓޯ:ހުސައިން ވަހީދު/މިހާރު

ފާތިމަތު ޝަނާ މުހައްމަދު، މިހާރު

10 ޖޫން 2019 - 14:09

98 comments

ރާއްޖޭގެ އިގްތިސާދީ ދުވެލި ކުރިއަށް އޮތް ތިން އަހަރު ދަށަށް ދާނެ ކަމަށް ވޯލްޑް ބޭންކުން ލަފާކޮށްފި އެވެ.

ސައުތު އޭޝިޔާގެ އިގްތިސާދީ ކުރިއެރުމާ ގުޅޭ ގޮތުން ވޯލްޑް ބޭންކުން ހަމާކޮށްފައިވާ ގޮތުން މި އަހަރު ރާއްޖޭގެ އިގްތިސާދީ ދުވެލި ހުންނާނީ 5.7 ޕަސެންޓްގަ އެވެ. މިދިޔަ އަހަރު ރާއްޖޭގެ އިގްތިސާދީ ދުވެލި ހުރީ 6.1 ޕަސެންޓްގަ އެވެ. އަންނަ އަހަރު އިގްތިސާދީ ދުވެލި 5.2 ޕަސެންޓަށް އަރާނެ ކަމަށް އަންދާޒާކޮށްފައިވާ އިރު 2021 ވަނަ އަހަރު އިގްތިސާދީ ދުވެލި 5.3 ޕަސެންޓަށް އަރާނެ ކަމަށް ލަފާކޮށްފައިވެ އެވެ.

ވޯލްޑް ބޭންކުން ރާއްޖޭގެ އިގްތިސާދީ ދުވެލި ދަށްވާނެ ކަމަށް ލަފާކޮށްފައި ވަނީ ކުރިއަށް އޮތް ތިން އަހަރުގައި ރާއްޖޭގައި އިންވެސްޓްމެންޓްތައް ކުރިއަށްދާނެ މިންވަރަށް ބެލުމަށްފަހު އެވެ.

ސައުތު އޭޝިޔާގެ ގައުމުތަކުގެ ތެރެއިން އިގްތިސާދީ ދުވެލި ކުރިއަށް އޮތް ތިން އަހަރު އެންމެ ކުރީގައި އުޅޭނީ ބަންގްލަދޭޝް އާއި އިންޑިޔާ އެވެ. އިންޑިޔާގެ އިގްތިސާދީ ދުވެލި 7.5 ޕަސެންޓްގައި ކުރިއަށް އޮތް ތިން އަހަރު ހިފެހެއްޓިފައިވާ އިރު ބަންގްލަދޭޝްގެ އިގްތިސާދީ ދުވެލި އެވްރެޖްކޮށް ހުންނާނީ ހަތް ޕަސެންޓްގަ އެވެ.

ނޭޕާލްގެ އިގްތިސާދީ ދުވެލި އެވްރެޖްކޮށް ހަ ޕަސެންޓުގައި ހުރި އިރު ބޫޓާންގެ އިގްތިސާދީ ދުވެލި ހުންނާނީ ރާއްޖެއާ އެއް ހަމައެއްގަ އެވެ. ޕާކިސްތާނުގެ އިގްތިސާދީ ދުވެލި ހަތަރު ޕަސެންޓުގައި ހުންނާނެ ކަމަށް ލަފާކޮށްފައިވާ އިރު އަފްގާނިސްތާނާއި ސްރީލަންކާގެ އިގްތިސާދީ ދުވެލި އެވްރެޖުކޮށް ހުންނާނީ ތިން ޕަސެންޓުގަ އެވެ.

ވޯލްޑް ބޭންކުން ބުނާ ގޮތުގައި ސައުތު އޭޝީޔާއަކީ މުޅި ދުނިޔޭގައި ވެސް އެންމެ ބޮޑަށް ކުރިއަރަމުން އަންނަ އިގްތިސާދުތައް ހިމެނޭ ސަރަހައްދެވެ. މި ކުރިއެރުން ދިގުރާސްތާ އަށް ހިފެހެއްޓުމަށްޓަކައި އެކްސްޕޯޓް ކުރާ މިންވަރު ހުރިހާ ގައުމަކުން ވެސް އިތުރުކުރަންޖެހޭ ކަމަށް އެ ބޭންކުން ބުނެ އެވެ.

"ސައުތު އޭޝިޔާއިން އެކްސްޕޯޓް ކުރާ މިންވަރު މިދިޔަ ދެތިން އަހަރަކު ވަނީ ދަށްވެފައި. ދުނިޔޭގެ އެހެން ސަރަހައްދުގެ ގައުމުތަކާ ގުޅިގެން ވިޔަފާރީގެ މުއާމަލާތްތައް އިތުރު ކުރަންޖެހޭ. އިގްތިސާދީ ކުރިއެރުން ރަނގަޅު މިސްރާބެއްގައި ހުރި ނަމަވެސް ދިގު މުއްދަތަކަށް މި ކުރިއެރުން ގެންދަން އެކްސްޕޯޓް އިތުރު ކުރުން މުހިއްމު،" ސައުތު އޭޝިޔާ ރީޖަނަށް ކަނޑައަޅާފައިވާ ވޯލްޑް ބޭންކްގެ ވައިސް ޕްރެޒިޑެންޑް ހާޓްވިގް ޝެފާ ވިދާޅުވި އެވެ.

އިގްތިސާދު ރާއްޖޭގެ އިގްތިސާދު އެމްއެމްއޭ ދުނިޔޭގެ އިގްތިޞާދު ވޯލްޑް ބޭންކް

98 ކޮމެންޓް, 168 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުރަބޯ

11 June 2019

ބާރުދުވެލީގައި ކުރިއަރަމުން ދިޔަ މިގައުމުގެ އިގްތިޞާދު ރީނދޫ ސަރުކާރުގެ ފައިސާގެ ބޮޑެތި އިސްރާފު ތަކާ ދޯހަޅި ސިޔާސަތުގެ ސަބަބުން ކުއްލިއަކަށް ހުއްޓިފައި މިހާރު އެދަނީ ކަނޑަށް ވައްޓާލި ގައުބުރިއެއް އަޑިއަށްދާ ބީދައިން އަޑިއަށް. މިއީ ދިވެހި ހުރިހާ ރައްޔިތުންނަށް ލިބޭ ނިކަމެތި ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާސިިފް ބިން

11 June 2019

ޖަޒީރާވަންތަ ކިޔައިގެން ސުލޯގަނެއްގެ ދަށުން ވެރިކަމައް އައިސްތިބޭބަޔަކު ތަރައްގީއެއް ނުގެންނާނެ. އެމީހުން ބޭނުންވާނީ ޖަޒީރާގޮތްގަނޑު އާލާކޮއް އެގޮތައް ބާއްވަން. މިއީ ދިވެހިން އަސްލު ބޭނުންވާ ގޮތެއްނޫން.. މިކަން ބޭނުންވެގެން އުޅުނީ އިންޑިޔާއިން. އެއީ ޔާމީން ގެންނަން މަސައްކަތް ކުރަމުންދިޔަ ބޮޑެތި ތަރައްގީގެ މަޝްރޫތައް ހުއްޓުވުމަކައް ގެނެސް ރާއްޖެ އަބަދުމެ އަބަދައް އިންޑިޔާއައް ބަރޯސާވެފަ އޮންނަ ޖަޒީރާވަންތަ ތަނަކައް ހަދަން އެމީހުން އެދޭތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯސް

11 June 2019

އަހަރެން މާކުރިންވެސް ބުނިން ދިވެހިރާއްޖެ ގައުމެއްގެ ގޮތުގައި ކުރިއަރުވަން ބޭނުންވާނަމަ ބިދޭސީން މަދުކޮށް ދޭސީން ބާރުވެރުކޮށް ގައުމުގެ އުފެއްދުންތެރިކަންއިތުރުކޮށް ގައުމަށް ފައިސާ ވަންނާނެގޮތް ހަދަންޖެހޭނެކަމަށް. މިހާރު މުޅިންވެސް ފައިސާ ވަނީ ބޭރު. ނުގަވާއިދުން އުޅޭ ބިދޭސީން ބޭރުކުރޭ. ބަންގާޅަށް ބޭރުން ހާދަފައިސާއެއް އެތެރެކުރެއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނބޫ

10 June 2019

ވޯލްޑްބޭންކަށްވުރެ މާކުރިން އަހަރުމެން ދެނަތިބީމު ކުރިއަށް އޮތް 5 އަހަރަކީ ރާއްޖެއަށް ނާމާން، ކަޅު، އަނދިރި، ބަނަ ދުވަސްތަކެއްކަން. ވޯލްޑްބޭންކަށް ކުރެވެނީ ލަފާތާ. އަދި އެވެސް ތިން އަހަރެއްގެ ލަފާތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަމީސް

11 June 2019

މާދަމާގެ މޫސުމާ މަރުވާނެ މީހުންގެ އަދަދުވެސް އިނގޭނެތާ ކަލެޔަށް ތިހެންވީމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަކުޑި ހަމީދު

10 June 2019

ޑިމޮކްރެޓިކް ސަރުކާރުގަ އަބަދުވެސް މިދަނީ ދަށަށް ދޯ. ހުދުމުހުތާރު ސަރުކާރުގަ ދުވެލި މާ ބާރުދޯ. ކިހިނެއްމިވަނީ؟ ކޮންމެސް މީހެއް މިކަން ދިރާސާކުރަން ވެއްޖެދޯ ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލިޓަރީ

10 June 2019

އިބޫއަކީ ދިވެހިންނަ އޫޅުވާލައިގެން ވެރިކަން ކުރަންއުޅޭ މީހެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައީސޫ

10 June 2019

ދުނިޔޭގެ އެންމެ ބޮޑު އިކޮނޮމީއަކީ ޗައިނާ. އޭޝިޔާ އެފްރިކާ ގެ ހުރިހާ ގައުމަކަށް އެންމެ ބޮޑެތި އިންވެސްޓުމަންޓު ކުރަނީ ޗައިނާއިން. އިންޑިޔާއަށް ރާއްޖޭގެ ކަނޑު ހިބައިން ދީނިމުމަށްފަހު ދެން ޗައިނާއިން މިގައުމަށް ބޮޑު އިންވެސްޓްމަންޓެއް ނުކުރާނެ. ވަރަށް ސަލާން މަހަލް ޕުރަދޭށުގެ މޭސްތިރިންނަށް...