ލޮލުގެ ފަރުވާގެ ހިދުމަތްތައް ފުޅާކުރަން އެހީދިނުމުގެ އެއްބަސްވުމުގައި ހެލްތު މިނިސްޓަރު އަމީން (ވ) އަދި ޗައިނާއިން ރާއްޖެ ކަނޑައަޅާފައި ހުންނަވާ ސަފީރު ޒޭންގް ލިޒޯންގް ސޮއިކުރައްވަނީ.-- ފޮޓޯ: ހުސެއިން ވަހީދު/މިހާރު
24 ޖުލައި 2019 - 13:05
17 comments
ރާއްޖޭގައި ދޭ ލޮލުގެ ފަރުވާގެ ހިދުމަތްތައް ފުޅާކުރަން ރާއްޖެ އާއި ޗައިނާ އިން މިއަދު އެއްބަސްވުމެއްގައި ސޮއިކޮށްފި އެވެ.
ހެލްތު މިނިސްޓްރީގައި ބޭއްވި ރަސްމިއްޔާތުގައި އެހީގެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ހެލްތު މިނިސްޓަރު އަބްދުﷲ އަމީނެވެ. ޗައިނާގެ ސަރުކާރުގެ ފަރާތުން ސޮއިިކުރެއްވީ އެ ގައުމުގެ ފަރާތުން ރާއްޖޭގައި ހުންނަވާ ސަފީރު ޒޭންގް ލިޒޯންގެވެ.
އެ އެއްބަސްވުމުގެ ދަށުން، ލޮލުގެ ފަރުވާ ދޭ ހާއްސަ މަރުކަޒު ގާއިމްކުރަން ހަމަޖައްސާފައި ވަނީ ހުޅުމާލެ ހޮސްޕިޓަލުގަ އެވެ. އެގޮތުން، އެތަނުން ދޭ ހިދުމަތްތައް ފުޅާކޮށް އާ ހިދުމަތްތައް ތައާރަފްކުރަން ވަނީ ހަމަޖައްސައިފަ އެވެ. އަދި ހުޅުމާލޭގެ ހޮސްޕިޓަލްގެ ލޮލުގެ ޑިޕާޓްމަންޓް އިތުރަށް ހަރުދަނާކޮށް، ލޮލުގެ އެންމެ އާދައިގެ ފަރުވާތަކުން ފެށިގެން ހާއްސަ ސާޖަރީތައް ހެދޭ ފެންވަރަށް ތަރައްގީީ ކުރުމަށް ނިންމާފައިވާ ކަމަށް ހެލްތު މިނިސްޓްރީން ބުންޏެވެ.
ހުޅުމާލޭ ހޮސްޕިޓަލުން ލޮލުގެ ފަރުވާ ދިނުމަށް ބޭނުންވާ އާލާތްތައް ޗައިނާ ސަރުކާރުން ހޯދައިދޭން ވަނީ ނިންމާފައި.---ފައިލް ފޮޓޯ: މިހާރު
ހުޅުމާލޭ ހޮސްޕިޓަލުން އާންމުންނަށް ދޭ ލޮލުގެ ފަރުވާއާ ގުޅޭ އާލާތްތައް މި އެއްބަސްވުމުގެ ދަށުން ޗައިނާ ސަރުކާރުގެ ފަރާތުން ހަދިޔާކުރާނެ އެވެ. އަދި ފަރުވާ ދިނުމަށް ޗައިނާގެ ލޮލުގެ ހާއްސަ ޑޮކްޓަރުން ހުޅުމާލޭ ހޮސްޕިޓަލްގައި މަސައްކަތްކުރާނެ އެވެ. މީގެ އިތުރުން، ދިވެހި ޑޮކްޓަރުންނާއި ނަރުހުންނަށް ބޭނުންވާ ތަމްރީނުތައް ޗައިނާގައި ދޭނެ އެވެ.
ޗައިނާ ސަރުކާރުގެ އެހީގައި 2015 އަދި 2017 ވަނަ އަހަރު ވެސް ލޮލުގެ ހާއްސަ ކޭމްޕްތަކެއް ރާއްޖޭގައި ހިންގި އެވެ. އެ ކޭމްޕުތަކުގައި 1،000 އަށް ވުރެ ގިނަ މީހުން ސްކްރީންކޮށް 186 މީހުންގެ ކެޓަރެކްޓް ސާޖަރީ ހެދި އެވެ. އަދި 9.2 މިލިއަން ރުފިޔާގެ ލޮލުގެ ފަރުވާއާ ގުޅޭ އާލާތްތައް ޗައިނާ އިން ރާއްޖެ އަށް ހަދިޔާކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިހާ
24 July 2019
ތިޔަ ފަރުވާތަކުގެ ފަހުން ދެން ރާއްޖޭގައި ތިބޭނީ ހުސް ލޯ ކުދި މީހުންތަ އަނެއްކާ؟
ބޮޑުމީހާ
24 July 2019
ޗައިނާއިން ތި ދިން އެހީއާއިއެކު ކިތައް ސިފައިން ރާއްޖޭގައި ހަރަކާތްތެރިވާނެތޯ؟ ނުވާނަަމަ އިންޑިއާއިންވެސް ޗައިނާއިން އެހީ ދޭ ގޮތަށް ދޭން އުޅެބަލަ
ރާއްޖެ
24 July 2019
ޜަގަޅު ކަމެއް. ގިނަ ދިވެހިން މިތިބީ ލޮލަށް ބޭސް ކުރަން ޖެހިފައި
މަރޭމިރުތާ
24 July 2019
މި ޚިތުމަތް އެންމެ ފުޅާކޮށް ދޭންފެންނަ ބަޔަކީ މިއުޅޭ ރީނދޫ ކުދިންކޮޅު! އޭރުން ޔާމީން ކޮށްދީފައި ހުރި ތަރައްޤީވެސް ފެނިދާނެ ތޯއްޗެއް! މިހާރު ފެންނަނީ ހަމަ އެކަނި ޔާމީނުގެ ކަރަޕްޝަން ވިއްޔަ!
ނިހާއޯ
24 July 2019
ޗައިނާއިން ތިދިން ރައްދައްވުރެ ބޮޑު ރައްދެއް މިވީހާތާކު އަދި ދީފައެއްނުވޭ! ސާފު ބަހުން އެބުނީ "ލޮލަށް ބޭސްކޮށްގެންނަމަވެސް ޗައިނާ ސަރުކާރުން ކޮށްދީފަހުރި ތަންތަން ނިކަން ސާފުކޮށް ބަލާލަބަލާށޭ"
ވަތުއޮޑި
24 July 2019
އަމީން ހާދަ ހިންގާލައޭ ދޯ
ފަރީދުު
24 July 2019
އެއްވެސް ޝައްކެތްނެއް. މި ސަރުކާރުގެ އެންމެ ދުވެލި ބާރު ވުޒާރާ ސިއްހަތު ވުޒާރާއަކީ.
ނޫންތޭ
24 July 2019
ރާއްޖޭގައި ލޮލުގެ ފަރުވާގެ ހިދުމަތްތައް ފުޅާކުރަން ޗައިނާ އިން އެހީވަނީ ނަމަ އެއީ މަމެން އުފާ ކުރާ ކަމެކޭ މަމެން އުއްމީދު ކުރަމޭ ރައީސް އިބޫގެ ސަރުކާރުން އިންޑިއާ އަށް މާލެ ސަރަހައްދުގެ އެއްވެސް ކަމެއް ނުދޭނެ ކަމަށް މާލެ ސަރަހައްދުގެ އިންފްރާސްޓްރަކްޗަރ ތަރައްގީ ކުރަން ދޭންވީ ސީދާ ޗައިނާ އަދި ސިންގަޕޯރ އަށޭ އިންޑިއާ އަށް ދީ ދަ ރާއްޖެތެރޭގެ ކަންކަން ކުރަން އެގޮތުން އައްޑޫ އަދި ފުވައްމުލަކުގެ ކަންކުރަން ކަމަށް ބުނެ ހާވާލާ ހާވާލާ އެމެން ތިބެދާނެ
ކަދުރޭ2
24 July 2019
އާ ތިކަން ކުރަން ވެއްޖެ. މިދިޔަ ފަސް އަހަރު އަޅާފަހުރި ފްލެޓްތަކެއް ނުފެނޭ ކުރިކަމެއް ނުފެނޭ ގިނަ ލީތަކަކަށް. އަދި ބޮލައްބޭސް ކުރަންވެސް އެބަޖެހޭ.
ލަކްސްމީ
24 July 2019
ލޮލުގެ ފަރުވާއާ ގުޅޭ އާލާތްތައް، ފަރުވާ ދިނުމަށް ޗައިނާގެ ލޮލުގެ ހާއްސަ ޑޮކްޓަރުން، ދިވެހި ޑޮކްޓަރުންނާއި ނަރުހުންނަށް ބޭނުންވާ ތަމްރީނުތައް. ހުސް ހަމަ ރަނގަޅު ކަންކަން. ޝުކުރިއްޔާ ސިއްހަތު ވަޒީރު.