ބޭސްފަރުވާ އަށް ފަހު އަދީބު މާލޭ އެއާޕޯޓުގައި. --ފޮޓޯ/ސޯޝަލްމީޑިއާ
06 ޖުލައި 2019 - 16:36
21 comments
ކުރީގެ ނައިބު ރައީސް އަހުމަދު އަދީބު އިންޑިއާ އިން ބޭސްފަރުވާ ކުރެއްވުމަށް ފަހު މިއަދު ރާއްޖެ ވަޑައިގެންފި އެވެ.
އެކި ކުށްތަކުގައި ދިގު މުއްދަތުގެ ޖަލު ހުކުމެއް ތަންފީޒު ކުރައްވަމުން ގެންދެވި އަދީބު ރާއްޖެ ވަޑައިގަތީ އަނބިކަނބަލުން މަރިޔަމް ނަޝްވާއާ އެކު މިއަދު ހަވީރެވެ. ކަރެކްޝަނަލް ސާވިސްގެ ބެލުމުގެ ދަށުން އޭނާ ވަޑައިގަތީ ދިރިއުޅުއްވާ ގެއަށެވެ.
އަދީބު ބޭސްފަރުވާ އަށް އިންޑިއާ އަށް ފުރާވަޑައިގަތީ މިދިޔަ މަހުގެ 14 ވަނަ ދުވަހު އެވެ. ބޭރުގައި ފިއްލެވުމުގެ ފުރުސަތު ނުދިނުމަށް އޭނާ ބޭރަށް ފުރުވާލީ ފުލުހުންނާއި ކަރެކްޝަނަލް ސާވިސްގެ ޓީމަކާ އެކުގަ އެވެ.
ބޭސްފަރުވާ ކުރަން އަދީބަށް ދިން މުއްދަތު މިދިޔަ މަހުގެ 26 ގައި ހަމަވާން އޮތަސް، މޯލްޑިވްސް ކަރެކްޝަނަލް ސާވިސް އިން ވަނީ މިއަދުގެ ނިޔަލަށް މުއްދަތު އިތުރުކޮށް ދީފަ އެވެ.
އިންޑިއާގައި ތިން ހަފްތާއެއްހާ ދުވަހު އުޅުއްވުމަށް ފަހު އަދީބު ރާއްޖެ ވަޑައިގެންނެވި ނަމަވެސް ހަ މަސް ފަހުން އަލުން ދައްކަން އޭނާގެ ލޮލަށް ފަރުވާ ކުރި ޑޮކްޓަރު ވަނީ ލަފާ ދެއްވައިފަ އެވެ.
އަދީބަށް ގުލަކޯމާ ޖެހިފައިވާކަން އެނގުނީ، އެމްއެމްޕީއާރުސީގެ ހިޔާނާތާއި ކުރީގެ ރައީސް އަބްދުﷲ ޔާމީން އަވަހާރަކޮށްލަން އުޅުމާއި އެކަމާ ގުޅުން ހުރި މައްސަލަތަކުގައި ހައްޔަރުކޮށް ޖަލު ބަންދުގައި ހުންނަވަނިކޮށް 2017 ވަނަ އަހަރު އެވެ.
ކުރީގެ ރައީސް އަބްދުﷲ ޔާމީން އަވަހާރަކޮށްލަން އެމަނިކުފާނުގެ ރަސްމީ ލޯންޗްކޮޅުގައި ބޮމެއް ގޮއްވާލުމާއި އެމްއެމްޕީއާރުސީގެ 1.4 ބިލިއަން ރުފިޔާގެ ހިޔާނާތުގެ އެކި މައްސަލަތަކުގައި އޭނާ އަށް 33 އަހަރުގެ ޖަލު ހުކުމެއް އިއްވި އެވެ. އެކަމަކު، އަދީބަށް ކުރި ހުކުމްތައް ވަނީ ބާތިލްކޮށްފަ އެވެ.
އަދީބު މިއަދު ކުރެއްވި ޓުވީޓެއްގައި ވިދާޅުވީ ޒިންމާ އިން ރެކިވަޑައިގަތުމާއި ފިއްލެވުމަކީ އުސޫލެއް ނޫން ކަމަށާއި އޭނާ އަށް ކުރާ ތުހުމަތުތަކާ ގުޅިގެން ހިންގާ ތަހުގީގަށް ކުރިމަތިލައްވާނެ ކަމަަށެވެ. އަދީބު ވިދާޅުވި ގޮތުގައި ޖަލުގައި ހުންނެވިއިރު، އެތަނުގެ ތޭރިތަކުގެ ތެރެއިން ސުލްހަ އާއި އުންމީދުގެ އަލިކަމެއް ފެނިވަޑައިގެންނެވި އިރު، އެންމެ ހިތްދަތި ވަގުތު މަސައްކަތް ކުރެއްވީ އިންސާފު ހޯއްދެވުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮއި
07 July 2019
ބުރޯ ވިދާޅުވީ ޒިންމާ އިން ރެކިވަޑައިގަތުމާއި ފިއްލެވުމަކީ އުސޫލެއް ނޫން ކަމަށާއި އޭނާ އަށް ކުރާ ތުހުމަތުތަކާ ގުޅިގެން ހިންގާ ތަހުގީގަށް ކުރިމަތިލައްވާނެ ކަމަަށް. ބަލަ ބުރޯ އިތުރު ޗޮއިސް އެއް އެބައޮތްތަ. މުޅި އިންޑޔާގެ ސިފައިން ނާ ފުލުހުން ތިބީ ރެޑު އެލާރޓުގަ މީނަ ފިލިޔަ ނުދޭން ވެގެން. އުޅުނު ހޮޓަލާ ދިވެއްސަކަށް ކާރިވެސް ނުވެވޭ ފުލުހުން ތިބީ ކުއްތާ އާ ބަޑި ހިފައިގެން އަދި އެތަނަށް ވަދެވެނީވެސް ވަރުގަދަޔަށް ޗެކު ކޮއްފަ މެޓަލް ޑިޓެކުޓަރު ދޮރަކުން
ސުންފާ
07 July 2019
އިމޫ 1. އަހަރުން އެންމެން 0. މެޗް ނިމުނީ. ދެން ހިބަރުގަޑު މައިތިރި އަރުވާ! ވީއާ ވިތު ޔޫ ބުރޯ އިމޫ!
ކިޔުންތެރި
07 July 2019
ރައްޔިތުންގެ ލާރިތައްބޭނުންކޮށްގެން އުޅޭކަށްލަދެއްވެސް ނުގަނެދޯ
އަލްޖިބްރާ
06 July 2019
މީނައަށްވެސް ! އާދެ ! ވަޑައިގަންނަވާ ! މިހެންތަ ގޮވަނީ ؟ އެހެންވީއިރު ލުތުފީއަށްވެސް ވަޑައިގަންނަވަން ، ގޮވަންވީނު ؟
ޗަކަސް
07 July 2019
ވަޑައިގަންނަވާށޭ ކުލާހުން އަސާސީ... ލޮލް... ލަމާއޯ
ދަބަރޭ
07 July 2019
މީނާއަކީ ރާއްޖޭގެ ނައިބު ރައީސްކަން ކުރި މީހެެއް. ލުތުފީއަކީ 19 ދިވެހިން މަރާލި ބާޢީއެއް
ގޯސް
06 July 2019
މީނާ ވަޑައިގެންފިއޭ ކިއާތީވެސް މަހާދަ ފޫއްސެއްވޭ.
ޑެލްބޯއި
06 July 2019
ފުރަތަމަ ފަހަރު މާލެ އަންނާނެ. ދެންދާ ފަހަރު ވެސް އަންނާނެ ދެން އަދީބު ބޭހަށް ހަމަހުން ހަތަރު މަހުން ދިއުން އެއީ އާދައަކަށް ވެދާނެ. އިސާހިތަކު އަދީބު ބޭހަށް ދިއުން އެއީ މާ މުޙިއްމު ކަމަކަށް ނުވާނެ. މީހުންގެ ހަދާނުން ފޮހެވޭ އިރު އަދީބު އުޅޭނީ ރާއްޖެއިން ބޭރުގައި. މީ ދަންނަ ކުޅިވަރެއް.
ޖަޒީރާމޭން
06 July 2019
ޖަލުން ނެރުނީމަ އަނެއްކާވެސް ހާދަ ފަލަވާން ފަށައިފިއެ.. ކޮންތާކުން އަންނަ ރުފިޔާއެއް މިހާރު ތިކަނީ.؟
ޙަބީބު
06 July 2019
އަދީބަކީ ހަރުކަށި އަދަބު ކަނޑައަޅަން ޖެހޭމީހެއް ފޯސީޒަންރިސޯޓައް ވޯވައްދިނީވެސް މޭޒުދަށުން ފައިސާނަގައިގެން ކޮބާ ބިޑުކުރި އެއްވެސް ހެއްކެއް ދައުލަތައް ބައިރުފިޔާއެއްވެސް ނުވަދޭ މީހަރާމްކޯރުވުން ނޫންތޯ
އެފުއްމިފުށައް މިފުއްއެފުށައް
06 July 2019
އަދީބު ފިލުވީކަމަށާއި، އޭނާ ދެން ނާންނާނެ ކަމަށާއި، އޭނާ އަތުވެއްޖެނަމަ ލޮނުލައިގެން ނުކާނެކަމަށް ބުނި ޕިންކު ކުދިންކޮޅު މިރޭ ކާނީކޯޗެއްބާ؟
ކިއްލިބާޝާ
06 July 2019
ބަތާ ގަރުދިޔަޔާ، ލޮނުމިރުހާ ތެއްލިފަތް އަޅާލައިގެން.
ޝަމްއާން
06 July 2019
ކާޅު އެއްޗިހި ވެސް ވަޑައި ގަންނާނީ ދޯ..