ޚަބަރު / ދ. މާއެނބޫދޫ

މާއެނބޫދޫ ޕްރިންސިޕަލް މަސްތުވާތަކެއްޗާއެކު ހައްޔަރުކޮށްފި

ދ. މާއެނބޫދޫ ސްކޫލުގެ ޕްރިންސިޕަލްގެ ގެއިން ފެނުނު މަސްތުވާތަކެތި -- ފޮޓޯ: ޕޮލިސް

އިސްމާއިލް ނަސީރު، މިހާރު

07 ސެޕްޓެމްބަރ 2016 - 15:59

3 comments

ދ. މާއެނބޫދޫ ސްކޫލުގެ ޕްރިންސިޕަލް މަސްތުވާތަކެއްޗާ އެކު ފުލުހުން ހައްޔަރުކޮށްފި އެވެ.

ހައްޔަރުކުރީ ކާކުކަން ފުލުހުން އާންމުކޮށްފައި ނުވިޔަސް، ފުލުސް އޮފީހުން އާންމުކޮށްފައިވާ ބަޔާނެއްގައި ބުނެފައި ވަނީ ލިބުނު މައުލޫމާތަކާ ގުޅިގެން މާއެނބޫދޫގެ ގެއެއް ފާސްކޮށް ރޭ ދަންވަރު 47 އަހަރުގެ މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.

"އޭނާ ފުލުހުންގެ ބެލުމުގެ ދަށަށް ގެނެސް، ކޯޓު އަމުރެއްގެ ދަށުން، އޭނާ ދިރިއުޅޭ ގޭގެ ކޮޓަރި ބަލައި ފާސްކުރިއިރު އެ ކޮޓަރި ތެރޭގައި ހުރި އަލަމާރި ތެރެއިން މަސްތުވާތަކެތި ކަމަށް ޝައްކުކުރެވޭ އެއްޗެއް ހުރި ހަ ސެލޯފިންކޮޅު ފެނިފައިވެއެވެ. އަދި އެ ގޭގެ ސިޓިން ރޫމްގައި ހުރި މޭޒެއްގެ މަތިން މަސްތުވާތަކެތި ކަމަށް ޝައްކުކުރެވޭ އެއްޗެއް ހުރި ފަސް ރަބަރު ޕެކެޓު ފެނިފައިވެއެވެ،" ބަޔާނުގައި ވެ އެވެ.

ފުލުހުން ބުނީ އެ މީހާގެ ކުޑަކަމުދާތަކެތި ޓެސްޓުކުރުމުން މަސްތުވާތަކެތީގެ ދެ ބާވަތަކަށް ޕޮޒެޓިވް ވެފައިވާ ކަމަށާއި އޭނާގެ ބަންދާމެދު ގޮތެއް ނިންމުމަށް ޓަކައި މާއެނބޫދޫ މެޖިސްޓްރޭޓް ކޯޓުން 15 ދުވަހުގެ މުއްދަތެއް ދީފައިވާ ކަމަށެވެ.

ކުށްކުރުން ސްކޫލް ފުލުހުން މަސްތުވާތަކެތި ދ. ކުޑަހުވަދޫ ދ. މާއެނބޫދޫ

3 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުރިންޑީއީޑީ

07 September 2016

ބުއްދި ގަބޫލު ކުރެވޭ ވާހަކައެއް ނޫން. ތި ދެބާވަތުގެ މަސްތުވާތަކެތި ބޭނުންކުރާ މީހުންނަކީ ދެވައްތަރު އެއްފަހަރާ ބޭނުން ކުރާ ބައެއް ނޫން. ހަކުރު ބޯ މީހުން ތެޔޮ ނުބޯނެ. ތެޔޮ ބޯ މީހުން ހަކުރު ނުބޯނެ. ފަސޭހައިން ލިބޭ ދޭތި ވީމަ ޕްލާންޓްކޮއްލާފަ ފްރޭމްކޮށްލީ ދޯ.