11 ޖުލައި 2019 - 10:58
8 comments
ހުޅުމާލޭގައި އިއްޔެ ބިދޭސީ މީހާ މަރުވީ އެންމެ ސިމެންތި ބަސްތާއެއް ދަށުވެގެން ނޫން ކަމަށާއި ވެއްޓުނީ ގިނަ އަދަދެއްގެ ސިމެންތި ބަސްތާ ހުރި ޖަމްބޯ ބޭގެއް ކަމަށް ފުލުހުން މިއަދު ބުނެފި އެވެ.
ހުޅުމާލޭ ސެންޓްރަލް ޕާކް ކައިރީގައި ޖާހް އިންވެސްޓްމެންޓުން ހަދަމުން އަންނަ ފެންވަރު މަތީ އެޕާޓްމަންޓް ހިމެނޭ އިމާރާތުގައި އިއްޔެ ހަވީރު ހިނގި ހާދިސާގައި މަރުވީ 24 އަހަރުގެ ބަންގްލަދޭޝްގެ ޒުވާނެކެވެ.
އިމާރާތް ހަދަމުން އަންނަ ކުންފުނީގެ އޮފިޝަލަކު ވިދާޅުވީ ކުރިން އަޑުއަރާފައި އޮތް ގޮތަށް ޖަންބޯ ބޭގް ވެއްޓުނީ އިމާރާތުން ނޫން ކަމަށެވެ. އެ ހާދިސާ ހިނގީ މަސައްކަތަށް ބޭނުންވާ ސާމާނު ރައްކާކޮށްފައި ހުންނަ ގުދަނުގެ ތެރޭގައި ކަމަށް އޭނާ ވިދާޅުވި އެވެ.
މަތިމައްޗަށް ޖަހާފައި ހުރި ތަނުން ޖަންބޯ ބޭގެއް ވެއްޓުނު އިރު، މަސައްކަތްމީހާ އޮތީ އެހެން އެއްޗެއް ނަގަން ގުދުވެގެން ކަމަށް ވެސް އޮފިޝަލް ވިދާޅުވި އެވެ.
"އޭނާ އޮތީ ބަސްތާއެއް ނަގަން ގުދަށް. އެހެން އޮއްވާ ޖަންބޯ ބޭގް އޭނާގެ ގައި މައްޗަށް ވެއްޓުނީ،" އޮފިޝަލް ވިދާޅުވި އެވެ.
ހުޅުމާލޭ ހޮސްޕިޓަލަށް ގެންދިޔަ އިރު ވެސް އެ މީހާ އޮތީ މަރުވެފައި ކަމަށް ފުލުހުން ބުންޏެވެ.
މިދިޔަ ހޮނިހިރު ދުވަހު ހަމަ އިމާރާތުގެ ލިފްޓް ކޭބަލް ކަނޑައިގެން ގޮސް ވެއްޓި ބިދޭސީއަކަށް ބޮޑެތި އަނިޔާތަކެއްވި އެވެ. އެކްސިޑެންޓް ހިނގީ ހަތް ވަނަ ފަންގިފިލާ އިން ލިފްޓުން އެއްޗެހިތަކެއް ބާލަން އުޅުމުގެ ތެރޭގަ އެވެ.
އޭނާގެ ބައެއް ތަންތަން ބިނދި، އައިޖީއެމްއެޗުގައި އަންނަނީ ފަރުވާދެމުންނެވެ.
ހަދަމުންދާ އިމާރާތްތަކުގެ ސަލާމަތީ ކަންކަން ދަށްކޮށް މަސައްކަތް ކުރުމުގެ ސަބަބުން ދޭތެރެ ދޭތެރެއިން ނުރައްކާތެރި ހާދިސާތައް ހިނގައި މިފަހުން ބައެއް މީހުން މަރުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ންނަ
11 July 2019
ދެން އަނެއްކާވެސް ނަން ބަދަލުކޮލަާ.. ފްރޮމް ޖާހް ޓު ޖޭޖޭ ....
ސީރިޔާ
11 July 2019
މަރަށް މަރު ހިފަން ނުޖެހޭބާ؟
ދޯ.....
11 July 2019
ޖަންބޯ ބޭގް ނެގި އިރު އެތަނާއި ދިމާލުގައި މީހަކު ހުރިކަން އެގެންޔާ ކީއްވެބާ އެމީހާ ކައިރީ އެތަނުން ދުރަށް ދާން އެތާނގައި މަސައްކަތްކުރާ އެހެން މީހުން ނަށް ނުބުނެވުނީ..
ސައި
11 July 2019
އެއްމަސްތެރޭގައި އެއްކުންފުނިން ނުރައްކާތެރި ދެހާދިސާހިގާ އެކަކުމިވަނީ މަރުވެފަ މިކަންކަމަށް ޒިންމާވާނީ ކޮއްފަރާތެއްތޯ
ވާލުސޮރު
11 July 2019
ޖައުސާއިން އަދިވެސް އިސްތިހާރުކުރާލެއް މަދު، ފުރަތަމަ އިންސާނުންގެ ސަލާމަތާ ރައްކާތެރިކަމަށް އިސްކަންދޭންވީނުންތޯ
ދިވެއެއްސެއް
11 July 2019
ކައިރިކައިރީގައި މިފަދަ ދެ ހާދިސާ އެއް އިމާރާތެއްގައި ދިމާވުމުން މަސައްކަތުގެ ރައްކާތެރިކަމާ މެދު ސުވާލު އުފެދޭ. މަރުވީ ބިދޭސީއެއް ވީމަ ކަންނޭގެ އެހާ މީހުން މިވާހަކަ ނުދައްކަނީ. އެކަމަކު ޖާހް އިންވެސްޓްމެންޓް މިހާދިސާތަކާ ގުޅިގެން ޖަވާބުދާރީ ކުރުވަންޖެހޭ. ސަލާމަތީ ކަންކަން ރަގަޅަށް ހުރިނަމަ ލިފްޓް ވާގަޑު ކަޑާގެން ދިއުން، ސިމެންތި ބަސްތާއެއް ނަގަނިކޮށް ޖަމްބޯ ބޭގް ވެއްޓުން ފަދަކަންކަން ނުހިގާނެ.
އާދަމް ޝަރީފް
11 July 2019
ކަނޑުމަތީގަ އުޅޭއިރު ވިއްސާރައިގަ ޖެހުމާއި މަސްބާނާއިރު މަހުންޖެހުމާއި ބުޅި އަޅައިގަތުމާއި ރުކަށް އަރާއިރު ރުކުން ވެއްޓުމާއި އެހެން މަސައްކަތްތައް ކުރުމުގައިވެސް ނުރައްކާތެރި ހާދިސާ ހިގުމާއި މަގުމަތީ އެކްސިޑެންޓް ވުން ފަދަ ކަންކަން މަދުކުރުމަށް ރައްކާތެރިކަމުގެ ފިޔަވަޅު އެޅުމަކީ މުހިއްމުކަމެއް. އަމިއްލަ އިހުމާލުން ދިމާވާކަންކަމުގައި އެހެން ބަޔަކު ޒިންމާނަގަން ނުޖެހޭ. ސަރުކާރުތަކުންވެސް ހެދޭނީ ގަވާއިދު. އަމަލުކުރުމަކީ ފަރުދީ ޒިންމާއެއް.
ގަޓް ބްރޯ
11 July 2019
މަސައްކަތްކުރާ ތަންތަނުގެ ސަލާމަތީ ކަންކަން ހުރި ނެތްގޮތް ބެލުމަކީ ރާއްޖޭގަ އެއްވެސް ބަޔަކު ކުރާކަމެއްނޫން. ކަމެއް ދިމާވީމަ ދެން ހީވާނީ އެހެންފަދަ ކަމެއްހެން. ސަލާމަތީ އެއްވެސް ފިޔަވަޅެއްނާޅާ އުސް އިމާރާތަކުގެމަތީ ބިދޭސީން ނުރައްކާތެރި ގޮތްގޮތަށް މަސައްކަތްކުރަނީ ސިއްރަކުންނޫން އެންމެނަށް ހާމަޔަށް ފެންނަގޮތަށް. އެއީ އެކަން ހުއްޓުވާނެ ބަޔަކު ނެތްކަން އެނގޭތީ.