މިނިވަން ދުވަހުގެ ރަސްމީ ބައްދަލުކުރެއްވުމުގެ ރަސްމިއްޔާތުގައި ކުރީގެ މަޖިލީހުގެ ރައީސް ގާސިމް އަދި މިނިސްޓަރު އަސްލަމް ބައިވެރިވެވަޑަޢިގަންނަވަނީ.-- ފޮޓޯ: ހުސައިން ވަހީދު /މިހާރު
06 އޯގަސްޓް 2019 - 15:00
56 comments
ރިސޯޓުތަކުގެ މުވައްޒަފުންނަށް ސާވިސް ޗާޖުގެ ގޮތުގައި އެންމެ މަދުވެގެން 10 ޕަސަންޓު ދިނުމަށް ދެކޮޅު ނުހައްދަވާ ކަމަށް ވިލާގެ ރިސޯޓުތަކުގެ އިސްވެރިޔާ އަދި މާމިގިލި ދާއިރާގެ މެމްބަރު ގާސިމް އިބްރާހިމް މިއަދު ވިދާޅުވެއްޖެ އެވެ.
ރައްޔިތުންގެ މަޖިލިހުގެ އިގްތިސާދީ ކޮމިޓީން ވަނީ ރިސޯޓުތަކުގައި މަސައްކަތް ކުރާ މުވައްޒަފުންނަށް ގަވައިދުން ސާވިސް ޗާޖް ދެމުންދޭތޯ ބަލައި އެ މީހުންނަށް ސާވިސް ޗާޖް ދިނުމުގައި އަމަލު ކުރާ އުސޫލާ ގުޅޭ ގޮތުން އެކުލަވައިލި ރިޕޯޓު މަޖިލިހުގެ މެމްބަރުންގެ އިއްތިފާގުން މިއަދު ފާސްކޮށްފަ އެވެ.
ރިޕޯޓުގައިވާ ގޮތުން، ރިސޯޓަކުން އެއް ހަމައަކުން ކަންކަން ކުރުމަށް ބާރު އެޅުމަށް ރިސޯޓުތަކުން ސާވިސް ޗާޖް ނެގުން ލާޒިމް ކުރަން އެ ކޮމިޓީ އަށް ފެނެ އެވެ. ރިޕޯޓުގައި ވަނީ ސާވިސް ޗާޖްގެ ގޮތުގައި ނެގޭނެ އެންމެ މަދު މިންވަރަކީ 10 ޕަސަންޓު ކަމަށް ކަނޑައަޅައި ގާނޫނަށް އިސްލާހު ގެންނަން ލަފާ ދީފަ އެވެ.
އިގްތިސާދީ ކޮމިޓީގެ ރިޕޯޓަށް ބަހުސް ކުރައްވަމުން ވިލާ ގްރޫޕްގެ ޗެއާމަން ކަން ކުރައްވާ ގާސިމް ވިދާޅުވީ، ރިސޯޓް މުވައްޒަފުންނަށް މުސާރައާ އެކު ސާވިސް ޗާޖު ދިނުމަށް ހުރި ދަތިތަކާ ގުޅޭ ގޮތުން އެ ސިނާއަތުގެ އިސް ބޭފުޅުންގެ ލަފާ ހޯދުމަކީ މުހިންމު ކަމެއް ކަމަށެވެ.
ގާސިމް ވިދާޅުވީ، ރިސޯޓްތަކުގައި ބައެއް ހިދުމަތްތައް ކްރެޑިޓަށް ދެމުން އަންނަ ކަމަށާއި އެ ފައިސާ ވަގުތުން ނުލިބުމުގެ ސަބަބުން މުސާރައާ އެކު، ސާވިސް ޗާޖު ދިނުމަށް ދަތިތަކެއް ކުރިމަތިވާ ކަމަށެވެ. އަދި ކޮންމެ ކަމެއްގައި ވެސް އެ މަސައްކަތެއް ކުރުމުގައި އުޅޭ މީހުންގެ ލަފަ އާއި އިރުޝާދުތައް ހޯދުމަކީ ކޮންމެ ވެރިކަމެއް އޮތް ކަމުގައި ވިޔަސް، އޮންނަން ޖެހޭ ކަމެއް ކަމަށް އޭނާ ވިދާޅުވި އެވެ.
"ސާވިސް ޗާޖު މި ލިބެނީ އެ ތަނަކަށް ލިބޭ ހުރިހާ އެއްޗަކަށް (ބަލާފައި). ސާވިސް ޗާޖު ނަގާއިރު އެ ކޮންމެ ޕަސެންޓެއް ވިޔަސް އިންވޮއިސް ހަދައިގެން އެއް މަސް، ދޮޅު މަސް ފަހުން ބައެއް ފަހަރު ނުލިބި އެބަދޭ ބޭންކަރަޕްޓް ވެގެން. ތިން ހަތަރު ލައްކަ ޑޮލަރުން،" ރައްޔިތުންގެ މަޖިލީހުގެ ކުރީގެ ރައީސް ގާސިމް ވިދާޅުވި އެވެ.
އޭނާ ވިދާޅުވި ގޮތުގައި ސާވިސް ޗާޖުގެ ގޮތުގައި އެހާ ގިނަ އަދަދެއްގެ ފައިސާ ބޭންކްތަކުން ދިނުމަށް އެއްބަސް ނުވުމަކީ ވެސް މައްސަލައެކެވެ. އެގޮތުން، ރާއްޖޭގައި ހިންގާ ސްޓޭޓް ބޭންކް އޮފް އިންޑިއާ (އެސްބީއައި) ގެ މަސައްކަތުގެ "ސައިޒް" ކުޑަ ކުރަން އުޅޭ ކަމަށް އޭނާ ވިދާޅުވި އެވެ.
ގާސިމް ވިދާޅުވީ، ދަތުރުފަތުރުގެ ނިޒާމާއި ޑައިވިން ސެންޓަރުތައް ފަދަ ތަންތަނުން ހިދުމަތްތައް ދީގެން ސާވިސް ޗާޖުގެ ގޮތުގައި މުވައްޒަފުންނަށް ފައިސާ ދޭން ވެއްޖެ ނަމަ، އެއީ ވަރަށް ދެރަ ކަމެއް ކަމަށެވެ.
"މިސާލަކަށް ރަށްރަށުގައި އެބަހުރި ކުއްޔަށް ފިހާރަތައް ދޫކޮށްފައި. އެއިން ސާވިސް ޗާޖު ނަގަން ވެއްޖެ ނަމަ، ކިހިނެއްތޯ އެކަން ކުރާނީ؟ އަޅުގަނޑުމެން ބޭނުންވޭ ގިނަ ލާރި ދޭން. ވިލާގެ ރިސޯޓުތަކުން ހަމަ ގައިމު ވެސް 10 ޕަސަންޓު (ސާވިސް ޗާޖު) ނަގަން،" ޖުމްހޫރީ ޕާޓީގެ ލީޑަރު ކަން ކުރައްވާ ގާސިމް ވިދާޅުވި އެވެ.
ވަޒީފާއާ ބެހޭ ގާނޫނުގެ 51 ވަނަ މާއްދާގެ (ހ) ގައި ވާގޮތުން ސާވިސް ޗާޖުގެ ގޮތުގައި ވަޒީފާދޭ ފަރާތަށް ލިބޭ ފައިސާގެ ޖުމްލަ އަދަދުގެ ތެރެއިން އެއް ޕަސެންޓަށް ވުރެ ގިނަ ނޫން އަދަަދެއްގެ ފައިސާ އިދާރީ ފީއެއްގެ ގޮތުގައި ކެނޑުމަށް ފަހު ބާކީވާ ފައިސާ ހިނގަމުންދާ މަސް ނިމުމުގެ ކުރިން އެ ފަރާތެއްގެ މުވައްޒަފުންނަށް ބަހައި ނިންމަން ޖެހޭނެ އެވެ. ގާނޫނުގައިވާ ގޮތުގެ މަތިން ބައެއް ރިސޯޓުތަކުން ވެސް މުވައްޒަފުންނަށް ސާވިސް ޗާޖުގެ ގޮތުގައި ބޮޑު އަދަދެއް ދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަސްޓަމަރު
07 August 2019
ސާރވިސް ޗާރޖަކީ ހަމައެކަނި ހިދުމަތްދޭން ހުންނަ މުއައްޒަފަށްދޭންނަގާ އެއްޗަކަށް ކިޔާނަމެއްނޫން. އެއީ ޚިދުމަތް ދޭތަން އެއްފެންވަރެއްގަ ބެހެއްޓުމައްޓަކައި މަރާމާތުކުރުންފަދަ ކަންކަމަށް ބޭނުންކުރުމަށްވެސް ނެގޭ ފައިސާއެކެވެ. އެހެންކަމުން ސާރވިސް ޗާރޖުން ކޮންމެވެސް ޕަސެންޓެއް ތަނުގެ މުއައްޒަފުންނަށް ދިނުމަކީ އެންމެ ރަނގަޅު ކަމެއް.
ުދިވެހި ދަރިއެ
07 August 2019
ހުސް ދޮގު އެެބަހުރި ހެކިވެސް ވީލާ
ޙަބީބު
07 August 2019
ގާސިމު ސިޔާމު ކޮލިއާއިލާ ޗަންޕާ ހަމްޒާ ޖާބިރު ފަދަމީހުންގެ ރިސޯޓު ތަކައް ހާއްސަ ސަމާލު ކަމެއްދީގެން މުވައްޒަފުންގެ ހައްގުތައް ކަށަވަރުކުރަންޖެހޭ ވޯޓުލާއިރު ގިނަވޯޓު ސަރުކާރައް ލިބޭނީ ރައްޔިތުންގެ ލޯބިލިބިގެން ވެރިންގެ ލޯބިހޯދައިގެން ލިބޭނީ ލަނޑު ޔާމިނައް ލިބުނީ މިލަނޑު ފަހުވަގުތު އެއާޕޯޓާ ބުރިޖާ ހުޅުވައިގެން ލިބުނީ ލަނޑު އިބޫ ކުރަންވީ ކަމަކީ އަތޮޅުތަކައްޓުވެރިޒަމް ފުޅާކުރަންވީ ހދ އަތޮޅުވެސް ބާކީ ނުކޮއް
ކުޑަކަތީބް
07 August 2019
ގާސިމްބެގެ ރިސޯރޓް ތަކުން ސާރވިސްޗާރޖްގެ ގޮތުގައި %10 ނުފެންނަ ގޮތަށް ބިލައް އިންކުލޫޑް ކޮށްގެން މިހާރުވެސް ނަގާ، އެކަމަކު ވިދާޅެއްނުވެވުނު %10 ދޭ ވާހަކައެއް އެއިން ޔަޤީންވަނީ މުއައްޒަފުން އެކިޔަނީ ރަނގަޅު އެއްޗެއްކަން،!
އޯނަރު
07 August 2019
ބަލަ ރިސޯޓުން ދޭމުސާރައާއި ސާވިސް ޗާޖު ކުޑައިއްޔާ ރިސޯޓަށް ނުދިއައިމަ ނިމުނީނު ކާކުތަބުނީ ރިށޯޓަށްދާށޭ އެވެސް ބަޔަކު ކުރާ ވިޔަފާރިއެއް އެބަޔަކު ދޭންބޭނުންވާ މުސާރައެއް އެބަޔަކު ކިޔާނީ އެމުސާރަ ކުޑައިއްޔާ ބޮޑުމުސާހޯދާ މިގައުމުގަ ކޮންކަމެއް އޮތީ ސަހަލު އެއްކަމެއްވެސްނެތް ސަރުކާރުގެ ސިޔާސަތުތަށް ނުރޭވޭ މިއިންދުވަހަކުވެސް ރައްޔަތުންނަށް އުފަލެއް މޮޅެއްވާގޮތަކަށް
ދޮން ބުޅާ
07 August 2019
ބޯ ގޯސް. ނިކަމެތި ރައްޔިތު މީހާ އަށް ބަވާފަ ތި ބުނަނީ ސަރުކާރުގެ ސިޔާސަތުތަށް ނުރޭވޭ މިއިންދުވަހަކުވެސް ރައްޔަތުންނަށް އުފަލެއް މޮޅެއްވާގޮތަކަށް..
ބިޝާރާ
06 August 2019
ސާބަހޭ ގާސިމު ތިޔަ އަންނިގެ މަޅީގައި ނުޖެހޭތި ތިޔައީ މަމެންގެ 2023ގެ ރައީސް
ދޮން ބުޅާ
07 August 2019
ކާންޓް އެސްކޭޕް.
މިތުރުއަލީ
06 August 2019
ސާވީސްޗާޖް ސިވިލްސަރވިސް މުވައްޒަފުންނާއި، ސިފައިންނާއި ފުލުހުންނަށް ވެސް ލިބެންޖެހޭނެ، ގައުމަށް އެމީހުންވެސް ކުރަނީ ޚިދުމަތް، އެމުވައްޒަފުން ވެސް ކުރަނީ މަސައްކަތް ކޮބާ އިންސާފު؟
ތާހިރު
06 August 2019
ޢައްނި އަށް ކިޔަވާދޭން ޖެހޭ. ސަވިސް ޗާޖަކީ އަދި ތިހާ އަޅައިގަންނަން ޖޭހޭ ކަމެއް ނުން. ޜިސޯޓުތައް ހިނގާ ގޮތާ ލިބޭ އާމްދަނީއާ އެޚަރަދު ކުރާގޮތާ ދިވެހި ރާއްޖޭގެ ވިޔަފާރިތަކަށް ރިސޯޓުތަކުގެ ތެރެއިން ލިބޭ ފާއިދާގެ މިންވަރު ބަލާ އެޅިދާނެ ފިޔަވަޅަކީ ކޮބާކަން ބެލިއްޔާ މާތާހިރުވާނެ. ޢައްނިއަށް އެގެނީ ގޯޅި ކަންމަތީ ސަވިސްޗާޖުގެ ވާހަކަ އެކަނި. ޜިސީޓު ބޮއިންގެ މަޖޮލިސް ދޯ
ދޮން ބުޅާ
07 August 2019
އަންނިގެ ބަހެއް ނޫން އެއީ. އަހަރެމެން ނިކަމެތި ރައްޔިތުންގެ ބަސް. ރިސޯޓް ކިޔަން ނޭންގުނަސް ވާހަކަ ދައްކާތި.
އަހުމަދުބޭ
06 August 2019
ގާސިމް އެއެވެ، ސާވިސްޗާޖް ބަހަން މަނިކުފާން އަށް ނޭގެންޏާ ދޭބަލަ ބޭރުމީހުން ހިންގާ ރިސޯޓްތަކަށް ގޮސް އެވެރިން އެކަން އެކުރަނީ ކިހިނެތްތޯ ދަސްކޮއްބަލަ، ރިސޯޓް ހިންގާތާ މުސްކުޅިވިއިރުވެސް ސާވިސްޗާޖް ބަހާނެ ގޮތެއް ނޭގުނެއްނު
ނަޖުދާ
06 August 2019
ގާސިމާއެވެ! މުޅި ދައުލަތުގެ ހިންގުމުގެ ނިޒާމު ބައްޓަންކުރާކަށް ނުޖެހޭ ގާސިމު ވިޔަފާރިކުރާ މޮޑެލްއަކަށް. ގާސިމު ކުރެޑިޓަށް ދިނޭ ކިޔާފައި، މުޅި ދައުލަތް ދެން ގާސިމަށް ބަލައިގެން ގާނޫނު ހެދި ޒަމާން މާޒީވެ ގޮއްސި. ރާއްޖޭގައި ބޭރުގެ އޯނަރުން ހިންގަ ރިސޯޓުތަކުން 1 ލައްކަ ރުފިޔާވެސް ސާރވިސް ޗާރޖު ގޮތުގައި މުވައްޒަފުންނަށް ލިބޭތަން މިއަދު އެބަފެނޭ. އާދައިގެ ބީޗު ކުނިކަހާ މީހާވެސް 1 ލައްކަ ހިފައިގެން ! ގާސިމުމެންނަށް ނޭންގެނީ ވިޔަފާރިކުރަން.