ރައީސް އިބްރާހިމް މުހައްމަދު ސޯލިހް: އެމަނިކުފާނަށް ކުރާ ފައިސާގެ ތުހުމަތުތަކުގައި ހަގީގަތެއް ނެތް ކަަމަށް ރައީސް އޮފީހުން ބުނޭ. --ފޮޓޯ/މިހާރު
18 އޯގަސްޓް 2019 - 14:24
46 comments
ރައީސް އިބްރާހިމް މުހައްމަދު ސޯލިހަށް، ކުރީގެ ނައިބު ރައީސް އަހްމަދު އަދީބު 37 މިލިއަން ރުފިޔާ ދެއްވި ކަމަށް ފަތުރަނީ ދޮގު ވާހަކައެއް ކަމަށް ރައީސްގެ ތަރުޖަމާން އިބްރާހިމް ހޫދު މިއަދު ވިދާޅުވެއްޖެ އެވެ.
ރާއްޖޭގެ ބައެއް މީޑިއާތަކުން ރިޕޯޓްކޮށްފައިވާ ގޮތުގައި، އެމްއެމްޕީއާރުސީ މެދުވެރިކޮށް ހިންގި 1.3 ބިލިއަން ރުފިޔާގެ ޚިޔާނާތުގައި އިސްކޮށް އުޅުއްވި އަދީބު ރިޝްވަތުގެ ގޮތުގައި ރައީސަށް ފައިސާ ދެއްވީ ވެރިކަމަށް ވަޑައިގަތުމުގެ ކުރިން އެމްޑީޕީގެ ޕާލަމެންޓްރީ ގްރޫޕްގެ ލީޑަރަކަށް ހުންނެވިއިރު އެވެ.
ކުރީގެ ސަރުކާރުން ގާނޫނާ ޚިލާފަށް ހިންގި ކަންކަމާ ދެކޮޅަށް، އޭރު އިދިކޮޅު ލީޑަރެއްގެ ގޮތުން ރާއްޖޭގައި އެންމެ އިސްކޮށް އުޅުއްވީ ވެސް ރައީސެވެ. އެމަނިކުފާނަށް ކުރާ ތުހުމަތު ގުޅުވަނީ ޕީޖީ ލީޑަރަކަށް ހުންނަވައި އަދީބު ބޭނުންފުޅުވާ ގޮތަށް މަޖިލީހުން ބިލްތައް ފާސްކޮށްދޭން ފައިސާ ނެންގެވި ކަމަށެވެ.
އަދީބު ދިރިއުޅުއްވި ރެހެންދި ފްލެޓުގައި 37 މިލިއަން ރުފިޔާގެ ނަގުދު ފައިސާއާ ރައީސް ހަވާލުވެވަޑައިގަތީ ކުރީގެ ބަންޑާރަ ނައިބު މުހައްމަދު އަނިލް އާއި ކުރީގެ ފިޝަރީޒް މިނިސްޓަރު ޑރ. މުހައްމަދު ޝައިނީގެ ހާޒިރުގައި ކަމަށް ވެސް ތުހުމަތުކޮށްފައިވެ އެވެ.
ހޫދު ވިދާޅުވީ ބަންޑާރަ ނައިބަކަށް އަނިލް ހުންނެވި އިރު އަދި އޭގެ ކުރިން ވެސް އެއްވެސް ކަމެއްގައި އަނިލްއާ ރައީސް ބައްދަލު ކުރައްވާފައި ނުވާ ކަމަށެވެ. އިދިކޮޅު ޕާޓީތަކާ އެކު ކުރީގެ ސަރުކާރުން މަޝްވަރާ ބޭއްވި އިރު ރައީސް އޮފީސް ތެރެއިން ޝައިނީއާ ބައްދަލުވެވަޑައިގަތް ކަމަށް ހޫދު ވިދާޅުވި އެވެ.
"ރައީސް އެ ދެ ބޭފުޅުންނާ [އަނިލް އާއި ޝައިނީއާ] އެކުގައި ދުވަހަކު ވެސް ބައްދަލު ކުރައްވާފައި ނުވޭ. އެ ތުހުމަތަކީ ކަނޑައެޅިގެން ދޮގެއް،" ހޫދު ވިދާޅުވި އެވެ.
އެމްއެމްޕީއާރުސީގެ ޚިޔާނާތާ ރައީސްއާ ގުޅުވައި މީގެ ކުރިން ވެސް ތުހުމަތުތަކެއް ކޮށްފައިވެ އެވެ. އޭރު އިދިކޮޅު ޕީޕީއެމުން ތުހުމަތު ކުރި ގޮތުގައި ހިޔާނާތުގެ ފައިސާ ޖަމާކުރީ ރައީސްގެ އެކައުންޓަށެވެ.
ރައްޔިތުންގެ މަޖިލީހުގެ ކެލާ ދާއިރާގެ ކުރީގެ މެމްބަރު އެ ފަހަރު ތުހުމަތު ކުރެއްވި ގޮތުގައި އެމްއެމްޕީއާރުސީގެ 1.3 ބިލިއަން ރުފިޔާގެ ޚިޔާނާތުގެ ފައިސާ އިން ރިޝްވަތުގެ ގޮތުގައި 32 މިލިއަން ރައީސަށް ލިބިވަޑައިގަތެވެ. އާރިފާއި ޕީޕީއެމްގެ ކުރީގެ ނައިބު ރައީސް އަދި ފޮނަދޫ ދާއިރާގެ ކުރީގެ މެމްބަރު އަބްދުއްރަހީމް އަބްދުﷲގެ އެ ތުހުމަތާ ގުޅިގެން އޭސީސީން މައްސަލަ ތަހުގީގު ކުރި އެވެ.
މި ތަހުގީގަށް ފަހު އޭސީސީން ނެރުނު ރިޕޯޓުގައި ވަނީ ދެ ބޭފުޅުން ވެސް ތަހުގީގުގައި ވިދާޅުވީ އެއީ، "ސިޔާސީ ގޮތުން ދެއްކެވި ވާހަކަތަކެއް" ކަމަށެވެ.
ޚިޔާނާތާ ގުޅުވައި ރައީސަށް ތުހުމަތުތަކެއް ކުރަނީ، މިދިޔަ ސަރުކާރަށް އަމާޒުވި ކޮރަޕްޝަންގެ މައްސަލަތައް ބަލައި ކޮރަޕްޝަނަށް ހުރި ދޮރުތައް ބަންދުކުރަން ކޮރަޕްޝަނަށް "ޒީރޯ ޓޮލަރެންސް" ސިޔާސަތު ކަނޑައަޅައި ތަންފީޒު ކުރަން ފަށާފައި ވަނިކޮށެވެ. މި ސަރުކާރުގެ އެއްވެސް އިދާރާއަކުން ނުވަތަ ކުންފުންޏަކުން ނަމަވެސް ކޮރަޕްޝަންގެ އަމަލެއް ހިންގައިފި ނަމަ ބަލައި ފިޔަވަޅު އަޅާނެ ކަމަށް ރައީސް ވަނީ ވިދާޅުވެފަ އެވެ.
ކުރީގެ ސަރުކާރުގައި ހިންގި ކޮރަޕްޝަންތައް ބަލަން ވަނީ ރިޔާސީ ކޮމިޝަނެއް ވެސް އުފައްދަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުނީ
20 August 2019
ނޫން ނޫން ރައީސް ޔާމީން ވިދާޅުވި ރައީސް ޔާމީނަށް ފައިސާ ލިބުނުވާހަކަ، އެހެން ވެނޫންތޯ ރައީސްޔާމީނަށް ޝަރީޢަތް އެކުރަނީ
ނީނނޭ
19 August 2019
ކައިފަ ނުބުނާނެ ކެއީމެކޭ.
އުސްތާޛްޒަކީ
19 August 2019
ރައީސް ޔާމީން ވެސް، އަހުމަދު އަދީބު ވެސް، ފައިސާ ލިބުނު ކަމަކަށް ނަހައްދަވައެވެ. މިލިޔަނުން ޑޮލަރުތައް އެކައުންޓަށް ޖަމާވަމުން ދިޔަ އިރުވެސް ހަނު ހުންނެވީ ނޫން ތޯ އެވެ. މީވާ، މިހާރުގެ ރައީސް އަކީ ޞޯލިޙެއް ކަމަކަށް ޤަބޫލު ކުރާނީ ވަކި ކިހިނަކުން ތޯ އެވެ. ރައްޔިތުން މާޔޫސް ވެއްޖެ އެވެ. ފޫހި ވެސް ވެއްޖެ އެވެ.
mohamed
19 August 2019
ވެރިކަން ނުމުނީމަ ތިކަމައިގެން އުޅެން މަޑުކުރޭ
ޡުލޭ
19 August 2019
މައްސަލަ ނިންމަންޖެހޭނީ ކޯޓުން...
ގުދޯ ވޯލްޑް
19 August 2019
ތިޔައީ ހިނގާފަ އޮތް ކަމެއް ނަމަ، އިބްރާހީމް މުޙައްމަދު ސޯލިޚް މި ރާއްޖޭގެ ވެރިކަމުގެ ތަޙްތު ނުދެކޭނެ. އެޔަށްތުރެ އަވަހަށް ކްރިމިނަލް ކޯޓުން، ހައިކޯޓުން، ސުޕްރީމް ކޯޓުން ޙުކުމް ކޮށް ކަރަޕްޝަން ސާބިތުވާނެ. މިއީ، ވެރިކަމަށް އަންނާން ބޭނުންވި އެންމެގެ ތަޤްދީރު ނޫންތޯ މީގެ ދެއަހަރު ކުރިން.
ބޮޑުހުސޭނު
19 August 2019
ކުރީގެ ރައީސް އޮފީހުންވެސް އެދުވަސްވަރު ކުރެވުނު ހުރިހާ ކަމަކަށް ނޫނެކޭ ވިދާޅުވީ. މިހާރުގެ ރައީސް އޮފީހުންވެސް ހަމަ އެގޮތަށް އެވިދާޅުވަނީ.
ޖަވު
19 August 2019
ނޫނޭ.. އޭރު ބާރުއޮތީމަ އެއްބަސްވަމުންދިޔަ ބަޔާންތައް ނެރެމުންދިޔަ އެއްބަސްވީ އަމިއްލަދުލުން. އެއްބަސް ވަމުންދިޔަލެއް ފުރިހަމަކަމުން ހީވީ ދުވަހަކު އެތަނުން ނުނުކުންނާނެ ހެން.
ހެހެހެ
19 August 2019
އާނ އެހެންޏާ.ކ ަލޭ ބަހައްޓައިގެން ވިއްޔަ ލާރިގަނޑު ދޭނީ. މިދެން ކާކު؟
ރާއްޖޭގެ ކުރިމަގު
19 August 2019
ދިވެހިން މިދަނީ ބާރަށް ކުރިއަށް .ވައްކަމާއި ވަގުތުހުމަތުން ކުރި ހޯދައި، އެހެން މީހުންގެެ ބޮލުގައި ތުހުމަތު އަޅުވައި ، ވައްކަމާއި ފަސާދައަކީ ޢާމުވާންޖެހޭ ކަމެއްކަމުއި ދެކި، ވައްކަމުގެ ތުހުމަތާއި ގުޅިގެން ތަޙްޙީޤު ހިންގާކަމަށް ޢާމުންނަށް ދައްކައި، އެންމެން އެކަމުން މުސާރައާއި އިނާޔަތލިބި ، އަނބިދަރިންނަށް އެފައިސާކާންދީ ބޯންދީ ހަދަމުންދަނީ ކުޅިވަރަކަށް ހަދައިި އެއްވެސް އިޚްލާޞްތެރިކަމެއްނެތި ﷲ އާއި އާޚިރަތަށް އެއްވެސް ބިރުހީވުމެއްނެތި.
ނެގުނުކަތީބު
19 August 2019
ރައީސްކަމަށް އައުމުގެ ކުރިން ހިންގާފަ ހުންނަ ކަންކަމުގެ ޖަވާބުވެސް ރައީސް އޮފީހުގެ ތެރެއިން ތަރުޖަމާނު ދިނީމާ އޭގެ ފޫބެދޭނެ ހަމައެއް އެބައޮތްތޯ؟ މި ދައްކަނީ އިބްރާހީމް މުޙައްމަދު ޞާލިހު އެމްޑީޕީގެ ޕިޖީ ލީޑަރަކަށް ހުރިއިރު އޭރު ގާނޫނުތަކަށާއި އަސާސީއަށް އިޞްލާހު ތަކެއް ގެންނަންވެގެން ކުރި ކަންތަކެއްގެ ވާހަކަ. ކޮންމެ މީހަކުވެސް ނުކުރަމޭ ބުނީމާ އެ ނިމުނީ؟ ފައިސާ ގޯނި ކޮނޑު ޖަހައިގެން ހިނގިމީހާވެސް ނުހައްގު މުއްސަނދިކަން ހޯދިމީހާވެސް އޯކޭ؟