ބޮޑު އެކްސިޑެންޓަކަށް އަހަރެއް ވާން ކައިރި ވެފައި ވަނިކޮށް މީހެއްގެ ލައިސަންސް ހިފަހައްޓައިފި

އެކްސިޑެންޓެއް ހިނގި ސަރަހައްދެއްގައި ފުލުހުން ހަރަކާތްތެރިވަނީ. ފައިލް ފޮޓޯ

މުހައްމަދު ނަސީމް، މިހާރު

23 ޖޫން 2019 - 20:06

މިދިޔަ އަހަރުގެ ޖޫން މަހު މާލޭގައި ހިނގި ނުރައްކާތެރި އެކްސިޑެންޓެއްގައި މީހަކު ނުކުޅެދޭ ހާލަތަށް ދިޔަ މައްސަލައިގައި، ދައުވާ ލިބޭ މީހާގެ ލައިސަންސް ޓްރާންސްޕޯޓު އޮތޯރިޓީން އިއްޔެ ހިފަހައްޓައިފި އެވެ.

ފުލުހުން ބުނީ ޖޫން 26، 2018 ވަނަ ދުވަހުގެ ރޭ މާލޭގެ އިންޑަސްޓްރިއަލް ޒޯންގައި ދެ ސައިކަލެއް ޖެހި ހިނގި އެކްސިޑެންޓުގައި ތުހުމަތު ކުރެވޭ އުމުރުން 21 އަހަރުގެ މީހާގެ ލައިސަންސް އިއްޔެ އިން ފެށިގެން ހިފެހެއްޓީ އެ މައްސަލައިގެ ޝަރީއަތް ނިމެންދެން ކަމަށެވެ. އެ އެކްސިޑެންޓުގެ ތަހުގީގު ނިންމައި އެ ޒުވާނާއާ ދެކޮޅަށް ދައުވާ ކޮށްދިނުމަށް އެދި މިދިޔަ އަހަރުގެ އޮކްޓޯބަރު 21 ގައި ޕްރޮސެކިއުޓާ ޖެނެރަލްގެ ކިބައިން އެދިފައިވާ ކަމަށް ވެސް ފުލުހުން ބުނެ އެވެ.

ދެ ސައިކަލް ޖެހި ވިއްސައިގެން ގޮސް ހިނގި އެކްސިޑެންޓުގައި ށ. މަރޮށީ އިބްރާހީމް ވަސީމް ވަނީ ނުކުޅެދޭ ހާލަތަކަށް ގޮސްފަ އެވެ. އޭނާގެ ބޯ ބިންމަތީގައި ޖެހުނުލެއް ބާރުކަމުން ބޮލުގެ ނާށިގަނޑަށް ބޮޑެތި އަނިޔާތަކެއް ވަނީ ވެފަ އެވެ. އަދި ވަނީ ސިކުނޑީގެ ބޮޑު އޮޕަރޭޝަނެއް ވެސް ކޮށްފަ އެވެ.

މި އެކްސިޑެންޓުގައި އިހުމާލުވި ކަމަށް ބެލެވޭ މީހާގެ ލައިސަންސް މި ސަރުކާރުން މި ހިފެހެއްޓީ އެކަން ނުކޮށް ގިނަ ދުވަސްތަކެއް ވާތީ ވަސީމްގެ އާއިލާ އިން ކަންބޮޑުވުން ފާޅުކުރާތާ އަދި އެކްސިޑެންޓަށް އަހަރެއް ވާން ހަފުތާއަކަށް ވެފައި ވަނިކޮށެވެ.

ފަހަކަށް އައިސް ހިނގާފައިވާ ބޮޑެތި އެކްސިޑެންޓްތަކުގައި މީހުންނަށް ބޮޑެތި އަނިޔާތައް ވެފައި ވާއިރު އެ މީހުންނަށް އިންސާފު ނުލިބޭ ކަމުގެ ޝަކުވާ އާއިލާތަކުން ދަނީ ކުރަމުންނެވެ.

އެކްސިޑެންޓް ފުލުހުން މަގުމަތީގެ އެކްސިޑެންޓް ޑްރައިވިން ލައިސަންސް މާލެ ޓްރާންސްޕޯޓް އޮތޯރިޓީ

8 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަކީމް

24 June 2019

ނޫހައް އަރާ ސަރުކާރު ބަދުނާމުވެ ސޯޝަލް މީޑިޔާގަ ހޯހޯ ލަންވަންފެށީމަ ދެން މިފަޔަވަޅުއަޅަނީ ... ނިކަމެތި މީހާ ސީޓީ ލިޔަސް ވާކަމެއް ހަރާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސީނާ

24 June 2019

ޚިއްވެތަ އެކްސިޑެންޓެއް ވާއިރަށް ކޮންމެހެން ލައިސަންސެއް އޮތްތޯ ތިބަލަނީ.. ލައިސަންސް ނެތިއްޔާ އެއީ ވަކި ކުށެއް. އެކސިޑެންޓުގައި އިހުމާލުވަންޏާ ލައިސަންސް އޮތަސް ނެތަސް ކުޑަ ބޮޑުމިނަށް ބަލައި އަދަބު ލިބެން ޖެހޭޏެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިކީ

24 June 2019

ހަމަ އެކަނި ލައިސަންސް ހިފެހެއްޓީމަ ނިމުނީތަ. އޭނާ އަށް ދޭންޖެހޭ އަދަބު ކޮބާ. އިހުމާލުވުގެ ސަބަބުން ހިނގި ކަމެއް މިއީ މަޑު މަޑުން ދުއްވާލާފަ ދިޔަނަމަ ނުވާނެ މިވަރެއް ހައްގު އަދަބު ދޭން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެންދެރި

24 June 2019

ލައިސަންސް ނެތި ދުއްވުމަކީ ފަސޭހަ ކަމެކެވެ. ކޮންމެވެސް ކަމެއް ކޮށްލީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީއްކުރާނީ

24 June 2019

ލައިސަންސަކީ މިހާރު މާމުހިއްމު އެއްޗެއްވެސްނޫން.. ފުލުހުންނަށްވެސްއިނގޭ ލައިސަންސް ނެތި އެއްޗެތި ދުއްވާމީހުންވެސް ، އެކަމަކު އަޅާލާކަށްވެސް ނުކެރޭނެ ، މީ މިހާރު ބޮޑު ޖޯކެއް.