މަހާޒް:
05 ސެޕްޓެމްބަރ 2019 - 13:42
37 comments
ޑްރަގް ކޯޓުގެ ފަނޑިޔާރު މަހާޒް އަލީ ޒާހިރު، ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރެއްވުމަށްޓަކައި ރައީސް އިބްރާހިމް މުހައްމަދު ސޯލިހް، ޖުޑީޝަލް ސާވިސް ކޮމިޝަން (ޖޭއެސްސީ) ގެ ލަފައަކަށް މިއަދު އެދިވަޑައިގެންފި އެވެ.
ސުޕްރީމް ކޯޓަށް އާ ފަނޑިޔާރަކު މި އައްޔަން ކުރަނީ އެ ކޯޓުގެ ފަނޑިޔާރު އަބްދުﷲ ދީދީ (ޑީޑީ) ބަދަލުގަ އެވެ. ރައްޔިތުންގެ މަޖިލީހުން ވަނީ ސުޕްރީމް ކޯޓުގެ ފަނޑިޔާރުކަމުން ޑީޑީ ވަކިކުރަން ނިންމައިފަ އެވެ.
ޑީޑީ، އެ މަގާމުން ވަކި ކުރެއްވުމުން ސުޕްރީމް ކޯޓުގެ ފަނޑިޔާރުންގެ ބެންޗުން ހުސްވެފައިވާ މަގާމަށް ކުރިމަތިލުމުގެ ފުރުސަތު ޖޭއެސްސީން ކުރިން އޮތީ ހުޅުވާލައިފަ އެވެ. އެ ފުރުސަތު މިއަދު ވަނީ ހަމަވެފަ އެވެ.
ސުޕްރީމް ކޯޓުގެ ފަނޑިޔާރު ކަމަށް ބޭފުޅުން އައްޔަން ކުރާނީ ޖޭއެސްސީގެ ލަފާގެ މަތިން ރައްޔިތުންގެ މަޖިލީހަށް ރައީސް ފޮނުއްވާ ނަންފުޅުތަކަކަށް ބިނާކޮށް އެ މަޖިލީހުން ފާސް ކޮށްގެންނެވެ.
މެލޭޝިއާގެ އިސްލާމިކް ޔުނިވަސިޓީން، މާސްޓަސް އޮފް ކޮމްޕެރެޓިވް ލޯސް ހާސިލްކުރައްވާފައިވާ މަހާޒަކީ މަސްތުވާތަކެއްޗާ ބެހޭ ގާނޫނުގެ ދަށުން ޑްރަގް ކޯޓު އުފެދުމާ އެކު، އެ ކޯޓަށް ފުރަތަމަ އައްޔަން ކުރެއްވި ފަނޑިޔާރުންގެ ތެރޭގައި ހިމެނިވަޑައިގަންނަވާ ބޭފުޅެކެވެ. އޭގެ ކުރިން އޭނާ މަސައްކަތް ކުރެއްވީ ޕްރޮސެކިއުޓާ ޖެނެރަލްގެ އޮފީހުގަ އެވެ. އަދި ބަންޑާރަ ނައިބުގެ އޮފީހުގައި ވެސް އޭގެ ކުރިން ގާނޫނީ މަސައްކަތް ކުރެއްވި މަހާޒަކީ މިހާރު ފަނޑިޔާރުންގެ ޖަމްއިއްޔާގެ ސެކެޓްރީ ޖެނެރަލް އެވެ.
ގދ. މަޑަވެއްޔަށް އުފަން މަހާޒް ސުޕްރީމް ކޯޓަށް އައްޔަން ކުރުމާ މެދު ޖޭއެސްސީގެ ލަފައަކަށް ރައީސް އެދިވަޑައިގަތްއިރު، އެ ކޯޓުގެ ފަނޑިޔާރުންގެ ބެންޗުގެ އަދަދު އިތުރުކުރަން ކޯޓުތަކުގެ ގާނޫނަށް ގެނައި އިސްލާހުގެ ދަށުން އިތުރު ދެ ބޭފުޅަކު އިއްޔެ ވަނީ އެ ކޯޓުގެ ފަނޑިޔާރު ކަމަށް އައްޔަން ކުރައްވައިފަ އެވެ. ސުޕްރީމް ކޯޓުގެ ފަނޑިޔާރު ކަމަށް އިއްޔެ އައްޔަން ކުރެއްވީ ފަނޑިޔާރު ޑރ. އަޒްމިރަލްދާ ޒާހިރާއި ސިވިލް ކޯޓުގެ ކުރީގެ ގާޒީ އައިޝާ ޝުޖޫން މުހައްމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅުކަޅު ދޮނޭ
06 September 2019
ގައުމެއްގެ ހަމަޖެހުމާ ތަރައްގީއާ އަދުލުއިންސާފް، އަދި އެމުޖުތަމައެއްގެ ބަޔަކު އިހްތިޔާރުކުރާ ވެރިންތަކަކާނުލާ އެތަނަކަށް އަންނާނެ ދިރުމެއް، އަލިކަމެއްނެތް.. އަދި އަންދިކަމުތެރޭ މަޔަށް ދަރި ގެއްލިދަނީ.. މިހުރިހާ ކަމަކަށް ހައަލުގެންނަން ރައްޔތުނަ ފުރަތަމަވެސް ފުރުސަތުދިނީ މިހާރުގެ އިދިކޮލޭންނަށް .. އަމިއްލައެދުމާ ޒާތީގޮތް ނެރެ ރައްޔިތުންނަށް އިތުރަށް އަނިޔާދިނީ.. އިއަންނަ ހުރިހާ ބަދަލެގެ ފޮނި އެމްޑީޕީ އަށްހައްގު...
އޭޑީ
06 September 2019
ސްޕްރީމް ކޯޓު މިނިވަން ނެގެން އަންނަ މަންޒަރަކީ ބަލާލަން ހިތްގައިމު މަންޒަރެކެވެ. ދިވެހިން ދެކެމުން އައި ހުވަފެން 12 އަހަރަށްފަހު ހަގީގަތަށްވާ މަންޒަރު ފެނުމަކީ ހާދަހާވާ އުފާވާ ކަމެކެވެ. އެމްޑީޕީގެ މޮޅުކަމަކީ މިއީއެވެ. ހުރިހާ ސިޔާސަތުތަކެއްވެސް ބައްޓަން ވެފައި ހުރީ ރައްޔިތުންނާއި، ގައުމުގެ މަސްލަހަތުގެ މައްޗަށެވެ. ސްޕްރީމް ކޯޓުގައި އަދި ވަކިކުރަންޖެހޭ 2 މީހުން ތިބިކަން ފާހަގަކޮށްލަމެވެ. އުއްމީދުކުރަނީ އެ 2 މީހުން ދާދި އަވަހަށް ވަކިކުރާނެ ކަމަށް
ގަންޖާބޯ
05 September 2019
މަހާޒް ނެގީ ތައުލީމަށާއި ތަޖުރިބާއަށާއި ހުނަރުވެރިކަމާއި އިންސާފް ދަމަހައްޓާނެވަރު ވަރަށް ވަޒަން ކުރުމަށްފަހު ކަމަށްވާނަމަ ރަނގަޅު. އެކަމަކު ތަންފުކެއް ޒުވާން ހަމަ ގައިމުވެސް. ދެން ކޮންމެސް ބަޔަކު ކޮންމެސް ގުޅުމެއްގެ ތެރެއިން ޕުޝް ކޮށްގެން ނަމަ ރަނގަޅެއް ނޫން. ޖޭއސްސީން ވަޒަންކޮށްފައި ރައިސަށް ރެކޮމެންޑް ކުރީމަ ރައިސް އެނަމެއް މަޖުލިހަށް ފޮނުވަން އިންސާފްވެރި. ވިސްނާލުން ރަނގަޅު ކަންކަން އެބަހުރި.
ގަޑުބަޑު
05 September 2019
ކުދިކުދި ކުދިން ވެސް ހާދަ ބޮޑެތި ކަންތަކަށް ހިތުލައެވެ.
އޭޑީ
06 September 2019
ކީއްކުރާނީދޯ؟ ކަލޭގެ އުމުރު ކިހާވަރެއް. ކަލޭ އުމުރު ބޮޑުމީހާ ކޮށްފަ އިން ކޮމެންޓު ކިޔާލީމާ ހީވަނީ 9 އަހަރުގެ ކުއްޖަކު ކޮށްފަ އިން ކޮމެންޓެއްހެން. އެހެންވީމާ މައްސަލައަކީ އުމުރެއްނޫންދޯ؟ މައްސަލަ މި އުޅެނީ ތިކަހަލަ ބައިޓަނު ވިސްނުމުގައި. ޓަނެއް ހަމަނުވޭ! ޓަނު ހަމަ ނުވާ މީހުން ކޮމެންޓުކޮށްގެން މާ މޮޅުތަކެއް ހޯދަން ނޫޅޭ. ނުވާނެ ތިކަމެއް
ތައްޚާނު
05 September 2019
މަހާޒް ގޯހެއްނޫން. އެކަމު ޢަމަލީ މައިދާނުގައި ލިބެންޖެހޭ ތަޖުރިބާ ގިނަވާންޖެހޭ.
އޭޑީ
06 September 2019
މަހާޒުގެ ކިބައިގައި ސްޕްރީމް ކޯޓުގެ ފަނޑިޔާރުކަން ކުރުމުގެ ތަޖުރިބާނެތްކަމަށް ވާހަކަ ދައްކާ މީހުންގެ ވިސްނުމުގެ ފެންވަރު އަމިއްލައަށް އަދި އެހެން ކަމުގައި ތަޖުރިބާ ހޯދާށެވެ. މަހާޒަކީ ތައުލީމީ، ގާނޫނީ އިލްމުގެ މޮޅެތި ދިރާސާތަށް ހައްދަވާފައިވާ، މިވަގުތު ރާއްޖޭގައި ތިބި މޮޅެތި ފަނޑިޔާރުންގެ ތެރެއިން ފާހަގަކުރެވޭ މޮޅު ފަނޑިޔާރެކެވެ. މަހާޒަށްވުރެ ވަކި ތިޔަ މަގާމަށް އެކަށޭނެ މީހެއް މިގައުމުގައި ނެތެވެ.
ޙިނި
05 September 2019
އޯކޭ އެކަމު މގާމުދޭނީކީ 99 އަހަރަކއް ނޫން، ކަމުނުދަންޏާ ވަކި ކުރެވެންވެސް ޖެހޭނެ
ބޮޑު ރިޔާ
05 September 2019
ސާބަހޭ ރައީސް ޞޯލިހަށް..ތިކަހަލަ އަބުރުވެރި ގާބިލް އިލްމީ ބޭފުޅުން ކޯޓުތަކަށް އައްޔަންކުރެއްވުމަށް ހެޔޮ ހިތުން ގޮވާލަން
އިސްރައްވެހި
05 September 2019
އިބޫ އެއްކަމަކު މަހީ ނުކުރަން މިކަހަލަ ސަޅި ފުރިހަމަ ނިންމުމެއް ނިންމާނެކަމަށް! ތި މަޤާމަށް މަހާޒަށް ވުރެ އެކަށޭނެ މީހަކު ނެތް! ޏަޒާހަތްތެރި ތެދުވެރި ވަރަށް އިލްމީބޭފުޅެއް މަހާޒްއަކީ! ކާމިޔާބަށް އެދެން
ބޯހަލާކު ވެއްޖެ
05 September 2019
އެކަމު އިބޫ..
ގައިޑުވިންޑު
05 September 2019
ވިންޑް އޮފް ޗޭންޖް. މަމެން ހީނުކުރަން އިބޫ ހަމަ ރަނގަޅުމީހުން ހޮވާނެކަމަކަށް. ކުޑަކޮށް ގާތް މީހުންނަށް ބައި އަޅާނޭކަމަށް މަމެން ހީކޮށްގެން ހުރީ. މަހާޒަކީ ޤާބިލުބޭފުޅެއް! ށަޚުސިއްޔަތު ހުރި އިޚްލާސްތެރި ގާޒީއެއް