ޝަމީމް އާއި އަލީ ހުސެއިން: ފަނޑިޔާރުންނާ މެދު ވެސް އިންސާފުން އަމަލުކުރަން އަލީ ހުސައިން ގޮވާލެއްވި ގޮވާލެއްވުމަށް ޝަމީމް ވެސް ވަނީ ތާއީދު ކުރައްވާފައި -- ފޮޓޯ/މިހާރު
17 ޖޫން 2019 - 14:58
20 comments
އެންމެންނާ މެދު ވެސް އިންސާފުން އަމަލު ކުރުމަކީ ބޭނުންވާ ގޮތް ކަމަށް ކުރީގެ ޑެޕިއުޓީ ޕްރޮސެކިއުޓާ ޖެނެރަލް ހުސައިން ޝަމީމް މިއަދު ތާއީދު ކުރައްވައިފި އެވެ.
ޖުޑީޝަލް ސާވިސް ކޮމިޝަން (ޖޭއެސްސީ) ން ބަލަމުން އަންނަ މައްސަލައަކާ ގުޅިގެން، ސުޕްރީމް ކޯޓުގެ ފަނޑިޔާރު އަބްދުﷲ ދީދީ (ޑީީޑީ) ވަނީ ސަސްޕެންޑު ކޮށްފަ އެވެ. އެކަމަކު، އެ ސަސްޕެންޝަނަށް އަމަލު ކުރުން ފަސްކުރަން ސުޕްރީމް ކޯޓުން އޮތީ އަމުރުކޮށްފަ އެވެ.
މަޖިލީހުގެ ޖުޑިޝަރީ ކޮމިޓީ ގައި ރޭ ބޭއްވި ބައްދަލުވުމުގައި މެމްބަރު އަލީ ހުސައިން ވަނީ ފަނޑިޔާރު ޑީޑީ ސަސްޕެންޑް ކުރުމުގެ ކުރިން ފަނޑިޔާރުންގެ ގާނޫނުގައިވާ ގޮތުގެ މަތިން ފަނޑިޔާރު ޑީޑީގެ ބަހެއް ޖޭއެސްސީން ހޯދާފައި ނެތް މައްސަލާގައި ޖޭއެސްސީއާ ސުވާލު ކުރަން ޖެހޭނެ ކަމަށް ވިދާޅުވެފަ އެވެ. އަދި ފަނޑިޔާރަކާ މެދު ފިޔަވަޅު އެޅިޔަސް އިންސާފުން އަމަލު ކުރަން ޖެހޭނެ ކަމަށް ގާނޫނީ ވަކީލް އަލީ ވިދާޅުވި އެވެ.
އެކަމާ ގުޅިގެން ޝަމީމް ކުރެއްވި ޓްވީޓެއްގައި ވަނީ އެއްވެސް ސަބަބެއް ނެތި އޭނާ އާއި އަލީގެ އިތުރުން ގިނަ ވަކީލުންތަކެއް ސުޕްރީމް ކޯޓުން ސަސްޕެންޑް ކުރި ކަމަށާއި އެކަމަކު މިދިޔަ އަހަރުގެ ފެބްރުއަރީ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރަށް ފަހު، ކުރިން ވަކީލުންނާ ދެކޮޅަށް މަސައްކަތް ކުރެއްވި ބޭފުޅުންގެ ދިފާއުގައި މަސައްކަތް ކުރެއްވީ ވެސް އެ ވަކީލުން ކަމަށް ޝަމީމް ވިދާޅުވި އެވެ.
ޝަމީމް އެ އިޝާރާތް ކުރެއްވީ ގިނަ ވަކީލުންތަކެއް ސަސްޕެންޑު ކުރަމުން ދިޔައިރު، އުއްތަމަ ފަނޑިޔާރަކަށް އޭރު ހުންނެވި އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދަށެވެ.
ޝަމީމްގެ ޓްވީޓްގައިވަނީ އެ ބޭފުޅުން އަބަދުވެސް ބޭނުންވީ އެންމެންނާ މެދު ވެސް އިންސާފުން އަމަލު ކުރުމަށް ކަމަށެވެ.
ފަނޑިޔާރު ޑީޑީ ސަސްޕެންޑްކުރި މައްސަލާގައި ސުޕްރީމް ކޯޓުން އަމުރެއް ނެރުނަސް ޖޭއެސްސީން ވަނީ އެ އަމުރު ގަބޫލު ނުކުރަން ނިންމައިފަ އެވެ. އެކަމާ ގުޅިގެން ސުޕްރީމް ކޯޓުން މިއަދު ނެރުނު އަމުރެއްގައި ވަނީ އެ ކޯޓުގެ ކުރީގެ އަމުރާ ޚިލާފަށް ޖޭއެސްސީން ކުރާ ހުރިހާ ކަމެއް ބާތިލްވާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާނު
19 June 2019
ރައްޔިތުންގެ މަޖިލީހަށް ހުރިހާ ކަމެއް ހަވާލްކުރޭ އޭރުން އިންސާފު ލިބުނީ. މިހާރު ތިއޮތީ ކަމެއް. ﷲ އިރާދަފުޅުން މިދުވަސްވެސް ދާނެ.
ދެރަ
18 June 2019
އިންސާފުން ތިޔަ ފަނޑިޔާރުގެ ރަނގަޅު ކުރެވޭނެގޮތް ބުނެދީބަލަ ކޮންމެމީހަކުވެސް ބުނަނީ އިންސާފުންނޭ ކުރަންޖެހޭނީ މިވަރަކުން ނުފުދޭނެ
Solah
17 June 2019
ޝަމީމުގެ ބޭބެ ޙާމިދު ޢަބްދުލްޣަފޫރު ހޮނޑައިދޫގައި ވެލިކައިގެން އިން މައްސަލައިގައި ޔޫރިން ދޭން ފުލުހުން އެންގީމާ ޔޫރިން ނުދިން މައްސަލަ ޕީޖީ އޮފީހަށް ފޮނުވިއިރު ޝަމީމު ހުރީ އެތަނުގެ ވަރަށް އިސް މަޤާމެއްގައި. އެ މައްސަލައަށް ވީ ކިހިނެއްބާ؟
އީދުކަޅުބެ
17 June 2019
"ސުޕްރީމް ކޯޓުން މިއަދު ނެރުނު އަމުރެއްގައި ވަނީ އެ ކޯޓުގެ ކުރީގެ އަމުރާ ޚިލާފަށް ޖޭއެސްސީން ކުރާ ހުރިހާ ކަމެއް ބާތިލްވާނެ ކަމަށެވެ." ސްޕްރީމްކޯޓަކީ ޤާނޫނުއަސާސީތަ؟ އަޅޭފަހެ ބަޔަކު ހައިރާނެއްފެހެ ނުވާނެތަ.
އެޓޮމް
17 June 2019
ރައީސްނަޝީދަށް ދަންނަވަން 65 ގޮނޑި އޮތަސް ގާނޫނީ އިމުގަ ކަންކަން ކުރުމަށް ކަމިޝަނުން އަބުދުﷲ ދީދީއަށް ޖަވާބުދާރީވާން ފުރުސަތު ދޭންވާނެ. ހަމައެފަދައިން މައްސަލަބެލުން ސްޕްރިމްކޯޓުން ހުއްޓުވުމުގެ ބަދަލުަގއި ކުށުން ބަރީއަވުމަށް ފުރުސަތުދީ ދީ މަސައްކަަތުން އެކަހަރިކުރުވަންވާނެ
އަސްތާ
17 June 2019
ސޭޓެއްގެ ޕޭ ރޯލްގަ ހުރެގެން ހިޔެއްނުވޭ ތިޔަކަންކުރެވޭނެހެން... މަހުޖަނުން ބޭނުންވާހާގޮތަކަށް ގައުމުގެ ޖުދިސަރީ ނުބޭއްވޭނެ. އެމްޕީ އަލީ އާމެދު ކުރިން ހީކުރެވުނުގޮތާ ތަފާތު، އައިމްލަ އެދުން އިސްނުކުރޭ
ީަިަްއިއްބެ
18 June 2019
ކިހާވަރަކަށް ތިބޭފުޅާ އަށް އަލީ ހުސެއިން އިނގިލައްވާތޯ؟ އަލީ އެއް ފައިސާފޮއްޗަކަށް ނުވިކޭނެ. ހައްގުބަސްބުނަންކެރޭ ކެރިހުރި އެވަރުގެ އިތުރު ދަރިޔަކު ތިޔަ މަޖިލީހަކު ނުހުންނާނެ. ގާސިމް އިބްރާހިމް އަކަށް ވެސް އަލީ އެއް ނުގަނެވޭނެ.
ޗިޗަންޑާނަވާރަ
17 June 2019
ރަނގަޅު ވާހަކަ އެއް. ރައްޔަތުން ކަށަވަރު ކުރަން ބޭނުން ވެގެން މި އުޅެނީ އިންސާފު އެންމެނަށް ހަމަ ހަމަ ކަމާއި އެކު ލިބޭކަމެވެ. ވަކި ފިކުރެއް ވީތީ ގާނޫނުގެ ލޫޕް ހޯލް ތަކުން އެމީހަކު ފުރޭމު ނުވުމެވެ. އަދި ހަމަ އެއާއި އެކު މަސައްކަތުގެ ސްޕީޑެވެ. އަދި ގާނޫނު އެންމެންގެ މައްޗަށް ހިނގުމެވެ. އިސްތިސްނާއެއް ނެތިއެވެ. އަދި އިރު އިރު ކޮޅާ ކުރާ ހުކުމްތަށް އާ ކަމެއް ތިލަ ނުވަނީސް ބާތިލް ނުކުރުމެވެ. އިންޓެލް އަށް ބޭސްކޮށް ހުކުން ނުކުރުމެވެ.
ހަންޑި ފާތުމަ
17 June 2019
ކޮން އިންޓަވަލް ގަޑިއެއްގަ ބޭސް ކާ ވާހަކައެއް ތިދައްކަނީ. އެއީ ސުކޫލެއްތަ؟ ނޫނީ ހޮސްޕިޓަލެއްތަ؟
އިންސާފުގެބައްޕަ
17 June 2019
އިންސާފުން ކަންކުރެވޭނެބާ ކޮރަޕްޓް ފަނޑިޔާރުންނަށް. އިންސާފު އޮންނަނީ ވަކިބަޔަކަށް ނޫން. އިންސާފުވެރި ފަޑިޔާރުން ބޭނުމީ
ޗިޗަންޑާނަވާރަ
17 June 2019
ކޮރަޕްޓްކަން ސާބިތު ކުރެވޭނެ މަގު އެބަ އޮތް. އެމަގު ހިޔާރު ކޮށް ސާބިތު ކުރަން ނުކެރިގެން މިއުޅެނީ ކީއްވެޔޯ؟
ޚަލީލާ
17 June 2019
މައްސަލައަކީ ކޮރަޕްޓް ސިޔާސީ ލީޑަރުން. ފަޑިޔާރުންނަށް ރިޝްވަތު ދެނީވެސް ސިޔާސީ ލީށަރުން ފަޑިޔާރުންވެސް މެމްބަރުންވެސް ކަރަޕްޓްކުރަނީ ސިޔާސީ ލީޑަރުން. މިކަމުން އެއްވެސް ސިޔާސީ ލީޑަރެއް އިސްތިސްނާނުވޭ. އެގިހުރެ މުބިނީ
އައްޑޫ ރަދުން
17 June 2019
ފަރުވާދިނަސް ރަނގަޅު ނުވާވަރަށް ބަލިބޮޑުވީމަ އެމީހަކު ޖެހޭނީ އެހެންމީހުންގެ ސަލާމަތަށްޓަކާ ކަރަންޓީނު ކުރަން...
އުސްތާޛްޒަކީ
17 June 2019
ރައްޔިތުން ބޭނުން ވަނީ ވެސް އަދި އާދޭސް ކުރަމުން އެގެންދަވަނީ ވެސް އިންސާފުވެރި ފަނޑިޔާރުގެ އެއް ލިބޭ ތޯ އެވެ. ތިޔަ ވިދާޅުވީ ވަރަށް ރަނގަޅު ވާހަކަ އެކެވެ. އިރާދަ ކުރެއްވިއްޔާ އަދި އެދުވަހެއް ވެސް އަންނާނެ އެވެ.