މިނިސްޓަރު އިމްރާން "މިހާރު" އަށް ވާހަކަ ދައްކަވަނީ. --ފޮޓޯ: ނިޝާން އަލީ/މިހާރު
21 އޮކްޓޯބަރ 2019 - 16:52
54 comments
މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ދީނަށް ފުރައްސާރަކޮށް ނެރުނު ރިޕޯޓުގެ މައްސަލައިގައި ގާނޫނީ އިމުގެ ތެރެއިން ފުލުހުން ފިޔަވަޅު އަޅަމުން އަންނަ ކަމަށާއި ދަތިތަކަކާ އެކު ވެސް، އެ ތަހުގީގު ކުރިއަށް ގެންދާ އިރު ލަސް ކަމަށް ދެކެވަޑައިނުގަންނަވާ ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.
އިސްލާމް ދީނާއި ރަސޫލާ އަށް ފުރައްސާރަކޮށް ވާހަކަތަކެއް ލިއެފައިވާ ރިޕޯޓެއް އެމްޑީއެން އިން ނެރުމުން ހަމައެކަނި އެ ޖަމިއްޔާ ސަސްޕެންޑް ކުރުމަކުން ނުފުދޭ ކަމަށާއި އެކަމުގައި ތަހުގީގު ލަސްކަމަށް ބުނެ ފާޑުކިއުން ވަނީ އަމާޒުވެފަ އެވެ. އެކަށީގެންވާ ފިޔަވަޅު ނާޅައި އެ މައްސަލައިގެ ތަހުގީގު ދިގުދަންމަމުންދާ ކަމުގެ ތުހުމަތު ވެސް ކުރެ އެވެ.
އެ ޝަކުވާތަކާ ގުޅިގެން މިނިސްޓަރު އިމްރާން "މިހާރު" އަށް ވިދާޅުވީ އެމްޑީއެންގެ ރިޕޯޓުގެ މައްސަލަ ފުލުހުންގެ ސަމާލުކަމަށް އައި ހިސާބުން ފެށިގެން އެކަމުގެ ތަހުގީގު ކުރިއަށް އެބަދާ ކަމަށެވެ. ޖިނާއީ އެ ތަހުގީގުގައި، ކުރަން ޖެހޭ ކަންކަން ދުވަހުން ދުވަހަށް ފުލުހުން ކުރަމުން އަންނަ ކަމަށް މިނިސްޓަރު ވިދާޅުވި އެވެ.
އިމްރާން ވިދާޅުވި ގޮތުގައި މައްސަލައިގައި ތުހުމަތު ކުރެވޭ މީހުން ރާއްޖޭގައި ނެތުމުން ފުލުހުންގެ ތަހުގީގަށް ދަތިތަކެއް އެބަހުއްޓެވެ. އެ ދަތިތަކުގެ ތެރޭގައި ވެސް މައްސަލަ ރަނގަޅަށް ތަހުގީގު ކުރަން އަޅަން ޖެހޭ ފިޔަވަޅުތައް އަޅަމުން އަންނަ ކަމަށް ވިދާޅުވި އެވެ.
އެމްޑީއެންގެ ރިޕޯޓް ލިއުނު އެންމެން މިހާރު ތިބީ ރާއްޖެ އިން ބޭރުގަ އެވެ. ރިޕޯޓުގެ މައްސަލައިގައި ތުހުމަތު ކުރެވޭ އަޒްރާ ނަސީމް ހޯދަން ފުލުހުން އިއުލާން ވެސް ކުރި އެވެ.
ތަހުގީގެއްގެ ގޮތުގައި ފުލުހުންނަށް ގެންދެވޭނެ އެންމެ ރަނގަޅު ގޮތަށް ގެންދާ ކަމަށް އަޅުގަނޑު ގަބޫލުކުރަނީ. ފުލުހުންގެ ޒިންމާ އަދާކުރުމުގައި، މައްސަލައެއް ތަހުގީގު ކުރުމުގެ ވިސްނުމަށް ބަލައިފިއްޔާ ފުލުހުން އެ ގެންދާ ގޮތް ގޯސްކަމަކަށް އަޅުގަނޑަކަށް އެއްގޮތަކަށް ވެސް ނުބުނެވޭނެ،" އިމްރާން ވިދާޅުވި
މިނިސްޓަރު ވިދާޅުވީ އެމްޑީއެން ރިޕޯޓުގެ މައްސަލަ އަކީ ހަމައެކަނި ފުލުހުންގެ ތަހުގީގާ ގުޅުން އޮތް ކަމެކޭ ވެސް ދެންނެވެން ނެތް ކަމަށެވެ. ފުލުހުންގެ ތަހުގީގީ މަރުހަލާގައި ކުރަން ޖެހޭ ކަންކަން ކުރިއަށްދާ ކަމަށް ވިދާޅުވި އެވެ.
"ތުހުމަތު ކުރެވޭ ފަރާތްތަކާ ހަމައަށް ފަސޭހަ އިން ފޯރާނެ ހިސާބެއްގައި ނެތުމުން އެ ދިމާވާ ދަތިތަކާ އެކުގައި ފުލުހުންގެ މަސައްކަތް ލަސް ކަމަކަށް އަޅުގަނޑު ފާހަގައެއް ނުކުރަން."
އެމްޑީއެން ރިޕޯޓުގެ ބޭރުގަނޑު: މި ރިޕޯޓާ ގުޅިގެން ފުލުހުންގެ ތަހުގީގު ލަސް ކަމަށް މިނިސްޓަރު ގަބޫލެއް ނުކުރައްވާ.
ދިވެހި ރައްޔިތުންގެ ދީނަކީ އިސްލާމްދީން ކަން ފާހަގަކުރައްވަމުން މިނިސްޓަރު ވިދާޅުވި ގޮތުގައި ރާއްޖޭގައި ދީނީ ހަމަޖެހުން ގާއިމްވެފައި އޮތުމަކީ ސުލްހަމަސަލަސްކަމަށް އެންމެ މުހިއްމު އެއް ކަންތަކެވެ. ދީނުގެ ނަމުގައި ހަރުކަށި އަމަލުތައް ހިންގަމުން ގެންދިއުމާއި ދީނަށް ކުޑައިމީސްކަން ރައްދުވާ ގޮތަށް ރާއްޖޭގައި ކަންކަން ހިނގައި ދިއުމަކީ ގަބޫލުކުރާނެ ކަމެއް ނޫން ކަމަށް ވިދާޅުވި އެވެ.
"އެފަދަ ކަންކަން ހަމަ މަގަށް އެޅުވުމަށްޓަކައި ކުރެވެން އޮތް ހުރިހާ މަސައްކަތްތަކެއް މިނިސްޓްރީގެ މޭންޑޭޓުގެ ތެރެއިން ކުރަމުން ގެންދާނެ ކަމުގެ ޔަގީންކަން ހުރިހާ ރައްޔިތުންނަށް ވެސް އަރުވަން،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސްމޭޝް
27 October 2019
ދީނޭ ކިޔާފައި ސިޔާސި ޕްރޮޕެގެންޑާ ޖައްސަނީ... ދީނޭ ކީއީމަ ދިވެހިން ޖަޒުބާތުގައި ޖެހި އަތުން ފައިން ގޯސް ހަދަން ވެސް ނުކުންނަނީ. ސަރުކާރުން އަޅާނުލަނެ އޭ ކިޔައި ސަރުކާރާއި މެދު ނަފުރަތު އުފައްދަނީ. އެހެން މީހުންގެ މަރު ހިފަންވެސް ގޮވަނީ...އަންދަން ވެސް ގޮވަނީ. މުސްލިމުންނަށް ވީތީ ކެތްތެރި ވާން ނޭގެނީ ބާ؟ ކަމެއް ހިގާއިރަސް ބުއްދިއަސް ވުރެ އަތް އިސްކުރާ އުސޫލު
ހުސެއިން
22 October 2019
ދެން ފަޔަށް ހިނިއަރައިގެން ޝެއިޚުން މިސަރުކާރުގައި މިތެޅެނީ ކިހިނެއް ވެގެންބާ! ކުރީ ސަރުކާރުގެ އެއްވެސް ކަމެއް ނުފެނި ކުއްލިޔަކަށް ކަރުބުރިކުރަން ، ފައިބުރިކުރަން ހުކުން އިއްވާ އިރު 5 އަހަރުން ޝެއިން ވިހާ ބޮޑުވެ ދީނަށސސސްތަކައި ގައުމަށް ތަކައި ފާޅުވަނީ ކީއްވެބަ!
ނައިންޓީ
22 October 2019
އާނ ! ވަޒީފާ ނުހަނު ބޭނުންތާދޯ! ބަލަ މޮޔަޔާ! ކަލެޔަށް އިނގިރޭސި ނޭންގޭނަމަ އެނގޭމީހަކު ހޯދައިން އަހާ އޮޅުންފިލުވާ! ދީނީ އީލްމުވެރިއެއްގެ އައިޑީގާހުރެ އެވަރުކަމެއް ވާއިރު ކޮން ތަހްގީގެއްގެ ވާހަކަ ތިޔަ ދައްކަނީ! ﷲ ގެ ކުޅަދުންވަންތަކަމަށް އިންކާރު ކޮށްފަވޭ އޭގަ. ރަސޫލާ އަށް މަލާމާތްކޮށްފަ ވޭ އޭގަ. އެކަންކަން ވަގުތުން ނުހުއްޓުވާ އެމްޑީއެން އުވާނުލާ ތަހްގީގް ކުރުމުގެ ބާރު ކަލޭމެނަށް ދިނީ ކޮންތާކުން ކާކު؟
ސޮބުރީ
22 October 2019
ތިޔާ ކަމެއް ނޭގުނު ތިކަމުގެ މީހުން ރާއްޖޭން ފިލައިގެން ފުރަފުރައިގެން ދަނީ ހީވަނީ ތަހުގީގު ނިމޭނީ އެންމެން ފޮށިތަންމަތި ބަނދެ ފުރައިގެން ދިޔާމަހެން
ދޮންދީދީ
22 October 2019
އިމްރާން ޝޭޚް ތިޔަ ބޭފުޅާ ގަބޫލުފުޅު ކުރައްވަންތޯ އެ ރިޕޯޓުގައި ރަސޫލާއަށް ފުރައްސާރަކޮއްފައިވަކަމަށް. ގަބޫލުފުޅު ކުރައްވާނަމަ އަވަހަށް އެކަން ކުރިބަޔަކަށް ފިޔަވަޅުއަޅާ އަދި އެމީހުންނަށް ނަސޭހަތްދީ. އިސްލާހުކުރުވާ. އެހެންނޫނީ މަނިކުފާނުވެސް އެކަމުގައިވަނީ ބައުވެރިވެފަ.
ޝީން
22 October 2019
އަމިއްލަ މީހާ ގެއްލުމާ ހަލާކުތެރައް ދިޔައިމަ ދެން އެހެން މީހަކަށ ދޭނެ ހެޔޮ ނަސޭހަތެއް ް އޮންނާނެތޯ؟
ނެގުނުކަތީބު
22 October 2019
ނަގޫ ފިތުނީމާ ދެން ތިނޫން އެއްޗެކޭ ކިޔޭނެތަ؟ ބަލަ ގާނޫނާއި ގާނޫނު އަސާސީއާއި މާތްވެގެންވާ އިސްލާމް ދީނާއި ނަބިއްޔާއަށް ބަދުބަސް ބުނީމާ އެކަން ކުށްވެރިކޮށް މުޒާހަރާކޮށް އެމީހުންނަށް ޙައްޤު އަދަބުދޭން ގޮވާލިމީހުންނަކީ ޓެރަރިސްޓުންނަށްވީގޮތެއް ޝައިޚު ބުނެދީބަލަ؟
އާދަނުބޭ
22 October 2019
ގިނަ މީހުންނަނީ ދުނިޔޭގެ ޖާހާ އިއްޒަތާ ޝަރަފް ބޭނުންވާ މީހުން. ތިމާ ގެ އުޅުމަށް އައި ބަދަލުން އެކަން އިނގޭ. މިއަދު ބޯޑުކާރު އަނދިރިކޮށް ހަށިފާރަވެރިން ގޮވައިގެން އުޅެވިދާނެ. އެހެންނަމަވެސް މާދަމާ އޮތްކަން ހަނދާންކޮށް ކީރިތ ރަސޫލާގެ ދިފާއުގައި މަގާމަށް ބެލުމެއްނެތި ފިޔަވަޅު އަޅަންޖެހޭ. ﷲ ގެ ހަޒްރަތުގައި ލިބޭ މާގަމްގެ މަތިވެރިކަން މާބޮޑުނޫންތޯ؟
މަހޭ ފޭން
22 October 2019
ދެބް ޕޮލިސް އައް ވައިޖަހާ..ﷲ މުސްލިމުނައް ނަސްރު ދެއްވާނެ..
ޙަސަންބެގެޚިޔާލު
22 October 2019
މިއީ ޕްލޭނެއްގެ ދަށުން ހިންގާ ކަންކަން. ޖަމްއިއްޔާތަކުގެ މަސްއޫލުވެރިކަން ހޯމް މިނިސްޓްރީއިން ނަގައި ޔޫތު މިނިސްޓްރީއަށް ހަވާލުލުރުން. ޢެމްޑީއެންގެ މީހަކަށް ކަމިޝަނަރކަން ދިނުން. ޢެމްޑީއެންގެ މީހަކު ރައީސްގެ އެޑްވައިޒަރަކަށްލުން. ޢޭގެ އިސްމީހަކު ސްޕްރީމްކޯޓުގެ ފަނޑިޔާރަކަށް އައްޔަންކުރުން. ޢަދި ޓެރެރިޒަމާބެހޭ ކޮމެޓީގައި އޭގެ މޭސްތިރިއަކު ހިމެނުން މިއީ ލާދީނިއްޔަތު ދިރުވައި އާލާކުރުމުގެ މަޝްރޫއުގެ ދަށުން ހިންގާފައިވާ ކަންކަން.
ކަމަލާ
27 October 2019
ހަސަނުބެއަށް މާމޮޅަށް އެނގެނީ...ވަރަށް ސަލާމް. ތިހިރި ހަމ ބުއްދި ފިލާ ބަޔަކުދެއްކި ދަޅައެއްގައި ތާށިވެފައި... ނަމާދުކޮށްގެން މިގައުމަށް ހެޔޮ އެދި ދޫއާކުރުން ވެސް މާ ރަނަގަޅު ވާނެ، ތިކަހަލަ ފާފައިގެ ހީތަކުގައި ތާށިފވެފައި ހުރުމަށްވުރެން.
ޗިން
22 October 2019
މީހާގެ އެޕިއަރެންސުންވެސް އެނގޭ ބަދަލުތަކެއް އައިސްފިކަން. މީގެ 5 އަހަރުކުރިން އަހަރުމެނަށް ކިޔަވަދޭން އައިއިރު ހުރި ދިގު ތުނބުޅި ކުރުވަމުން ވަމުންގޮސް މިހާރު ލައްކަ ކުރުކޮށް ހުއްޓާ މިފެންނަނީ.