އައްޑޫ މަރަދޫފޭދޫގައި މިދިޔަ ހޯމަ ދުވަހު އެކްސިޑެންޓް ހިނގި ސަރަހައްދު.-- ފޮޓޯ: ކިޔުންތެރިއެއް
18 ސެޕްޓެމްބަރ 2019 - 14:29
2 comments
ސ. މަރަދޫފޭދޫގައި މިދިޔަ ހޯމަ ދުވަހު ހިނގި އެކްސިޑެންޓުގައި ޒަހަމްވި މީހާގެ ހާލަތަށް އެއްވެސް ބަދަލެއް ނާންނަކަމަށް އެ އާއިލާ އިން މިއަދު ބުނެފި އެވެ.
ލިންކްރޯޑާ ގުޅޭ ހިސާބުގައި ދެ ސައިކަލެއް ޖެހި ހިނގި އެކްސިޑެންޓުގައި ޒަހަމްވި 55 އަހަރުގެ ފިރިހެނަކަށް އިއްޔެރޭ ފަތިހުން ފެށިގެން އައިޖީއެމްއެޗްގައި އަންނަނީ ފަރުވާދެމުންނެވެ.
އޭނާގެ އާއިލާ އިން ވާހަކަދެއްކި މީހަކު ބުނީ އައިޖީއެމްއެޗަށް ގެންގޮސް ވަގުތުން ސީޓީ ސްކޭން ހަދައި އޭނާގެ ބޮލުގެ އޮޕަރޭޝަނެއް ކޮށްފައިވާ ކަމަށެވެ. އެކަމަކު ހާލަތަށް ބަދަލެއް ނާންނަ ކަމަށް ބުންޏެވެ.
"ޑޮކްޓަރުން ވެސް ބުނީ އިތުރަށް ދެން ދޭނެ ފަރުވާއެއް އެނގޭނީ ރެސްޕޮންޑް ކޮށްގެންނޭ. އެހެންވެ އަދި ނޭނގޭ. ކުރީގައި ވެސް އޮތް ހާލަތުގައި އޮތީ،" އާއިލާއިން ވާހަކަދެއްކި މީހާ ބުންޏެވެ.
އެ އެކްސިޑެންޓު ހިނގީ ޝަންގްރިއްލާ ރިސޯޓުގައި މަސައްކަތްކުރާ އެ މުވައްޒަފުގެ އޯފް ދުވަހު، ރަށު ތެރޭގައި ދުއްވާލުމަށް ފަހު ގެއަށް ދިޔަ މަގުމަތީގަ އެވެ. އެ އެކްސިޑެންޓަށްފަހު އަނެއް ސައިކަލު ދުއްވަން އިން 17 އަހަރުގެ ކުއްޖާ ފިލި އެވެ. ނަމަވެސް އެ ކުއްޖާ ވެސް ޒަހަމްވެފައި ވާތީ ފަރުވާ ހޯދަން ހިތަދޫ ރީޖަނަލް ހޮސްޕިޓަލަށް ފަހުން ދިޔަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
18 September 2019
ހާދަހާ ހިތާމަވެރި ހަބަރެކޭ.ޒުވާނުންނޭ ، އޭއި މިތިބަ ޒުވާނުންނޭ ، ސައިކަލަކަށް އެރުނީމަ ދުިނޔެ ރަންވަނީތަ؟؟؟
ސައުދު
18 September 2019
18 އަހަރުން ދަށުގެ ކުދިންނާއި ލައިސަންސް ނެތް މީހުންގެ އަތައް އެއްގަމު/ކަނޑު އުޅަދު ދޭމީހުން ޒިންމާދާރު ކުރުވަންޖެހޭ.