ފުލުހުން މިރޭ މާލޭގައި ހިންގާ ޚާއްސަ އޮޕަރޭޝަން ގައި އެސްއޯ ފުލުހުންތަކެއް ހަރަކާތްތެރިވަނީ: ހަނގުރާމަވެރި ޖަމާއަތްތަކަށް ދިވެހިން ރެކްރޫޓު ކުރާ މީހަކު މިރޭ ވަނީ ހައްޔަރު ކޮށްފައި.
23 އޮކްޓޯބަރ 2019 - 23:29
53 comments
ރާއްޖޭގައި ފުޅާ ދާއިރާއެއެއްގައި ހަރުކަށި ފިކުރު ފަތުރަމުންދާ އަދި ރާއްޖެ އިން ބޭރުގައި ހިންގާ ހަނގުރާމަވެރި ޖަމާއަތަތްކަށް ދިވެހިން ފޮނުވާ ކަމަށް ތުހުމަތު ކުރެވޭ އިސް މީހަކު މިރޭ ހައްޔަރުކޮށްފި ކަމަށް ފުލުހުން ބުނެފި އެވެ.
އުމުރުން 35 އަހަރުގެ އެ ދިވެހި ފިރިހެން މީހާ އަށް ފުލުހުން ކުރާ އެއް ތުހުމަތަކީ ހަނގުރާމަވެރި ޖަމާއަތްތަކަށް މީހުން ރެކްރޫޓް ކުރުމެވެ.
އެ މީހާ ހައްޔަރުކުރީ ކޮން ތަނަކުން ކަމެއް އަދި އިތުރު އެއްވެސް މައުލޫމާތެއް ފުލުހުން ހާމައެއް ނުކުރެ އެވެ. އެކަމަކު، "މިހާރު" އަށް އެނގިފައިވާ ގޮތުގައި އެއީ ޕާކިސްތާނުގައި ހަނގުރާމަ ކުރަން ކުރިން ހަރަކާތްތެރި ވެފައިވާ މީހެކެވެ. އަދި އެއީ ސީރިއާ އާއި އަފްޣާނިސްތާނުގައި ވަރަށް އިސް މީހެއްގެ ގޮތުގައި އައިސިސް އަށް މަސައްކަތް ކޮށްދިން މީހެއް ކަމަށް ވެ އެވެ. މީގެ އިތުރުން މާލީ ގޮތުން ވެސް އެހީތެރިކަން ދޭ ކަމަށް އެނގިފައި ވެ އެވެ.
އޭނާ ހައްޔަރުކުރިއިރު، އެސްއޯ ފުލުހުން މާލޭގެ ބައެއް ސަރަހައްދުތަކުގައި އަންނަނީ މިރޭ ހަރަކާތްތެރިވަމުންނެވެ.
ޓެރަރިޒަމްގެ ކުށްތައް ހުއްޓުވަން ޚާއްސަ ބާރުތަކެއް ފުލުހުންނަށް ލިބޭ ގޮތަށް ޓެރަރިޒަމްގެ ގާނޫނަށް މި މަހު ގެނައި އިސްލާހުގައިވާ ގޮތުން ސަރުކާރުގެ ހުއްދަ ނެތި ހަނގުރާމަވެރި ސަރަހައްދަކަށް ދިއުމާއި ޓެރަރިސްޓް ޖަމާއަތަކަށް ތާއީދު ކުރުމަކީ ކުށެކެވެ. އަދި އެ ގާނޫނުގެ ދަށުން ވަނީ ޓެރަރިސްޓު ޖަމާއަތްތަކަކީ ކޮބައިކަން ވެސް ކަނޑައަޅައިފަ އެވެ.
ސީރިއާ ގައި ހިނގާ ދާޚިލީ ހަނގުރާމައިގައި ބައިވެރިވުމަށް ދިވެހިންގެ ތެރެއިން ގިނަ ބަޔަކު ގޮސްފައިވާއިރު، އޭގެ ތެރެއިން ބައެއް މީހުން ވަނީ ހާލުގައި ޖެހިފަ އެވެ. އެ ގައުމުގެ އެކި ކޭމްޕަތަކުގައި ތިބި އެ މީހުން ރާއްޖެ ގެނެވޭތޯ ބަލަމުން އަންނަ ކަމަށް ރައީސް އިބްރާހިމް މުހައްމަދު ސޯލިހު ދާދި ފަހުން ވަނީ ވިދާޅުވެފަ އެވެ.
ސީރިއާގެ ހަނގުރާމައިގައި ބައިވެރިވި ގިނަ ދިވެހިންތަކެއް މަރުވެފައިވެ އެވެ. އެކަމަކު ސައްހަ އަދަދެއް ސަރުކާރުގެ ކަމާބެހޭ ފަރާތްތަކަށް ވެސް މިހާތަނަށް ސާފެއް ނޫނެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންމަނިކު
17 December 2019
ހަގުރާމައައް ތަމްރީނު ހަދާފައިވާ މީހުން ގެންނާނެ ކަމެްނެއް ބައެއްފަހަރު ކުށެއްނެއް މީހުންވެސް މުސީބާތުގައި ފަނާވެދޭ ، ކު ޑައެއް ބޮ ޑެއް ނެއް މި ފަސްގަ ޑުން ދެން ޖާގަނުދޭތި؟ ހުރި ނުރައްކަލެއްގެ ބޮ ޑުކަމާއެވެ. ލަވް ޕީސް
ފިލާވަޅު
24 October 2019
ކަންތަކާ ލާއިގަތީމި މިތަން ހަލަބޮލިކޮށްލަން މިއުޅެނީ ފުރަތަމަ ރަންގަޅު އެނަލިސިަސް އަދި ކެޕޭސިތީ ނެތި ރަންގަޅު އެޕްރޯޗެއް ކިހިނެއްބާ އެގްޒިލުޓްކުރާނީ ބޯހަލާކު މިމީހުންނާހެދިވެސް ސެކިޔޯރިޓީ ފޮތުގެ ބަޑޭރެގަޑު ކިޔާފަ ކަންކަން މިކުރަނީ
ރިފީ
24 October 2019
ބަލަ ކީއްވެ ފުލުހަށް ހާޒިރުވާން ޗިޓު ނުފޮނުވީ؟
ގޯޕާލް
24 October 2019
#ބޭންއެމްޑީއެން ކިޔާތީ ހަމަ ޖަހާހާ ސަކަރާތް. ދެން ރައީސް ބުނިހެން #ބޭންއެމްޑީއެން ކިޔާ ކޮންމެމީހަކީ ޓެރަރިސްޓަކަށް ހަދައި ޖަލަށްލައި. ގައުމުގައި ލާދީނީ ފިކުރު އަށަގެންނެވުމަށް ސިފައިންވެސް ފުލުހުންވެސް ފުރުޞަތު ނުދޭނެކަމަށް އުންމީދުކުރަން. މާތް ﷲ ގަންދީކުރި ހުވާ ހަނދާން ހުންނާނެ އިރާދަކުރެއްވިއްޔާ!
އޭޑީ
24 October 2019
ލާދީނީ ފިކުރަށް ފުލުހުންނާއި ސިފައިން ޖާގަނުދޭނެ ފަދައިން ހަރުކަށި ވިސްނުމުގެ ޓެރަރިސްޓުންނަށްވެސް ދިވެހި ފުލުހުންނާއި ސިފައިން ފުރުސަތެއްނުދޭނެ! ފުރުސަތުދީފިނަމަ އެއީ ދުނިޔޭގައި އަލަށް ގައުމެއްގެ ސިފައިންނާއި، ފުލުހުންގެ ފައުޖު ޓެރަރިސްޓުންނަށް ބަދަލުވީކަމަށް ބަލާފައި، ދުނިޔޭގެ ބޮޑެތި ބާރުތަކުން ދިވެހިރާއްޖެއަކީ ސީރިޔާގައި އުފެދުނުފަދަ އައިސިސް ޖަމާއަތް ކަހަލަ ބައެއްގެ ގޮތުގައި މުޅި ދިވެހިރާއްޖެ ނަންވެގެންދާވަރުގެ ކަމެއް.
ސސސސސ
24 October 2019
ނޫސިނު ޓެރަރިޒަމް ކިޔަވައިގެން އިބޫ ކައިރީ ބައިންދާފައި އެއެިނީ ދިވެހިންނަށް މާލާމާތްކުރަންތަ؟ އެވެސް ހައްޔަރުކޮށް ތަހުގީޣު ކުރެ
އޭޑީ
24 October 2019
ތިޔަ ރިޕޯޓު ތައްޔާރުކުރި މީހުންގެ ލިސްޓުގައި ނޫޝިންގެ ނަމެއްނެތް! އޭނާގެ ބައިވެރުމެއްނެތް. ގައުމެއްގަ ކުރާ ހުރިހާ ކުށެއްގެ ޒިންމާ، އެގައުމުގެ ރައީސް ނަގާކަށް ނުޖެހޭ! ޖަމުއިއްޔާއެއްގެ ނަމުގައި ވަކި ބަޔަކު ކުރާ ހަޑިމުޑުދާރު ކަމަކުން ޖަމްއިއްޔާ ހިންގަންތިބޭ އެންމެން ކުއްވެރިނުކުރެވޭނެ. އިސްލާމްދީނުގެ އިންސާފު ހަމަޖެހިފައި އޮތީ ހީ އެއްގެ މައްޗަށް މީހުންނާއި ދިމާލަށް ލާދީނީއޭ، ކާފަރޭ ގޮވޭގޮތަކަށް ނޫން އިނގޭތޯ؟ މިއީ ތޯރާ ބޯރާއެއްނޫން. މިއީ ޖަޒީރާރާއްޖ
78787
24 October 2019
ތިޔަކަހަލަ ނުރައްކާތެރި މީހުން ހައްޔަރު ކުރަން ދާއިރު ފުލުހުްނ އަތައް ފިސްތޯލަ ދޭންވާނެ އެމީހުންގެ ރައްކަލަކަށް. އިބަރާހިމާ ސިންގަޕޫރުގައިވެސް ހަދަނީ އެހެނޭ ޑްރަގާ ބޮޑެތި ކުށްވެރިން ހައްޔަރު ކުރަންދާ ފުލުހުން އަތަށް ފިސްތޯލަ ދެނީ. މީ އެތާ އޭޖީ މަ ކައިރީ ބުނި ވާހަކައެއް.
ހަސަނު
24 October 2019
އެބަ ރަނގަޅުވޭ.. މީގެ ކުރިންވެސް ހައްޔަރު ކުރި .. އިރު އިރު ކޮޅާ ހައްޔަރު ކޮށްގެން ކަމަކު ނުދާނެ.. ހައްޔަރު ކުރާ ގޮތަށް ދެން އިތުރަށް ހައްޔަރު ކުރާން ނުޖެހޭ ގޮތަށް އެކަން ކުރިއްޔާ ކަމެއްވި ކަމަށްވާނީ.. މި ބުނީ ޓެރާ ގާނޫނުގެ ދަށުން ހުކުމެއް ކުރެވި އާންމުންގެ ތެރެއަށް ނުނިކުމެވޭ ގޮތަށް ޖަލަށްލުން
ސިއްދީގު
24 October 2019
އެމްޑީއެން މައްސަލަ ހޫނުވެގެން ހަދާނެ ނަހަދާނެ އެއްޗެއް ނޭނގިގެން ސަރުކާރުން އުޅެނީ.. ނަޝީދު ރުއްސަން މިހާރު ތިއުޅެނީ ބިރުން.. ޓެރަރިސްޓުން ހައްޔަރު ކުރަންވީ.. ހަމަ އެގޮތައް، އެމްޑީއެން މައްސަލަ ވެސް ތަހުގީގު ކުރެވެން ޖެހޭނެ
އޭޑީ
24 October 2019
ބަލަ މިތާންގައި ރައީސް ނަޝީދުގެ ނަން އަންނަން ޖެހުނީ ކީއްވެ؟ މިކަމާއި ނަޝީދާއި ކޮބާ ގުޅުމެއް! ތިއީ ހަމަ ދީނުގައި އޮންނަގޮތްތަ؟ ކަމަކާއިނުލާ، މީހެއްގެ އަބުރު ކަތިލުމާއި، އެމީހަކާއި، ހެއްދެވިފަރާތާއި ދެމެދުވާ އަގީދާއާއިމެދު ސުވާލު އުފެއްދުން މިއީ ހަމަ ދީނުގައި އޮތްގޮތްތަ؟ މަށަށް ހީވަނީ ތިކަހަލަ މީހުންނަކީ އަދި އެމްޑީއެންގައި އުޅޭ މީހުންނަށްވުރެ ނުބައިނުލަފާ ބައެއްހެން
ހައްޔަރުކުރޭ
24 October 2019
ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ ހައްޔަރުކުރޭ!
އަލް ޙަފްސް
24 October 2019
ސާބަހޭ ފުލުހުން! ހައްޤު އަދަބު މި މީހުންނަށް ލިބެންޖެހޭ!