ޕީއެންސީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ބައިވެރިވެވަޑައިގެންނެވި ބޭފުޅުން؛-- ފޮޓޯ: ހުސެއިން ވަހީދު/ މިހާރު
01 ޖުލައި 2019 - 19:10
54 comments
ކުށެއް ނެތް އެތައް ދިވެހިންނެއްގެ ލޭ އޮހޮރުވާލައި ޖަލު ހުކުމަށް ފިލައިގެން އުޅުނު ހ. ހާޖަރާގޭ އަބްދުﷲ ލުތުފީ ރާއްޖެ ގެނައުމަށް 2.7 މިލިއަން ރުފިޔާގެ ޖޫރިމަނާއެއް ދައްކަންޖެހޭ ކަމަށާއި އެކަން ކޮށްދެނީ ދިވެހި ސަރުކާރުން ކަމުގެ އަޑުތައް އިވިފައިވާ ކަމަށް ޕީޕީއެމް/ޕީއެންސީ ކޯލިޝަނުން މިއަދު ބުނެފި އެވެ.
ޕީއެންސީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވީ އެތައް ދިވެހިންނެއް މަރާލި މުޖުރިމަކު ގެންނަން ރައްޔިތުންގެ ފައިސާއިން ހަރަދުކުރުމަކީ ގަބޫލުކުރެވޭ ކަމެއް ނޫންކަމަށެވެ. އެހެންވެ ސަރުކާރުގެ ކަމާބެހޭ ފަރާތްތަކުގެ ކިބައިން އޭނާ ވަނީ އެކަން ސާފުކޮށްދިނުމަށް އެދިވަޑައިގެންފަ އެވެ.
ލުތުފީ ގެންނަން ބޮޑު ޖޫރިމަނާއެއް ދައްކަންޖެހޭ ސަބަބެއް ނުބުނެ އެވެ. ނަމަވެސް ބެެލެވޭ ގޮތުގައި އެ އިޝާރާތްކުރަނީ ސްރީ ލަންކާގެ ގާނޫނުތަކާއި ގަވައިދުތަކާ ޚިލާފަށް އެ ގައުމުގައި އުޅުނު މުއްދަތަށް ދައްކަންޖެހޭ ޖޫރިމަނާއަށެވެ.
ލުތުފީ ފިލީ ކުރީގެ ރައީސް މުހައްމަދު ނަޝީދުގެ ވެރިކަމުގައި ޖެނުއަރީ، 16، 2010 ގައި ބޭސްފަރުވާ އަށް އިންޑިއާ އަށް ފޮނުވުމުންނެވެ. ނަމަވެސް ނުވަ އަހަރު ވަންދެން ލަންކާގައި ފިލައިގެން އުޅުމަށް ފަހު އޭނާ އަމިއްލައަށް ވަނީ އެ ގައުމުގައި ހުންނަ ރާއްޖޭގެ އެމްބަސީއަށް ގޮސް ރާއްޖެ އަންނަން ބޭނުން ކަމަށް ބުނެފަ އެވެ. އެހެންވެ އެމްބަސީން އޭނާ ހަވާލުކޮށްފައިވަނީ ފުލުހުންނާ އެވެ.
ޝިޔާމް ވިދާޅުވީ ކުރީގެ ސަރުކާރުން ލުތުފީ ފިއްލުވީކަމަށެވެ.
"ލުތުފީ ފިއްލުވީ. ލުތުފީ ފިލީކީ ނޫން. އޭރު ރައީސަކަށް ހުންނެވީ، މިއަދު ރައްޔިތުންގެ މަޖިލީހުގެ އިއްޒަތްތެރި ރައީސް، ރައީސް މުހައްމަދު ނަޝީދު. ރައީސް މުހައްމަދު ނަޝީދު އެމަނިކުފާނު ޒައާމަތުގައި ލުތުފީ ފިއްލުވީ،" ޝިޔާމް ވިދާޅުވި އެވެ.
ޕީއެންސީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ޕީޕީއެމްގެ ނައިބު ރައީސް އަދި ނައިފަރު ދާއިރަާގެ މެމްބަރު ޝިޔާމް ވާހަކަދައްކަވަނީ؛-- ފޮޓޯ: ހުސެއިން ވަހީދު/ މިހާރު
އޭނާ ވިދާޅުވި ގޮތުގައި ސަރުކާރު ހަމަ މަގަށް އަޅުވަން ނިކުންނަން ޖެހިފައި ވަނީ ރައްޔިތުންނަށް ވީ ވައުދުތައް ފުއްދާތަން ނުފެންނާތީ ކަމަށެވެ. އޭގެ ބަދަލުގައި ފެންނަނީ ރައްޔިތުން ރުޅި އަންނަ ހުރިހާ ކަމެއް ކުރަމުންދާ މަންޒަރުކަމަށް ވިދާޅުވި އެވެ.
ސަރުކާރު އިދިކޮޅު ކޯލިޝަނުން އަންނަނީ އަންނަ ބުރާސްފަތި ދުވަހުގެ ރޭ އެއްވުމެއް ބާއްވަން ތައްޔާރުވަމުންނެވެ. ކުރީގެ ރައީސް އަބްދުﷲ ޔާމީން ވެސް ބައިވެރިވެވަޑައިގަންނަވާ ހަރަކާތަށް ކާނިވާ ސަރަހައްދު ހޯދަން ޕްލޭނިން މިނިސްޓްރީގައި މިދިޔަ ބުރާސްފަތި ދުވަހު ވަނީ އެދިފަ އެވެ. ނަމަވެސް އަދި ހުއްދައެއް ނުލިބެ އެވެ.
ލުތުފީ ގެނައުން ލަސްވާތީ މަޑުއްވަރީ ދާއިރާގެ މެމްބަރު އަދި ޕީއެންސީގެ ނައިބު ރައީސް އާދަމް ޝަރީފް އުމަރު ވަނީ މަޖިލީހަށް ކުއްލި މައްސަލައެއް ހުށަހަޅުއްވައިފަ އެވެ. އެ މައްސަލަ ހުށަހެޅުމުން އެ މެމްބަރުގެ އަގު ވައްޓާލައި ބުލީކޮށްފައިވާ ކަމަށް، މާވަށު ދާއިރާގެ ޕީއެންސީގެ މެމްބަރު މުހައްމަދު ސައީދު ވިދާޅުވި އެވެ. އޭނާ ވިދާޅުވީ ގައުމުގައި ހިނގާ ބޮޑެތި ކަންތައްތަކުގައި މަޖިލީހާއި މަޖިލީހުން ބޭރުގައި ވެސް އިދިކޮޅު ޕާޓީތަކުން މަޑަކުން ނުތިބޭނެ ކަމަށެވެ.
ބާރަށު ދާއިރާގެ ކުރީގެ މެމްބަރު އަދި ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވީ ލުތުފީގެ މައްސަލައަށް އެކަނި ބެލިޔަސް ސަރުކާރު ފެއިލްވެފައިވާ މަންޒަރު ފެންނަކަމަށެވެ. އެ މައްސަލަ އުފަންވި ހިސާބުން ރައީސް އިބްރާހިމް މުހައްމަދު ސޯލިހާއި ހޯމް މިނިސްޓަރު އިމްރާން އަބްދުﷲ ވީތަނެއް ނޭނގޭ ކަމަށާއި އެކަމާ ގުޅޭގޮތުން ވާހަކަދެއްކެވި ހަމައެކަނި ބޭފުޅަކީ މަޖިލީހުގެ ރައީސް މުހައްމަދު ނަޝީދު އެކަނި ކަން ފާހަގަކުރެއްވި އެެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
02 July 2019
އަޅެފަހެ މިމީހުން މޮޔަވީތަ. 1988ގައި ހިނގި ކަމެއް އަދި ހުކުމް ކޮށްފައި އޮތްކަމެއް. މިމީހުން މިހުރިހައި ދުވަހު ހޮރައްވަދެ ރަޖާލައިގެން ތިބެފައި ލުތުފީއެއްގެ ވާހަކަ ނަގައިގެން މީ ދެން ކޮންފަދަ ކަމެއް. މާތާޚިރުވާނެ ދައުލަތުން ކައްވާލައި ފައިސާ ދައުލަތަށް އަނަބުރާ ދިނިއްޔާ.
މުޙުއްމާ
02 July 2019
ރައްޔިތުން އޮޅުވާލަން ނުއުޅޭ. އެއްވެސް ލާރިއެއް ދައްކާކަށް ނުޖެހޭނެ. އެމްބެސީ ގަ ބަހައްޓައިގެން ވީއައިޕީ ޓްރީޓްމެންޓް ނުދީ އޭނަ ލަންކާ ފުލުހުންނާ ޙަވާލު ކުރޭ. އެއިރުން އޭނަ ލަންކާގެ ޤާނޫނާއި ޚިލާފަށް ކޮށްފަ އޮތްކަމަކަށް އަދަބު ދޭނެ. ސަރުކާރުން އެއްވެސް އެއްޗެއް ދޭކަށް ނުޖެހޭނެ. ލަންކާއިން ދޭ އަދަބެއް ދީ ނިމުނީމަ ފުލުހުން ލަންކާ ސަރުކާރާއި ގުޅިގެން އޭނަ މާލެ ގެނެސް ޖަލަށްލީމަ އެނިމުނީ. ތިކަހަލަ މޮޅު ވާހަކައަށް ހެއްލޭހާ ދިވެހިން ކޮސް ނުވާނެ މިހާރު
އެކަމު
02 July 2019
އޭނާއަށް އެއްވެސް ޒާތެއްގެ އަދަބެއް ލިބެން ދޫކޮށްނުލާންވެގެން އުޅެނީ މި ސަރުކާރުން. އޭނާއަށް އިތުރު އަދަބެއް ލިބިދާނެތީ މިހާރު މިހިނގާ ހުރިހާ ކަމެއް އެ ހިނގާ ގޮތަށް އެހިނގަނީ.
މަޒް
02 July 2019
ތި ސައީދުމެންގެ އިޙުލާސްތެރިކަމެއް ނެތް. އެތައް ދިވެހިން މެރި އެކަކުތީ.. އެތައް ދިވެހިންނެއް މެރި އެތައް މުޖުރިމުންނެއް މި ކުޑަ ކުޑަ މާލޭގެ މަގުމަތީގައި މިނިވަންކަމާއެއްކޮއް އުޅެމުން އެބަދޭ.. އެވެސް ފުރާނަ.. މިވެސް ފުރާނަ.. މީހަކު މަރައިފި ކޮންމެ މީހަކަށް ހައްގު އަދަބު ލިބެން ޖެހޭ.. ރޯމާ ދުވާލު ކަތިވަޅި ހިފައިގެން އައިސް ކަތިލަމުން އެދަނީ ހަމަ ދިވެހިންނެއް ނޫތޯ..
އެނބުރެނީ
02 July 2019
މިގައުމުގައި އޮންނަ ޕާޓީތަކުގެ ކޯޅުމާހެދި ހަގީގަތުގަ ހަމައަކަށް އެޅުވެންވީ ކަންކަން ދާނީ ބޮއްސުންލަމުން. ކޮންމެ ބަޔަކު ކިތަންމެ ރަގަޅު ވާހަކައެއް ދެއްކިއަސް އަނެއް ބަޔަކު އޭގެ މާނަ ސިޔާސީކުރުމުން ކަމުގެ ހަގީގަތް އޮބި ފޮރުވެނީ. އަދި އެޅެންވާ އެންމެ އެކަށީގެންވާ ފިޔަވަޅު އެޅުމަށް ހުރަސްއެޅެނީ. ގައުމުގެ ކިތަންމެ ނާޒުކު ކަމެއްގައިވެސް ސިޔާސީ ކުލަ ޖެހުނީމާ ކަން ނިމެންވާ ގޮތަކަށް ނުނިންމޭނެ. ޕާޓީއެއްގައި ތިބުމުން އިޚްލާސްތެރިނުވެވި ނަތީޖާ ގޯސްވާނީ.
ހަސީނާ
02 July 2019
19 ދިވެހިދަރިންގެ ފުރާނަ ދުއްވާލުމުގެ ޒިންމާ އުފުލަންޖެހޭ މީހަކު ހުދުފޮތިކޮޅަކަށް ހަދަން އުޅުމަކީ ރަނގަޅު ވާހަކަ ދެއްކުމެއް ނޫން. އެއީ ސިޔާސީ ކަމެއްވެސް ނޫން. އެއީ ދިވެހިރައްޔިތެއްގެ ހައިސިއްޔަތުން ކުރަން ޖެހޭ ކަމެއް. އަދި އެފަދަ ކަމެއް މީހަކު ދެން ކުރިޔަ ނުދޭން ބާރުއެޅޭނެކަމެއްވެސް މެ. އަދި އެވަރުގެ ނުބައިކަމެއްކޮށް ހުކުމް ތަންފީޒު ނުކޮށް ފިލީމައި ދެވޭ ފިލާވަޅެއް. މަރުވި މީހުންގެ އާއިލާއަށް އިންސާފު ހޯދަން ކުރެވޭ މަސައްކަތެއް
ޕީޕީއެމް ގަބަރޭ
02 July 2019
7 އަހަރު އޭނާ ނުގެނަސް އުޅުނު ޢުމަރާއި ޔާމީން އަތުން ތި ފައިސާ ހޯދާ!
ކޮންފަދަ ކަމެއްތަ
02 July 2019
އަހަންނަށް ވަރިހަމަ ދުވަހަކު ލުތުފީ ރާއްޖެ ނުގެނަޔަސް. ކޮންފަދަ ކަމެއްތަ ދެން މިއީ! ތިއީ 1988 ގެ ކަމެއް! އިހައްދުވަހު ވަޅި ޖަހާ މެރި މީހުންނާ ފައިސާ ވަގަށް ނެގި މީހުން އެތިބި މިނިވަންކޮށް!
ފުރުސަތު
02 July 2019
ތިއޮތީ ފުރުސަތު ލިބިފައި. މިފަހަރު ސަރުކާރު ވައްޓާލަން ވާނެ. އެންމެން އެކުގަ ކުރިއަށް. ޢެކަމު މަނުލާ!
ެރސެރފަ
02 July 2019
ފާޑުފާޑުގެ ވާހަކަ ނުދައްކާ ކަލޭމެން ކޮށްފައިހުރި ބޮޑެތި ވައްކަންތަކުގެ ވާހަކަ ދައްކަބަލަ. ލަދުހަޔާތެއްނެތޭ މީޑިޔާ ތަކަށް އަރާ ފާޑުފާޑުގެ ފާހަކަ ދައްކަން
ހަސީނާ
02 July 2019
ވައްކަމުގެ ވާހަކަވެސް ދައްކަންޖެހޭނެ. އެމްޑީޕީން ލުތުފީ ހުދު ފޮތިކޮޅަކަށް ހަދަން އުޅޭވާހަކަވެސް ދައްކަންޖެހޭނެ.. ތި ދެކަން ކުރާ އަދި ކުރި މީހުންނަކީވެސް ޢައްދާރުން.
ފޮނިޓައްޕު ހަސަނު
02 July 2019
ޗަކޮއެމެން ދައުލަތުން ކައްވާލި ފައިސާއިން ލުތުފީ ގެންނަން ކުރަންޖެހޭ ޚަރަދު ކުރުމަށް ފައިސާ ދޭންވީނުން ތޯ.
ހޭހަން
02 July 2019
ތިހާވަރުގެ އަދަދެއް ދައްކާފާ ގެންންވަރުގެ މީހެއްނޫން ތީކީ. މިހާރުން މިހާރަށް ތިތާ ބަހައްތާފާ ކޮށްފާވާ ހުކުން ތަންފީޒްކުރޭ. އޭރުން އޭނާގެ ކަންތައް އެ ނިމުނީ. މަރަށް މަރު. ބަރާބަރު 19 ފަހަރު އޭނާ މަރަންވާނެ.