ޚަބަރު / ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ

ދީނީ އެއްބައިވަންތަކަން ދަމަހައްޓަން އެއްބާރުލުން ބޭނުން: ޔޫތު މިނިސްޓްރީ

މޯލްޑިވިއަން ޑިމޮކްރެސީ ނެޓްވޯކުން ނެރުނު ރިޕޯޓާ ގުޅިގެން ދީނީ އިލްމުވެރިންނާ އިސްލާމިކް މިނިސްޓަރު އަހުމަދު ޒާހިރު މިއަދު ބައްދަލުކުރައްވަނީ.---ފޮޓޯ: އިސްލާމިކް މިނިސްޓްރީ

މުހައްމަދު ޔާމީން، މިހާރު

05 އޮކްޓޯބަރ 2019 - 18:12

12 comments

ދީނީ އެއްބައިވަންތަކަން ދެމެހެއްޓުމަށް ސަރުކާރުން ކުރަމުން އަންނަ މަސައްކަތްތަކަށް ރާއްޖޭގެ ހުރިހާ ޖަމިއްޔާތަކުން އެއްބާރުލުން ދިނުމަށް ޔޫތު މިނިސްޓްރީން މިއަދު އިލްތިމާސްކޮށްފި އެވެ.

މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރުނު ރިޕޯޓެއްގައި ކީރިތި ރަސޫލާ އަށާއި އިސްލާމް ދީނަށް ފުރައްސާރަ ކުރި މައްސަލައިގައި ޔޫތު މިނިސްޓްރީން ނެރުނު ބަޔާނެއްގައި ބުނީ 2016 ގައި ނެރުނު އެ ރިޕޯޓާ ގުޅިގެން އޭރުގެ ސަރުކާރުން އެއްވެސް ފިޔަވަޅެއް އަޅާފައި ނުވާ ކަމަށެވެ.

އެކަން މިއަދުގެ ސަރުކާރުގެ ސަމާލު ކަމަށް އައުމާ ގުޅިގެން ރިޕޯޓުގެ މައްސަލަ ތަހުގީގުކޮށްދޭން މިދިޔަ ބުރާސްފަތި ދުވަހު އިސްލާމިކް މިނިސްޓްރީން ފުލުހުންނަށް ހުށަހެޅި ކަމަށް ބަޔާނުގައިވެ އެވެ. އެ މައްސަލަ ބަލަމުން ގެންދާ ކަން ފުލުހުން އަންގާފައިވާ ކަމަށް ޔޫތު މިނިސްޓްރީގެ ބަޔާނުގައިވެ އެވެ.

ޔޫތު މިނިސްޓްރީގެ ބަޔާނުގައި ވަނީ ރާއްޖޭގައި ރަޖިސްޓްރީކޮށްގެން ހިންގާ ހުރިހާ ކްލަބު، ޖަމިއްޔާ އަދި ޖަމާއަތްތަކުން ވެސް ރާއްޖޭގެ ދީނީ އެއްބައިވަންތަކަން ދެމެހެއްޓުމަށް ސަރުކާރުން ކުރަމުން އަންނަ މަސައްކަތަށް އެއްބާރުލުން ދިނުމަށް އިލްތިމާސްކޮށްފަ އެވެ.

މީގެއިތުރުން ރާއްޖޭގެ ގާނޫނުއަސާސީ އާއި ގާނޫނުތަކާއި ގަވައިދުތަކަށް ފުރިހަމަ އަށް އިހްތިރާމް ކުރުމަށް ވެސް ޔޫތު މިނިސްޓްރީގެ ބަޔާނުގައި އިލްތިމާސްކޮށްފައިވެ އެވެ.

"ޕްރިލިމިނަރީ އެސެސްމެންޓް އޮން ރެޑިކަލައިޒޭޝަން އިން ދަ މޯލްޑިވްސް"ގެ ނަމުގައި އެމްޑީއެން އިން ނެރުނު ރިޕޯޓުގައި، އިސްލާމްދީނާ ދެކޮޅު ވާހަކަތަކެއް ލިޔެފައިވެ އެވެ.

ތައުލީމީ ނިޒާމުގައި ކިޔަވައިދޭ ފޮތްތަކުގައި ހަރުކަށި ވިސްނުމަށް ބާރުއަޅާ ވާހަކަ ހުރި ކަމަށް ބުނެ، ކީރިތި ގުރުއާނުގެ ނައްސުން އައިސްފައިވާ ބައެއް ކަންތައްތަކާއި ހަދީސްތަކުގައިވާ ބައެއް ކަންކަން ރިޕޯޓުގައި ފާހަގަ ކުރި އެވެ. ގުރުއާނުުގެ ނައްސުން އައިސްފައިވާ ކަންތައްތަކާ ދެކޮޅަށް ލިޔެފައިވާ އެއް ވާހަކަ އަކީ ރަސޫލާގެ އިސްރާ އާއި މިއުރާޖްގެ ދަތުރުފުޅަކީ ސައިންޓިފިކް ގޮތުން ގަބޫލު ނުކުރެވޭނެ ވާހަކައެއް ކަމަށް ބުނުމެވެ.

އެކަމާ ގުޅިގެން ގިނަ އަދަދެއްގެ ބަޔަކު ނުރުހުން ފާޅުކުރަން ފެށުމުން އެ ޖަމިއްޔާ އިން ވަނީ މާފަށް އެދި އެ ރިޕޯޓް އިއްޔެ އަނބުރާ ގެންގޮސްފަ އެވެ.

ފުލުހުން ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ ދީން އިސްލާމް އިސްލާމިކް މިނިސްޓްރީ މޯލްޑިވިއަން ޑިމޮކްރެސީ ނެޓްވޯކް ހައްދުފަހަނައެޅުން މުޙައްމަދު، ޞައްލަﷲ ޢަލައިހި ވަސައްލަމް

12 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަނުބޭ

06 October 2019

ތިޔަ ރިޕޯޓް ނެރުނުކަމަކަށް ނިއުސް މީޑީޔަތަކުގެ ޢާަރުޝީފުން ނުފެންނާތީ ހައިރާންވަން. އެއްބަޔަކު އަނެއްބަޔެއްގެ ބޮލަށް ކަނޑަލުމަކީ މިދިވެހިރޢްޖޭގައި ވަރަށް އާއްމުކަމެއް. ކަމުން ރެކން އުޅޭނީ ރައްޔިޮތުން މިތިބީ ރަތަށް އަރާފަ. ރިޕޯޓްނެރެގެން ތިބޭ. ވާގޮތް އަންގާލާނަން. ވެރިކަން ވައްޓާލާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންމަރު

05 October 2019

2016 ގައި ރިޕޯޓު ނެރުނު އޭރު އިދިކޮޅު ޕާޓީތައް ހަނު ހުރީ ކީއްޗެގެންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2711

05 October 2019

2016 ގައި ނެރުނު ރިޕޯޓަކަށް މިސަރުކާރު ޒިންމާވާންޖެޙޭނެ ކަމަށް ހަދައި ދީނީ ގޮތުން މީހުން ކައްކުވައިލަނީ ދީނީ ބޭނުމަކަށް ވުރެ ސިޔާސީ ބޭނުމަކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން އަލި

05 October 2019

2016 ވަނަ އަހަރު ނެރެ އާންމުކޮށް، ބޭރުގެ އެތައް ޖަމިއްޔާތަކަކަށް ފޮނުވާފައި އޮތް ރިޕޯޓެއް. އޭރުގެ ސަރުކާރުން އަޅާވެސް ނުލާ ބާއްވާފައި، މިހާރު ހަމަ ކުއްލިއަކަށް އެ ރިޕޯޓުގެ ބައެއް ސޯޝަލް މީޑިއާގައި ލީކުކޮށްލީ ކޮން ބޭނުމަކު ކާކުތޯ މިއީ އުފެދޭ ސުވާލެއް. ބޮޑަށް ބެލެވެނީ ކުރީގެ ސަރުކާރުގެ ބަޔަކު ކުރި ކަމެއްކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލީކް

05 October 2019

2016 ގައި ނެރުނު ނަމަ މިއަދު ކިޔޭނެތަ ލީކުވުމޭ؟ ސުވާލު ނޫފެދޭތޯ ރިޕޯޓު ގެ ބައިވެރިން ޤައުމުގެ މަތީ ފަޑީގައި އުޅޭއިރު. އިސްލާމްދީނަށް ފުރައްސާރަ ކުރި ބަޔަކަށް ހަމަ ޗުއްޕުވެސް ނުބުނެ ޤައުމު ހަލާކުވަންދެން މަޑުން ތިބެންވީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާސަ

05 October 2019

މިހާރު ރައީސަކަށް ހުރީ ދީނަށް ލޯބި ކުރާ މީހަކަށް ވެފައި، އެމްޑީއެންނަށް ފިޔަވަޅު ނާޅައި ހަނު ހުންނަނީ ، ކީއްވެގެންތޯ ސުވާލު ނޫފެދޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫސުލްހަ

05 October 2019

މި ރައްޔިތުންގެ ހެޔޮ ވެރިކަމުގައި އެމްޑީއެންނަށް ފިޔަވަޅު ނާޅަނީ ކީއްވެގެންކަމާއިމެދު ސުވާލު އުފެދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެެހެންތޯ

05 October 2019

އެސަރުކާރުން އަޅާނުލިއިރު ތިޔަ ބޮޑު އޮޕޮޒިޝަންވެސް އަޅާނުލިނޫންބާ. ޔާމީން ފަހަތުން ދުވީ އެހެން ކަހަލަ ވާހަކަތަކައިގެން. ވައްކަން މާބޮޑުވެފަ އޮތީ ލާދީނީ ކަމަކަށްވުރެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާނު

05 October 2019

ދީނީ އެއްބައިވަންތަކަން ދެމެހެއްޓުމަށްޓަކައި ސަރުކާރުން ކުރަންޖެހޭ ކަމަކީ މޫނަށް ކަނދުރާއަކަށް ނުބަލައި ގާނޫނު ތަންފީޒުކުރުމެވެ. ރާއްޖޭގެ ރައްޔިތުންނަށް މިކަން ( ދީނަށް ފުރައްސާރަކުރުން ) ބޮޑުކަމަކަށް ވެގެން އުޅޭއިރު ރައީސުލް ޖުމްހޫރިއްޔާ އާއި ނައިބު އަދި މަޖްލިސްގެ ރައީސާއި އެމްޑީޕީ އިން މިކަމާއި ކަންބޮޑުވެގެން އުޅޭތަން ނުފެންނާތީ ވަރަށް އެބަ ވިސްނަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިގޮ

05 October 2019

އެއްބާރުލުން ދީގެން މިތިބީ އެކަމަކު އެކަންތައް ގާނޫނީ ގޮތުން ހުއްޓުވޭނީ ސަރުކާރައް ދޯ..ދީނަށް ފުރައްސާރަކޮށްފަ ލޮބުވެތި ރަސޫލާއައް ފުރައްސާރަ ކޮށް ފަ ހާދަ ފަސޭހަކޮށޭ އެއުޅެލަނީ ގާނޫނު އެމީހުންގެ މައްޗައް ހަމަނުހިގަނީބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލިޝާފީ

05 October 2019

ދީނަށް ފުރައްސާރަކުރި މީހުންނަށް އަދަބުނުދީ އެޖައްމިއްޔާ އުވާނުލާ ކިންމެހެން އެހެންދިމާލަކަށް މިސްރާބު ބަދަލުކުރަން އުޅޭނެކަމެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާފުކުރެވޭނެތަ

05 October 2019

ދީނަށް ފުރައްސާރަކޮށް ކީރިތި ރަސޫލާއަށް ފުރައްސާރަކުރީމާ މާފުކުރެވޭނީ ކާކަށްތަ؟ މާފަށް އެދިގެން ނިމޭނެތަ. ބޮޑެތި ކުށްކުރާ މީހުންނަށް ހައްގު އަދަބު ދޭންޖެހޭނެ. ސީރިއަސް މައްސަލައެއްގެ ގޮތުގައި ބަލަމުންދާތަން ރައްޔިތުންނަށް ފެންނަންވާނެ. މައްސަލަ ނިމެންދެން އެ ޖަމާޢަތުގެ ޙަރަކާތްތައް ހުއްޓުވަންޖެހޭނެ. އެ ޖަމާއަތުގެ ހުއްދަ ވަގުތީގޮތުން ހިފަހައްޓާ. އެކަން ކުރެވޭނެ. ނުކޮށް ބަހަނާ ދެއްކުމުގެ ބޭނުމެއް ނެތް.