މާލިއްޔަތު ކޮމިޓީގައި ޝަރީފް (ވ) މެމްބަރުންގެ ސުވާލުތަކަށް ޖަވާބު ދެއްވަނީ. --ފޮޓޯ/މަޖިލިސް
28 ޖުލައި 2019 - 12:11
42 comments
ބޭންކް އޮފް މޯލްޑިވްސް (ބީއެމްއެލް)ގެ ޑެޕިއުޓީ ސީއީއޯ މުހައްމަދު ޝަރީފް، މާލިއްޔަތު ކޮމިޓީ އަށް އޮޅުވާލާފައިވާ ކަމަށް ތުހުމަތުކޮށް ރައްޔިތުންގެ މަޖިލީހުން ހުށަހެޅި މައްސަލަ ފުލުހުން ތަހުގީގު ކުރަން ފަށައިފި އެވެ.
ފުލުހުންގެ މީޑިއާ އޮފިޝަލަކު މިއަދު ވިދާޅުވީ މަޖިލީހުން ހުށަހެޅި މައްސަލަ ބަލަމުން އަންނަ ކަމަށެވެ. އެކަމަކު ތަހުގީގަށް އަދި ޝަރީފް ހާޒިރެއް ނުކުރެ އެވެ.
އެމްއެމްޕީއާރުސީ މެދުވެރިކޮށް ހިންގި 1.3 ބިލިއަން ރުފިޔާގެ ޚިޔާނާތުގައި ބީއެމްއެލްގެ އިހުމާލާ ގުޅޭ ގޮތުން މާލިއްޔަތު ކޮމިޓީގައި މެމްބަރުން ޝަރީފާ ސުވާލުކުރުމުން އޭނާ ބައެއް ވާހަކަތައް ވިދާޅުވީ ހަގީގަތް ފޮރުވަން އޮޅުވާލައިގެން ކަމަށް މަޖިލިހުން ވަނީ ތުހުމަތުކޮށްފަ އެވެ. އަދި ފަހުން ބެލި ބެލުމުން އެކަން ސާފުވެފައިވާ ކަމަށް ވެސް މަޖިލީހުގެ ރައީސް މުހައްމަދު ނަޝީދު ވަނީ ވިދާޅުވެފަ އެވެ.
އެނގިފައިވާ ގޮތުގައި ޝަރީފް ދޮގު ހެއްދެވި ކަމަށް ތުހުމަތު ކުރަނީ އެމްއެމްޕީއާރުސީން ދޫކުރި ބައެއް ރަށްރަށުގެ އެކުއިޒިޝަން ކޮސްޓްގެ ގޮތުގައި އެކި ފަރާތްތަކުން އެ ކުންފުންޏަށް ދިން ޗެކްތަކުގެ ތެރެއިން "ނޮޓް ނެގޯޝިއަބްލް" ޗެކްތަކެއް ވެސް ބީއެމްއެލުން އެސްއޯއެފަށް ޖަމާކޮށްދިން ކަމަށް ބުނާ މައްސަލައިގަ އެވެ.
"ނޮޓް ނެގޯޝިއަބްލް" ޗެކްތައް ޖަމާކުރަން ޖެހޭނީ ހަމައެކަނި ޗެކްގައި ލިޔެފައި އޮންނަ ފަރާތުގެ އެކައުންޓަށެވެ. އެކަހަލަ އެއްވެސް ޗެކެއް އެސްއޯއެފްގެ އެކައުންޓަށް ޖަމާކޮށްފައި ނުވާނެ ކަމަށް، ފެށުނީއްސުރެ ބީއެމްއެލުން އަންނަނީ ބުނަމުންނެވެ. މާލިއްޔަތު ކޮމިޓީގެ ބައްދަލުވުމުގައި ވެސް އެ ބޭންކުން ތަކުރާރުކޮށް، ބުނަމުން ދިޔައީ އެފަދަ ޗެކެއް ޖަމާކޮށްފައި ނުވާނެ ކަމަށެވެ.
އެކަމަކު ނޮޓް ނެގޯޝިއަބްލް ޗެކްތަކެއް ބީއެމްއެލް އިން ޖަމާކޮށްދީފައިވާ ކަމަށް ތަހުގީގަށް ހެކި ލިބިފައިވާ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން ވަނީ ބުނެފަ އެވެ.
މި ތުހުމަތުތަކަށް ރައްދު ދެއްވައި ބީއެމްއެލް އިން ނެރުނު ބަޔާނެއްގައި ބުނީ ޝަރީފް، މަޖިލީހަށް މައުލޫމާތު ދެއްވީ އެމްއެމްޕީއާރުސީ އާއި އެސްއޯއެފްގެ މުއާމަލާތްތަކާ ގުޅިގެން ފެންނަން ހުރި ރެކޯޑުތަކުގެ މައްޗަށެވެ. އޭނާގެ އެއްވެސް ވާހަކައެއްގައި ހަގީގަތް އޮޅުވާލާފައި ނުވާނެ ކަމަށް ބީއެމްއެލް އިން ވަނީ ބުނެފަ އެވެ.
ބީއެމްއެލުން ބުނިގޮތުގައި ޗެކު އިމޭޖިން އެންޑް ޓްރާންސެކްޝަންގެ ދަށުން ޗެކު ކްލިއަރެންސް 2016 ގައި ފެށުމާ ހަމައަށް އެ ބޭންކުގެ އެކައުންޓްތަކަށް ޖަމާކުރާ އެހެން ބޭންކްތަކުގެ ޗެކުތައް އަދި ޗެކުތަކުގެ އިމޭޖަކީ ވެސް ބޭންކުގެ ރެކޯޑުގައި ބަހައްޓާ އެއްޗެއް ނޫނެވެ. ބީއެމްއެލް ނޫން އެހެން ބޭންކެއްގެ ޗެކެއްގެ ކްލިއަރެންސް ފުރިހަމަވެ އަދި އެ ޗެކަށް ފައިސާ ދޫކުރާނީ ވެސް އެ ޗެކެއް ދޫކޮށްފައިވާ އެކައުންޓް ހުޅުވާފައިވާ ބޭންކަކުން ކަމަށް ބަޔާނުގައިވެ އެވެ.
އެފަދަ ޗެކުތަކުގެ ރެކޯޑު ވެސް ހުންނާނީ އެ ބޭންކެއްގައި ކަމަށް ބީއެމްއެލް އިން ބުންޏެވެ. މި މައްސަލައިގައި ހިމެނޭ އެފަދަ ޗެކުތަކުގެ ކޮޕީ ހޯދަން އެދިފައިވާ ކަމަށް ވެސް ބީއެމްއެލް އިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
29 July 2019
މުޅި އެމްއެމްޕީއާރުސީ ލިސްޓްގަ އޮތީ ޔާމީނުއާއި، ބޭންކް ޝަރީފާއި، އެމްްއެމްއޭގެ ނަސީރު. ކޮބާތަ އަދީބު މައްސަލަ ނުބަލަނީތަ. ލާރި ޖަމާވި އެހެންމީހުންގެ މައްސަލަތައް ކޮބާ
ރީތި މޫސަ
29 July 2019
ކޮންމެފަހަރަކު އެމްޑީޕީ ވެރިކަމުގަ ބޭންކު ފުޑާލަން އުޅެނީ ބޭރުބަޔަކަށް ކުއްޔަށްނުގެވިގެންބާ؟
ޢިބްރާހިމް
28 July 2019
ޜާވައިގެން މީހުންނޭ ކިޔައިގެން ފަތުރާ ދޮގު ވާހަކަ
މުފައްކިރު
28 July 2019
ދުއްވާލަން ބޭނުން ކޮންމެ މީހެއްގެ ޝަރީޢަތް ތަޙުގީގު އެބަ ހިންގާ. މީތަ އެޖެންޑާ 19 ގެ އިންސާފަކީ. ކޮބާ އެމް އެމް ޕީ އާރ ސީ ގެ މައްސަލާގައި އޭސީސީ ން ޢާއްމު ކުރި ލިސްޓްގައިވާ އެމް ޑީ ޕީ އަދި މިސަރުކާރުގެ ފިކުރުގެ މީހުން. ހުދު ކާފޫރު ދޯ؟ އެދޭގޮތަށް އިންސާފު ޤާއިމު ކުރެވޭނީ މިވަރަށް. މީތަ އެކިޔާ ކޮރަޕްޝަން ޒީރޯ ޓެލޮރެންސް އަކީ ؟
މާރަނގާ - އައްޑޫ ސިޓީ
28 July 2019
އިންސާނެއްވީއްޔާ ލަދެއްއަޤަލެއްހުންނާންވާނެ. ބީއެމްއެލްއަކީ ދައުލަތާއިރައްޔަތްޙިއްސާވާ Public limited Bank އެއް. * * ޝަރީފުއާއި ނޫރައްދީނަކީ ދައުލަތްކަޅާކޮށްލިވައްކަމުގެފައިސާ BML ތެރެއިންދޮވުނުމައްސަލައިގަޒިންމާނަންގަވަންޖެހޭ ބެންކްގެ އެންމެއިސް 2 އޮފިޝަލުން. * * މާދަމާވެސް ވަޒީފާއަށް ނިކުމެވަޑައިގަންނަވާނީތޯ؟ މިފަދަހާލަތުގައި ޙިއްސާދާރުންނޭދޭނެ މިފަދަތުހުމަތުކުރެވޭވެރިން މަޤާމްގައި ދެމިތިބޭކަށް. އިސްތިއުފާ ދެއްވާ ތަޙްޤީގަށް އެއްބާރުލުންދެއްވާ.
މާރަނގާ - އައްޑޫ ސިޓީ
28 July 2019
އައިޝަތު ނޫރައްދީނާއި ޝަރީފު ބޭންކްގައިއުމުރުހޭދަކުރިކަމުގައިވިޔަސް ބައެއްބޭފުޅުން އެމީހުނަށްތައުރީފުގެބަސްބުނަމުން “އެއީވަރަށް ޕްރޮފެޝަނަލްބައެއްކަމަށް” ބުނާބުނުންޤަބޫލެއްނުކުރެވޭނެ. * * ޔާމީންގެވެރިކަމުގައި “ދައުލަތްކަޅާކޮށްލި ވައްކަން” ކުރިމީހުން ބީއެމްއެލްތެރެއިންފައިސާދޮވުނުކަންކިތާބީހެކި އަދި އެހެނިހެންހެއްކާއިއެކުހާމަވާއިރުވެސް މިބޭފުޅުން އިސްތިއުފާދެއްވުމުގެބަދަލުގައި ޕަބްލިކްބޭންކްގެ ވަޒީފާގައިބަގުނޑިބައްދާންއުޅެނީ ޕްރޮފެޝަނަލްނޫންވީމަ.
ކަބީ
29 July 2019
މާއެގޭ މީހަކަށް ހެދިގެން އުޅޭ ބޭކަލެއް
މާރަނގާ - އައްޑޫ ސިޓީ
28 July 2019
ބޭންކުން ހިއްސާ ބައްލަވައިގެންތިއްބެވި ޙިއްސާދާރުން ޖުލައި 30 ވަނަދުވަހުގެރޭ އޮންނަ ބޭންކް އާންމުޖަލްސާއަށްވަޑައިގެން ޒަމާނުއްސުރެން އާންމުޙިއްސާދާރުންގެފަރާތުން ބޯޑްގައިއިންނަވާ އަފީފު އާއިލާގެބޭފުޅާއާއި ޝަރީފް އަދި އައިޝަތު ނޫރައްދީނަށް ކަމުގެހަޤީގަތްހާމަކޮށްދެއްވުމަށް ހުށަހަޅުއްވާ. * * އެރޭގެޖަލްސާގަ އާންމުމެންބަރުން ޔައުމީއްޔާ ފާސްކޮށްނުދެއްވައިފިނަމަ ބޭންކަށް ބައިނަލްއަޤުވާމީ މުއާމަލާތަށް ދަތިތަކެއް ކުރިމަތިވާނެ. ޖަލްސާއަށް ވަޑައިގަންނަވާ.
ސްމާރޓް
29 July 2019
މިފަހަރު ބޯޑައް މާރަނގާ އައްޑޫސިޓީ ހޮއްވަވާދެއްވާ
ހުކޫމަތުލް
28 July 2019
ތީނަތީ ޖަރީމާގެ ބައިވރިއެއް ޔަގީނާ ގާތައް ޝައްކު
އެޑަމް
28 July 2019
ބިސާމު މަޖިލިހުގާ ހެދީދޮގުކަން މުޅިޕަބުލިކައްއެގޭ އެކަމުޢޭނަހެދީދޮގުކަން މަޖިލިހުގެ ކޮމެޓީގަތިބިބޭފުޅުންނައް ނޭގެނީބާ?ނޫންނަމަ ޔާމީނާއެހާރައްޓެހިފުޅު ބޭފުޅަކައްވާތީބާ?
އެޑަމްް
28 July 2019
ޤާނޫނު ހަދާ މަޖިލިހަކީ ސަރުކާރަށާކުންފުނިތަކައްމީހުން ވައްދާ ކަޑާ ހަދަންތިބޭބައެއްނޫނެވެ.މިގޮތައްމިކަންހިގާނަމާ ދުވަހަކުވެސްކަރަޕުސަނެއް ނުހުއްޓުވޭނެ އަދިރައީސަކައްވެސްނުޖެހޭ މެމްބަރުންގެދަށުވެފިތިގެންއެމެމްބަރުންގެކެމްޕޭން ވަޢުދުތައްފުއްދަދޭންއުޅޭކައްމިހެންމިކަންކުރީމަތަންތަނައްވަގުންވައްދައިގެންތަންތަންދޮވެލައިގެންބައިއަޅަނީ މީހަގީގަތްއަޅުގަޑުމެންނައްއޮތީ ޓެކުހުގެގޮތުގާ އެމީހުންވަގައްނަގާނެ ފައިސާޖަމާކޮއްދިނުން!!!