ތިމާވެއްޓާއި ސައިންސުގެ ފިލްމު ފެސްޓިލެއްގައި ބައިވެރިވާން ހުޅުވާލައިފި

އަހުމަދު އަދްޝަން، މިހާރު

22 އޮކްޓޯބަރ 2019 - 14:33

ތިމާވެއްޓާއި ސައިންސާ ގުޅުން ހުރި ފިލްމުތަކަށް ހާއްސަކޮށްގެން އިންޑިއާގައި ބާއްވާ ފިލްމު ފެސްޓިވަލެއްގައި ރާއްޖޭން ފިލްމުތަކެއް ބައިވެރިކުރަން ނެޝަނަލް ސެންޓަ ފޮ ދި އާޓްސް (އެންސީއޭ) އިން މިއަދު ހުޅުވާލައިފި އެވެ.

އެތަނުން ބުނީ އަންނަ މަހުގެ 5-8 އަށް ކަލްކަތާގައި ބާއްވާ "ސައިންސް އެންޑް އެންވަޔަރަމަންޓް ފިލްމްސް ސްކްރީނިން އިން އިންޓަނޭޝަނަލް ސައިންސް ފިލްމް ފެސްޓިވަލް" ގައި ރާއްޖޭން ދޭއް ނުވަތަ ހަތަރު ފިލްމު ބައިވެރިކުރުމުގެ ފުރުސަތު ލިބިފައިވާ ކަމަށެވެ.

އެހެންވެ ފެސްޓިވަލްގައި ބައިވެރިކުރަން ޓެކްނޮލޮޖީ، އެންވަޔަރަމަންޓް، ހެލްތު އަދި ނޭޗަ ނުވަތަ ރާއްޖޭގެ ކޮންމެވެސް ކަމަކާ ގުޅޭ ތީމަކަށް ހަދާފައިވާ ޑޮކިއުމެންޓްރީ ނުވަތަ ކުރު ފިލްމުތައް ބައިވެރިކުރުމުގެ ފުރުސަތު މިހާރު ހުޅުވާލާފައިވާ ކަމަށް އެންސީއޭ އިން ބުންޏެވެ.

#IISF is a celebration to promote Science & Tech and demonstrate how science could lead #India towards a developed nation within a short span of time.#IISF2019 expects to host a gathering of around 12,000 participants from India and abroad.

📍- #Kolkata
🗓️- 5th - 8th Nov 2019 pic.twitter.com/5Bddzvopd4
— PIB India (@PIB_India) October 22, 2019

މިކަމަށް އެދޭ ފަރާތްތަކާ ބެހޭ މައުލޫމާތު [email protected] ނުވަތަ [email protected] އަށް އީމެއިލް ކުރަން އެދޭ ކަމަށް އެންސީއޭ އިން ބުންޏެވެ.

"އިންޑިއާ އިންޓަނެޝަނަލް ސައިންސް ފިލްމް ފެސްޓިވަލް" އަކީ އިންޑިއާގެ ޑިޕާޓްމަންޓް އޮފް ސައިންސް އެންޑް ޓެކްނޮލޮޖީން އިންތިޒާމުކޮށްގެން ބާއްވާ ފެސްޓިވަލެކެވެ. މީގައި އިންޑިއާ އިން އިންޑިއާ އިން ބޭރުން 12،000 މީހުން ބައިވެރިވާނެ އެވެ.

އޭގެ ތެރޭގައި ސާކްގެ ހުރިހާ ގައުމުތައް ހިމެނޭނެ އެވެ.