މަޖިލީހުގެ އިދާރާގައި މެމްބަރުން ދާއިރާގެ ރައްޔިތުންނާ ބައްދަލުކުރެވޭ ގޮތަށް ހަމަޖައްސައިފި

ރައްޔިތުންގެ މަޖިލީހުގެ އިދާރާ: މެމްބަރުން ދާއިރާ ރައްޔިތުންނާ ބައްދަލުކުރުމުގެ އިންތިޒާމް ހަމަޖެހޭނެ ކަމަށް މަޖިލީހުން މިއަދު ބުނި. --ފައިލް ފޮޓޯ/މިހާރު

27 އޮކްޓޯބަރ 2019 - 19:33

2 comments

ރައްޔިތުންގެ މަޖިލީހުގެ އިދާރާގައި މެމްބަރުންގެ ދާއިރާތަކުގެ ރައްޔިތުންނާ ބައްދަލުކުރެވޭ ގޮތަށް ހަމަޖައްސާފައިވާ ކަަމަށް މަޖިލީހުގެ އިދާރާ އިން މިއަދު ބުނެފި އެވެ.

ރައްޔިތުންގެ މަޖިލީހުގެ އިދާރާގައި ބޭއްވި ނިއުސް ކޮންފަރެންސެއް ގައި، އަމީން އާންމު ފާތިމަތު ނިއުޝާ ވިދާޅުވީ، ދާއިރާތަކުގެ ރައްޔިތުންނާ މެމްބަރުން ބައްދަލުކުރެއްވުމުގެ ކަންތައްތައް މަޖިލީހުގެ މެމްބާ ސާވިސަސް ސެކްޝަނުން އިންތިޒާމް ކޮށްދޭނެ ކަމަށެވެ. ރައްޔިތުންގެ މަޖިލީހުގެ އިދާރާގެ އާ އިމާރާތް ބޭނުން ކުރަން ފެށުމުން އެ އިންތިޒާމް ހަމަޖެހޭނެ ކަމަށް މަޖިލީހުން ކުރިން ވެސް އޮތީ ބުނެފަ އެވެ.

"މިއީ ވެސް މެމްބަރުންނާ ރައްޔިތުންނާ ދެމެދު އޮންނަ ގުޅުން ވަރުގަދަވާނެ ކަމެއް ކަމަށް އަޅުގަނޑުމެން ދެކެން،" ނިއުޝާ ވިދާޅުވި އެވެ.

މަޖިލީހުގެ އިދާރާގެ އާ އިމާރާތް ބޭނުން ކުރަން ފެށުމުން މަޖިލީހުގެ މަސައްކަތަށް ބޮޑު ފަސޭހައެއް ވާނެ ކަމަށާއި އެގޮތުން ކޮމިޓީތަކުގެ ބައްދަލުވުންތައް ބޭއްވުމަށާއި މެމްބަރުން ބާއްވަން ޖެހޭ އެކި ބައްދަލުވުންތަކަށް އެތައް ގުނައަކަށް އިތުރު ޖާގަ ލިބޭނެ ކަމަށް ކުރިން ބުންޏެވެ.

މަޖިލީހުގެ އިދާރާގެ އާ އިމާރާތުގެ މަސައްކަތް ރަޝީދު ކާޕެންޓްރީ އެންޑް ކޮންޓްރެކްޓާސް (އާރްސީސީސީ) އާ ހަވާލުކުރީ ސެޕްޓެމްބަރު 14، 2011 ގަ އެވެ. ނަމަވެސް އެކި ސަބަބުތަކާ ހެދި އެ މަސައްކަތް ފެށުން އެތައް ދުވަހަކަށް ލަސްވި އެވެ. އެ އިމާރާތް ނިމި ބޭނުންކުރަން ފެށީ މި އަހަރު އެވެ.

އެމްޑީޕީ ރައްޔިތުންގެ މަޖިލިސް ޖުމްހޫރީ ޕާޓީ ޕީޕީއެމް ރާއްޖޭގެ ގާނޫނުއަސާސީ ރައްޔިތުންގެ މަޖިލީހުގެ އިންތިޚާބު 2019

2 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަތްނެތްކުއްޖާ

27 October 2019

މަޖުލިހުގައި އޭރުވެސް މިހާރުވެސް މެމްބަރުކަން ކުރައްވަމުން ގެންދާ ވިޔަފާރި ވެރިއެއް މި ރިސްވަތުގެ މުޑުދާރު ފައިސާ އިން މާލޭގެ މަޖީދީ މަގުގެ މެދުތެރެއިން 16 ވަރަކަށް މިލިއަން ރުފިޔާ ދީފައި ގޯޗެއް ބައްލަވައި ގަނެ އަދި އެތަނުގައިވެސް މިހާރުވެސް އެ މެމްބަރަކު ވިޔަފާރި ކުރައްވަމުން ގެންދާ ވާހަކަ މަމެން ރައްޔިތުން އަހަނމު. މިކަންވެސް ބައްލަވައިދެއްވާނެ ކަމަށް އުއްމީދު ކުރަނމު.